尚膳素食 (Closed)

今天早上男服務員連續三次可以取走客人水壺，還可說自己好有道理！如果取去是有客人用就沒問題，但是沒有用人用還是取走，還說是公司規矩，太可笑！我都未見過這事情！這是怎麼服務啊？？xxxxxxxxxxxxxxxxxxxxxxxxxxxxxx

最近多左留意素食餐廳，而呢一間素食點心，我覺得食物都唔錯。可能平時傳統嘅茶樓從小食到大，反而覺得食到有少少膩，反而呢間，食完一次，就愛上左，至少無乜味精而且款色都多！完成拍得住其他傳統茶樓既！今次同屋企人2個去飲茶，叫左5款點心，食到好飽！叫左羅卜糕，雞扎，山竹牛肉球，鰻魚卷，同燒賣。我最鍾意就係佢個燒賣，好食過傳統既豬肉燒賣，因為無甘膩，無甘濟😂其次就係最出人意表既山竹牛肉球，因為傳統茶樓做既，我唔會食，因為質感同味道都好怪，反而佢呢度做既，好食好多整體梨講，多款式，無味精，2個人食左120蚊，完全可以接受！佢哋除咗點心之後，仲有其他素食小食，或許粉面飯。

真心食物係ok, 初一十五嚟食預咗佢忙。早上九點幾去到已經樣樣都冇又唔出聲，落咗啲冇嘅野阿姐又發晒脾氣。又冇寫出嚟人地點知啫大佬。之後食物嚟到錯晒，同佢講返，老闆娘仲要大大聲鬧我煩。阿老闆娘，錯嘅係你地，冇道歉都算，仲要鬧人煩，唔使煩，冇下次。仲有，門口同張枱真係污糟得好緊要，門口成地垃圾，食材亂放，張枱布都好污糟。幾平幾好食都冇用。最後最後，希望你地改善下啲態度同清潔啦，我都唔想屯門冇咗間平價素食。

2019～2～24 中午一家去食齋 坐低就開始篤點心紙 寫完就舉手叫人落單 完全無人理 叫咗好幾個員工都當你透明 愛理不理 有啲就當睇唔到 有啲行過都唔理 幾個阿姐圍埋吹水都唔幫你落單 另外茶壺無水等極都係無人理 要自己加水 到成 10 分鐘要自己攞張紙出去先落到單 點咗兩碟腸粉 之後就有個阿姐走過嚟叫 “ 無腸粉吖 ” 態度差到極點 咩事吖 我無錢俾咩 唔知以為呢度食嘢唔洗錢 定係啲員工無人工出 點咗盅頭飯 無乜味 等同豉油撈飯 唯一煎蘿蔔糕可取 其他都一般

以前只得幾間有點心，食過尚膳點心可以唔使去其他店了。個人口味超讚😋極力推薦尤其新界友👍🏽👍🏽蝦餃、燒賣、山竹牛肉、腸粉必食，有款非常特色的芝士素鴨非常了得

放假同屋企人出去食飯 最啱就係食中式點心!實冇死😂可以嗌多啲又夠飽😎 下午茶黎仲抵Deal 埋單打多個六折比你😨講返先 茶錢6蚊位 仲要有得揀玄米茶喎大哥 算係咁啦👀今次叫左6款點心🤙🏻分別係山竹牛肉球 ($18) ⭐⭐⭐⭐四寶扎 ($19) ⭐⭐⭐蟹柳鰻魚卷 ($21) ⭐⭐⭐點心拼盤 ($28) ⭐⭐⭐⭐蜜汁叉燒包 ($16) ⭐⭐⭐✨蓮藕餅 ($16) ⭐⭐⭐⭐我諗如果唔話比你聽間野係食素既話齋睇個野食名真係會比佢水左 以為係普通中式酒樓~.💰Total:$137 (9折 3個人除開先$46).味: 7/10飽: 8/10抵: 8/10.我巨石🗿將會繼續同大家跑素 搵盡全港甚至世界各地既美味素比大家.📍屯門鄉事會路112-140號雅都商場1樓4-6號舖

