一點心 (通菜街)

Open Now

Now Closed

第一次寫食評 因為真係太差忍唔到唔講出黎同朋友3個人黎 食左唔夠半個鐘已經不停問d野食到齊未 心諗我地已經食得好快 野食到齊姐我未食完呀嘛點心完全無特別 食唔出同普通酒樓有咩分別價錢比較貴 蝦餃都三十蚊一籠完全唔明點解會咁多人去食3個人比張二人檯我 坐都坐得唔舒服總之就係咁趕你走 態度超差 全部員工都當你乞衣咁應該無乜餐廳係你未食夠半個鐘就催你買單野食一般 咁既服務一定唔會再去劣評劣評劣評劣評劣評劣評劣評劣評劣評劣評

我話想食點心男朋友就上網搵到呢間餐廳話有米芝蓮，咁就試試佢。我地三點左右到餐廳門口，已經見到外面有超多人等緊！兩邊都有長長既人龍，都係好多外國人黎食！拎左飛仔之後門口個叔叔話大約等15分鐘，最後我地等左半個鐘先入得🤦🏻‍♀️餓死人。入到餐廳見到有幾幅大璧畫，關於香港舊有境象，都幾有趣。叫左咸水角，入面啲內餡就比得有少少孤寒🥴味道都唔錯既。而蝦春卷我夾一舊時見到啲油不停滲緊出黎，見到都驚，味道普通。仲有叫左棉花雞，奶皇包，咖哩土魷同薑蔥牛栢葉。咖哩土魷幾入味，而且唔會淋晒，有咬口，不過咬到尾鹼水味頗重。而且食到尾佢仲未去晒啲軟膠😓呢個要扣分。牛栢葉味道okay, 不過蒸得有少少老，咬落時有少少un。棉花雞就好食既，雞肉好滑唔會蒸過龍。奶皇包啲奶皇都唔會過甜，餡料亦唔會太多/太少。最後埋單$150。米芝蓮的話就感覺較不值啦，仲要等半個鐘先有得食，如果下次好肚餓又唔洗等位都可以再食佢既。

堂家姐由澳洲來香港，佢話想吃點心，於是決定帶佢試下米之蓮的太子一點心，起初以為要等好耐，不過大約十分鐘就可以入去。我地等位的時候已經揀好點心，所以點心都好快上枱，省卻不少等待時間。蟹黃蒸燒賣，燒賣有四大粒，豬肉的質感嫩滑。薄皮鮮蝦餃，蝦餃皮真的很薄，而且不會黏紙，蝦肉亦足料。鮮蝦菜苗餃，口感清新，餃皮亦比較容易入口。我地仲點左雞包仔、鳳爪排骨飯、山竹牛肉、鹹水角、蝦米腸，整體質素唔錯，環境乾淨衛生，難怪吸引不少外國遊客前來品嚐。一點心地址：太子通菜街209 A至209 B號地舖

講起食點心，通常只會諗到係酒樓飲茶、食一籠籠點心，又或者係微波爐叮叮點心。反而好少去一啲點心專門店，所以對我而言係幾新鮮。當晚我同同行人都算頗早到店，大約5、6點左右，唔使等位就入得。店鋪都幾光猛，枱與枱之間唔算太逼，坐得都算舒服。我地點咗幾樣點心：酸甜炸雲吞、蒜香蝦春卷、蟹皇蒸燒賣、薄皮鮮蝦餃、腸粉、北菇滑雞飯等。酸甜炸雲吞附有好似泰式辣醬嘅甜酸醬，雲吞蘸上醬料後幾開胃。炸雲吞熱辣辣，幾香脆，唔會太油膩。不過個人覺得炸雲吞塊皮太大，有啲搶咗餡料風頭嘅感覺。蒜香蝦春卷春卷幾香口，炸得金黃，不過不失。蟹皇蒸燒賣幾大粒，燒賣口感彈牙。薄皮鮮蝦餃呢款都係普普通通，鮮蝦幾香，稍嫌蝦餃皮太乾。腸粉唔太記得係叫咗邊款腸粉，但腸粉皮反而令我印象都幾深刻。同以往食開嘅質感好唔同下，皮薄之餘帶種煙韌，而且幾入味。北菇滑雞飯呢碗飯睇落細細份，但其實都夠飽肚。北菇同雞件都幾香，雞件滑嫩。

小弟是第一次寫食評, 真心不明白這店為何可以得到米芝蓮, 食品質素一般, 但服務態度極差! 食到一肚氣, 列入永不光顧名單! 環境同衛生都差, 只顧賺錢, "一點心"也没有! 絶對不值得一試!

