School Food Blooming Mari (德福廣場) (Telford Plaza) (Closed)

School food tea set辣炒年糕+餃子+冇影出嚟嘢飲年糕好香芝麻味但食得多會膩餃子不錯 但份量太少成間嘢cp值感覺一般只有下午茶抵少少lunch應該食唔飽的

School food kimbap,都幾多款揀細細粒，容易食，對我黎講做下午茶啱啱好女仕應該細食d，可以做lunch平時嗌開辣豬飯捲今日叫炸蝦，食得香口d食落係脆，不過略嫌冇咩麻油香

黎到德福食午餐，Foodeli雖然唔係間間有開，都總算各國料理都有得揀。主食揀左School Food。好耐無食啦，原來得番幾間細店。韓式豬肉炒粉絲配午餐肉雞蛋紫菜包飯 ＄70炒粉絲都幾夠乾身，有醬油味，麻油味都幾香，配料有啲豬肉絲、菇、蔬菜同蛋絲。紫菜包飯都好靚，件件都圓轆轆。紫菜包住大大舊牛餐肉、芝士同醃蘿蔔，入口仲係暖暖地，不錯。韓式BBQ醬豬扒王飯配薯角 ＄68一大碟飯份量好多，大大件豬扒，仲有好幾舊薯角，男士食都非常夠飽。豬扒有燒汁味，但肉質略嫌唔夠腍。反而薯角咸咸地幾好食。仲有清湯、蘿蔔、大豆牙菜。而泡菜甜中帶辣，個人幾鍾意。呢個美食廣場都算大，環境乾淨企理，不錯！

我發覺自己真係太耐冇去過德福廣場🤣連佢有個food court我都唔知道。見到有韓國嘢就叫咗辣炒年糕配薯粉🤤🤤🤤其實味道係唔錯嘅而且年糕嘅份量都唔少入邊仲有魚糕添！正！冇諗過咁足料而且我仲加咗個薯粉之後其實份量有啲多一個女仔真係食唔晒🙈🙈🙈不過就真係太辣但係問咗佢冇得小辣🥲🥲一樣真係美中不足又或者可以甜少少而降低辣度 做返balance少少 #搞到我食咗我真係好辛苦#但係好好食#人生真係矛盾🤣

放工唔係好肚餓，去School Food買個輕便外賣，係帶番屋企既好選擇！凍食唔怕淋左紫菜包飯拼拼 $58 包2%桃汁飲品一罐1️⃣墨汁魷魚2️⃣韓式豬肉（已開餐）1️⃣墨汁魷魚飯圈今次係第二次黎呢度FoodCourt ，記得上次裡面既魷魚好細條，今次終於比番大塊厚既比我，有咬口好多，真係食到係魷魚味道2️⃣韓式豬肉豬肉就普通啦不過不失，全靠酸蘿蔔去調味，食完墨汁魷魚飯卷，食埋佢可以開一開胃。總結味道唔錯！但係飯嘅口感要改善，所包出嚟嘅飯偏乾身、偏硬新鮮韓式嘅飯捲應該係粒粒飽飽滿、帶濕潤有黏口感。嘢飲方面都多款，我揀咗2%桃味飲品，唔太甜幾好飲！

之前食過好食，點知依間分店咁差普通lunch set：芝士燒豬肉炒飯，隻蛋熟到已經係蛋焦嘅地步，豬肉大小就係蛋面果粒，而且唔多，個飯d芝士唔溶，個飯又偏油。。。本身比佢個menu上嘅魚糕湯吸引左，點知，黎到唔係一串魚糕，而係e d魚糕碎。。。入面仲要10條都冇呀！好sad嘅一個lunch set...

午餐叫了卡邦尼年糕+芝士，總共$52。回去打開之後發覺個兜本身已經細，啲食物重要只係得個兜嘅一半，好似比人食佐半咁，食完同冇食過一樣，湯底係芝士味嘅味精分，非常口渴。整體嚟講，係差到冇普！簡直呃錢！！

紫菜包飯拼拼$56呢一個套餐可以揀兩款紫菜包飯再加一個飲 品。其實都幾抵食，一款紫菜包飯都有七舊㗎。嘢飲佢有幾種揀一個係無糖可樂、可樂、鮮奶忌廉同韓國嘅七星氣水。蜜糖芥末炸雞呢款紫菜包飯有蜜糖芥茉炸雞啦、椰菜葉啦同埋應該係午餐肉（？）。佢個size 幾好，fit 晒一啖食晒。 其他嘅紫菜包飯有陣時太大嘅話要有一半， 不過咁樣嘅話裏面嘅料就跌晒出嚟。 我覺得如果餐廳提供埋韓式辣醬嘅話就最perfect la， 因為紫菜包飯同韓式辣醬好夾。 蜜糖芥末炸雞嘅蜜糖芥末味可以再多啲， 依家就咁食落去只係淡淡嘅蜜糖芥末味。韓式烤豬肉呢一款紫菜包飯有烤豬肉片同埋醃咗嘅黃蘿蔔。 小黃瓜又爽脆又脆咁樣啱啱好balance埋烤豬肉啲味。 紫菜包飯有埋小黃瓜咬落去口感幾好，食嘅時候有啲咬感。 呢度嘅紫菜包飯serve俾你嘅時候仲係暖暖地，唔會凍晒。

