紅螞蟻 (Closed)

呢度d 野食只屬一般,我都係第一次食呢間野,上次就食左個lunch,味道麻麻地...但好就好在個環境都唔錯,個feel都幾好

去到一心想食佢既大賜天使拉面,點知成個餐牌都無拉面.之前去過幾次銅鑼灣果兩間分店食過幾次都有呢樣野.反而尖咀無？

幫襯過這裡幾次,個人覺得,小食同甜品好味d,反而試過在這裡吃下午茶的粉麵,晚膳時的飯食,就覺得不過不失啦,特飲同埋眾多食評提及的焗飯就暫未試過,所以不敢妄下判斷......下午茶,其實都好多選擇,上至飯類,下至湯粉麵和小食,都有頗多的選擇,小食方面,甚能討我歡心,蘿蔔糕,雖然得兩塊,但兩塊都算切得幾厚身,煎得都幾好食;焗薯皮,呢個好正,薯皮上的醬,做得好惹味,伴著薯皮食,一流;薯蓉(唔記得全名了):好似中間係田螺肉黎既,田螺加埋薯蓉一起吃,一直以來也是我的最愛,這裡也算做的不錯;不過以上三款下午茶,其實一個人食,都幾膩架,可能的話,三五知已,或一大班朋友一同分享,就最好不過喇~~至於甜品,我就試過佢兩款穀物布甸,不過最好食既,都係暖朱古力穀物布甸,微暖的朱古力布甸,質感都幾rich,中間和著紅豆蓉,吃時緊記要布甸與紅豆一起入口,好味好多架!!最近一次去,本來再encore呢個甜品架,不過侍應就推介新出既朱古力軟心蛋糕,名就聽過好耐,食就真係無乜幾可,當然姑且一試啦,因為製作需時,都好似等左十五分鐘左右,上檯了,用叉在中間切落去啦,嘩,正呀,裡面d朱古力醬源源不絕咁漏出黎,我當然打鐵趁熱

見佢呢間個裝修正過厚福街咁多, 咪走過去食啦, 坐到卡位但係都好迫, 有少少腳頂腳.....叫左個雜錦焗飯, 其實即係咩都有啦, 冬菇, 雞肉, 牛肉, 雪藏海鮮數件, 味道有少少咸, 可以接受, 但始終都唔鍾意食雜錦, 覺得好似炒雜燴, 無主題另叫一個紅酒芥末汁焗牛肉飯, 個名好似幾正, 但係味道好怪又好咸, 全無紅酒味, 芥末勁咸, 牛肉好硬, 總之就唔掂其實紅螞蟻最多人食又最穩定都係銀雪魚焗飯, 但係食得多都會厭, 其他野又無水準, 叫人點再去食啊?

同朋友去完尖沙咀睇戲, 8點幾, 搵下食咩好, 試過一次係旺角果間既tea noodles set勁正, 咁就博一博食dinner啦~我地order左, 一個法式鵝肝醬焗龍脷柳飯好似$58呀, 都幾好味, d 飯冇生米呀, 又夠多汁呀, 仲好有鵝肝醬tim...最緊要夠大碟呀嘛, 跟住就有一個好似叫又係鵝肝醬茄子肉碎炒意大利粉$48, 都幾大碟架, 同埋幾惹味架, 不過會乾身d囉, 最後一個勁推介既係美國酥炸大腸配髮絲麵仲要係泰式椰香湯底$30都好大碗下架, 簡直係完美既配搭呀, 記得落佢果d酸酸辣辣既醬呀~勁好味呀!overall 都唔係好貴啦, 好值得一試~~環境都幾舒服, 唔係好嘈(可能樓底高啦), 同埋d waiter都幾nice呀, 話轉枱就有得轉, 仲有呀, 成日會加水tim~~

今晚同朋友食左個意粉同銀雪魚焗飯, 比想像中差喎... 個吞拿魚意粉d吞拿魚好少, 銀雪魚飯都整得幾普通...個waiter拎飯俾隔離台時, 張單又會"fing"到d水過o黎架喎... 真係估佢唔到... 同埋呢間係唔係冇non-smoking area架呢?

