小漁港海鮮舫 鮮蒸‧鮮味火鍋

Seafood Port Restaurant
381
12
16
6-min walk from Exit C2, Prince Edward MTR Station continue reading
Telephone
28689863
68833144 (WhatsApp)
Introduction
Operated by 3 80s-men, this restaurant provides steam hot pot. You can taste the seafood fresh including yellow croaker, shrimp, Cancer pagurus, etc. continue reading
Opening Hours
Today
17:00 - 02:00
Mon - Sun
17:00 - 02:00
Payment Methods
Visa Master Cash
Other Info
Open Till Late
Alcoholic Drinks
10% Service Charge
About
小漁港海鮮舫 鮮蒸。鮮味火鍋
鬧市中的地道滋味「小漁港」 
位於太子荔枝角道的「小漁港海鮮舫」,門面以白色牌匾以紅色大字標註「小漁港」三隻字,令店舖顯得十分搶眼。由三位草根出身的八十後年青人,經歷十多年的難苦打工仔生涯後,於2016年5月在此「小漁港」開始了自己的第一間餐廳。甫進店內,看到裝潢充滿昔日香港地的回憶主題,由侍應的服務以至菜式的舖排設計,更不自覺道出了昔日舊香港那種濃厚情深的人情味。

真材實料。健康味美
店內主打蒸氣火鍋,食法較健康,用蒸氣方法保留食物的本質,場內置有大魚缸,每日新鮮購入食材。餐牌上見有不同「派系」出場 — 有日系刺身,又有針對蒸鍋主打的海鮮系列,海魚類包括有黃花魚、海花虎斑、花金古等,而「蝦兵蟹將篇」更備有海中蝦、花竹蝦、麵包蟹、本灣奄仔蟹等,陣容強大。
想食潮啲,可以揀「潮蒸點心」如:芝士南瓜丸、魚蛋小籠包、皮蛋薑汁貢丸,而其他「潮蒸肉食」又可找到蟲草花蒸雞、黑毛豬腩片。除了特色蒸氣海鮮與火鍋,更有特色粥品及米飯(例如:糯米飯手卷),為大家增添「米」氣。

Review (448)
呢排天氣明顯轉涼返,感覺又係時候食下熱辣辣海鮮蒸鍋喇~聽個朋友介紹太子有間海鮮蒸鍋啲海鮮超新鮮而且CP值極高,所以今日就帶左老爸同我去食! 就係佢喇,小漁港~ 我地八點左右去到,嘩已經見到超多人... 店員姨姨介紹我地試 $298 是日廚師精選套餐,咁我地就照跟啦~~ 個 SET 包 1 款主食+ 2 款刺身+ 4 款時蔬+8 款時令海鮮 再包兩支汽水 (酒精飲品要加錢呀~~)主食有 6 款可以揀,老爸揀左佢最愛既椒鹽白飯魚,份量都唔少架,嘩勁多炸蒜再加埋爆香既蔥,食到上晒癮呀~~~刺身拼盤 有肥美帶子象拔蚌北寄貝同彈牙甜蝦,食完就更期待其他海鮮!!!跟住主角上場喇!!! 蒸氣海鮮,一共有 8 款野食———————————————————1號佳麗: 巨型賴尿蝦 (蒸 7分鐘) 嘩個身勁長! 肉身結實,勁甜勁多汁——————————————————-2, 3, 4, 5 號佳麗: 扇貝+海蝦+魚(馬友)+鮑魚 (蒸 4分鐘)扇貝點都要加D 蒜蓉比佢先夠惹味既,再加埋粉絲索埋個汁,不得了海蝦同魚都好鮮甜,我就最鐘意個鮑魚,啲肉超級厚,勁想食多幾隻呀~~~~————————————————————6號佳麗: 蟶子(蒸 3分鐘)呢個佳麗又係好得我地歡心,皆因佢多汁味鮮,啖啖肉十級鮮~~——————————————————————-7 號佳麗: 刀貝+蠔 (蒸 3分鐘)呢兩位佳麗又係令人眼前一亮,一脫下大衣,嘩嘩嘩入面肉地肥美,只想大口吃下去~~~—————————————————————-8號佳麗: 大肉蟹 (蒸12分鐘)嘩呢位佳麗好有肉地啵~ 仲幾霸氣下樣又咁惡,所以即刻就比呀姨剝佢殼去煲粥喇陰公… 但真係好鬼鮮,肉身彈牙到不得了——————————————————————-除左海鮮佳麗,仲有另一界別既草蟲花雞加烏冬小姐 (蒸10分鐘)雞肉嫩滑再吸收埋蟲草花嘅味道,撈埋烏冬真係好好味~~~最後呢D佳麗全部同我企埋一邊,因為我地嘅 Queen 要出場喇,佢吸收晒各佳麗既精華,再加埋元貝排骨底,哈哈哈哈 Queen既細緻綿滑感,先係留喺我口腔回味最耐既女人。 continue reading
(The above review is the personal opinion of a user which does not represent OpenRice's point of view.)
