小漁港海鮮舫 鮮蒸‧鮮味火鍋

Open Now

Now Closed

今次黎到太子食飯，揀左呢間小漁港海鮮舫鮮蒸‧鮮味火鍋，呢間店係蒸氣鍋出名既，我地又幾鐘意食海鮮，所以就黎試下啦🤓避風塘鮮魷（$68）鑊氣小炒，鮮魷包得好實d炸漿 好香口，等海鮮蒸熟之前不失為一個好嘅小食🦑是日廚師智選套餐（$318/1位）星期一至四黎食套餐埋單價免加一 •免茶芥 • 免小食首先黎個刺身拼盤，雖然佢地主打食蒸氣火鍋，但刺身一啲都唔馬虎，三文魚，北寄貝，希靈魚 帶子，油甘魚，樣樣都好好食 好新鮮，有驚喜🐠🐟之後就食蒸氣鍋第一份蒸係海鮮，鮑魚、粉絲扇貝、馬友同埋大蝦，鮑魚好彈牙，扇貝大大粒、大蝦好新鮮，點少少辣椒豉油就最啱，我覺得最驚喜仲有馬友，連平時唔多鍾意食魚既我，都覺得好滑好好味👍🏻第二份海鮮有花甲，蜆同螺，蜆超級清甜，唔洗點任何野都非常好食，花甲無沙，螺都係大大粒😋第三份海鮮係蟹，一開始店員就已經將蟹殼放咗喺鍋底度同啲生米一齊煮個粥，依兩隻蟹好多膏，肉質鮮甜、蟹鉗啖啖肉，好得🦀主食方面，有蟲草花蒸雞配烏冬底，加上時令蔬菜，蔬菜包括有南瓜、芋頭、粟米、紫薯同勝瓜 佢哋吸晒蒸雞嘅汁，尤其係芋頭同南瓜，加埋個烏冬簡直一絕🍜最後成餐飯嘅精華所在，集合鮮味於一身嘅蟹膏豬骨粥，佢

話說我男友好中意食海鮮，咁就佢黎呢間小漁港海鮮舫試下，用親民價錢就可以食到時令海鮮大餐，梗係要試下啦😆🌟是日廚師智選套餐（$318/位）🍣刺身拼盤拼盤有五款刺身，包括三文魚、北寄貝、希靈魚、油甘魚、馬刀貝，款款都好新鮮🤩最中意食既係油甘魚，好香油甘味，真係好想再ENCORE；北寄貝粒粒都好厚切，食落啖啖肉😍🥠炸豆腐小食炸豆腐外脆內軟，再加埋啲炸蒜，超惹味😋💥時令海鮮：🔹扇貝、海蝦、鮑魚仔海蝦隻隻都好大隻，肉質好鮮甜🥰鮑魚仔夠晒新鮮彈牙；扇貝都好大粒，配埋蒜蓉粉絲一齊食超惹味😚🔹牛肉粒牛肉粒蒸得岩岩好，食落唔煙韌之餘仲好多汁💦而且仲好重牛味，唔錯👍🏻 🔹沙白、花螺、生蠔沙白同花螺粒粒鮮甜又Juicy💦正👍🏻生蠔都好鮮又肥美🔹肉蟹蟹蓋一早放入粥底熬煮，蟹大隻得黎食落啖啖都係肉又鮮甜，真係食到停唔到口🤤💥四款時疏及主食：必食蟲草花蒸雞烏，烏冬充滿蟲草花同雞既精華🤩而且烏冬好軟糯超中意食，另外仲有粟米、甜薯、南瓜及絲瓜，每款都好清甜🩷 💥海鮮粥食哂所有海鮮後，粥底充滿蟹香同海鮮精華🤩金黃色好吸引，食落鮮甜之餘仲有淡淡海鮮味，真係要留肚食，就算食唔哂都可以打包返屋企食🥰

