霸嗎拉麵 (D'aguilar Street)

Open Now

Now Closed

味道正正常常，點了個套餐，拉麵食完20分鐘餃子還未上，追了廚房都話冇單，服務員死話炸了冇拿出來。不老實。其他就冇乜好評論，拉麵濃度比預期要淡，叉燒得一塊，灼燒沒有什麼特別。當快餐吧（雖然因為漏單所以好耐）

服務真係差，我見隔離大陸既旅客一入黎，就同佢講無晒餃子，得返炸雞；落左單之後又話有餃子無炸雞，真係玩野！不過呢個都唔係問題，係後來個侍應姐姐攞左罐凍既野比佢哋，佢地想要常溫既，個侍應姐姐串佢哋下次早講，係唔係玩嘢？你熟讀吓你哋菜單先啦！上面幾時有得tick凍唔凍呀！之後我去埋單果時，個侍應哥哥竟然同我講因為人多唔收卡，有幾多人呀？就我同另一個人埋單！咁都話忙O左嘴！咁係香港間間店都好忙啦！間間都唔使收卡啦！無下次啦！食物質素都差左好多，湯無咩味，肉又柴左！有好多拉麵店，真係有好多更好選擇！

身為日本廣島規模最大的拉麵品牌，霸嗎拉麵的質素一直也是很穩定！甚麼都想吃一點，就果斷點了新推出的2人套餐。先來2罐一肥一瘦的可樂～太愛吃糖心蛋了，連小食也點了糖心蛋！100分糖心蛋!炙燒豚肉味玉拉麵霸嗎的豬骨湯底絕對配得上「最強濃厚拉麵」的稱號!湯底濃郁香淳，入口黏稠，掛麵力一流！「溜醬油」為湯底添上鮮香，吃久了也不膩！炙燒厚切叉燒是霸嗎的一個大賣點，用上肥瘦相間的五花腩肉，以滷汁慢煮入味，上桌時炙燒以表，入口鬆化，焦香不膩，重口味人士必選！雞叉燒味玉雞白湯拉麵相比起來，雞白湯則比較清淡，入口清爽，雞叉燒雖連皮但亦偏瘦，怕肥膩人士應該會喜歡。羽根燒餃子吃拉麵少不了點餃子，如果再脆一點就好了！吃完拉麵吃枝豆，一下子好像去了居酒屋，哈哈！

星期三晚上和朋去吃拉麵，選了這家霸嗎拉麵，因為是日本正宗拉麵，而且在廣島是最大的拉麵品牌。我們點了兩個不怕單一人前，再加日本柚子雪葩。雞叉燒雞白湯拉麵這碗是我的，雞叉燒即是雞卷，雞卷很嫩滑，拉麵是細的，叫了硬麵、少油、走葱，吃完不會很口渴，不錯。炙燒豚肉拉麵這碗是朋友的，我嚐了豚肉，比較肥的部位，非常軟腍，入口即化的感覺，朋友很喜歡。沙拉炸餃子炸得很脆，裡面包的是菜和肉，沙拉醬挺多的。唐揚炸雞兩件都挺大塊的，炸皮不會很厚，所以肉的部分挺多的，還保有肉汁。日本柚子雪葩柚子味突出，不會很假，雪葩透心涼。套餐還包了汽水呢。

約朋友在蘭桂坊飲酒，還未食飯，途經霸嗎拉麵，所以就簡簡單單食拉麵。拉麵麵質有彈性，叉燒夠淋，湯夠濃郁。炸餃子配沙律汁沒有特別，不過所有食物夠熱，職員上菜快，有禮貌，值得再試。拉麵最主要係湯底，麵質，溫度。希望餐廳能夠保持。現時惠顧好多食肆品質經常不穩定，主要是唔夠人手，唔夠人點可以做好品質及服務。可能未來要轉哂做機械人餐廳。

