Rùn

Restaurant Week Summer 2024又係可以用比平時優惠嘅價錢食到心儀餐廳嘅時候個個食完「潤」都讚不絕口 所以想試好耐趁Restaurant Week即刻book黎試下【Elite Signature Dinner Menu HK$1,188 p.p.】喺品嚐前菜之前 先黎個開胃菜 鐵觀音果凍 櫻花蝦紫蘇葉【錦繡球黑椒和牛酥】錦繡球形狀外皮比起普通炸皮更硬身 口感更酥脆黑椒味濃 但唔會蓋過和牛味 而且非常軟腍【果醋麻香海蜇頭】果醋味道好濃 海蜇頭又大又厚 非常爽口【原個椰皇海帶杞子燉鮑魚】椰殼預先焗香 散發椰油香味以海帶 杞子 鮮鮑魚熬成湯 非常清甜鮑魚大隻得黎 新鮮爽口【避風塘富貴蝦】一般會選用海蝦 大蝦 因為咬落啖啖肉 用避風塘炒蟹做法炮製已去殼嘅瀨尿蝦肉都幾有驚喜瀨尿蝦肉較扁身 以為會冇大蝦彈牙嘅感覺點知外皮香脆 好惹味 咬起上黎入面嘅瀨尿蝦好鮮嫩彈牙【櫻花蝦百花燜釀白涼瓜】醬汁非常濃郁 一口咬下櫻花蝦 白涼瓜等食材 口感豐富【龍蝦海苔海膽汁葷油燜飯】選用澳洲龍蝦 肉質嫩滑彈牙用上一板北海道馬糞海膽部分海膽做醬汁 海膽味道非常濃郁葷油撈飯 口感濃腴【椰果石榴甘露】 台灣紅心番石榴配鮮奶 加入西米同沙田柚 椰果製成 甜而不膩【美點薈萃】最後以朱古力杏仁曲奇 椰汁糕作結非常滿足嘅一餐…Read More

昨晚一家人去食飯，本來係想開開心心。其他的侍應係餐與餐之間轉碟或者叉既時候，都會講聲唔好意思之類既說話。而唯獨得一位男侍應，係放碟既時候，係放每一個既碟既時候，都係用拋既方式。當放下既時候唔會理你做緊咩，係咪傾緊計。而係係你同家人談話時，直接衝過來，唔聲唔聲就丟一隻碟係你面前。重要係次次都係咁。遠距離地拋丟擺放餐具，我人生真係第一次見。唔知以為睇雜技😀正常應該係行過來你旁邊，然後輕放在檯面上。個碟或餐具係不會係檯面進行跳躍先落檯面。食物上正常。但只係服務已經可以唔洗去。…Read More

🥰 話說偶然聽到 “飲食達人” 講起 St Regis 嘅 “潤”, 又話係米芝蓮二星, 今日相約老友 “甘仔” 慕名而來.🏘️ 餐廳屬酒店中菜廳, 格局夠晒氣派, 樓面呈正方形, 再佈柱陣, 包著內圍嘅餐枱, 以分隔靠窗外圍嘅枱, 我鍾意個氛圍.🥢 今日點咗行政午市套餐, $888+10%, 另加 酒藝體驗, $348+10%, 另收茶芥位位 $52.🫘 花生. 松露味道, 星級嘅小食, 哈!😱 蜜餞西班牙黑豚肉叉燒. 太腍, 冇嚼口, “甘仔” 覺得好水, 搞唔掂.🐚 油雞樅菌涼拌花膠. 花膠爽身, 但略欠口感, 配合輕微嘅椒味, 不俗!🥣 珍珠肉螺頭燉豬𦟌. 熱辣辣, 鮮甜. 但係呢個味道, 其他餐廳都俾到你.🦞 花雕蛋白蒸龍蝦球. 蛋白滑而味淡, 龍蝦不知所措. “甘仔” 食完都唔知道 “應該” 係有花雕, 非常失望!🤗 鮮沙薑油泡南非鮮鮑魚. 鮑魚高質, 唔靭又有嚼口, 但炒唔出想炒嘅鑊氣, 部份位置偏鹹.🍯 仙翁米桃膠蛋白杏仁茶. 熱辣辣, 又滑溜, 甜味啱啱好, 今餐最滿意嘅菜式.🍪 美點薈萃: 洛神花茶糕, 開心果曲奇. 安全過關!😱 結論: 環境氣氛一流, 人手係夠嘅, 但就係服務有時差, 介紹菜式有點含糊. 論食物, 我唔識欣賞囉, 哈哈. 涼伴花膠 同埋 燉湯 質素普通, 叉燒有點驚嚇, 花雕蛋白龍蝦又食唔出花雕. “甘仔”一路食一路問: 係咪真係二星? 我心諗: 走吧!…Read More

