15
9
14
2-min walk from Exit A1, Tin Hau MTR Station
continue reading
Telephone
25713348
Introduction
Street and neighbor style food highlights MSG-free cooking, most popular dish is Deep Fried Garlic Chicken.
continue reading
RELATED ARTICLES
食物質素可以，但老板娘超白鴿眼，對大客確實有點過份懶熱情，對其他客人並不尊重，説話也不禮貌，若想見識一下眼厲厲的老板娘 -（略胖矮上了年紀）,兼食到一吐氣，㷫烚烚走，即管試吓！至於價錢，午市價錢可以，晚市用餐價錢超離地，餐廳格局一般地踎，沒有什麼裝潢，座位空間窄，環境侷促，但價格定位，媲美高級粵菜餐廳酒樓，物非所值，再加上老闆娘待客態度不理想，並非值得推薦餐廳，食客在這區的選擇還多呢！以上是我對該食肆個人感受及經歷，希望對該食肆有所幫助。
continue reading
超級難吃，一試難忘，仲夠膽收咁貴價錢，真係唔明老闆冧咩！唔通真係當香港食客全部都係豬頭？中秋晚冧住去大坑睇火龍，經過石記廚房，見門面有D傳統中式小店feel，入去。冇訂枱，不幸竟然有張2人枱可坐，咁就中伏了。睇餐牌，偏貴，炒青菜都收你百幾蚊，自然對出品有好大期望。落單唔夠兩分鐘說上菜，唔係馬，咁快？先來所謂陳皮喼汁金沙骨，一個小碗裡胡亂堆上7，8粒跟我手指尾差不多大小的豬骨，下墊以幾塊生菜，賣相零分。入口，一陣酸醋味直衝喉嚨，點都試唔出邊度有陳皮同喼汁嘅味道！仲有，骨多肉少，每舊都只係可以用門牙輕咬，我嘅大牙有咩用呀！大佬，呢個菜你收人168蚊㗎，點可以求其成咁！再來一個所謂上湯中蝦煎米粉，可以入口，但味道欠奉，睇清楚，原來餐廳吹噓自己不落味精，你咬佢唔入。不過食晒全碟米粉，仍然唔飽 ，你可以想像食物嘅份量有幾大。但呢碟嘢收人318蚊，食水都幾深。對呢間餐廳唯一冇意見嘅係冇收你茶錢同加一。食呢餐接近5舊水，出門口仲要再掃街先夠飽。經此一役，以後唔敢未睇食評就亂去食店幫2襯了！
continue reading
紅假去食lunch，晚飯咁嘅價錢，份量少，味道非常一般，都算啦...坐得逼，都算...茶餐廳係咁侍應、收銀同樣都係態度唔好，呢個真係冇得算！抬頭一睇，米芝蓮，憑甚麼？佢令我第一次寫食評，多謝晒！總之冇下次
continue reading
2034 views
母親節食飯時，居新界嘅契舅父講起話前排去過天后，喺一家叫「石記廚房」度食咗餐好有水準嘅客家菜。席上嘅長輩一聽到契舅父竟然肯專程坐咁遠車去食飯，食完仲讚不絕口喎，大家即起哄擇日，一星期後就去試試。入夜後嘅餐廳一啲都唔起眼。用餐大堂中間擺有幾張大圓枱，拍牆則排出一列卡位。私人派對被安排於隱蔽嘅廂房內進行，不過廂房面積唔大，一圍頂多坐八個人。店子並冇花巧嘅裝潢，牆身都只係簡單貼出餐牌供食客參考。原來當晚嘅菜式均為主人家一早預訂，大多更加係餐牌上冇嘅；由於自己飯前於歡樂時光已經飲到high high地，所以嗰日未有調查價格，還望讀者們見諒。炸子雞：原隻炸子雞皮層巧薄香脆，最難得就係連啲雞胸肉都白滑軟嫩，掂呀！石記螞蟻上樹：所謂「石記螞蟻上樹」其實係銀芽肉碎蛋花炒粉絲，用煲仔上夠熱又夠鑊氣。粉絲炒得好夠乾身，加咗芽菜可增添爽脆之口感，混入肉碎及蛋碎已能調出香味，簡單可口。油浸筍殼魚（$268）：細佬一向少食魚，飲咗成個幾鐘頭Happy Hour後當然更加係冇擔試啦，不過聽到舅父同大肥爸爸不停讚個魚皮香脆，啲魚肉又嫩喎，估計條筍殼魚應該都幾正。碌鵝：鵝隻上枱時，住家廚神契舅父介紹此道「碌鵝」為客家名菜，顧名思義，師傅真係要成隻鵝邊煮邊碌好多轉先可均勻地上色同煮到入味。除此之外，原來揀鵝都好有學問架，佢話鵝細經唔起碌碌會縮水，鵝大又會煮到啲肉又老又嚡，碌嘅時候仲要好有耐性同心機添，絕對屬功夫菜。甜甜嘅碌鵝皮層軟滑，厚厚嘅鵝肉鬆潤柔韌有彈性；嘩，八口子食完成隻炸子雞後竟然可以成隻碌鵝都清埋，美味程度不言而諭！黃金鮮蟹肉蛋白扒冬瓜（$148）：以鮮蟹肉及蛋白點綴嘅扒冬瓜外表已幾非一般，入口更覺冬瓜腍中帶爽，潤滑而不油膩，蟹肉鮮甜幼嫩，堅好味！上湯蒜子浸芥菜膽：翠綠修長嘅芥菜膽軟身得黎帶點脆，最有驚喜就係連小肥都食得出當中嘅「甘」味！豉油皇元貝粉絲煲（$198）：粉絲煲熱力十足，粉絲麵條煙韌帶甜，帶子亦鮮香脆嫩，其實都唔錯架，無奈因有對比下就會覺得濕炒粉絲不及之前嗰味乾炒粉絲「螞蟻上樹」咁香口。午餐肉煲仔飯：壓軸為陣店招牌菜「午餐肉煲仔飯」，仲要由老闆娘親自即場撈製分配，認真唔講得笑！以石鍋上嘅煲仔飯唧唧聲，熱力確真沒法擋，白飯粒粒飽滿彈牙，簡單拌入甜豉油、午餐肉及太陽蛋，飯品已夠芳香惹味，一人一碗仔，份量啱啱好。「石記廚房」位於天后橫街，深色嘅門面不甚起眼，酒樓式嘅間隔亦看似普通，可能閒日客人不多，故連老闆娘都要落手落腳自己招呼，誰知原來店子暗藏高手！客氣嘅主人家早已為八人宴席預訂好八道菜餐單，每道餸菜均色香味俱全，質高味佳，碟碟清可算係向師傅道謝及致敬，請容許小弟在此再次多謝契舅父咁好介紹！
continue reading
我們詢問是否可以把大門關上因為有點冷，一位女性服務生（不是本地人）說不可以讓我們換一個方向坐，我們說不用了，當她走過我們身邊時很大聲的用英文說”disgusting”, 我走上去要她道歉，她很慫的拒絕承認她的言行，說自己什麼也沒說，敢做不敢承認，令人更失望的是，餐廳老闆娘也沒有向我們道歉還維護此服務生，這樣態度簡直不配擁有那些米其林的標示
continue reading