一行四人兩大兩細，知道有兒童餐，咁就食啦。叫咗炙燒豚肉味玉拉麵，賣相okay ，味道都唔差，不過份量較少，仲有就係無生蒜同芝麻。兒童餐我無食，小朋友話好食，咁我就唔過問😂。另外叫咗份唐揚炸雞，勝在夠熱，但味道一般。整體來講，呢個價錢食嘅嘢，叫做合格有餘。中間有同事幫手收食完嘅碗，對答都好有禮貌。今日唔好彩，坐正喺廚房吧枱前面，一般食日本嘢吧枱前係好位，但今餐全程聽住廚房阿姐投訴人工唔高，埋怨足全程，都幾煩🤦🏻‍♂️下次都唔敢坐呢啲位😂

「霸嗎拉麵」為日本廣島規模最大嘅拉麵品牌，於 2003 年喺廣島創立，憑住「最強濃厚豚骨 No.1 湯底」由日本拓展至亞洲其他地區，而依家喺香港亦有3間分店。今日有活動要嚟中環，見好耐冇食過拉麵，辦完正經事，就專登過嚟德己立街分店吃頓午餐。餐廳嘅佈置風格同其他分店一樣，以日本設計嘅獨有畫作同字樣作點綴，配上一室木系裝潢，洋溢著濃厚的和風氣息。點咗炙燒豚肉海苔味玉拉麵 ($98) 同 石鍋燒豚肉海老飯，另外再加咗客羽根燒餃子。先嚐一口拉麵湯底，味道超濃郁，質感稠身得嚟又富膠質，每一啖都充斥住豚骨嘅香味，很討人歡心。豚肉相當厚身，肉質肥瘦相間，經火炙後逼出油份，入口甘香油潤，配埋面頭嘅自家製辣醬吃，更添肉香。溏心蛋烹調時間剛好，蛋黃咬開呈流心狀，滑溜得嚟更蛋香泗溢。麵條亦係店舖自家製作，麵質幼滑且掛湯，配上油脂均勻嘅厚切叉燒，幸福感滿瀉。另外呢客石鍋燒豚肉海老飯 ($78)  賣相亦非常吸引，用料超豐富，飯面除了鋪滿豚肉丁和海老外，還有碎蛋、粟米粒和蔥花等。立即動手將飯和配料拌勻，趁熱吃一口，豚肉粒軟嫩鬆化，啖啖肉又 Juicy，混合埋大大隻海老同香脆嘅飯焦一齊食，簡直係完美配搭！羽根燒餃

✨期間限定厚切芝心豚肉 濃厚咖喱豬骨拉麵 $138個名真係冇呃人，豚肉真係好厚好大件，黎到嚇親🤣 外面層炸衣好脆身，厚切豚肉入邊包住芝士，啱啱上枱趁熱真係可以拉到絲～ 佢係三重芝士流心所以芝士味好濃郁😙 不過比較驚喜嘅係咖喱豬骨拉麵🍜 平時食咖喱烏冬食得多，點知咖喱拉麵都幾有驚喜喎！咖喱湯本身都夠香濃，拉麵亦好掛湯，咖喱味更加突出，食落比較甜帶點微辣～仲有啲野菜做配料，有四季豆、香菇、南瓜同埋茄子🍆🍄✨雞叉燒味玉雞白湯拉麵 $95有三件都幾厚身嘅連皮雞肉卷，肉質唔乾又唔鞋，而且炙燒得幾香🤓 雞白湯味道清清地，但都食到雞湯嘅精華！✨照燒餃子🥟 $38餃子一排五件，見到個底煎到岩岩好唔會太燶又夠香脆，餃子皮夠薄身，所以咬落啖啖肉😆平時食日式餃子，豬肉味會比較突出，今次菜嘅香味冇蓋住，兩者平衡得幾好！面頭有啲照燒汁同埋芝麻，味道會冇咁單調～✨沙拉唐揚炸雞 $38呢個真心有驚喜，件件都好大件，岩岩炸起好熱辣辣🔥外皮炸得微脆，香味撲鼻而來，而且雞肉好嫩滑仲有幾多肉汁，高質炸雞🥰

絕對不會有下次。叫咗碗拉麵🍜但吃起來就十分失望。成碗麵簡直冇靈魂，完全沒有拉麵應該有的精髓。D湯唔夠熱，隻蛋凍冰冰，塊肉普通及份量少，麵身唔彈牙而且麵資普通。餃子🥟就簡直失望。在屋企自己煎都好食過佢。餃子唔係生煎，係先蒸後煎。冇下次！☹️Rather disappointing experience compared to other ramen places I have been to. Definitely not coming back. The Goyza was another big disappointment.

