彩虹小食串燒專門店 (Moved) New Location

是咁的其實上網都見過唔少人介紹呢一間良心串燒但係就未有機會去試下直至今次就同朋友仔去試一試佢間野喺大埔墟火車站行大約六7分鐘就到佢個舖位好細間大概只容納到六七張枱而我哋就早一日打咗電話去book枱同埋見啲人介紹要book埋膏蟹海鮮粥所以我哋都有book 埋——咁我哋坐低揀嘢食嘅時候店完都有過嚟介紹吓有啲咩特別或者是日有啲咩精選咁啱佢就有個餐就係A加B咁樣就會平過散嗌但價錢我已經唔記得咗但我記得我哋選擇左係大嘅斑馬賴尿蝦配鮑魚定生蠔而且佢串燒嘅種類都唔少我哋除咗啲最大路嘅燒茄子、燒牛柳粒、生蠔、鮑魚、菠蘿、番薯等等之外都試咗一啲特別啲嘅初戀撞棍（甜甜地既）各樣嘢食嘅味道都幾好未有邊樣中伏嘢個斑馬賴尿蝦真係超大隻成隻前臂咁長外貌加晒分但味道就正常未去到超好而燒鮑魚同生蠔嗰啲就出色啲鮑魚亦都燒到好淋個膏蟹海鮮粥亦都唔錯

心血來潮，想食串燒作為晚餐，想起大埔有一間黃店，便決定前去一試！一達入店內，看着牆上面嘅擺設，已感受到滿滿黃店氣息！海鮮方便叫左蒜蓉聖子和貴妃蚌，味道不錯，肉質彈牙，但貴妃蚌有小小沙。另外叫左最近當造嘅燒秋刀魚，椒鹽雞軟骨和必點嘅燒茄子🍆，雞軟骨偏咸，其他都合格以上！還有值得推介嘅雞腎，羊架，露荀同一口和牛，都十分好果，值得大家去試一試。😋😋餐廳員工幽默有趣，又有人情味，都係一大加分頂👍🏻👍🏻

本身有like佢哋社交平台 page見到成日出post都話冇客，叫人快啲去食今晚嗌完外賣後終於明白點解會冇人食😂由落單到送達時間大約40分鐘明白串燒需要時間 但明明只係7分鐘車程五樣嘢食入面得玉子燒仲熱 粟米直頭係凍咗呢度未計送餐費一共係$107蚊五樣串燒嚟講絕對唔平粟米完全冇味 得個油字$19嘅韭菜 份量極少 非常稀疏😂黑豚肉串已經係完全唔熱，肉質非常韌，都幾難食總括嚟講一定冇下次咁嘅質素真係令想支持你哋嘅人好失望啊

不嬲都有幫襯開，今日終於的起心肝打食評。右面既腐皮簡直一流，中意食燒腐皮既唔好錯過！左面係燒芝士煙肉啡菇，夠香夠惹味，但$42一舊真係有啲貴。呢個叫初戀撞棍，其實係蜜糖燒響鈴，好食就好食，但冇初戀感覺。燒雞翼，普普通通。佢地賣埋西餐，但呢個沙律麻麻呀。

呢度係一間咩都有得食既小店 有串燒又有炸物 仲有海鮮粥食燒海鮮！海鮮每日時令運到，一隻隻帶子、北寄貝、鮑魚等緊你嚟食海鮮蜆粥夠熱，粥底夠綿滑，蜆仔雖細不過勝在份量夠多，適合1-2人享用蜆肉味鮮甜 都係新鮮貨先有既水準 海鮮粥仲有帶子同蝦肉 好好食!燒物 有原隻魷魚同雞皮 呢2樣都係限量供應原隻魷魚夠脆夠惹味 加左辣醬燒香 !雞皮薄又香脆, 軟骨食到煙韌口感今日一個人食唔多款,已經好飽了~消費$150Mee Wah Building, 12-18 Wan Tau Kok Street