同小學的朋友聚舊，由於C是長期素食者，故此選擇了雅都商場的尚膳，該店拆夥改為尚膳後也沒來過，正好試試這家的水準。首先來一壺玄米茶，好香！兩個人聚舊吹水為主，唔係食得好多嘢咋，所以唔揀2/3餸飯，亦吃不下客飯套餐，揀咗幾個點心就夠。蓮藕餅$16，蓮藕餅煎得外脆內軟，內裡有蓮藕粒、冬菇粒和素肉，口感和味道都好正！薄皮素蝦餃$19，蝦餃皮真的很薄，無論口感與食味像真度高，好吃！紅豆芝麻糕$15，上枱時糕底一片水潤，糕身太濕，也不夠結身，口感雖然不佳，幸好麻香及豆香彌補不足。

同前者食評有十分大的落差，態度差，食物質數不好，味道亦麻麻。衛生環鏡亦不理想，竟然有“六隻腳”公然走動。12點左右，叫5樣點心，有2樣冇。點了個燒賣，肉質鬆散，雖說是素肉，也不應這樣。只有蒸包免強可以。失望﹗

每到中午又是時間苦思吃甚麼好，我在想自從緣來素食易手後(應該是易手吧，內裡裝潢都沒改變過)，都未曾嚐過尚膳素食，那不如趁機試試它的味道，反正也想吃些素食。雖然客飯超便宜，但是那些飯太大碟，我會吃不完，加上個人不太愛吃飯，還是點心較合我心意。我簡單地點了尚饍燒賣王，松露野菌餃及黑椒牛仔骨。尚饍燒賣王顆顆圓股股的，其肉以猴頭菇肉充當，混合蘿蔔粒，木耳豐富燒賣王的口感和味道，吃起來頗有飽足感，素燒賣來說整體不錯。先嚐清淡的松露野菌餃，後再吃濃郁的黑椒牛仔骨，那就不會蓋過其味覺，嚐到真正的滋味。松露野菌餃餃皮薄而晶瑩，內裡餡料清晰可見，松露味淡淡的，野菌飽滿富嚼感，水份十足，很推介大家一試。話說我未曾吃過素食的黑椒牛仔骨，所以很好奇它究竟是怎麼樣的。起初猜會否跟平日吃的一樣重醬汁，還有「牛骨」部份會用甚麼食材取代，上桌時已解開謎題。原來這黑椒牛仔的「骨」以素鵝肉充當，且與平日著重醬汁相反，黑椒都融入素牛仔骨裡，更能吃到黑辣的香辣，十分特別的素點心呢。

今日老遠入屯門，又係佛誕，決定食素，除左應節，亦提醒自己要食得健康，見到門面感覺正路，似一般點心舖，就食你啦！點半左右去到都算多人，要搭檯，但.....枱面兩個杯都係有洗唔乾淨既積，呀姐抹檯都都好求奇...叫左以下點心珍珠雞，用料略嫌有d唔講究，小量冬菇加羅白，同一堆qq咬口既豆類粒，糯米太淋太淋，最後係痴住曬個荷葉到，一d荷葉香都沒蝦餃，好多羅白同蒟藥，個咸做到蝦既質感，可惜個皮太厚粉強列不推介右邊既雞札，芋頭一領就散曬，唔粉，腐皮面好硬好乾，最差係個蟹柳，係出面茶樓d低質蟹柳，d紅色素印曬出黎....比較可取係呢個芝士素鴨卷，芝士係腐皮底到，個鴨係綠豆製品，質感似真肉最後埋單107，平心而論都算抵食，但味道有待改善！

上網見到有人嚟食素點心，特登搭車嚟試下。用真正港式點心嘅方法去做素食點心，而且係即叫即蒸，味道同葷點心真係好似。咁有心嘅餐廳，一定要支持！今回食咗蝦餃，珍珠雞，春卷.....唔講你真係未必分得到同葷嘅味道有咩分別。另外重有個點心拼盆，隻潮州粉粿同埋紫米卷同樣有同一感覺。素菜餃就不過不失啦，不過粒燒賣就麻麻地喇，呢度要扣些少分。所有嘢送埋枱時都係熱辣辣嘅，正！最後埋單都係一舊水多啲，去正常酒樓都要啦！