School Food Blooming Mari (Telford Plaza) (Closed)

School food走抵食快餐路線回歸，其中一間分店位於德福廣場food court。平日lunch time呢個food court好多人，所以我預早少少嚟搵位。餐牌上選擇好多，有多款紫菜飯卷、年糕、拉麵、炒飯同小食等等。我哋兩個人就叫咗一個年糕、一個拉麵同兩份紫菜飯卷。廚師卡邦尼年糕啱晒想食年糕但唔食辣嘅人，入面有大塊煙肉、年糕、仲有韓國粉絲，配埋卡邦尼汁好飽肚。鍾意食辣嘅我揀咗辣炒年糕配拉麵(加芝士)，拉麵係韓國即食麵沾滿晒辣年糕汁，好辣夠晒惹味。年糕煙韌而且份量多，配料仲有幾塊魚糕。另外仲加咗錢加芝士，韓國辣年糕醬同芝士真係好夾以前食school food必點紫菜飯卷，而家價錢抵咗好多，而且同以前一樣咁好味脆蝦芝士飯卷係雞蛋外皮，食落蛋味香，中間吉列炸蝦仲保持到脆卜卜黑色嘅墨汁魷魚飯卷食落好香墨汁鮮味，魷魚有咬口但唔會過韌總括嚟講，食物質素同以前school food一樣高，但價錢平咗好多，真係好抵食其實仲有啲套餐更加抵食，一個主食加一份紫菜飯卷。但就唔係我哋想食嗰兩款飯卷，所以先至散嗌。

第一次去德福廣場二期個food court，原來好多嘢食㗎，今次揀咗School food，印象中佢嘅食物都幾貴下㗎，睇吓抵唔抵食先！睇吓個餐牌，原來佢哋有套餐，仲要有好多嘢食，價錢亦實惠，決定試吓先。每個套餐都附送魚糕湯，真心鐘意呢個湯，有少少甜，仲有一粒類似魚蛋。加咗個紫菜卷，即叫即整，好脆，2件太少，可以叫咗份。主菜-芝士辣炒年糕味道夠，就咁食會有啲辣，加埋飯應該會好啲。韓式炒粉絲炒粉絲，足料，份量多。紫菜飯卷紫菜飯實淨，冇散開，韓式味道。Food Court都有School Food so good, 唔洗等位, take away都方便啲。

德福新開嘅food court一直未試見到比較熟悉嘅韓國餐廳 School food都幾抵食叫咗個韓式炒粉絲入面好多料有牛肉、菇、蛋絲個面再加埋啲芝麻粒粒撈勻佢好香粉絲Q彈又吸汁個汁就比較甜啲叫餐仲送魚糕湯魚糕係好食既，不過個湯就唔夠熱亦都冇咩味芝士辣年糕配拉麵鍾意食辣嘅一定要叫年糕夠煙韌，撈埋拉麵食就好似直接去咗韓國咁。入面仲有魚糕，一碗已經夠晒飽！最後仲加左個吉列蝦紫菜包飯兩個人食真係有啲多～不過全部都好味，所以清晒

這次在德福商場逛街，看到新開了美食廣場😆。發現這裡有分店，所以決定去吃點東西吧。之前吃過其他分店已經覺得食物不錯🙈，所以就介紹朋友來吃吧。跟其他分店一樣，也是先買單等叫號取餐。-💥芝士辣炒年糕配拉麵 HKD$67，面頭鋪了芝士🤩，在年糕裡還有魚糕串，底下的是拉麵。炒年糕口感煙韌，味道帶點辣味🤤。魚糕串和拉麵口感煙韌。隨餐附送湯和炸紫菜卷，炸紫菜卷外皮脆卜卜口感軟綿綿😚。-💥韓式炒粉絲紫菜包飯 HKD$70，這炒粉絲用料十足，用豬肉/蛋絲/洋蔥/蘿蔔絲，味道很香口感豐富😆。味道雖然簡單但推挺喜歡的🤩，而且不會感到油膩。這個套餐可選擇一款紫菜包飯，選擇了脆蝦口味，口感脆脆的挺特別🤩。-食物質素不錯，價錢一般，食物份量挺足料。