今日老公專誠book左位置太子的小漁港海鮮舫。平日晚上8:30pm仍全場滿座確實好多人幫襯😊食物水準高，海鮮夠新鮮，我哋叫左廚師套餐，價錢亦吾貴，絕對是性價比高順帶一道，呢度職員服務態度非常好，主動介紹食物，仲幫埋我地蒸海鮮添，值得一讚廚師智選套餐 $318一位套餐包括：刺身拼盤、八款時令海鮮、四款蔬菜、蟲草花蒸雞，豬骨粥底刺身三文魚、帶子、希靈魚、吞拿魚、帆立貝五款刺身好新鮮。特別鐘意帶子同帆立貝爽口彈牙避風塘鮮魷 $68避風塘鮮魷炸得非常酥脆惹味，鮮味彈牙，好味道龍蝦厚肉淸甜 鮮味十足鮑魚、海蝦、扇貝、魚款款海鮮都好新鮮。鮑魚爽口彈牙，蒜香扇貝粉絲好入味， 海蝦同魚都夠鮮味蠔、蜆貝殼類同樣高質新鮮 好味道蟲草花蒸雞、栗米、芋頭、南瓜、蕃薯蟲草花蒸雞有驚喜，雞肉幼滑入味，烏冬充滿雞汁好精華 好味道瑤柱豬骨粥(粥底)一早準備好的瑤柱豬骨粥，放埋龍蝦頭，同經過多款蒸海鮮的精華，完全融入粥底，非常美味。最終食吾晒，要打包添

小漁港海鮮舫 鮮蒸‧鮮味火鍋 Seafood Port Restaurant 📍太子荔枝角道127-133號地舖星期四晚，媽咪帶咗我妹去澳門，得返我同老爸食自己。既然機會難得，無理由食外賣咁頹嘅，於是我就帶咗老豆食海鮮大餐，實行有大食大，等佢哋隔住個海羡慕下！我會知道太子有呢間叫小漁港嘅餐廳，全因為我嘅識食好友介紹，佢食過之後讚口不絕，話性價比高，海鮮又新鮮，叫我bookmark定搵次去食。呢晚臨時臨急要搵餐廳，我就醒起可以帶老爸嚟呢度食，一嚟清蒸健康啲，二嚟又可以坐得耐，唔洗趕頭趕命食。呢間餐廳嘅店員姐姐們都非常好服務，即使座無虛席，忙到甩轆，佢哋依然好有禮貌咁介紹食材、又會不時check下個爐，主動招呼食客，服務一流！ 💰$68避風塘鮮魷 🦑主打海鮮嘅小漁港，除咗蒸氣火鍋外，最受歡迎嘅小菜必定要數到呢道避風塘仙遊。佢嘅炸粉唔會好厚，魷魚炸得剛剛好，爽脆唔韌，我自己最鍾意食魷魚鬚嘅位置。雖然睇落好多辣椒，但其實個椒鹽唔會好辣，反而好重蒜香味，係等海鮮蒸熟期間，可以邊食呢度人氣小菜，邊嘆住玻璃樽裝嘅飲料，唔使呆等。 💰$318/位是日廚師智選套餐 👨🏻‍🍳我哋揀咗呢一個比較優惠嘅套餐，

呢一間海鮮蒸氣火鍋真係CP值超級高！有刺身又有咁多新鮮海鮮～價錢都只係$318/位😍‼️（逢星期一至四平日仲要免加一/茶芥/小食費）呢個價位真心抵食呀❤️食材又新鮮～絕對可以再encore！📌$318套餐包括有 -🐟先會上刺身拼盤～有三文魚,北寄貝,希靈魚,帶子,油甘魚🦑另小食避風塘鮮魷～送酒小食perfect match1️⃣第一round海鮮/ 鮑魚大蝦扇貝魚件🦐大蝦大隻厚肉～扇貝鮑魚都好大隻！魚件很嫩2️⃣第二round海鮮/花甲花螺🐚花甲超大隻～超級鮮3️⃣第三round海鮮/ 蒸蟹🦀超級多肉多膏～勁鮮甜！4️⃣第四round /蒸雞時蔬烏冬底🐔個烏冬不得了!!吸收晒雞油嘅精華～超級好食！蒸雞肉好嫩滑～5️⃣最後一round / 蟹蓋瑤柱排骨粥🥣最初先放蟹蓋落最底層煲粥,食完以上嘅海鮮到個粥煲到最後岩岩好但其實未食到個粥已經係會超級飽⋯當日探店係星期一都全場full house仲要有人龍等位～所以記得要預早book定位啊✅