由八點半開始上堂上到六點半之後再去補習,感覺好攰,覺得要食返啲好野獎勵自己。所以今次就去左呢間小漁港到食海鮮蒸鍋啦。原因係因為見到佢門口有水缸,入面有好多仲生猛郁緊嘅海鮮,咁我諗呢到啲海鮮應該好新鮮啦掛。黎呢到叫個廚師是日精選套餐係基本啦,$298一位不過包左勁多野食。另外因為好鍾意食魷魚,所以又加左份避風塘鮮魷。而我同朋友嘅食量都幾大,所以又特登加多個南瓜排骨粥底。不過最後發現其實個精選套餐已經好夠食,我地叫左咁多野係食到飽到上心口。🍣象拔蚌刺身拼盤頭盤先嚟一個刺身拼盤,拼盤有四片象拔蚌,而赤蝦、元貝、海膽、吞拿魚就各兩片,兩個人嚟講,呢個頭盤相當滿足,鮮甜嘅海鮮係呢一餐美好嘅開始。🦑避風塘鮮魷呢個係額外叫嘅,避風塘以炸蒜同辣椒炒成,味道都幾辣,非常惹味,啱晒鍾意食辣嘢嘅我,用嚟開胃亦係一流。魷魚方面,炸皮唔算太厚,魷魚就好厚肉,可以一路食住魷魚,一路等啲海鮮蒸熟。🦪鮑魚鮑魚有兩隻,未蒸之前我仲見到啲鮑魚郁下郁下,非常新鮮,鮑魚都差唔多有我半隻手掌咁大。鮑魚咬落好鮮甜,好有咬口,鍾意食海鮮嘅朋友一定要嚟試吓。🐚元貝元貝有兩隻,好大隻,上面應好多炒粉絲,同元貝本身好夾。同出面食嘅蒸元貝唔同,佢冇落好多蒜蓉,只係作出少量嘅調味,所以保留翻元貝自身鮮甜嘅味道,絕對冇浪費到元貝嘅鮮味。🐟海魚海魚有兩塊,雖然唔知係咩魚,但海魚真係好好味。老闆好貼心,一早已經幫我哋將條魚去骨,等我哋食得舒服啲。魚肉好彈牙,一食就知係海魚,加埋魚皮上嘅脂肪,口感層次好豐富。🦐海蝦海蝦有兩隻,好大隻。蝦好甜,原來蒸出嚟嘅蝦更容易試到蝦嘅新鮮。🐚貝殼三寶貝殼三寶有生蠔、青口、沙白,各兩隻,樣樣都好大隻,蒸完之後貝殼三寶都出咗好多肉汁,之後用嚟撈粥食,真係一流。🦐瀨尿蝦瀨尿蝦有兩隻,每隻都有我隻前臂咁長,肉身上面仲有好多膏,蝦肉係非常鮮甜,非常彈牙。一直以黎食瀨尿蝦通常都係椒鹽多,第一次食清蒸。原來清蒸都可以咁好食。我本身食瀨尿蝦通常都係就咁剝曬啲殼食,但多得老闆教導,只要喺蝦背中間剪開佢,再搣走啲蝦殼,就可以保留完整嘅肉,今次真係長知識了。🦀蟹蟹有一隻,每人半隻,雖然蟹唔係話好大隻,但佢勝在好多肉同埋啲肉好甜好有蟹味。蒸出嚟嘅蟹汁會流入啲粥入面,最後食粥就可以食翻蟹嘅精華。🥕農家四寶農家四寶有番薯仔、南瓜、粟米、芋頭。食咗咁多海鮮,食翻啲蔬菜類清一清,呢個安排幾好。🐔蟲草花蒸雞烏冬第一次食蒸嘅烏冬,烏冬、蟲草花、雞一齊喺一塊荷葉上面蒸,最後嘅烏冬會吸收所有雞嘅味道,呢個好正,我好鍾意。