Video
3-min walk from Exit A2, Sheung Wan MTR Station
continue reading
Telephone
34849072
Opening Hours
Mon - Fri
09:30 - 20:30
Sat
12:30 - 17:30
Sun
Closed
Public Holiday
Closed
Above information is for reference only. Please check details with the restaurant.
Recommended Dishes
Signature Dishes
上次試過呢間店嘅鴨胸覺得好食, 成日想搵機會再去, 但佢只開星期1-6 9:30-20:30 , 星期日同假期休息, 維有專登搵個星期六早啲去, (因呢間小舖只得大約十個位左右), 舖內多左幾張椅, 唔似上次咁要坐圓凳, 可以舒舒服服坐係度食招牌西班牙紅酒焗鴨胸配薯蓉 $62鴨胸比上次細大約3份1, 外脆內嫩, 保持水準, 好味蜜桃三文魚野菌意大利麵 $58 意粉不會太腍, 忌廉煮得較稀, 食完唔會立口餐+$18 可揀蛋糕一件左 朱古力香蕉蛋糕,朱古力味濃,味道唔太甜 右 魔鬼朱古力蛋糕, 朱古力味濃, 甜中帶有少少苦味 熱奶茶 冇茶味同奶味 熱檸茶 不過不失
continue reading
Lunch食黎食去都係嗰幾間，有時都真係悶悶哋，聽同事話朋友介紹上環有間好味嘅餐廳，話鴨胸好得！鴨胸！？賣飛佛今日約埋幾個朋友一齊過去試下，好彩尋日醒目打去留定張枱，去到見小店原來喺商業大廈大堂嘅1個細細area，只得5張圓枱仔。雖然留左位，我地1點黎到都要等左十幾分鐘，有人埋單我地先有得入座。好彩等位其間，侍應（老闆？）好好人地幫我地落左單先。雖然餐廳細細，但見餐牌都有8個餐揀，認真唔錯喎！有幾個餐都想試，但我今日係為左鴨胸而黎架叫硬你啦鴨胸仍然在等位~~~ 其間見到凍櫃嘅蛋糕，啲名幾吸引喎，個樣雖然唔係好似名餅店整得咁靚，但好有home made感覺，都好想試下！下次一定會試我嘅午餐黎啦，見鴨胸原條上，有薯蓉陪伴住，仲聞到好香紅酒味嘩！垂涎欲滴唔好見鴨胸塊皮黑哂，食落一啲都唔覺係燶味，相反有陣甜甜哋嘅焦糖香，又脆脆哋，鴨胸襯埋紅酒汁真係幾夾！掂呀薯蓉唔係用攪拌機打到爛哂嗰種，有粒粒薯仔肉，仲有啲薯皮，因為食薯仔皮其實係有益的，我鍾意喎呢個係朋友點的紅棗雞腿肉意粉，試左小小雞腿肉，無紅棗味，但個汁好香菇味，幾好呢個係朋友點嘅豬頸肉菠菜意粉，佢話唔錯呢個係朋友點嘅all-day breakfast，睇落好吸引Set lunch包咖啡或茶，如果點餐牌上其他特飲有半價。不過，我地幾個餐（all-day breakfast除外）嘅份量都唔算太多，都唔係話太飽如果我下次點鴨胸，可能配意粉會滿足啲不過呢次午餐整體感覺好好，侍應（老闆？）好nice、態度非常好朋友們都話小店嘅午餐好味
continue reading
看到好評不少，聽說這裡不會讓顧客失望之外，更會讓人感到幸福！今天午餐就過來看個究竟。找到了，地點有些不起眼，店舖不大，沒有留心找的話就只會看到那大型連鎖快餐的招牌。店舖的感覺有點像潛建出來似的，只有數張枱，大概只可以容納十多個顧客。因為是差不多兩時，顧客沒有很多，坐下後店員非常主動跟友善把餐牌送上，還會簡單說一下有什麼選擇。點了一份英式全餐，感覺挺豐富的！ 有自家製窩夫 + 脆皮腸 + 沙律 + 炒雞蛋 + 香蒜野菌 + 牛角包…全餐賣相算是精美，排列得挺整齊。自家製窩夫配以朱古力醬，外脆內鬆；炒蛋跟平常吃的有點不同，比較濕一點，配以適量的黑椒粒，偏淡但蛋味濃郁。香蒜野菌的菇味、蒜味都還算可以，也是偏淡的。牛角包表層塗了蜜糖，跟平時 All Day Breakfast 吃到的乾巴巴牛角包明顯地有誠意！ 正因食物都是偏淡的，反而更能突顯出窩夫跟牛角包的甜美！看到有養生茶這個系列的飲品，放棄了平常的奶茶咖啡， 點了紅莓 + 蘋果 + 玫瑰的茶 (讓是算是果汁?)紅紅的顏色跟洛神花茶很相似，本來還以為是甜得要命的！誰料甜度很適中，帶有清幽的花香，跟紅莓蘋果很搭配！攪拌一下，滿滿的花瓣在杯中飛舞！這個角度，感覺很美！同事點的，三文魚凱撒沙律配 自家製香草多士！感覺也很不錯呢！這小店不錯，花茶令人感覺過了一個悠閒的下午！絕對值得細味他的味道！
continue reading
上環有一間小店， 雖然唔起眼， 但每次經過都有人等位， 店門外有幾張枱同梳化椅比客人坐， 這間小店 除了cake 出名外， 絕對要推介招牌西班牙紅酒汁配鴨胸， 連平時好少食鴨胸既我都一試就愛上， 鴨胸表面應加了糖霜或蜜糖， 鴨胸濃厚的肉汁配上秘製的紅酒汁， 再加上鴨胸外層的甜蜜味道， 甜而不"利", 實在令人一試難忘。另外，英式早餐都多人點的， 非常豐富， 所以我同朋友來這裡通常都會點這兩個招牌菜，最後加柸熱咖啡就最prefect 喇
continue reading
今天上午在上環處理工作上的事做完後便打算食埋lunch先返返灣仔office~係openrice尋覓到呢間小店cafe 睇到價錢同食物類型都唔錯便馬上Gogogo!由於做完野已經1:45 所以午飯的人潮已散得七七八八只有我一個客霸氣包場我點左set A招牌西班牙紅酒焗鴨胸配薯茸 （HKD 60)一送上黎就已經聞到經香濃既紅酒味 口水分泌加劇 真係聞都滿分！再切落去 肉質十分嫩 好易就切開到！而且加左糖烤的皮真係不得了 超級香脆又好好味😍連本身唔中意食皮既都食哂！成個Lunch 好高質！Must try again!希望下次可以試下佢既自家製蛋糕
continue reading