紅螞蟻 (Closed)

因shopping關係,尖沙咀可以話係小妹半個主場之選,如果唔想同人迫,可以考慮這裡了,格局唔失禮,坐都舒服d!!叫了-----1)大蝦天使麵-------蝦唔算大隻,更談不上新鮮,唯獨天使麵不粗不幼,口感好.2)蜜汁焗雞片飯--------汁不算多...雞片較薄身,尚算可以3)西瓜汁----------反而呢个有水準,消暑一流,推介整体來講,基實食物質素來講,收呢個價錢真係........,但尖沙咀食嘢算係今,起碼揾位易d,食既過程中,你是relax的.樓面亦有禮貌,有招呼..可以一試!!

很久之前用手機拍下的,那天到尖沙咀閒逛覺得肚餓,想趁還是下午茶時段來個早早的晚飯香檳芥末籽汁火腿意粉忘了名字,是其中一個下午茶餐,還是第一次吃芥末籽汁,芥末籽的味道沒有一般芥末汁那般濃烈,味道比較清新,好特別可以再Encore~P.S.店內的裝修陳設的確很好,但是地上總是大小垃圾,紙巾,牙簽,食物殘渣都有,有點兒影響食慾

24/10/2009 (星期六)今日剛剛好要去尖沙咀上課，可能剛才吃午飯唔夠飽，所以下課後找地方食下午茶，我叫咗一個日式雞中翼麵試下，加我至愛的凍檸茶。日式雞中翼麵： 湯麵是選用清湯底，麵是髮絲麵，質地比較煙韌，唔會太淋，日式雞中翼幾好食，炸得啱啱好，而且有4隻咁多， 仲有菜，都幾健康。

約朋友去尖咀行街，一早講左唔食得熱氣野，朋友就提議佢去過既e間西餐食怕夜d會多人，所以7點左右就入左去食，唔使等位but無哂卡位。點左個茄汁蝦天使麵(唔記得個名)同牛魔王焗飯，加多個芝士汁焗西蘭花，兩個主菜都加$25轉餐(菜湯或沙律,餐飲)先黎個天使麵....應該係天使碎麵...個汁都ok份量亦足夠...不過個蝦就只可以話唔好食同埋佢有個蝦頭係度，唔知係咪我唔記得拎起個蝦頭先，我食食下d麵會食到d斷左既蝦鬚(好大陣怪味).....芝士汁焗西蘭花...oh...應該係白汁伴烚西蘭花(偏黃)，再灑少許芝士= =牛魔王....食兩啖已經唔想食...餐飲熱奶茶....建議都係叫穩定d既凍檸茶好d...唯一覺得ok既係個沙律....

A小姐大病初痊，又相約在上課前來個「老人院飯局」，地點當然又是尖沙咀一帶，最後由她決定到亞士厘道的「紅螞蟻」。自己首先到達，看見門面及裝修也不錯，入坐後服務員遞上餐牌，在下午六時前仍然有午餐與下午茶供應，不收加一服務費。但服務員除了餐牌外，清水也沒有一杯，已有一點錯愕。等到A小姐到來，再一起下單，本來點了午餐「德國汁燴羊肉飯」，可惜在下單後服務員才收到通知已沽清，唯有改為蜜汁焗照燒雞片飯($48.00)，飲品則選了不用額外加錢的西瓜汁。西瓜汁先來，雖然走了冰，但仍然感到十分冰凍，西瓜的甜味亦適中，沒有溝水的跡象，感覺十分不錯，值得一讚。再來是主菜蜜汁焗照燒雞片飯，一看之下，其賣相已經有點不濟，再加上看見乾巴巴的雞片撻在碎濕濕的飯面上，再打了折扣。不再想有更多聯想出來，馬上試了一口，馬上感到滿口豉油味，還是這就是所謂的照燒汁？那麼蜜汁在那裡？難道在雞片裡？又再次求證一下，將乾巴巴的雞片放入口中，又是同一的豉油味？飯底的粉碎程度好像回到米粒時代，最後吃剩一半便放棄。哦‥‥原來這碟是豉油汁焗豉油乾雞片碎濕濕飯粒，是一款應該擁有十四個字長名字的食物。食物水準實在‥‥廚師應該要參加烹飪再培訓課程