粥底火鍋❤️ 食海鮮最唔肥 多多都唔怕太豐盛啦一定要同大家分享同朋友叫左個每人$318嘅set一叫完姐姐已經好快就送上刺身拼盤份量岩岩好 刺身好厚身 值回票價同步就有姐姐開始幫我地整個粥底有瑤柱同埋豬骨❤️蟹好多膏 my favourite!魚呢我係超鐘意食馬友的 所以完全岩哂我心水蟶子同貝都好新鮮食完咁多海鮮同小 係咪覺得係時候食粥錯啦！仲有蔬菜五寶 同埋雞烏冬啊❤️雞好滑烏冬好入味最值得一題，係啲芋頭同雞一隻精，又粉又濃味，好正❤️個海鮮粥就唔洗講啦 好香好燶好綿$318 廚師是日精選套餐刺身拼盤貝殼三寶元貝一隻新鮮海蝦蟶子蟹馬友農家四寶蟲草花蒸雞烏冬底小漁港海鮮舫太子荔枝角道127-133號地

🇭🇰 太子- 小漁港海鮮舫 鮮蒸‧鮮味火鍋今次去食呢間係朋友推介我去食嘅蒸氣火鍋😍去到已經見到好多大大個魚缸係到～～啲海鮮好新鮮咁！！入到去係全場滿座～好彩一早訂咗位！整體方面☑️•上菜速度快•餐廳員工服務好•菜式新鮮🔲 是日廚師智選套餐 $318/位▪刺身拼盤今次嘅刺身分別有：油甘魚，希靈魚，三文魚，帶子同埋北寄貝，琵琶蝦～～每件刺身有兩塊 我同朋友仔都覺得超級新鮮🤟🏻同埋希靈魚食落好爽口～～琵琶蝦大大隻，啲肉質好鮮甜▪八款時令海鮮分別有肉蟹，粉絲扇貝，鮑魚，沙白，馬友，蠔，牛肉粒(海蝦賣晒)，海鮮全部都好厚肉，又大大隻，鮑魚容易咬～同埋佢啲海鮮全部計晒時㗎～所以唔使擔心煮耐咗😎而肉蟹放咗落去煲粥，令到啲粥好鮮甜，佢仲加咗啲豬骨落去熬佢～同埋食粥之前佢會整咗啲蟲草同埋雞仲有唔同嘅蔬菜同烏冬落去～～啲雞好滑嫩🤪個烏冬索晒啲雞肉同埋蟲草嘅味 超鮮又好味🤗▪一款主食今次嘅主食係避風塘魷魚鬚～佢係即整俾我哋 熱辣辣脆卜卜咁上枱🤪魷魚鬚亦都好鬆軟，所以好容易咬～～已避風塘粒粒嘅數量亦都好多 喺沾滿晒成碟魷魚鬚～⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗🎏地址