🍚南瓜排骨粥白米、南瓜、排骨同瑤柱由一開始就已經放咗喺底度,本身放入去嘅時候係冇任何水分嘅,但每樣食物蒸後嘅精華都會流落粥到,個粥可以算係集齊所有海鮮同雞嘅精華而成,味道非常豐富。粥入面仲有瑤柱,用料十足,排骨同南瓜嘅味道配搭非常之合適,用粥做結尾,十分滿足。最後我地係太飽然後食唔曬,打包埋淨低嘅粥返屋企食。總括而言,今次啲海鮮全部都係就咁蒸熟,又唔洗落額外嘅調味,真係一定要食材本身嘅質素高先會好食。而我覺得呢到嘅海鮮係好食又新鮮嘅。另外我覺得咁樣逐盤逐盤蒸熟係一個好聰明嘅做法,因為每樣海鮮煮熟需要嘅時間唔同,分開逐盤逐盤蒸就可以避免有啲海鮮過熟,可以確保每樣海鮮都係蒸得啱啱好。同埋佢嘅次序都係有精心安排嘅,例如蒸蟹嘅時間要比較耐,就會喺我地食緊瀨尿蝦嗰陣蒸蟹,因為食瀨尿蝦所需嘅時間同蒸蟹所需嘅時間差唔多,食完瀨尿蝦就有得食蟹,時間啱啱好。順便一提,老闆真係幾好人,會間唔中走過黎教下我地點樣剝殼會方便啲同好食啲,同我由細到大剝殼嘅方法唔同,真係學到野! continue reading
(The above review is the personal opinion of a user which does not represent OpenRice's point of view.)
Level4 2020-11-30
76 views
是日廚師精選套餐:呢個套餐入面包含左有一款主食,兩款刺身,四款時蔬,八款時令海鮮。刺身拼盤:刺身非常新鮮而入面就有爽口嘅北寄貝,鮮嫩嘅象拔蚌,油脂分泌平均嘅油叫甘魚,仲有彈牙大隻嘅甜蝦,最啱就係等海鮮蒸煮時慢慢品嚐。避風塘鮮魷:出面避風塘嘅嘢全部都係非常惹味,而呢度嘅都唔會例外,而呢度用上左即叫即炸嘅鮮魷,再配上香味十足嘅蒜頭,辣椒等配料,所以更令人回味無窮,一食上癮。到戲肉就係蒸氣海鮮,入面種類繁多,包括左有海蝦,蜆,大青口,魚(馬友),鮑魚,扇貝,蠔,花蟹,仲有大大隻嘅班馬賴尿蝦等。而佢哋呢度啲海鮮都係即日新鮮選購,所以特別生猛,而佢哋各自有唔同嘅鮮味,而貝類海鮮亦有做足功夫,完全無沙,非常乾淨,肉質口感都非常彈牙爽口。而除左蒸海鮮外,仲有一份草蟲花蒸雞加烏冬,雞肉吸收左蟲草花獨有嘅香味,而雞肉又非常嫩滑,肉汁豐富,加埋彈牙而吸哂雞汁同蟲草花味嘅烏冬,飽肚又好味。最後最後梗係要食埋最底層吸收哂海鮮精華嘅元貝排骨粥啦。呢個粥底煲到非常綿滑,鮮甜味美。 continue reading
(The above review is the personal opinion of a user which does not represent OpenRice's point of view.)