筍尖蝦餃 ($108)晶瑩蝦餃皮包著鮮爽嘅蝦肉，餡料多汁錦繡球黑椒和牛酥 ($148) 造型精緻 酥皮層次豐富😍🤩好香牛油味 入面係黑椒同埋和牛碎 海苔龍蝦春卷 ($198)龍蝦肉爽彈，外皮是精緻嘅窩夫皮，超脆好味核桃燒雞粒酥 ($98) 熱辣辣調味十足餡多椒鹽白飯魚 ($168) 酥脆可口煙燻滷水鴨肝配脆饅頭 ($368) 一打開煲蓋就有煙燻飄出嚟 好大陣煙燻味，係冷盤嚟嘅，食落陣煙燻味就唔重，入口即溶 好香肝味，配上鬆脆嘅炸饅頭好可口西班牙黑豚肉叉燒腸粉 ($208)皮薄餡多，以西班牙黑豚肉肉質軟淋，好吃😋鳳梨咕嚕肉 ($258) 正常發揮招牌鹽香雞 半隻 ($328)肉絲桂花蟹肉炒米粉 ($288) 肉絲、蛋、鮮蟹肉、芽菜和幼米粉，食材豐富好吃酥皮蛋撻 ($88)蛋漿焗得恰到好處，上碟時熱辣辣，蛋漿深色好滑，口感一流送上自製朱古力杏仁曲奇及紅豆糕，曲奇送上嘅時候仲係熱辣辣好食😋 —𝗋𝖾𝗌𝖾𝗋𝗏𝖺𝗍𝗂𝗈𝗇𝗌: yes𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: maybe💳 𝗉𝗋𝗂𝖼𝖾 $500 𝗉𝗉 (lunch)🌟 𝗈𝗏𝖾𝗋𝖺𝗅𝗅 8/10📍 潤灣仔港灣徑1號香港瑞吉酒店2樓…Read More

家人生日所以黎呢間米芝蓮二星試試🌟🌟潤係st regis 2樓 會展站出口 沿住天橋行就到 非常方便！我地首先叫左果醋麻香海蜇頭開開胃 - 好大塊海蜇頭 酸酸地 小小麻香 好開胃👍之後就叫左幾樣特色嘅點心 - 錦繡球黑椒和牛酥、娘惹香辣鹹水角 、櫻花蝦脆蝦筒腸粉 - 賣相精緻 簡直就係色香味俱全！見到隔離檯叫左呢個雞好吸引，所以我地又叫😂 鐵鍋雞 又真係幾好味 雞好嫩滑 個汁都好好味甜品三弄 - 椰果石榴甘露，焙茶朱古力慕絲，椰香斑蘭雪花 三樣都好食 尤其係個石榴甘露 👍…Read More

今日book咗嚟呢度食午餐見佢係米芝蓮兩星嘅中菜就諗住試吓佢會點樣演繹中菜首先叫咗一龍蝦餃同埋一籠燒賣同埋仲有一個炸蝦腸粉。個蝦餃呢個皮都係晶瑩禿頭嘅，但係林好食嘅同埋個餡就正常啦正常發揮啦冇話好特別，同啲好食啲嘅茶樓差唔多。個燒賣都係都係中等好好食嘅燒賣嚟㗎，但係亦都冇話非常突出。個炸蝦腸粉係做到佢入面啲炸蝦係脆上面就有啲脆嘅粉咁都好好食嘅。之後我叫咗佢哋嘅蛋撻咁佢蛋撻都係好食嘅，但係亦都冇話好食過我去食香港一啲專做蛋撻舖頭嘅味道跟住嗌咗佢嘅Pork spare rib。咁呢個pork spare rib我覺得整得幾好食嘅，真係個肉又夠腍又呢佢又好香嘅蜜糖味咁多碟嘅菜之中我覺得呢啲正正最出色啦，同埋佢個plating都做得好好嘅跟住我試咗佢嘅石榴甘露呢個石榴甘露呢我覺得係正正最突出嘅佢係粉紅色，所以賣相已經好好㗎啦，然後佢嘅甜味呢係同楊枝甘露比較另一種發揮未食過嘅我都會建議嚟試吓佢嘅石榴甘露…Read More