韓式芝士炒年糕配拉麵韓式辣醬酸酸甜甜帶有一點點辣相對容易入口 年糕煙煙韌韌 配上拉絲芝士 係最佳拍檔配料魚糕，年糕相比起其他韓式舖頭多好多韓式炒粉絲味道相對較甜及乾身 配料有蛋絲，紅蘿蔔絲，牛肉，雲耳，洋蔥食落有多種口感 但食到尾會有少少油膩 但可以接受魚糕湯+炸紫菜粉絲卷魚糕湯啱啱好可以用來中和韓式炒粉絲的油膩炸紫菜粉絲卷外皮脆口，裏面有一條條韓式粉絲鹹鹹地脆卜卜，點埋年糕個汁好食韓式烤豬肉紫菜包飯裏面有醃蘿蔔同豬肉 略嫌冇咩味道

每次去德福都諗唔到食咩，因為好多都食都厭🥲呢排成日想食韓國嘢，醒起德福二期個food court開左咁耐都未食過，一於試下好耐冇食嘅school food😗唔知School food係咪以food court形式回歸德福，價錢比係以前平左，特別係逢星期一、二指定飯麵兩款麵都只係$88😱 不過今次想食飯卷同年糕，所以就無叫到🌶芝士辣炒年糕配拉麵+魚糕串+炸紫菜卷 $67每次見到辣炒年糕加拉麵都會流晒口水，想食韓國菜都係因為佢🤣不過school food嘅辣炒年糕煮得太腍，無左年糕本身嘅煙韌，所以有啲失望🥲 🌶韓式泡菜拌冷麵+韓式烤豬肉紫菜包飯 $70泡菜拌冷麵夠晒凍，岩晒而家嘅天氣食🔥 但拌麵入面嘅泡菜有啲酸，同埋入面除左泡菜之外都冇其他嘅配料😶 而且，呢個套餐無得揀school food最好食嘅烏卒卒紫菜包飯，可以揀嘅紫菜包飯款式唔吸引，味道不過不失🥺整體黎講，School food嘅味道不過不失，質素感覺比以前差左

今日出去商場閒逛，旁邊美食廣場選擇不少，決定揀韓國美食，簡簡單單都唔錯。醬牛肉滑蛋牛油拌飯滑蛋煎得嫩滑，蛋下夾著大量醬牛肉，夠惹味，頂層粒粒芝麻香，拌飯食好滋味。魚糕濃湯拉麵+紫菜包飯拉麵麵質爽口，煙韌有彈性，拌上一串魚糕，魚糕和魚蛋爽口，湯底算濃郁。韓式烤豬肉紫菜包飯一絲絲惹味豬肉，卷上爽口醃蘿蔔，即卷夠新鮮。2%蜜桃汁淡淡蜜桃味，少少甜+$5 配秘製泡菜泡菜酸味和辣味都不高，適合香港人口味，我覺得加落拉麵好食。堂食/外賣$100有9折，精選套裝外賣自取85折，真係抵食

德福Foodcourt 經過番新之後多左好多選擇可以話係做左我平時返工既飯堂今日吹吹韓風 食韓國野School Food 好耐冇食喇 之前係長駐我既飲食list 入面架！韓式炒粉絲 配 紫菜包飯份量非常足 大概係我地二人既份量粉絲炒得剛好 唔太乾身 配合少少醬汁牛肉都炒到好入味紫菜包飯簡左韓式烤豬肉芝士辣炒年糕配拉麵芝士做到拉芝士既感覺配合埋韓式拉麵 食完真係好想去韓國呀紫菜包飯係schoolfood 服務員新鮮製作幾好架