當天因為放假約了舊同事在尖沙咀亞士厘道的紅螞蟻餐廳食飯,平日午飯時間要等位,我們等了大約15份鐘,因為這區很多 office原因。記得多年前要找間餐廳晚飯,行經過銅鑼灣分店,看了後餐牌就沒有興趣進入,當時覺得只有飯和意粉完全沒有吸引。但因為近年經常在外面食飯,為了多些選擇就試試這間尖沙咀分店。我們點了鴨胸意粉, 從賣相至味道都沒有特別的材料和味道,沒有色香, 味道尚算可以,比茶餐廳煮的意粉較好,因為意粉軟硬度適中, 不怎似一早煮定放著,起碼吃進肚的意粉質感幾好。另一款是我點的軟殼蟹飯煲, 這個頗為吸引的賣相和有齊色香味的一煲飯,我一個人全部吃掉,不是因為很肚餓,而是個飯底很軟熟,再且吃飯是很有營養而飽肚的食物,下午就無需再叫下午茶了。

行過亞士厘道,諗住食晚飯,但有好間,唔知去邊間,一於去間穩震啲嘅.入到去由於時間尚早,所以有卡位坐,叫咗兩個主菜:金牌雜錦焗飯 -- 焗得不錯,飯亦不會太硬,有鮮冬菇,帶子,蜜豆,雞肉等,材料算幾鮮.鴨肉鵝肝醬蔥油薄餅 -- 開頭對個鴨肝都有啲期望,因為個薄餅要成$68,嚟到見到都好大舊,點知一食落去發覺無鵝肝味,仲好似豬肉同豬膶咁,至於個蔥油餅,雖然都很脆,但比較多油,個鴨肉就無乜特別.順帶一提,這裡的服務確實不錯,嚟錯咗個薄餅叫佢換,一啲面色都沒有,其他的亦會主動添茶,服務值得一贊.

無耐之前就哩個紅螞蟻，今晚又哩食係貪佢久唔久有新意，D嘢有時又幾有特色！老婆加埋個老友一行三人，要咗個二人餐，因為睇過個餐有咩食，實夠三個人食，所以俾個主題佢叫2人（餐）3足（夠食），除非3個大食怪，咁就唔敢講夠唔夠食。個2人餐有小食拼盤，包括生煎蘿蔔糕、香炸魷魚鬚、涼拌茄子、日式雞中翼同炸肉丸，或者幾款特色小食揀2款，計計數都係拼盤抵D！主菜有多款特色粉麵，又係任揀2款，我哋要咗個香檳芥茉汁燴羊仔肉天使麵同蕃茄汁蟶子焗飯，再包2杯餐飲（另加$10可轉改特式滋潤熱飲）。大家又想試試佢個名物「酥炸美國豬大腸」，都係$30，又點埋佢囉！小食拼盤方面，較為欣賞個生煎蘿蔔糕同涼拌茄子，兩者味道比較突出，蘿蔔糕好夠蘿蔔味，似乎無偷工減料，而個茄子正，清新鮮甜麻醬香濃，但係個酥炸豬大腸，同平時晌街邊食到嘅相差無女幾，依然係腸壁內一層層肥膏，口感味道無咩分別。輪到講主菜，個天使麵比想像中好，至少唔會話個麵煮到腍埋一「pat」，羊仔肉軟熟又唔太羶，有芥茉汁味，但唔係太覺有香檳酒味；個蟶子焗飯幾香，蟶子亦都唔少。臨尾大家話仲有布少少虛位，所以追加多一客甜品「焗紫糯米焦糖布甸」，一客3個淺嚐，食埋個甜品，

H & K 於星期五放工後一齊去尖沙咀食飯, 結果發現周圍都要排隊等位, 不然就是 fully booked, 心不禁想真的有金融海嘯 ??由於只有這間紅螞蟻不用等位, 故好餓的 H&K 就決定在這裡食晚飯選吃了以下:1. 炸軟殼蟹三文魚熷飯 ==> 煲仔飯一樣,味道沒特別,三文魚好鹹2.芝士南瓜菠菜千層麵 ==> 幾多芝士, 汁太多, 沒南瓜味, 菠菜在底,但已變黃,千層麵好少,完全感覺不到吃到麵的, 好像只在吃汁,失敗之作3. 三文魚沙律 ==> 好一般,汁太多,偏鹹總括來說,服務及環境(太嘈雜)都跟一般茶餐廳沒分別, 而且食物質素比一般茶餐廳還要差,故以價格來計似乎有點不合理啦!

花枝大蝦天使麵: 個人覺得最好味, 天使麵煮得剛好, 唔太硬/軟煙三文魚闊條麵: 第二好食, 不過始終鍾意幼麵多過闊麵. 田螺焗飯: 螺味有少少怪. 汁太少, 唔夠撈飯.日式雞翼: 外層炸得好脆, 夠熱夠入味.薯皮: 敗筆, 肉醬過多, 喧賓奪主. 薯皮又薄又硬, 好似餅底咁.朱古力軟心布甸: yum~! second best after 甜蜜蜜.