平日晚8:30pm都爆場，不過見餐廳真係冇限時，所以好爆場，呢個鐘數仲有人排緊隊。我哋叫左套餐$318，職員仲服侍埋你蒸埋海鮮畀你食，真係「飯來張口」就食得。套餐係包左刺身拼盤、海鮮、蟲草花蒸雞同粥。刺身三文魚、帶子、希靈魚、吞拿魚、帆立貝，全部都好新鮮。避風塘炸豆腐 酥脆惹味，而且份量都幾大架。蟹🦀雖然唔算超級厚肉，但好淸甜，好有鮮味。蠔、蜆好厚肉好鮮甜架！鮑魚、海蝦、扇貝、魚鮑魚、海蝦同魚都好新，我最推薦蒜香扇貝粉絲，好入味架！多蟲草花蒸雞由栗米、芋頭、南瓜、蕃薯蟲草花蒸雞，雞肉唔嚡好入味，烏冬掛滿雞汁精華正呀👍🏻。瑤柱豬骨粥（粥底）一早準備好的瑤柱豬骨粥，放埋蟹蓋，mix埋多款蒸海鮮的精華，完全融入粥底，非常美味。 @seafoodporthk 小漁港海鮮舫鮮蒸・鮮味火鍋太子荔枝角道127-133號地舖

超新鮮蒸海鮮從太子站行過去，大約需要10分鐘.當日本身想食另外一個餐，但係老闆話啲蟹唔新鮮，所以叫大家食呢個餐，超級均真.蒸海鮮之前仲有刺身當日嘅刺身有三文魚，帶子，北寄貝，希靈魚及琵琶蝦蒸海鮮包括蜆，蟶子，鮑魚，龍蝦，青口，瀨尿蝦等.所有海鮮都有員工幫我哋放入去，仲會幫我哋計時所有海鮮啱啱好，唔會煮過頭所以超級新鮮，又爽口.最後又有雞，蔬菜，烏冬食吸收晒海鮮嘅精華超級滿足.就算係平日都超級多人所以大家去之前記得要book位啊

講起蒸氣粥底火鍋🍲，今次又有好介紹😋呢間位於太子的小漁港海鮮舫，第一次來食就已經排曬長龍，餐廳🍴環境滿座，真係好多人幫襯，相信應該係好受歡迎。呢度有好多款式火鍋選擇，如果按人頭計既就可以試下呢款人均$318 既是日廚師👩‍🍳智選套餐，有好多款海鮮，相信係廚師安排是日新鮮的海鮮配搭，真係新鮮又豐富。首先有刺身拼盤，次刺身都係靚貨，三文魚腩同吞拿魚都係厚切，好正😊鍋滾後就先囉粥底，跟住就一層層蒸啦首先第一層有鮑魚，元貝，海蝦，魚，呢度既服務好周到，會幫我們蒸，同埋時不時來關顧住服務我們，真係不錯👍🏻第一層的海鮮真係又新鮮肉質又好，其實唔洗落醬汁都已經好有鮮味，原汁原味😋第二層就係貝殼類，有螺又扇貝有青口，又係又鮮又甜🥰再落來就係一人一隻蟹🦀，蒸完香噴噴仲有蟹膏，好正好癲，蟹蓋撈埋落粥度再滾下，蟹肉也嫩滑淡淡肉，真係正到癲。食到咁上下其實都飽飽，但其實宜家先係主食既開始———蟲草花蒸雞撈烏冬，哇咁多真係食唔曬，雞肉又香又嫩，仲有瓜類，真係好Full好多野食。最後最後，萬眾期待的粥底啊，加上🦀蟹膏，真係好食到不得了，食到又滿足又飽又開心。最後食埋個小糕點作爲甜品尾聲，完美結束呢頓超級滿意既海鮮