呢度係食串燒既小店 荃灣分店早排裝修,過左呢間食燒一口牛同雞肉串 牛肉唔韌,個外皮燒得香口 雞肉焦焦地但入口惹味之餘又嫩滑燒豬頸肉，燒雞翼，雞脾菇串，特長蟹柳同燒菠蘿菠蘿好juicy,一啖爆汁 雞翼大隻燒到個皮好脆身 甜甜地 咬開肉汁豐盈啖啖肉豬頸肉燒得香口惹味 仲有好多唔同特式飲品同小食 不過一個人食唔得多~凍飲都超大杯,又解渴又好飲平均消費$150評分8/10大埔運頭街12-18號美華大廈地舖

一心諗住支持同路人 但換來嘅系失望雞皮擺到明係炸嘅 唔係燒嘅 炸得太脆好難食另外啲串燒 濕立立嘅 串燒唔係應該乾身嘅咩濕立立都唔緊要 但醬汁唔好食 唔知食緊乜啲牛肉好銀有渣❌秋刀魚本身冇味 攞咗啲粉返嚟 諗住可以點下 點知嗰支粉受潮 一粒粒 同個職員講可唔可以俾個第二支 佢走入廚房 敲敲敲 攞個兜仔燉返受潮嘅個樽俾你😑唯一出色嘅就係海鮮係真係鮮甜 但係好貴 七百幾蚊我真係唔知食咗啲乜嘢 建議想支持下嘅人 三思而後行先好去幫襯如果唔係會一肚氣👎🏿

必食推薦有初戀芝士撞棍, 即係芝士火炙油炸鬼，食落口感好有層次，仲有芝士咸香，正！大量串燒都係即叫即燒，真係串串都咁好食，個人推薦燒牛舌👍記得記得！早d打電話預留膏蟹海鮮粥，真係鮮甜又好味😋成隻膏蟹再加勁多蜆！勁足料粥又煮得綿香！但都係$98咁大煲！你話係咪好過份！值得再次懲罰😋

食物原來點左小辣 黎到一啲都唔辣 而且好咸 🤢點左一個三道海鮮餐 海鮮唔太新鮮 龍蝦味道好一般 完全無芝士味 另外帶子同花甲都係一個字 咸！！最令人失望係串燒黎到係凍嘅 🙄下次不會再黎幫襯 食物質素性價比太低

宵夜時段買咗四串（雞肉、墨魚咀、鱔、牛脷），話就話即整，但係一拎完即刻食，發現啲串燒大部分都係暖。好明顯事先燒定。鱔$46 但好細塊，唔抵。墨魚咀正正常常，牛脷邊邊位燒到焦晒硬晒又唔熱。埋單4個串燒$11x完，偏貴，無下次

大埔人氣黃店💛座位唔算特別鬆動，但有好多得意文宣公仔，裝修亦好有自己特色。小編食過幾次，都覺得海鮮抵食同高質過串燒😋🧚🏻‍♀️馳名膏蟹海鮮粥 💰$138（時價）原隻膏蟹加上蜆肉，粥底融合蟹膏變成橙黃色，超級鮮甜。今次食比上次更加爆膏，蟹殼淡淡蟹膏，蟹肉亦唔會煲到淋曬梅曬，依然有一梳梳嘅質感🤤不過蟹始終係時令食材🦀今次確實比上次食更加鮮甜多膏，上次表現就正正常常，冇乜特別。🧚🏻‍♀️馳名彩虹椒鹽大鮑魚 💰$180（時價）鮑魚唔會燒得過韌，口感仲好爽彈👍🏻椒鹽味道亦唔會搶咗鮑魚嘅鮮味，非常香口，係幾特別嘅食法😋🧚🏻‍♀️原隻燒帶子💰$120（時價）當日有鮑魚餐，叫鮑魚送帶子😍帶子燒得啱啱好，醬汁惹味，甜甜地又有蒜蓉嘅香味👍🏻🧚🏻‍♀️芝士玉子燒 💰$22原條玉子燒面頭再加上芝士，玉子燒嘅甜味配上芝士嘅咸香，係幾特別嘅配搭😋🧚🏻‍♀️包皮包雞包皮卷 💰$29香脆雞皮包住雞肉餡料，配搭新鮮又好食👍🏻雞皮炸得香炸又唔會油膩。小編都有嗌到燒牛脷、茄子、M9和牛牛丸，但就覺得唔係特別啱口味。但整體而言呢度嘅串燒非常有自己嘅特色，同平時食開個種用孜然粉、辣粉燒嘅串燒好唔同，值得一試👍🏻味道：7/10環境：6/1

