小漁港海鮮舫 鮮蒸‧鮮味火鍋

Seafood Port Restaurant
399
13
16
6-min walk from Exit C2, Prince Edward MTR Station continue reading
Telephone
28689863
68833144 (WhatsApp)
Introduction
Operated by 3 80s-men, this restaurant provides steam hot pot. You can taste the seafood fresh including yellow croaker, shrimp, Cancer pagurus, etc. continue reading
Opening Hours
Today
17:00 - 02:00
Mon - Sun
17:00 - 02:00
Payment Methods
Visa Master Cash
Other Info
Open Till Late
Alcoholic Drinks
10% Service Charge
About
小漁港海鮮舫 鮮蒸。鮮味火鍋
鬧市中的地道滋味「小漁港」 
位於太子荔枝角道的「小漁港海鮮舫」,門面以白色牌匾以紅色大字標註「小漁港」三隻字,令店舖顯得十分搶眼。由三位草根出身的八十後年青人,經歷十多年的難苦打工仔生涯後,於2016年5月在此「小漁港」開始了自己的第一間餐廳。甫進店內,看到裝潢充滿昔日香港地的回憶主題,由侍應的服務以至菜式的舖排設計,更不自覺道出了昔日舊香港那種濃厚情深的人情味。

真材實料。健康味美
店內主打蒸氣火鍋,食法較健康,用蒸氣方法保留食物的本質,場內置有大魚缸,每日新鮮購入食材。餐牌上見有不同「派系」出場 — 有日系刺身,又有針對蒸鍋主打的海鮮系列,海魚類包括有黃花魚、海花虎斑、花金古等,而「蝦兵蟹將篇」更備有海中蝦、花竹蝦、麵包蟹、本灣奄仔蟹等,陣容強大。
想食潮啲,可以揀「潮蒸點心」如:芝士南瓜丸、魚蛋小籠包、皮蛋薑汁貢丸,而其他「潮蒸肉食」又可找到蟲草花蒸雞、黑毛豬腩片。除了特色蒸氣海鮮與火鍋,更有特色粥品及米飯(例如:糯米飯手卷),為大家增添「米」氣。