上星期同個朋友去左果度食晚飯兩人食左個set dinner,自選果度叫左豬仔骨同田螺,好好食之後就點左天使麪同泡飯兩樣都好食同埋夠飽肚我地兩個都飽到甜品都嗌唔落=]仲有餐飲,算ok啦計起上黎都真係好食同抵食同朋友去飯聚唔錯!!不過係多人同d位逼左d姐

尋晚要等朋友收工﹐所以差唔多9點先食晚飯本來想排隊食10點開始既宵夜半價壽司﹐但大家實在太餓喇﹐等唔到了...最後黎左紅螞蟻﹐貪距有得食埋甜品 ^ ^ 3個人叫左個2人餐($178)﹐小食同main course都可以各揀 2 種﹐以女仔黎講其實份量都足夠 3 個人食喇!我地就揀左:* 三文魚鍋飯(唔係好記得個名 ^ ^ ) - 個湯都幾濃味﹐同埋都 ok 多三文魚﹐幾好食! 不過湯太少飯太多﹐比例不對呢! * 芝士南瓜菠菜千層麵 - 個面因為多芝士既關係都幾好食﹐食到個底個汁就好似有d 稀﹐淡左d. 而且菠菜太多﹐千層麵又偏少﹐感覺怪怪的. 得個面果層係好食* 日式雞翼 - 咬落好熱﹐係岩岩整﹐都 ok﹐但好似唔太日式﹐只係普通炸炸地的雞翼罷了..* 酥炸魷魚 - 魷魚酥都幾大條﹐炸漿薄薄的﹐食落唔油﹐襯埋甜酸醬﹐好味!另加20蚊 + 30蚊要左兩款甜品: 士多啤梨千層酥 + 雲呢拿梳乎厘兩款賣相都幾吸引呢! 千層酥既酥皮好薄好鬆化﹐好食 ^ ^ 美中不足之處係士多啤梨過酸. 梳乎厘味道過淡﹐有個雲呢拿醬點都無補於是了!服務就麻麻地啦.. 某女侍應的態度令人有如置身於大排檔. 但以價

星期六收咗工走過嚟亞士厘道搵食，選上紅螞蟻因為耐無哩，又想食好少少，一晌都覺得佢D嘢食唔錯，幾有水準。差唔多兩點，坐落見佢做緊兩個套餐：平DD嘅午市湯麵套餐同貴少少嘅午市風味套餐，一於湯麵又試吓，飯又試吓！午市湯麵套餐有8款（11:00am-2:30pm），單款$33，雙拼$36，三拼就$40，包嘢飲，我就揀咗雙拼「蜜汁豬軟骨、紫菜魚卷髮絲麵」；而午市風味套餐都係有8款（11:00am-6:00pm），價錢就$43-$48，一樣包嘢飲，不過可以揀西瓜汁，結果要咗個「茶樹菇挪威鮮三文魚茶漬飯」。所以唔好睇到個標題以為D嘢食有問題，有髮絲，又有茶漬，查實係講緊髮絲麵同茶漬飯！「蜜汁豬軟骨、紫菜魚卷髮絲麵」-個湯麵套餐，其實可揀米線、河粉，但見佢有種叫髮絲麵，睇埋個英文翻譯Home Made Noodle都唔知會係乜，一於揀佢試試係乜都好。而湯底亦係有得揀：雞骨清湯、酸辣湯、椰香海鮮辣湯，椰子+海鮮啱晒我，唔使煩一定揀佢！個湯麵一上枱，一朕朕椰香散發出嚟，再睇個買相好馬來西亞樣，面面一層層椰油咁樣，嗒啖湯汁先，真係幾得，椰子味同海鮮味都好平衡，椰子味濃香，而海鮮味亦幾鮮。髮絲麵食落有D似米線

由12點等整頭髮等到兩點幾...三點半先搞掂, 四點嚟到尖咀, 一日無嘢落肚…朋友仔買咗件半島cake, 但我擔心自己唔夠飽, 於是同朋友仔去紅螞蟻tea一tea.餓咗一日, 我地要咗個豬爽肉炒飯同炸魷魚鬚. 係呢個情況之下, 食咩都應該會好好食.炒飯好快有, 應該炒定好多. 不過又真係唔錯! 唔會太咸, 調味剛好, 隻半生熟蛋既蛋白又好滑. 俾咗四分一朋友仔, 食清晒淨番嗰d.本來對炸魷魚鬚無咩期望, 但出嚟效果幾好, 魷魚有鮮味, 炸粉薄薄的一層, good!服務就……後生OK, 年紀大既反而好唔情願咁…

紅螞蟻係我經常去食早餐的地方, 原因係呢到款式夠多, 坐得都幾舒服, 而且上餐都幾快.前日食左奶醬厚多士+熱奶茶, 又一餐.奶醬厚多士: 奶醬夠多, 麵包又厚又夠脆, 好味!