味道唔錯！ M9 和牛牛丸 同燒大鱔簡直無得輸！ 牛味超濃 鱔又夠味環境裝修舒服，檯與檯唔會好迫，位置分隔做得幾好！ 期待下次晚餐時間來會再試埋個蟹粥............

天氣開始涼，喺社交平台見到呢到有蟹粥食，於是同朋友打電話預留左先，然後黎食。門口擺左啲超大隻既瀨尿蝦出黎，大概有前臂咁長，可惜今次冇試到。座位唔算多，建議大家預早book左先。老闆娘好有禮貌，仲會逐張枱介紹返最近做緊咩優惠。我哋嗌左︰Starwar膏蟹海鮮粥、豬頸肉串、雞肉串、厚切牛脷、雪花霜降一口牛、超甜燒菠蘿。仲有好多野想試，不過我哋比較細食，所以今次冇嗌到。食物既相得一張，因為蟹粥太香，一影完就瘋狂食MenuMenuMenu食物合照Starwar膏蟹海鮮粥︰必食！足料新鮮，個粥好有蟹味，食完粥仲有隻蟹可以慢慢食，又香又好食豬頸肉串︰爽口彈牙，香口帶少少脆身雞肉串︰香口嫩滑厚切牛脷︰好腍，幾好食雪花霜降一口牛︰好好食，又腍又香，個汁都好正超甜燒菠蘿︰好甜，一咬落去啲汁滴哂出黎總括黎講，服務態度超好，環境唔錯。食物質素超高，想試蟹粥記得要打電話預約。打緊呢篇食評既時候，我已經諗緊下次去既時候要試啲咩

大埔陳漢記隔離 位置易搵 係難啲泊車著名良心串燒良心小店 上埋杜汶澤喱騷 一定要嚟試試佢！鋪面唔算好大 出面等外賣極多人基本上店員都忙到踼哂腳 可能外賣太多 落單等咗好耐先上到菜之後加單都話要等好耐 所以都冇加到單推介嘅燒海鮮價錢都偏貴 試咗個日本大扇貝 同原隻膏蟹海鮮粥 個大扇貝都真係幾大幾足料，不過可惜得三隻，以200幾蚊嚟講都有啲貴，而且四個人食要打交但味道嚟講係好味嘅，個汁嘅調味都做得好好膏蟹海鮮粥 真係有好大隻蟹，亦都有極多膏，不過唔知點解啲膏冇乜味，個粥都偏淡，還好有個叫初戀撞棍，個名幾個癮，其實係山根嚟，口感唔錯牛舌、豬頸肉、雞皮、雞腎、芝士鵪鶉蛋、椒鹽雞中翼、牛丸都係普通串燒嘅質素，都幾唔錯，好味！整體嚟講除咗等上菜比較耐之外都係相當唔錯嘅串燒店，支持良心小店！

睇完杜生套yellopenrice 就想去支持一下同路人第1次黎ge時候要等2個鐘先入得所以放棄左今次夜黎 唔洗10mins就有得入座😂👍🏼膏蟹海鮮粥$108🍲都幾抵食海鮮粥煲得好綿有花甲同膏蟹而且非常鮮甜串燒🍢馳名厚切牛脷$26 ×3 腍得滯，如果再燒香口d會更加好🍢翠玉瓜$16x2🍢蒙古燒韭菜$16🍢雞髀菇串$16🍢豬頸肉$16🍢雞腎串$16🍢芝士玉子燒$22🍢金菇肥牛卷$40🍢司華力腸$19🍻食串燒叫酒是必須的💬雖然話要支持同路人但除咗膏蟹海鮮粥比較好食之外其餘d串燒都好一般