今日一個人嚟食lunch， 叫咗幾個特色餸菜， 味道都唔錯。 之後我專登叫一個咕嚕肉嚟考佢哋牌， 點知就出事喇。 嗰啲咕嚕肉佢切到一條條， 炸完之後又唔鬆化又冇乜肉汁， 同我姨媽整嗰啲咕嚕肉爭兩班， 我見佢個大廚成日出嚟同人打招呼， 我諗呢啲家常菜佢都唔得閒驗貨啦， 唔係二鑊就係三鑊做㗎啦。 如果你哋鍾意食淨係脆口嘅咕嚕肉條可以一試， 如果你哋好似我要求咁嘅就試過第二個餸算啦。 我今次居然咁仁慈冇叫佢哋重新做過一碟， 我係唔係改變咗呢？我姨媽都應該覺得好光榮， 最少一味餸菜完勝米芝蓮兩星餐廳， 呵呵呵…Read More

很喜歡吃中菜的友人生日，訂了St. Regis的二星中菜餐館「潤」為他慶祝餐廳的裝修很有格調，調暗的燈光感覺挺浪漫的，非一般中菜館的格局前菜是海苔炸嫩豆腐 & 蘋果醋醃蘿蔔，小小的一口，令人打開了味蕾友人超級喜歡順德菜的拆魚羹，當然要order給壽星仔品嚐喇奶白色的湯底味道鮮香，胡椒帶出魚羹的甜，如果魚羹內材料的份量再多一點會更加分「招牌鹽香雞」的雞肉滑嘟嘟，鹹香味道平衡，難怪叫招牌「醬燒豬助排」的肉質鬆軟，不知是否我沾得太多碟上的蒜砂，味道稍微偏鹹了些「百合腰果蓮藕炒爽脆」很多素菜館都炒得很好吃，這裡也發揮到水準「蝦籽日本花菇紅燒豆腐」是另一款個人很喜歡的菜式，豆腐的嫩滑 & 醬汁的調味都出色甜品餐廳為壽星仔準備了壽包另外點了「開心果露」 &「椰果石榴甘露」。「開心果露」超級濃郁，是開人果迷必吃之選；吃罷中菜，我還是來碗酸酸甜甜的「椰果石榴甘露」消消滯…Read More

又係Restaurant Week選擇，呢間餐廳相對低調，沒有高調廣告🪧雖然餐廳位置唔算最方便，價格亦相對高，而且需要全費預繳，但係星期四嘅晚上7:30，餐廳仍然坐無虛設，二星餐廳👍🏻👍🏻👍🏻整餐飯由頭到尾都咁好食😋😋😋呢晚試吓個Restaurant Week套餐，$1388pp，未包括茶芥😅開胃菜蘋果醋蘿蔔，切簿片再捲起，增加口感😋海苔豆腐粒，好惹味😋配侍酒師精選餐酒 Rose Champagne🥂蜜餞西班牙黑豚肉叉燒 配 麻辣田雞扣伊比利亞豬，全部選用背脊位置，每一隻豬只有少量背脊部份，非常珍貴，難怪入口即化👍🏻田雞，全部都係胃部，全碟有接近十件，真係用料上乘👍🏻而且田雞非常彈牙再配合辣辣地真係超好食😋😋😋原個椰皇海帶杞子燉鮑魚廚師先將泰國椰子放入焗爐焗出個椰子油，之後再將食材放入去燉，足料鮮甜好味道👍🏻黑魚子龍蝦蒸雙色蛋上面係澳洲龍蝦，下面係忌廉蒸蛋，配上龍蝦湯，建議由上而下一羹到底食，上面嗰塊係黑魚子壓扁，製作而成，😋百花豬網油炸蟹鉗蟹鉗，下面係蘿蔔，汁係酸甜汁，好開胃🤤而且足料啖啖肉😋魚湯方魚芹香白玉浸台山蠔台山蠔，個湯底係梭羅魚及多種不同類別嘅魚熬製而成，非常鮮甜，建議與方魚、中芹同食😋蛋白杏仁茶 配 養生南棗糕個杏仁茶好香😋南棗糕，有少少藥材味冇咁甜，仍然保持好煙靭👍🏻美點薈萃抹茶南瓜子曲奇好香脆，好正😊餐廳嘅環境我哋坐喺外圍，可以欣賞城市夜景，內部設計都幾有特色😄…Read More