同朋友食生日飯,佢想食海鮮,於是就去咗太子呢間蒸海鮮。平日夜晚去,坐無虛席,都幾多捧場客!-我地點咗呢個每位$298嘅海鮮蒸鍋套餐,有八款時令海鮮、一款主食、刺身同四款時蔬,非常扺食!▪️刺身刺身好高質,非常新鮮無雪味!👉🏻油甘魚 :魚油脂香溢👉🏻甜蝦 : 鮮甜,口感軟綿👉🏻象拔蚌 : 爽口有嚼勁▪️主食 - 避風塘蒜香炒白飯魚+魷魚避風塘炒白飯魚好少地方食到,非常香口,份量都好多,魷魚好新鮮又彈牙,有大排檔風味!.🔸海鮮篇🔸🌟龍蝦啖啖肉嘅厚身龍蝦真係好大隻,口感彈牙又結實!砌咗心型狀,好打卡able!🌟鮑魚非常彈牙又唔韌,鮑魚仲洗得非常乾淨呢!鮮味十足!🌟海魚肉質滑溜,好新鮮!🌟海蝦新鮮又彈牙,蒸完都仲好大隻!🌟粉絲蒜蓉蒸大扇貝粉絲同蒜蓉份量多,但唔會搶去扇貝鮮味,反而豐富咗整體口感,提高咗鮮味!🌟蜆/貝類洗得好乾淨,粒粒飽滿,無乜沙,肉質好鮮甜,再加上淡淡海水味,唔洗點醬已經好夠味。🌟活青口同平時急凍青口完全不同,非常鮮甜,有海水味,肉質嫩滑,蒸完睇落都幾長身飽滿又肥美呢。🌟膏蟹蟹膏非常滿溢!蟹膏濃味甘美!肉質夠哂爽甜😚.🌟蔬菜食完海鮮後,店員仲會細心幫你蒸煮蔬菜,甜薯、粟米同南瓜等蔬菜都好清甜又新鮮!基本都無乜點醬食。🌟蟲草花蒸鮮雞配烏冬最surprise 係呢個!第一次食!烏冬吸盡鮮雞同蔬菜精華,好入味!而且鮮雞好嫩滑!雖然已食到好飽,但都忍唔住食哂佢!.🌟海鮮粥最後當然仲有集合咗唔同海鮮精華嘅海鮮粥底!呢個粥底比其他店出色,佢喺食蒸海鮮期間會加入蟹殼入粥底,所以蟹味香濃!採用珍珠米,粥煲得好夠入味又夠綿,仲加入左南瓜粒同排骨加以調味,忍唔住每人食咗幾碗~好正!.呢度嘅海鮮真係CP值高,$298食到勁飽,仲要每道海鮮都夠哂新鮮,令人滿意,而且服務一流,完全不用自己動手烹調😂店員很細心替每枱食客把各款海鮮放入蒸盤,每款海鮮有不同嘅烹煮時間,夠鐘時店員會幫忙夾到客人碟上,所以吃貨們可以安心咁品嚐到海鮮最佳嘅熟度!下次gathering 一定會再黎🤩 continue reading
(The above review is the personal opinion of a user which does not represent OpenRice's point of view.)
Level4 2020-11-22
85 views
食海鮮最怕唔新鮮有腥味又多沙,朋友之前食過話想再食,於是同佢一齊去~我地首先食咗象拔蚌刺身,除咗象拔蚌,仲有北寄貝、帶子等,食落樣樣都鮮甜~之後上避風塘鮮魷,嚟到既時候超香,鮮魷好爽口,我地一塊接住一塊,好快食清光😂嚟到重點既蒸氣火鍋,先落咗粥底既料,有瑤柱粒,正!第一樣係龍蝦,龍蝦肥美厚肉,加上本身有香蒜嚟蒸,所以好惹味!之後係其他海鮮,馬友魚好滑,鮑魚同海蝦蒸之前仲係好生猛元貝上面既粉絲吸收元貝既精華,冇得頂!再嚟就係青口、蜆等貝類海產,蒸熟之後隻隻打開,食落完全冇沙。隻蟹膏量豐富,肉質鮮甜👍食完海產就食蟲草雞烏冬同蔬菜,蔬菜有南瓜、粟米、芋頭、日本甜蕃薯等,好豐富!湯底既南瓜粥吸收哂海鮮既精華,入口軟綿,驚喜既係原來入面有粒粒瑤柱,好有誠意!每人有7、8碗,最後我地打包返屋企~ continue reading
(The above review is the personal opinion of a user which does not represent OpenRice's point of view.)