下午2點在太子周旋，兄弟推荐說吃一點心，既然兩兄弟一條心，何妨試下一點心。事實上，一點心威名遠播，仲出名過威威超濃縮洗衣粉，搬舖後變得更寬敞，不時遊客慕名前來排隊，一來到即時有位，相信就算見唔到成龍，都跳到開心舞。鮮蝦菜苗餃$24：晶瑩剔透，衣裳單薄，隱隱約約地見到光脫脫的鮮蝦與菜苗糾纏在一起，接下來的畫面就不敢再想像了，立即放入口部做運動，果然鮮蝦皮薄肉嫩，菜苗香嫰不老，呈現給我的是彈脆口感。四寶滑雞扎$30：鮮竹卷著四寶，魚肚(偏白)、火腿(大條)、冬菇(欠淋)和雞肉(過實)，叫四寶吃的就是層次夠豐富，咬落一啖結合不同的口感，那種感覺，(嘗過)左擁右抱的男人自然不言自喻，打過麻雀的女人(暗叫)四飛，同樣能感受到那種過癮的感覺。薑蔥牛柏葉$26：牛柏葉是牛的瓣胃，故然貪其爽皮及配料多(辣椒/蔥芹/薑絲/紅蘿蔔絲)，但牛柏葉切得太細碎的關係，變相不夠入味。香滑奶皇包$18：她的五官是屬於那種雪白而張揚，是女士們極度渴望的那種白。市面上多數三個，這籠偏偏得兩個，既然如此矜貴，就試下幾出色……原來是可惜的惜，奶皇不夠流心，中間夾住粒不咸不淡的咸蛋黃，無流心效果之餘，餡料亦做不到香滑，但總算

由佢開業到而家，間中都會黎幫襯下。初初真係又平又好食的，亦都無咁多人，唔駛等好耐。但自從米芝連推介過之後、就次次黎都要等成個鐘，但未搬鋪前都仲算抵食好味。事隔一排發現原來細鋪搬大鋪，夜晚10點唔駛等位又好餓，諗都唔諗就入左去，坐低後見到好多鬼佬同遊客就知出事，有個疑似經理掛住同鬼佬吹水，而其他店員就十分忙碌、寫好點心紙就叫左位侍應來，果位女侍應就只係舉起手指示意我係咪一個人，我話係一個，佢就點一下頭，再問佢要杯茶，佢又點一下頭，完全無出過聲，又無笑容又黑口黑面，嘩，呢d 係乜野服務？最後想點個芒果卷帶點回家，另一位侍應就皺晒眉而又好唔耐煩咁話無啦賣晒啦。真係呢⋯⋯無咪無囉，駛唔駛皺眉呀。點解個個侍應都咁既面口，無一個友善。點心已經無以前咁好食，茶芥每位6蚊但只係有色既茶，完全無茶味，快餐店茶包都好飲過佢。咁多年來，第一次有下次唔會再黎既想法。

依家已經幫襯左好多好多好多年嘅點心譜最近呢就搬咗去對面裝修就大左好多所以呢就決定去試吓新鋪之後有冇質素改變啦。就算店舖搬咗去對面都係好多人排隊。唔知係咪因為米之蓮餐廳嘅效果所以永遠都要排好耐呢間小店嘅點心全部都係即叫即正嘅所以呢為咗節省客人等待嘅時間係差唔多有位嘅時候店員都會支持你先選擇一陣間想食嘅點心我哋當天叫一份燒賣菜苗餃叉燒包北菇棉花雞燒賣大大粒啲蝦好爽口而且豬肉都好新鮮叉燒包又係好大個，裏便係充滿着好香口嘅蜜汁叉燒棉花雞亦都係不錯嘅，沒想到佢係有咁多個魚肚而且啲雞肉好嫰滑唔會蒸到好鞋，啲魚肚最吸收埋啲雞汁非常可口整體來講我好欣賞呢間小店做嘅點心因為好多時而家喺酒樓已經食完返相對嘅味道仲要佢嘅材料非常之新鮮價錢又唔算貴服務態度亦都好好我會再嚟幫襯

建議要避開用餐時間，如果剛好遇到尖峰時間，會需要排隊候位，店內的座位還算多，但是間距都有點擠，櫃台老闆娘還蠻親切的，會推薦餐點及詢問餐點口味是否滿意。不過不用推薦的都照單全收，像我覺得芒果捲吃起來就還好。 餐點價位以香港來說算是平價，口味也不錯吃，但不要低估份量，很容易一下就吃太撐了！

食品只是一般。但其中一位女服務生。論環境只是一般食物質素也是一般。最離譜那位服務生一直趕客。吹客快啲食完走。我明白午餐人多。但她想多做生意。食客也要食得開心。安心。平心而論。服務質素也很重要。 strongly non recommend to come to this restaurant. As the food is average but the worst should be their services. How can the waitress ( only one lady )keep pushing guests to leave once finished the dishes ?