Review (469)
Level4 2021-07-20
101 views
有時唔想咁heavy食咁多肉,間中食下蒸海鮮,感覺清少少都唔錯。今次又去咗太子呢間海鮮蒸氣火鍋店,火鍋店企理衞生,海鮮夠新鮮生猛之餘亦處理得好好,值得推介。.避風塘鮮魷($68)份量非常多嘅餐前小食,鮮魷彈牙惹味😋好食!是日廚師精選套餐($298/位)呢款套餐係由餐廳揀選當日靚海鮮,所以海鮮款式未必每次都一樣,感覺有啲似蒸海鮮版嘅Omakase😆所以每次都會好期待下一款海鮮。.刺身拼盤有三文魚、北寄貝、帆立貝、牡丹蝦及拖羅,刺身新鮮,有鮮甜牡丹蝦及肥美拖羅嘅加持,提高咗個成個餐嘅性價比👍🏻第一盤蒸海鮮有扇貝、馬友、鮑魚及海蝦,海鮮非常新鮮,而且用蒸煮嘅方式更易帶出海鮮嘅甜味。今次嘅馬友真係好正,油脂芳香且肉質鮮美,入口細膩而滑嫩。作為第一盤海鮮,味蕾已全開。第二盤係超生猛嘅瀨尿蝦,瀨尿蝦係蒸爐上仍不停郁動,證明咗食材嘅新鮮👍🏻食落肉質甜美多汁,每人2隻啱啱好, 唔會太少或太多。第三盤係貝殼類海鮮,有鑽石蜆、大蜆及青口,食材除左新鮮,仲處理得好好,食落唔覺有沙,真係值得讚👍🏻鑽石蜆大隻又厚肉,好鮮甜😋第四盤係肉蟹,雖然蟹蓋一早放咗落個粥底一齊煲,但都仲有好多creamy嘅蟹膏,每隻蟹嘅份量都唔細,肉質鮮美又結實😋👍🏻海鮮出哂之後係蟲草花蒸雞烏冬,烏冬完全吸收咗蟲草花及鮮雞嘅精華,真心覺得呢個烏冬係海鮮以外嘅另一驚喜,只係用食材嘅原味, 就可以整到咁彈牙好食。最後係粥底,除咗吸收晒所有海鮮嘅精華外, 仲有蟹蓋中嘅蟹膏作牽引,所以粥底係最值得期待,而味道梗係好甜!好鮮!好味!由於太飽嘅關係, 最終將所有食剩嘅粥打包,免得浪費今餐嘅海鮮精華😆 continue reading
(The above review is the personal opinion of a user which does not represent OpenRice's point of view.)
Level4 2021-07-14
287 views
傍晚跑完步肚餓, 火鍋引起, 但又想食得清啲~ 朋友提議嚟呢度試吓海鮮蒸鍋, 唔會咁油膩, 仲有粥底飽肚啲!破介飲啤酒🍻所以先叫咗個小食送酒, 點咗避風塘鮮魷 (HK$68)~ 鮮魷彈牙唔韌, 香脆惹味!HK$298 每位海鮮餐, 蒸鍋可set計時, 店員仲好樂意幫我哋較時蒸海鮮㖭!套餐包咗刺身拼盤, 當天有大甜蝦、三文魚、北寄背、帶子、象拔蚌!刺身都幾新鮮, 特別係我最❤️嘅象拔蚌!跟住就開始蒸海鮮:馬友、扇貝、大蝦、鮑魚一齊蒸, 鮮味十足~ 第一次食蒸馬友, 估唔到又唔太腥,有點鹹香~ 不過因為用咗同一時間蒸, 所以扇貝就略為過咗火少少~之後有花甲、大蜆、蠔~ 全部食落都無沙好乾淨~ 重頭戲係超多膏嘅蟹, 蟹蓋連蟹膏用嚟煲粥, 蟹肉新鮮彈牙又多膏, 堅正🦀 呃, 睇其他人食評, 有啲有龍蝦/瀨尿蝦!不過我哋當日就冇啦, 我諗都係要睇返當日有咩時令海鮮~ 主食有蟲草花雞蒸鳥冬, 烏冬吸咗雞肉及蟲草花嘅精華~其實都冇估到又會有粥, 但又有烏冬!不過食食下又食得曬😆最後輪到海鮮粥底, 超重蟹味!好鮮甜, 加埋蔥同芫茜正合我意!如果有埋炸菜嗰啲就更加正啦, 不過依家無添加咁食又唔錯😌 continue reading
(The above review is the personal opinion of a user which does not represent OpenRice's point of view.)
Level4 2021-06-09
1437 views
是夜來吃小漁港的海鮮蒸氣火鍋~我們點的是$298是日廚師精選套餐,菜單每日都會在餐廳的FB專頁更新,可以去留意一下。店內座位寬闊,而且樓底極高,環境開揚。入座後店員先幫忙用高溫的蒸氣替餐具消毒,可以吃得安心又放心👍🏼先來一份刺身拼盤,有甘海老、帆立貝、赤貝、三文魚和油甘魚。刺身的質素有驚喜,甘海老大隻鮮甜,而帆立貝很厚身,口感實在。套餐之外另加了一份避風塘鮮魷,香辣惹味,避風塘脆脆的口感,加上鮮嫩的魷魚,很好吃之後就陸續蒸時令海鮮了~共有八款分別是蒜蓉粉絲元貝、鮑魚、海蝦、海魚、貝殼三寶和龍蝦。全程店員都會幫忙計時蒸海鮮,熟度控制得恰恰好,不用動手就可以享用豐富的大餐了!海蝦吃得岀是新鮮的食材,鮮蝦的味道好滋味🦐龍蝦在蒸之前還在緩緩郁動的說,真的很生猛新鮮。爆多的龍蝦膏很甘香濃郁,龍蝦肉太得誇張,肉質非常鮮甜札實農家四寶有芋頭、南瓜、粟米和蝦米絲瓜。中間的是蟲草花蒸雞烏冬底,烏冬真的要讚,煙煙韌韌煮得非常入味,吸滿了雞肉的油香。最後還有將海鮮的香甜通通熬入去的粥底~濃稠綿密又鮮美的味道令人很難忘懷,雖然吃得很撐但也吃了整整一碗~很滿足 continue reading
(The above review is the personal opinion of a user which does not represent OpenRice's point of view.)
Level3 2021-07-19
46 views
作為一個海鮮迷,海鮮粥底火鍋真係必食之選,今日同朋友到太子呢間海鮮舫試下。環境方面,入面卡位唔多,環境有啲迫,最後我同朋友坐二人枱,但就靠近廁所同廚房。食物方面,我哋揀咗是日廚師精選套餐($298/位),呢個套餐我敢保證無人食得曬,我同朋友最後打包咗兩大碗粥同一大碟雞同烏冬。首先,一早已經放定排骨瑤柱粥去煲。然後,食咗刺身先(整體刺身都OK,最鍾意食北寄貝)我地揀咗避風塘鮮魷小食(有啲失望,炸得唔好唔脆,咬落軟身)然後見到嘅海鮮都好新鮮(扇貝、鮑魚、馬友、蝦)青口、蜆、蛤大大隻肉蟹超新鮮❗️蒸前仲識郁嘅賴尿蝦仲有一個主食最後成個火鍋嘅精華:海鮮排骨瑤柱粥最後仲比咗件甜品草餅我地食😋😋整體而言,鍾意海鮮嘅人應該都會鍾意呢個set,不過食物真係太多,一定要打包返去繼續食🤣評分時間(只供參考,最多❤️❤️❤️❤️❤️)好食指數:❤️❤️❤️❤️環境指數:❤️❤️❤️抵食指數:❤️❤️❤️人均消費:$298(晚餐)📍小漁港海鮮舫 鮮蒸‧鮮味火鍋 (太子)太子荔枝角道127-133號地下 continue reading
(The above review is the personal opinion of a user which does not represent OpenRice's point of view.)
一去到,都好多人食。今次我去有book位,門口都見到有人Walk in,所以真心建議要book位。去到冷氣都夠力,5怕好似焗桑拿咁。一人去到係食一個set,佢安排好曬時令嘢。一去到會有一份魚生,都幾厚切,同埋帶子好甜。之後再上一碟避風塘炒鮮魷,有辣同5辣揀。但係可能係一早炒定一大碟,所以我食嘅時候已經5脆但係係暖暖地。去到主題蒸鍋,真心係大推。海鮮新鮮,個只大大只賴尿蝦(應該冇講錯)超鮮甜。本來一開始準備咗一個豉油,點知食落發現其實根本就唔需要點。所有嘅海鮮都原汁原味,不得不讚最後食嘅蔬菜同雞,南瓜超甜,雞又5柴仲好滑。非常推薦 continue reading
(The above review is the personal opinion of a user which does not represent OpenRice's point of view.)