Video
Read full review
2008-09-02
星期六收咗工走過嚟亞士厘道搵食，選上紅螞蟻因為耐無哩，又想食好少少，一晌都覺得佢D嘢食唔錯，幾有水準。差唔多兩點，坐落見佢做緊兩個套餐：平DD嘅午市湯麵套餐同貴少少嘅午市風味套餐，一於湯麵又試吓，飯又試吓！午市湯麵套餐有8款（11:00am-2:30pm），單款$33，雙拼$36，三拼就$40，包嘢飲，我就揀咗雙拼「蜜汁豬軟骨、紫菜魚卷髮絲麵」；而午市風味套餐都係有8款（11:00am-6:00pm），價錢就$43-$48，一樣包嘢飲，不過可以揀西瓜汁，結果要咗個「茶樹菇挪威鮮三文魚茶漬飯」。所以唔好睇到個標題以為D嘢食有問題，有髮絲，又有茶漬，查實係講緊髮絲麵同茶漬飯！「蜜汁豬軟骨、紫菜魚卷髮絲麵」-個湯麵套餐，其實可揀米線、河粉，但見佢有種叫髮絲麵，睇埋個英文翻譯Home Made Noodle都唔知會係乜，一於揀佢試試係乜都好。而湯底亦係有得揀：雞骨清湯、酸辣湯、椰香海鮮辣湯，椰子+海鮮啱晒我，唔使煩一定揀佢！個湯麵一上枱，一朕朕椰香散發出嚟，再睇個買相好馬來西亞樣，面面一層層椰油咁樣，嗒啖湯汁先，真係幾得，椰子味同海鮮味都好平衡，椰子味濃香，而海鮮味亦幾鮮。髮絲麵食落有D似米線
「蜜汁豬軟骨、紫菜魚卷髮絲麵」-個湯麵套餐，其實可揀米線、河粉，但見佢有種叫髮絲麵，睇埋個英文翻譯Home Made Noodle都唔知會係乜，一於揀佢試試係乜都好。而湯底亦係有得揀：雞骨清湯、酸辣湯、椰香海鮮辣湯，椰子+海鮮啱晒我，唔使煩一定揀佢！個湯麵一上枱，一朕朕椰香散發出嚟，再睇個買相好馬來西亞樣，面面一層層椰油咁樣，嗒啖湯汁先，真係幾得，椰子味同海鮮味都好平衡，椰子味濃香，而海鮮味亦幾鮮。髮絲麵食落有D似米線，不過就仲要幼細D，幾驚佢好似D意大利嘅天使麵，經常都煮到爛Pat Pat，但隻髮絲麵又唔會，食到尾D麵都幾滑溜。餸料嘅蜜汁豬軟骨同紫菜魚卷，分量都OK嘅，個人比較鐘意D豬軟骨，因為炆得肉質夠腍夠酥香，又有少許蜜味，而軟骨咬落有韌勁，幾過癮；紫菜魚卷都唔錯，但就唔算有咩驚喜！
「茶樹菇挪威鮮三文魚茶漬飯」-食哩個風味套餐，更揀飲西瓜汁啦，尤其依家天時暑熱，西瓜夠清涼，而且飲得出係鮮榨，唔會淡而無味。講番個飯，其實都係個湯飯，用個小鐵窩上，夠晒滾熱辣，而且份量好足吓，一個女仔都未必食得晒，湯底比較清淡，加上有好多茶樹菇，同埋兩大舊挪威鮮三文魚，感覺幾健康，都係一個好選擇！雖然個餐要成$48，但都覺得抵食。
Post