第一次去潤這餐廳，服務態度非常好，食物質數水準高，令人回味無窮。 由頭盤到甜品，每一樣都令你感受用心去製作。1. 煙燻滷水鴨肝配脆饅頭—- ⭐️⭐️⭐️⭐️⭐️2. 蜜餞西班牙黑豚肉叉燒—-⭐️⭐️⭐️⭐️⭐️3.招牌鹽香雞(半隻—-⭐️⭐️⭐️⭐️⭐️4. 百合腰果蓮藕炒爽脆—-⭐️⭐️⭐️好味但1份的份量太少5.甜品三弄 - 椰果石榴甘露，焙茶朱古力慕絲，椰香斑蘭雪花—-⭐️⭐️⭐️⭐️⭐️6. 麻糬甘柚酥—-⭐️⭐️⭐️⭐️⭐️7.椰果石榴甘露—-⭐️⭐️⭐️⭐️⭐️…Read More

兩年多沒再重訪，剛好朋友相約中午吃小菜，正是回味之時。嚐了多款小菜，確實水準之上，創意與烹調技巧並重，色香味俱全。辣酒凍花螺辣酒煮花螺是大排檔常菜，升級版最大的特色是螺肉已經取出，省卻自己用牙籤挑出來，當然開心！味道調得很好，辣而不霸氣，花螺肉質柔韌，作為首道菜式，成功喚醒味蕾！百花臘味荔芊脆多士好看又好吃，我覺得樣子有點如白色大眼睛掛在方臉上。脆多士造型層層交錯疊起，非常酥脆，與充滿鹹香的臘味及軟糯的茘芊成強烈對比，外脆內軟口感討好，心水推薦！別忘碟底的黑豆，師傅把它們炒香了，口感脆卜卜很好吃。點心拼盤娘惹香辣咸水角、西班牙叉燒、松茸燒賣、酸菜鱈魚餃娘惹香辣咸水角做得精緻，貌如一個迷你青蘋果，非常輕巧，微微香辣成功人士提味。叉燒是潤的招牌，咬口相比一般的黑毛豬更軟熟。煙燻鴨肝這是我每次來「潤」必吃的菜式，因為一試難忘！煙燻的香氣並不片刻流失，成功鎖在鴨肝內，入口齒頰留香，質感軟熟如鵝肝醬，細緻幼滑，頂級佳餚！錦繡蛇羹 $288/位如期望中刀工細緻，材料十足，味道醇厚，特色是帶點甜美，同伴估計也許添了些蔗糖或羅漢果糖。本來沒有想過在「潤」吃蛇羹，原來別有風味，值得重溫！醬香粟子燜乳鴨醬香味道濃郁香惹，乳鴨燜至軟身入味。招牌鹽香雞 $328/半隻皮脆肉嫩，充滿鹽香而味道適中。魚湯鮮黄耳百合魚腐泡豆杯8個魚腐脹卜卜浮在面，空氣感強，似杭州菜的浮水魚丸。配清醇的魚湯、有營的黃耳與百合，正好中和剛才的肉膩，清洗一下味蕾！陳皮薑米脆鱔炒飯 $298一道味道濃郁的炒飯，可能放得久了，鱔肉沒有期望中的脆口，失了點分。蛋白杏仁茶配酥皮蛋撻、合桃酥、養生南棗糕、紅棗糕用心製作，沒有投訴。…Read More