對上一次幫襯時仲係舊舖，見佢搬左去對面，同朋友一家便走去試下，一入到去不斷問我地係未3個小朋友，已經覺得有古怪，食吾夠15分鐘，有個便服經理走來不斷叫d小朋友要食快d,最慢果個要比錢，我地成班大人即時呆左，（分明吹我地走）隔一陣，負責收點心寵的姐姐，收野時滴到我隻手及我太太件衫，話吾知知寵裹面有汗，不過我知佢吾小心都算，無幾耐，個便服經理又來，問我地洗吾洗打包，只是食左大約35分鐘，我朋友即是燥底，果經理話幫我地教囝，最燥係我地3個小朋友坐定定，又無扭計、又食得快都比人吹，真係好燥。坦白講，我地無想過要食得耐，只是見人多，食物質素應該吾錯，但真心覺得無邊一樣做得出色，甚至比舊舖更差，應該都不會再有下次！

星期六早上9點到達估唔到都要排隊太約等5台左右等既人士一半本地人一半係遊客約20分鍾後有位今日點咗蝦餃，鳳爪，例湯及蝦腸蝦餃皮薄蝦肉爽脆有肉汁在小小蝦餃內腸粉皮滑厚薄剛好最緊要個豉油汁甜咸剛好鳳爪味道好又夠淋隻數多抵食例湯是每次都叫螺片花生鷄腳湯 一個盅仔入面有3大片螺片一隻勁淋鷄腳及花生所有精華盡在一盅湯裡面。誠意推薦一點心食過好多次 不過搬左去對面之後係第一次來我入到餐廳內其實有好多位 唔知點解安排人入去甘慢希望店方可以好好改善下如果唔係被條長人龍嚇走好多唔想等甘耐既客

黃昏上課前，想吃一點輕食，但又不想太飽，偶然見到此店，就入去試下。餐廳環境光猛整潔，企理舒適，六點前不用等位，店內都有七成坐滿，也有幾枱外籍遊客。店內提供大路的廣東點心，所以都適合想吃點心，但又怕浪費時間的食客。是次輕食點了北菰雞蒸飯，29元，免加一，但收6元茶水費。茶基本上只有色無茶味，侍應會主動倒茶，個飯尚算可以，有一塊香菰，三塊厚雞肉。味道正常，對速食來說，價廉也不能要求太多，埋單總計35元，能在十五分鐘之內，能坐下吃個熱飯，其實已經很不錯。

One Dim Sum (一點心) was a low key dim sum restaurant serving basic  traditional dim sum to the local public. Then it garnered a Michelin star in 2011 and then the tourists came. A Michelin star place that people can afford to eat. It was noted in all the tourist guide books and long queues formed. It became so popular, it moved to a bigger shop across the street. So beware to not go to the old location that may still be listed in tourists books that are not updated. That one across the street, tho

本次獨行願望之一是想要去金魚街看一袋袋的金魚，所以我從香港理工大學結束參觀後，就前往金魚街參觀，當時是搭乘到旺角東站走過去金魚街，本人對於金魚街充滿夢幻的想像，因為有看過別人分享夢幻的照片，所以超級期待。(我搭到旺角東站走過去，因為主要是要去金魚街，一點心是意外的收穫)但到了現場後，發現其實賣魚店位址都分的很開，且沒有很多間，然後一袋一袋的金魚也不是每間氛圍都很好，不過光看他展售的方式還是很有趣，所以在那一區繞了一陣子才離開，此區其實除了魚類外，還有許多其他種類的寵物店，以及類似女人街的街道攤販，但我都沒興趣逛街道攤販。(這間氛圍最好)(有些店家不能拍照，所以要注意，覺得這間老闆最用心，他是唯一一個我有看到一直在顧魚的老闆，充滿職人氣氛，且只有他不是用投射燈照魚)(光想的要怎麼收拾就覺得佩服)(這家魚量最多)原本是打算回到住的地方再去找晚餐吃，但看了看時間，發現其實已經有點晚，所以當我又走回旺角東站後，決定乾脆在附近找東西吃，由於當天超級想吃點心類食物，所以就在旺角東站google看附近有沒有點心可吃，沒想到真的有一間看起來很多人推薦的點心店-一點心，由於連日累積的疲勞，加上走錯路，以