餃掂手工餃子雲吞專門店

Open Now

Now Closed

我今日約同好友去中環遊玩，順道去位於中環威靈頓街55號地舖的餃掂手工餃子專門店食高質素餃子，環境面積相對較小，勝在餃子聲譽良好，客人絡繹不絕。我點左至尊松茸豬肉餃（湯）配狀元九鼎湯$80/8隻，香煎軟心芝士餃$69/10隻，韭菜豬肉煎餃$61/10隻，重慶鮮肉湯雲吞（走辣）$44/14隻，飲品係熱檸檬蜂蜜薏米水$20/杯。至尊松茸豬肉餃的松茸味濃，好味又好食；芝士餃有粟米和豬肉，芝士煎得芝士味香濃，口感豐富；韭菜豬肉餃煎得香脆，韭菜好食；湯雲吞好味，檸檬蜂蜜薏米水好飲。

🥟🏮 餃掂 🏮🥟📍 中環威靈頓街，擺花街交界餃掂可能係中環最好食嘅餃子！佢嘅特色係健康飲食，擺脫傳統餃子嘅油鹽味，帶來一個極度健康嘅餐飲選擇。呢度嘅餃子同湯感覺好清爽，令人覺得毫無負擔，真係一個開啟健康生活嘅好選擇！💪🥦我哋點咗幾款招牌菜：🐉🌸 龍鳳松茸雙灼餃（附湯）$92：龍鳳松茸雙灼餃嘅外皮薄透，內裡有豐富嘅松茸香氣，搭配鮮嫩嘅餡料，一口咬落去，彷彿置身於美味嘅仙境。魚湯清甜鮮美，為整餐增添了一份家的感覺。🧀🍳 香煎軟心芝士煎餃$69：香煎軟心芝士煎餃充滿了芝士的濃郁香氣，外酥內軟，每一口都帶來滿滿的驚喜。咬開餃子，芝士緩緩流出，中西合璧，絕對是芝士愛好者的最愛！🍐❄️ 山楂雪梨水（杯）凍$20：清新的山楂雪梨水帶來了一份涼爽的口感，解渴又消暑，非常適合搭配餐食享用。🍋❄️ 蜜檸薏米水（杯）冷$20：蜜檸薏米水清新酸甜，加上薏米的營養，不僅解渴，還能幫助消化，是一杯健康又美味的飲品。如果你追求健康又美味的餐點，餃掂絕對是一個值得一試的地方！🥟🌿🌟

中環一帶小店林立，原來餃掂都喺度開咗一間分店。店舖座位唔多，卡座只有一兩張，亦唔會話好舒適，最緊要快、靚同正就good la🉐玉蟹雲吞皇估唔到除咗餃子，雲吞都好出色。第一次見餐牌有雲吞皇，入面有好多蟹籽，口感非常唔錯。🥚黃金皮蛋黃金皮蛋半透明，望落去醬汁疑似好辣，其實係唔辣，味道反而好特別。至尊松茸餃配狀王九鼎湯呢度食湯餃嘅開心位係有靚湯，好養生。松茸餃唔係度度有得食，一試愛上。香煎軟心芝士餃一口咬落粒餃子會爆d芝士醬出嚟，內有粟米🌽可減低油膩感。飲品除咗豆漿，又可以揀其他養生系列，例如檸檬薏米水 。🛎️必試指數：9/10🔆

【中西區】【餃掂手工餃子專門店】講到香港夜繽紛，其中一個指標就係蘭桂坊，我同真正哥去到呢頭，發現都幾熱鬧，喺威靈頓街搵嘢食都唔容易。我哋最後去咗呢間喺扶手電梯嗰邊嘅餃子店，好似都有人介紹過，我哋都試吓。以黑白松露合製而成嘅龍鳳松茸餃係佢哋招牌菜，好似好吸引。首先試 $92 嘅八隻「龍鳳松茸雙湯餃」，佢配個「狀元九鼎湯」，松露味香而不濃，個湯都係，好啱我呢啲食得冇咁濃味嘅人。跟住試 $58 七隻嘅「壽喜燒牛肉餃」，好香好有味，但係又唔會食到膩嗰隻，好神奇。佢嘅餃子都係有個特色，就係唔會好濃味。試埋 $68 十隻煎「元貝豬肉餃」，乾瑤柱、芹菜、金針菇、豬肉製成嘅餡，口感好豐盈，好食。嘢飲我試 $20 嘅「自家製山楂雪梨水」，有山楂片、雪梨、甘草、冰糖、麥芽喺裡面，清潤解渴。真正哥就飲 $10 嘅「可口可樂」，夾埋 $248，係絕對唔貴。。。（地址：中環威靈頓街55號地舖）@nomnomdumpling#1amfoodie #foodie #hkfoodie #thatfoodiething #food #instafood #globaleats #dessert #foodpics #f