食物質素一般。只係普通海鮮，唔會稱得上好好食同埋好抵食。侍應會不斷叫你夾埋呢舊個舊，好似好趕時間阻住佢收工咁，食得慢嘅人就唔好嚟。最令我印象深刻同埋嘆為觀止，係老闆對客人嘅態度。由拎張單埋枱個一刻一直黑面，因為張單唔夠$1500，佢一手扔張單落枱就話唔夠千5蚊，用現金埋單。我即時好大聲講我冇咁多現金，老闆就扮聽唔到轉身就走左。之後我嘗試同職員反映如果要現金埋單可以早小小提示客人，因為出面落緊雨同埋附近冇ATM，同埋openrice係寫左可以俾Visa或者Master。店員當然都冇理我地就行開左，我都出左去搵地方㩒錢，期間朋友打嚟話可以用信用卡埋單。埋到收銀我再同老闆講下次要收成千幾蚊現金就早啲同個客講，因為電子支付年代，唔係人人會帶咁多錢出街。老闆反而怪我唔早講，呀老闆你塊面黑到咁，扔單都唔切，又轉身走埋，我講多10次你都唔會聽到啦。其實出街食飯，餐廳嘅服務同埋職員態度都好重要，老闆如果你真係唔想做$318套餐可以收牌，全部做曬$398餐，咁樣就可以賺到盡。有時唔係人地帶走你啲客，係你親手趕走你自己啲客人。呢間餐廳，絕對冇回頭!!最差嘅體驗

想享受火鍋嘅滿足感，但又想食得健康，可以選擇蒸氣火鍋。廚師發辦蒸氣海鮮餐，再額外點個粥底同小炒。全程都由店員幫手煮，火候拿捏得好好。✨刺身拼盤主菜蒸氣火鍋前先來刺身拼盤fusion一下。有三文魚/希靈魚/北寄貝/油甘魚腩/象拔蚌等，好鮮甜。✨避風塘鮮魷額外加我小炒必叫之選！炸得酥脆，鮮魷彈牙，加上炸蒜粒同辣椒粒，正！✨八款時令海鮮逐一以蒸鍋形式烹煮，一啲都唔油膩，將鮮味完全呈現。有海蝦/蟹/扇貝/鮑魚/馬友魚/蜆/蠔/花甲。特別喜歡馬友魚，魚肉好滑，仲要無骨啖啖肉，完全唔腥。✨一款主食 + 四款時蔬蟲草花蒸雞配芋頭、粟米、勝瓜、南瓜。蒸雞非常香滑，蒜蓉勝瓜好好味，粟米超甜。仲要配埋烏冬，煙煙韌韌，完全索哂啲雞汁⋯好味到暈！飽都要食！✨瑤柱排骨粥額外叫左個粥底，一開始就放左材料係底。一路煮海鮮，海鮮嘅精華就慢慢滲哂落啲粥度，又香又綿又滑🤤

🐠🦐🦀小漁海鮮舫🦀🦐🐠尋晚朋友生日，請佢食飯，日本菜，火鍋咩都食到悶😴😴，上星期去太子個面做運動，隔離有間“小漁港海鮮舫”,望一望入面坐滿晒人，門口都有人等位，上網搜原來係蒸海鮮粥底煲。今時今日個個北上消費，平日夜晚都排隊，應該值得一試。😎香港食海鮮，如果靚少少，都唔會平！佢呢到主打有唔同套餐，我就擇左個經濟實惠嘅$318套餐。佢就包刺身船，8款海鮮，4款蔬菜，同一個主食🍵入門先整壺玄米茶。❤️叫左個椒鹽鮮魷，新鮮整好熱辣辣，好香口❤️😍😍送啤酒真係好正，可惜我揸車，同朋友叫左支椰青水，同血橙汽水飲。❤️刺身拼盤，雖然唔係日本餐廳，但都唔馬虎，肥美有質素，件件都厚切。❤️蒸海鮮，重點緊係海鮮，海鮮其實咩都唔重要，最重要大件夾新鮮👍👍咁先係最堅馬友魚，呢個放入口真係有驚喜😎魚油香，魚肉滑🫨🫨好好味呀！📢📢📢鮑魚，算大隻，肉質有口感，爽口彈牙，好好肉地嘅肉蟹，劏開之後放上黎，仲郁緊！有膏，啖啖肉，鮮味！蟶子，海蝦，東風螺，扇貝,蜆 全部都係新鮮，大隻！反而是講一講個主食，雞，烏冬，蔬菜（紫薯，勝瓜，南瓜，芋頭，粟米）蒸完之後啲雞汁索晒入烏冬，同啲蔬菜入面，極正！雞嫩滑！最後粥底火鍋，珍珠米，元貝，