讚1 環境骨子 服務係酒店級既殷勤2 部分菜式好味噃 滷水肝超滑 燉花膠好腍滑 魚湯鮮甜 連蛋撻同開心果露都非常夠味彈1 創作菜唔鍾意食 中式牛柳既醬汁太假 脆飯糰油左 同埋個味唔型唔夾…Read More

第一次試米芝蓮二星嘅中餐廳，感覺幾好。平日嘅中午人唔算多，環境寬敞唔會嘈吵，價錢以酒店嚟講唔算貴，食物賣相精緻，味道都唔錯！首先佢個小吃紫菜腰果惹味又開胃，點心數量可以按人數調整👍🏻和牛酥賣相好靚不過食落就冇咩特別，另外一個signature黑毛豬叉燒個人好鍾意，冇咩肥肉但非常Juicy，調味亦出色😊季節限定花臘味荔芋脆多士，都幾特別！甜品椰果石榴甘露，好清新附送嘅甜點都好食😋想食餐好又唔想太貴呢度絕對係好選擇，值得推介！…Read More

潤 (St.Regis) 🌟🌟 Michelin 2-Star 🌟🌟由19年開業到摘取兩星只係用咗四年時間。由洪師傅執掌，理念係以當代手法演繹傳統粵菜。當其他有名粵菜都係老字號，不追求創新時，就令潤成功喺眾多粵菜中脫穎而出✨今次午餐過嚟試潤最具名氣嘅點心，每一款都好有心思同賣相極之精緻。能夠將點心做到似藝術品真係好特別💕⭐️ 錦繡球黑椒和牛酥呢款點心喺陽光嘅襯托下更為精緻。外層麵粉酥脆，餡料加入醬汁同埋黑椒和牛，外脆內軟，肉質鮮嫩多汁，結合起來係絕佳組合。⭐️ 龍蝦春卷 外層春卷皮薄而且凹凸有口感，炸至金黃酥脆。餡料龍蝦肉鮮嫩彈牙，味道濃郁，配合酥脆外層令口感更豐富。⭐️ 星斑金魚餃呢款點心精緻得來好可愛，造型好似兩隻金魚游來游去，而且擺盤十足一個魚塘，不得不讚嘆師傅手藝真好✨金魚餃的外皮脆，內餡則是使用新鮮的星斑肉和精心配製的調味料製成，十分鮮甜。⭐️ 蜜餞西班牙黑豚肉叉燒黑豚肉比較肥美，非常嫩滑多汁，外層輕輕燒濃，搭配上蜜餞嘅甜味，每一啖都好滿足😊…Read More

😋✨“润”✨【✨新晋米芝莲二星中餐厅】✨😋 🍴地址：湾仔港湾径1号香港瑞吉酒店2楼 🕑营业时间：星期一至日12:00 - 14:30 18:00 - 00:00 🌟荣获米芝莲二星的“润”中餐厅，美食天堂！由星级名厨洪志光师父执掌，以当代手法演绎传统粤菜。洪师傅悉心设计的菜单，精选优质上乘食材，打造出精致、创意十足的时令菜肴。 叉烧🍖：蜜栈西班牙黑豚肉叉烧，肉质嫩滑，油脂丰富，搭配果醋麻香海蜇头，口感酸甜爽口，绝配！ 花胶🥣：原个椰皇螺头炖花胶，口感绵密，滋补养生，是道经典的粤菜。 龙虾🦞：豉油皇干邑龙虾尾，肉质紧实，味道醇厚，搭配豉油皇汁，美味无敌。 星斑🌸：剁椒粉皮蒸星斑球作菜心，肉质细嫩，口感细腻，与剁椒粉皮相搭配，营养丰富。 甜品🍊：椰果石榴甘露，清甜爽口，解暑去热，是道不错的甜品。 🥳环境：店内装修典雅奢华，氛围浪漫，适合各种场合。🥳 🎈美食天堂，美食爱好者不可错过的美食店！🎈 #美食探店 #美食分享 #香港美食 #米芝莲二星 #润中餐厅 #湾仔美食 #甜品荟萃#香港 #香港美食 #香港探店 #香港米其林二星 #香港中餐厅 #香港瑞吉酒店香港约会餐厅 …Read More