今日同朋友喺德福廣場附近行街，行過咁啱肚餓，見到school food嘅menu 價錢唔貴 個餐又多嘢！就心血來潮想試試！L4韓式炒粉絲+豬肉紫菜包飯（圖片調亂咗）額外自己加咗嘢飲同泡菜 $70+$7+$5-韓式炒粉絲炒得幾入味！配菜好多有木耳蘿蔔菇蛋絲洋蔥豬肉等，口感好豐富！ -豬肉紫菜包飯有成條（有七舊），豬肉調味適中，放咗黃蘿蔔入去增加咗個口感！-泡菜對我嚟講有啲辣，不過撈埋個餐食就剛剛好！L8 芝士韓式烤豬肉炒飯+魚糕串 $60+$7-炒飯飯底個味道好似係加咗海鮮豉油，唔會特別乾，撈埋啲紫菜豬肉蛋同埋芝士，口感超豐富，食到好滿足！-再加埋個魚糕串！意外地個魚糕湯唔係好味精，唔會特別鹹，有啲魚嘅湯味😍幾好飲！總體而言，呢兩個餐份量足調味剛剛好！好抵食😍🤟🏻會再食

德福美食廣場真係好多餐廳選擇，花多眼亂，近排睇緊魷魚遊戲，咁就食韓國嘢啦見到佢有好多款式嘅紫菜包飯，每一款都好想試，決定今次叫多幾款，再配搭一個小食，對兩個女仔黎講就差唔多啦原來而家有紫菜飯卷套餐，可以選擇兩款飯卷，送一個魚糕湯$54，我地分別選左吉列脆蝦紫菜包飯、韓式烤豬肉紫菜包飯、辣炒泡菜紫菜包飯、蜜糖芥茉炸雞紫菜包飯，每一個嘅飯卷切左七件，每一款味道都好好，我個人最鍾意韓式烤豬肉，酸蘿蔔同埋啲豬肉一齊食好開胃又好夾，魚糕湯個湯好好飲，入邊仲有兩塊大嘅魚糕添芝士辣炒年糕真係好夠辣，配合埋煙韌嘅年糕，真係好惹味

記得以前第一次食School Food Blooming Mari，個時仲係九龍塘又一城，諗返起真係充滿返學個時嘅回憶!對我黎講真係真真正既school food。今次食係去左九龍灣food court 既 School Food Blooming Mari，晚餐時間去Food court 已經好多人，搵位都唔易。等左陣先搵到位。而且都唔小人排隊，相當之受歡迎。最後我叫左個韓式BBQ醬豬扒王飯配薯角加醬油蒜香炸雞同一支忌廉牛奶，加埋125蚊。等左10分鐘左右就拎得啦，新鮮熱辣。韓式BBQ醬豬扒王飯配薯角|$72醬油蒜香炸雞|53整體黎講非常之大份，性價比高，一個成年男人黎講都食到好飽，仲好有當年嘅水準。豬扒飯有兩塊大豬扒，非常之吸引! 炸雞香口配左蒜香汁，甜甜地更吸引。如果未試過，又過經九龍灣可以試下。味道⭐⭐⭐⭐⭐環境⭐⭐⭐⭐服務⭐⭐⭐⭐⭐衛生⭐⭐⭐⭐抵食⭐⭐⭐⭐⭐

跟同学一起点的这家店的外卖，这家店的吃的整体是偏韩式的，个人觉得味道还是不错的，说真的韩式餐品有很多我个人都觉得吃不惯，我同学很多也是，所以我同学很多点的都是芝士韩式烤猪肉炒饭和韩式炒粉丝这两样，个人觉得这两样味道还是不错的。

今日去完歡樂天地玩之後就返返去德福廣場度搵食 見到呢度有新開嘅food court就去睇下有咩啱食啦 因為其實都唔係好肚餓 所以諗住買一個餐share見到呢度有school food喎 記得平時佢都係商場舖 好少會food court度見到叫咗一個年糕套餐 芝士辣炒年糕配拉麵＋炸紫菜卷＋魚糕串味道不過不失啦 味道偏甜唔算好辣 年糕多過啲拉麵個魚糕串雖然每一粒都唔同樣唔同色 但係個味道同口感係一模一樣嘅 個人麻麻地炸紫菜卷中間係類似粉絲 味道都ok

派左消費劵喇！當然都要去商場入番少少衣著 👗👠去左九龍灣德福，貪佢落雨都唔會淋到，仲要有唔少餐廳 🥰因為都已經消費左唔少，食飯就選擇較為經濟的Food Court 😂聽講個Food Court 係新開的，行左一個圈都未選擇到 就直接選擇左入去最多人買緊嘅🇰🇷School Food🇰🇷🧀芝士辣炒年糕配拉麵+魚糕串+炸紫菜卷食韓國菜又點唔可以唔食芝士同埋辣野呢？呢個芝士年糕香口又惹味，大快朵頤，配埋魚糕串同紫菜卷，中和返芝士年糕嘅膩🍜韓式炒粉絲+紫菜包飯大大份嘅炒粉絲，味道香口，不過略嫌油左啲。紫菜包飯不嬲都係School food嘅名物，一啖一件，啱晒同朋友share，大滿足！！！

有日放Lunch，經過Food Court，一入門口見到School Food好多人排隊，見好耐冇食過，一於試下個水準。📌墨汁魷魚紫菜飯卷 $28哩款以前名為「烏卒卒」嘅飯卷是School Food嘅經典菜式，飯卷混合左墨汁，中間包著微微帶辣既韓式醃魷魚，煙煙韌韌，非常惹味！📌韓式炒粉絲 $45炒粉絲份量非常足料，配料有蛋絲、紅蘿蔔絲、醃肉、蔥同芝麻。粉絲略為調味不足，冇咩味道，只帶有少許麻油味。整體性價比唔錯，罐裝飲品加$7就有，套餐會更抵食，不錯👍🏻📍School Food Blooming Mari 九龍灣偉業街33號德福廣場二期5樓501B號舖