廣島出名既霸嗎拉麵連所專門店，係香港有三間分店位於尖沙咀、屯門及中環。成日行中環既我，每次經過都見好多人排隊! 可能今日做冬，見人龍唔長，就即興試試~入到舖裏面就見到大大隻字寫住"最強濃厚豚骨湯底"，見到咁當然要試下啦!💥特盛炙燒豚肉拉麵選用了五花腩用製作，肥瘦適中既叉燒以高火溫度燒炙，將油脂逼出! 厚切豚肉經燒過後，入口帶點焦香味道，但不覺油膩! 特盛有4塊厚切豚肉，非常滿足! 配上秘製醬油濃厚豬骨湯，味道相當香淳鮮味，加上每日新鮮製做既麵條，掛汁力強，最後食到見度碗底期間限定：💥厚切吉列芝心豚肉配濃厚咖哩豬骨拉麵熱辣辣上枱，豚肉真係好厚，肯定有1吋，份量仲有一隻手掌咁大！吉列豚肉炸出黎色澤金黃，外層脆卜卜，咬下去卻鬆脆，肉質軟腍，而且juice! 每咬一啖，芝士係咁流出黎！提提大家，而家天氣凍左，芝士會好快凝固，所以最好盡快食， 好好享用流心既感覺!特別喜愛呢個咖哩湯底既拉麵，咖哩湯底香氣非常濃郁，一上桌就能聞到撲鼻的辛香料味，飲起來介於日式咖哩的溫順又帶點印度咖哩的辣味! 雖然香味濃厚，但因為搭配了豚骨湯，增添了濃郁感與圓潤度，再配上南瓜、紅椒、香菇、矮瓜各類蔬菜配料既清甜又有爽

呢間好似係近幾年黎一路都喺中環老蘭路口屹立不倒嘅拉麵店。menu都轉得好快，本來見到人些牙嘅野食今日去已經無咗，cry。有邪惡巨無霸，吉列芝心豚肉咖哩拉麵，塊炸豬排超厚，中間再夾住拉絲芝士，一切落去好脆！芝士拉絲拉到二樓！咖哩好重黑椒味，撈拉麵真係幾新鮮。平時自己都係撈飯多，仲係甜嘅頹㗎咋。個拉麵嘅面積似中華拉麵嗰種感覺，唔係平時配熱湯嗰種面。呢個set好抵，出面只食咗個拉麵嘅價錢，呢度比到你咁大份量醬炆雞叉燒味玉拉麵。白雞湯拉麵，平時成日都係食豚骨湯麵今次試吓新嘢。麵質點了軟麵，但其實麵質食起來又不是咁軟身，有咬口得黎，麵條掛起雞湯表面油脂，幾好。雞湯望落去好清，但超級龍雞味，聞起來仲隱隱散發磨菇香。流心蛋是用醬油醃，一咬落去，半熟蛋黃汁緩緩流出，蛋黃濃稠，令人食指大動，配以蔥花食，簡直絕配。

▫️呢幾日凍冰冰🥶 最岩食返碗熱辣辣既拉麵🍜 中環呢間拉麵店位置幾方便，唔洗諗收工直接去食先✊🏻🥘 厚切吉列芝心豚肉 濃厚咖喱豬骨拉麵 $138▫️呢款係期間限定‼️ 上枱時嚇親，吉列豚肉超大塊😲 仲切開左一半見到入面既三重芝士🧀 肉質非常結實肥厚🐷▫️第一次食咖哩湯拉麵🍛 揀左中辛🌶 不過日本啲咖哩都係唔辣既🤣 咖哩濃稠，拉麵幼身彈牙好掛汁，仲有好多配菜例如茄子🍆、冬菇🍄、南瓜🎃等，食完真係超飽🤰🏻🍜 雞叉燒味玉雞白湯拉麵 $95▫️雞白湯味幾香濃，雞叉燒嫰滑得黎又唔肥🐔 拉麵同樣用上我最愛既白色幼身拉麵🍜 仲有流心蛋🥚 好香醬油味，一切開蛋汁就流晒出黎🤤🥟 羽根燒餃子 $35▫️一大塊薄皮連住超吸引🤩 總共5隻餃子，煎得幾香口🥟🫘 枝豆 $22▫️清淡啲作為前菜唔錯🟢🍎 信州蘋果梳打 $28▫️餐廳有好多日本飲品🎌 揀左蘋果梳打，幾清甜解渴🫧