朋友話帶我嚟食吓一間好好食嘅海鮮蒸鍋，所以就呢度呢間位於太子嘅餐廳試試佢！我哋揀咗廚師智選套餐，$318一位，包咗好多款海鮮，食到超飽！每道海鮮都有店員幫手蒸煮，確保唔會蒸到太熟或者未熟！🌟椒鹽炸豆腐小食係椒鹽炸豆腐，豆腐炸得金黃香脆，外皮好脆，內裏好軟滑，超好食！🌟刺身拼盤刺身拼盤就有三文魚、北寄貝、帶子、油甘魚及希靈魚！每款都有兩件，刺身好厚身，而且好新鮮，無腥味！最愛帶子，食落好鮮甜！🌟時令海鮮8款套餐就包咗八款海鮮，包括有馬友、鮑魚、蝦、粉絲扇貝、蟹、蠔、螺、蜆！當中馬友最驚喜，平時好少食魚，因為驚有腥味，但係今次馬友就一啲都唔腥，食落仲好鮮味十足！另外粉絲扇貝亦都好出色，配埋蒜蓉一齊蒸，鮮味更突出！蟹肉真係超級大隻又新鮮，蒸完之後，啖淡蟹膏，蟹肉亦好爽彈，真係好好食！仲有一定要讚嘅係蝦，蝦肉好彈牙，又係超級新鮮，唔需要點醬汁都食到佢嘅鮮味👍🏻🌟4款時蔬食完海鮮就有四款嘅蔬菜，包括有南瓜、勝瓜、粟米，芋頭等，仲會配埋蟲草、雞同埋鳥冬一齊蒸。雞肉真係超嫩滑，而且食得出好新鮮，雞肉蒸完嘅雞汁同雞油，配埋烏冬一齊食，真係食到忍唔住嘩一聲，真係超好食，雞味超濃郁！🌟蟹粥其實一開始食頭盤

今次行開太子就揀左間比較特別既餐廳獎勵下自己先，揀左個小漁港海鮮舫，可以食到新鮮既刺身又可以食到原汁原味又新鮮既蒸海鮮🦐仲有蟲草花蒸雞，好真材實料🐓呢度既職員好nice，同我地吹下水，講下笑，成個氣氛係超舒服🌟刺身拼盤有三文魚🍣希靈魚，北寄貝，油甘魚，帶子，望落去係d紋理好清晰，好新鮮😋舊舊都係勁肥美，食落去d魚香味好濃，成口都係魚油既香味，好滑好彈牙🌟海鮮蒸鍋套餐 $318首先就黎左海蝦🦐鮑魚，粉絲扇貝，馬友魚🐠所有既海鮮都係採取原汁原味既烹煮方式，保持最原先既鮮甜。D蝦同鮑魚係好彈牙，好鮮甜，粉絲扇貝係用左蒜蓉腌過🧄食落去好濃既蒜香味，加上扇貝既彈牙可口。而個魚係好滑，廚師只係用左鹽去醃，已經好突出魚既香甜🌟海鮮就係花甲，蜆同螺🐚D花甲同蜆係完全無沙，好清甜。而個螺食落去完全唔腥，好彈牙好有嚼口🌟肉蟹每一隻都大過我隻手🦀仲要好新鮮，仲要識行。D蟹一蒸完就見到有好多既蟹膏🦀d蟹肉係好嫩，好鮮甜可口，仲要d蟹肉都好多🌟員工會將蟹殼同米放係蒸鍋下面，加水煮成粥，d粥入面仲加左瑤柱🍲食落去係有好重既蟹味，成個粥都係好香，好鮮甜，仲有排骨，真係正到不得了🌟蟲草花燜雞勁好食，超推薦。入面d雞全