School food 進駐德福2期5樓的foodeli , 主打平價韓食，價錢平而份量大。單點5x, 不過最抵食當然是佢既套餐。仲可以加幾蚊又多樣野，真係大件夾抵食是日套餐 芝士辣炒年糕配拉麵+魚羔串+紫菜卷韓式炒粉絲+紫菜包飯芝士辣年糕的韓國式辣醬， 望落紅彤彤的， 對我黎講就唔算好辣，仲帶有少少甜入面既料勁多， 除左有年糕，仲有韓式魚串同拉麵， 份量大又飽肚， 而且個醬都幾杰， 有少少膩，仲極之飽肚魚羔串並不是一串，而是一碗，配以湯上， 正好可以中和一下炒年糕的膩個紫菜卷幾得意， 紫菜卷外面炸過， 入面係韓式粉絲， 我就麻麻， 覺得成個卷無乜味， 不過小朋友話好好食。 韓式炒粉絲+紫菜包飯 $70韓式炒粉絲係我最愛的韓食之一。 School food 的炒粉絲做得唔錯， 夠乾身， d粉絲又夠味， 粉質又煙韌。蛋絲有少少硬， 不過夾埋d粉絲一齊食又ok喎。 紫菜卷個包裝靚到暈， 食唔哂可以就咁take away 呀開頭以為套餐， 都係得3-4舊度， 原來有成7舊咁多紫菜卷入面有豬肉同醃蘿蔔， 細細舊， 一啖一舊， 都幾過癮。 而我個小朋友話好好食， 於是佢食哂5舊， d蘿蔔就俾哂我

同男朋友去咗德福行街，肚餓去左呢個foodcourt食嘢！好多嘢食！好耐冇得去旅行咁就食下韓國菜🤣🤣🤣-🇰🇷韓式炒粉絲好多蛋絲🥰而且仲有芝麻嘅香味🥰牛肉好入味又夠多！粉絲入晒味索晒汁仲有唔少菇！粉絲仲係qq彈彈！好食！.🧀芝士辣炒年糕配拉麵韓式甜辣醬+魚糕+芝士真係絕配仲有年糕係底仲有公仔麵係年糕底！加埋晒超好食！大班人分都夠哂飽.🐥蜜糖芥茉炸雞飯卷飯卷入邊有蜜糖芥茉醬勁好食仲送魚糕湯🥰魚糕湯好好飲而且魚糕好重魚味又彈牙，仲有炸紫菜卷紫菜卷好脆而且好重紫菜味！點埋年糕個辣汁一流超似喺韓國食嘅地道小食🥰

疫情影響全球經濟，未雨綢繆好重要，媽媽買嘢食嘢都會諗真啲先決定，至於想好少少，最近就搵到九龍灣德福廣場的Food Court，包羅萬有的菜式選擇，性價比超值的價格，既可以慳住荷包，又可以食得豐富，真心要推薦俾大家!作為韓飯的媽媽，步入Food Court，第一時間望到韓國大受歡迎的School Food，晚市套餐才$60-$75，就可以吃到地道的韓式拉麵、炒粉絲、紫菜包飯、辣炒年糕等美食，應有盡有，經濟實惠。年糕套餐—芝士辣炒年糕配拉麵+魚糕串+炸紫菜卷 $67喜歡吃辣的朋友一定會錯過韓式芝士辣炒年糕，配上軟化的芝士拉絲，煙煙韌韌，配合軟腍的魚糕申，真心辣但很滋味! 在韓國小路旁的小攤常賣的炸紫菜卷，外皮酥脆，內含吸附醬油湯汁的冬粉，可口美味。韓式炒粉絲+墨汁魷魚紫菜包飯 $70以牛肉及味醂炒製的韓式炒粉絲，加入洋蔥、蘿蔔絲和香蔥炒製，最後以蛋絲伴碟，惹味吸引。School Food 提供六種紫菜包飯—墨汁魷魚、吉列脆蝦、蜜糖芥末炸雞、原味餐肉、辣炒泡菜、韓式烤豬肉，選了經典的墨汁魷魚紫菜包飯，以墨魚汁飯包裹墨魚和泡菜，鮮味獨特。