環境：裝修日式風格。座位空間有一人座同四人座，空間寛敞乾淨幾舒適。每桌均有一個醬料架，方便顧客自調口味特色：之前萬聖節推出期間限定有黑暗の料理🤭🖤//🖤極黑蒜醬油豚肉竹炭拉麵//成碗都黑色架🖤勁神秘，但湯底以黑蒜醬油等黑色食材調配而成。拉麵則加入竹炭粉打造黑色效果，而麵質適中吸湯力強，啖啖濃厚黑蒜醬油味，豚肉炙燒厚身，入口嫩滑唔乾柴，肥瘦適中。仲有青蔥、麻藥皮蛋、冬菇等配料，超豐富飽肚🥰//🎍竹荀//拉麵可另加$$ 追加配料，但原來呢到加配料唔係加少少，係有成大碗😆我勁鐘意食竹荀，見到超開心//🐤唐揚炸雞//Size 有半個掌頭咁大，油炸前加入調味料醃製鎖緊肉汁，再上麵粉油炸後，入口外脆//中野梅酒 梅の實//最底有2粒醃梅果實，可以一邊飲一邊食🙆‍♀️ 梅酒入口溫和唔刺喉，先甜後酸，幾清爽

午餐時成個蘭桂芳都係人，唯獨呢間拉麵無人排隊我地兩大1小就入左去，初時睇餐牌覺得都應該無伏，款式多仲有兒童餐（12歲下可叫），所以每人一碗喇，侍應哥哥有耐性解釋餐單，呢個點我係好欣賞，反正在場既crew都有禮貌，但係 麻煩 改善下 食物品質！！！兒童餐— 一碗細拉麵，甜品，玩具，一杯橙汁侍應哥哥話呢排橙汁黎唔到香港所以可以簡多份甜品/玩具。拉麵不過不失，大食啲既小朋友都夠飽。醬油豚角拉麵— 我先唔評論個麵底，豚角勁肥，肥膏多過肉，湯底亦死咸🥱赤豚叉燒麵，流心蛋可以，但麵底好難食（同行友人講既）臨走時發現煮麵果個唔係日本師傅，係香港姨姨，就即刻知問題係邊，太有港味😮‍💨如果想食正宗拉麵，行遠少少🤧

開心星期五，放工打算跟同事去蘭桂坊飲兩杯，路經這間拉麵店覺得很特別，便先醫飽肚子。餐廳裝潢都滲透著日本風情味，還有一幅很有霸氣的畫，寫著最強拉麵👍🏻馬上便想試試看。極黑蒜醬油豚肉竹炭拉麵 $108期間限定，漆黑的一碗，無論由湯到麵都是黑色的，飄出陣陣香氣，特別富有神秘感，先啜一口湯，獨有且濃厚的豬骨湯底由口腔中散發出鮮甜及芳醇，大量蒜及蔥令味道更濃稠，一喝便知用了不少豬骨取其精華，直接衝擊著味蕾，還有燒過的豚肉，肥瘦剛好，陣陣肉香，最特別的是竟然用了皮蛋，味道且出奇的夾，黑色的麵身硬度亦剛好，彈牙有嚼勁，每啖都十分滋味。不怕單一人前$108這個套餐十分抵吃，一麵一飲品一小食，小食我們選了唐揚炸雞，剛炸起，熱騰騰，雞肉十分香嫰，外脆內軟，彈牙又多汁，濃厚豬骨豚肉拉麵相比起黑色的那一碗，這碗相對比較清淡，不會太膩，最喜歡的溏心蛋，半流心蛋黃沾湯汁是絕配，拉麵韻味關鍵在於油脂，有助使拉麵不易變冷，還有豚肉、甘筍、蔥等為拉麵增添更豐富口感與味道層次。我十分喜歡重口味的拉麵，下次會再來☺️