同朋友食dinner, 本來安排我o地坐入面o個d細到離譜o既二人檯, 我o地要求坐窗邊有藤椅o個張檯, 好好多......白酒汁海鮮焗飯- 唔覺有白酒味, 但料都幾多, ok喇~香草露筍桂花蚌炒意粉- 油o左d, 不過又係幾多料, 味道都ok~鮮果配奶凍($35) - 奶凍本來要士多啤梨汁, 但俾o左朱古力汁我o地~ 鮮果有芒果, 士多啤梨, 奇異果同香蕉~ 但個奶凍一d都唔滑, 失望~埋單$150~service ok啦~

小食的味道都可以, 但不見突出. 但焗飯真係好差, 龍脷柳過鹹,但最大問題係D飯完全無汁,無味,仲又乾又硬,難以入口. 唉. 服務真係麻麻,但都唔夠食物咁令人失望.

成檯六個飯, 全部都係生米,勁難食. 焗飯加幾片魷魚圈加d密汁收人六十幾蚊, 好唔值

雖然好多人都話焗類好食, 但食左幾次我都覺得好普通, 價錢唔貴其實都食得過... <br />不過我嫌佢好多時要等位(要等就唔值), 同埋就係地方好迫(我淨係食過呢間同旺角個間, 但都係咁), 而且唔知係咪星期六lunch hour多人, 成間店都好嘈好應聲, 食都食得唔舒服...

講o既其實係淘大紅螞蟻；見座得都幾舒服，就揀o左呢度開飯。呢度食物選擇唔算多，主要以平價扒類，意粉和焗飯為主。我地叫o左兩個晚餐，主菜分別係焗豬扒飯同酥皮chiken a la king飯，跟湯或沙律同飲品；另外仲散叫o左客日式雞翼。兩個主菜都okay，可惜日式雞翼就差一D；而跟湯上o既麵包唔係包包而係bread stick，都幾特別，不過我有D擔心條bread stick係re-use別人食唔晒果D~~Service唔錯，侍應都好有禮貌；呢度全日唔收加一，埋單$14x，都唔貴，可以一試o丫。

漏左個字，係湯面，唔係湯。另外，好想知道銅鑼灣果間係咪好食D架?

唔明點解咁多人都話好食，我覺得佢食物水準只係普通，尤其係我果日叫佢既湯，可能唔係佢既招牌菜啦。而且我覺得座位好逼，兼且毫無服務質素可言，叫佢加水都要叫幾次，午飯時間入面好似打仗咁，我真係諗唔到有咩可以吸引我再去食。

紅螞蟻的焗飯其實真係好好味...我自己一個人都可以食哂一客....最鐘意食香檳牛肉焗飯...其次係豆豉蜜汁銀雪魚焗飯...欣賞佢地夠膽創新..好多好似好唔"啦更" 既材料原來撞出黎做汁係咁香架...而坊間林林總總既焗飯...都係由紅螞蟻既冒起所帶出...值得一試再試!

紅螞蟻我多數都係幫襯SET LUNCH食湯河﹐但12:30~2:00pm好多人﹐有時真係無耐性等。有次我夜晚行過﹐想試下焗飯的水準﹐見有個“蜜汁豬柳焗飯”都幾吸引﹐於是一於就點呢個。等左20分鐘終於有得食。咦﹖又話蜜汁﹐D汁呢﹖點解個樣乾憎憎的﹖先食一塊豬柳﹐原來係豬頸肉﹐然後就即刻發現蜜汁的秘密。原來係個焗飯入焗爐之前噴上蜜糖(水)應該係去BBQ 用的噴霧裝蜜糖一類﹐無厘頭到極點。結果焗完出黎豬肉有少少噥﹐少少甜味﹐但係成個飯就乾過我個荷包。我真係未食過如此乾的焗飯﹐結果食唔晒﹐仲要去7仔買野飲潤番條喉嚨。。其實我見人地食得幾ENJOY﹐可能係我自己點錯左我自己唔中意的焗飯。。紅螞蟻基本上﹐都係食得過的。但相信我以後都依然只會幫襯午市的SET LUNCH 了。