出嚟做嘢已經好耐，食韓國嘢多數去尖沙咀嘅餐廳慢慢品嚐。現屋企樓下德福廣場嘅Foodeli 開咗間School Food，就去試試佢嘅水準。店舖：School Food Blooming Mari芝士辣炒年糕配拉麵+魚糕串+炸紫菜卷😍😍食韓國嘢，就係鍾意食物有韓式辣醬，用辣醬炒年糕，就已經可以令平凡嘅年糕包裝為美食，再加上芝士的獨有嘅咸香，提升了食物嘅層次，我食到每粒年糕，每啖嘅拉麵都有咸、辣、香嘅味道👍🏻👍🏻韓式炒粉絲+紫菜包飯這款粉絲，自己在家都試過整，但功夫有限，真係好難處理！所以多數選擇在外食。粉絲不油不膩，亦可保持煙韌感。好有口感！😋😋，不得不提那些豬肉絲，非常之好味，每一條都好味入味！可以感受到是用心來做嘅菜式。食埋個紫菜包飯，超滿足😂😂

芝士辣炒年糕配拉麵炸紫菜卷呢個芝士炒年糕都比較辣同埋都比較多湯個人食唔到辣所以呢一個食咗少少，因為湯底太辣所以食得唔多，但總括來講都好味嘅，因為佢裏面都有少少甜甜地。另外紫菜卷就好特別因為佢裏面有啲飯團而且出面仲有一層炸粉，都幾特別。韓式炒粉絲加紫菜包飯韓式炒粉絲就唔係好特別好似一般炒粉絲咁，但係裏面加咗黑椒所以都幾好味而且裏面都有好多菜啊紅蘿蔔絲嘅配料亦都有些豬肉絲所以都好足份量紫菜飯團裏面

同baby食左mos burger之外，仲食左好耐無食嘅School food.芝士辣炒年糕配拉麵食韓國嘢點可以唔食橙色嘅辣嘢吖～年糕十分煙韌且軟糯， 唔會似出面有啲似橡膠，辣汁香濃惹味, 最正係有大家至愛嘅韓國公仔麵, 嗜辣嘅朋友唔好錯過!魚糕串係連韓式傳統魚蛋片放在清湯内加上天婦羅粒, 有啲似關東煮.炸紫菜卷, 我最喜愛嘅韓國食物之一, 外面很脆, 裹面係紫菜包住一啲爽口嘅韓國粉絲。韓式炒粉絲有十分豐富嘅配料，例如牛肉片，蘿蔔絲，蛋絲，木耳絲等等， 而且每條都充滿好香嘅麻油味，勁惹味可口，好快就畀我哋ko曬。紫菜包飯第一次食紫菜包飯係用蝦天婦羅（壽司就有食過🤣),不過就啱曬我哋，細細粒除左蝦天婦羅仲有醃蘿蔔添。依個food court仲有好多嘢都想試，坐得又舒服，下次再嚟試先！

現在當紅的跳唱組合一定是鏡仔們， 他有人說他們是模仿了韓國的組合， 但這個模仿有有誰真真正正的做得到 ，他們跳唱了自己的新天地， 食物也是一樣 ，過去紅極一時的韓國美食不知不覺被社會 忘卻了 ，這次我在這個food court之內，再次找到了他們來自韓國的美食，在香港一樣可以大放光芒，食物方面，我點選的也就是韓式炒年糕， 絕對是一個性價比極高的組合，年糕 入口煙韌， 完成年糕， 這個最上層之後，底下更有麵食作為主菜，絕對是飽肚之選 ，加上味道可口 ，辣度剛剛好， 這樣的韓風來襲，又有誰可以抵擋， 相信在香港也能好好做韓國菜。