Read full review
2019-05-16
621 views
成日搭車經過都見到呢間米芝蓮點心好多人等位,今日突然想飲茶,所以就去試下。大慨7點鐘去到,好多唔洗等好耐就有位。menu上既野唔算多,離不開點心,蒸飯,粥,同甜品。叫左燒賣,蝦餃,炸兩腸粉,菜苗餃,鮮蝦腐皮卷,牛柏葉同奶皇包。炸兩腸粉入面既炸兩明顯係新鮮炸起,入面仲十分脆卜卜,但係職員落既豉油太重手,食落得豉油味。鮮蝦腐皮卷都係脆卜卜,又唔會好油,食落乾身,好味。但係牛柏葉就有啲煙韌,不值得一試。最後叫左個香芒奶皇卷,芒果好甜,果然係最受歡迎既甜品。但呢個等左有啲耐,本來仲以為佢漏單添。呢間一點心真係好多外國人黎食,侍應都識小小英文,反而我地用廣東話,佢地又用返普通話答返我地。
Post