與好友去逛中環街市&食餃子，店舖雖細都乾淨企理。我們點左香煎軟心芝士煎餃$69（10隻）餃子煎得金黃香脆，芝士、粟米餡料足，脹卜卜，很好吃😋韮菜豬肉煎餃$61（10隻），煎得香脆，韮菜味濃又嫩，可惜豬肉量少，肉鮮味不足。元貝豬肉湯餃$64（10隻），有瑤柱、芹菜、金針姑、豬肉等⋯瑤柱鮮甜，金針菇、芹菜爽口，餡料飽滿，狀元九鼎湯底很清甜，很美味👍👍重慶鮮肉雲吞$54（18隻大碗），皮很滑又薄，餡料足，重慶湯底少辣夠惹味又好食😋 自家製山楂雪梨水$20，🍐滋潤清，山楂解膩至岩，不太甜好好飲。

🥟雲耳椰菜豬肉餃子麵 $57有6隻餃子🥟，餃子大隻餡料豐富，雲耳椰菜🥬爽脆鮮甜，黠埋佢個辣醬更加惹味😝，湯底出色，唔會冇味亦唔油，有少少酸開胃👍，加左蔥更加香，麵彈牙掛湯，而且大大碗好飽✨餃子款式多口味獨特，有湯餃都有煎餃，即叫即整，熱辣辣，小店鋪面細但唔會覺得坐得逼.

之前身體檢查膽固醇嚴重超標，所以立即暫停一切M記茶記約食飯，轉為尋找健康美食。係上環見到試呢間手工餃子，叫左個雙拼白菜餃子拼帶子餃子。先講皮，餃皮係出色ＧＥ部份，無果種冰過或者隔夜的＂糯＂感，係中上環太多好評餃子店但我咬到層皮已經想棄碗而逃。餡正常，味道好似偏淡左少少（雖然健康），雖然有叫特色的帶子餃但無感到有咩特別，可能都係傳統好食Ｄ。湯飲得出應該無或少味精，味道本來應該OＫ但衰在溝左太多水好淡，由於餃子都淡所以一齊食都係差少少味，不過咁的價錢無得咁高要求。唯一係見到待應都係咁趕人坐逼Ｄ，明明只係１１：３０都無乜人，可能都係土地問題。價錢可以接受，餃子亦都大大粒，所以都係不錯的午飯選擇！當然，心目中的世一餃子在香港只有一間！！ 可惜太唔就腳

中環尋味的第二家店我一向好喜歡食煎餃子的不過一直都沒有一家讓我有回味的感覺可是今天我遇到了服務方面也是很好的讓我沒有壓迫感不需趕住食走人可以慢慢享用了至於食物方面我點了：至尊松茸豬肉煎餃配狀元九鼎湯及熱雪梨茶必試好味推介

放工約了朋友在中環食飯，不想食太貴，朋友推介這店，從皇后大道中經石板街上，轉右便是。原來是餃子店，記得好像在其他地區也有分店。先來的是飲品：檸檬薏米水，很喜歡這類不出現在茶餐廳的飲品，夠home made feel，淡淡的甜味和檸檬味，又有點薏米可以食。至尊松茸餃子，我們選擇了𤆥餃，點了八隻份量，附上了松茸湯有淡淡的鮮味。另外點了壽喜燒牛肉煎餃，很特別，香濃的燒汁，脆脆的餃子底層，大愛。餃子皮薄，肉則多汁，就是好的餃子！加點了四川涼皮和上湯松茸時蔬作小食。涼皮也是推介食品，我們選了小辣，用來佐餃子吃，絕配！埋單每年只是$120，吃得飽飽的，難怪在中環的晚市也生意興隆！

一家人放假系附近行完街，睇到人氣既餃子店 就直入食晚餐🍲粟米豬肉湯餃🌽配狀元九鼎湯餡料豐富 好多粟米同豬肉🌽🐷 粉葛鯪魚鯽魚等唔同材料熬出黎既湯 好鮮甜❤️芝士粟米豬肉煎餃🧀🌽🐷🥟熱辣辣既餃 芝士可以拉到少少絲🤤岩哂芝士控既朋友龍鳳松茸煎雙餃🥟黑白松露😍要先食白松露餃先 之後食黑松露餃 唔系會被黑松露味蓋過白松露 完全唔需要點任何醬料四川涼拌粉皮🌶️薄薄既粉皮 配上花生辣椒蔥辣汁 好惹味 食完有種再想食既感覺🤤自家製山楂雪梨水食煎餃可以飲返山楂雪梨水潤喉 唔怕熱氣唔會太酸亦唔會太甜 味道岩岩好

餃掂食餃子，首先叫左杯檸蜜檸薏米水，薏米粒粒口感有層次。整體上，檸蜜檸薏水味道酸甜可口，口感清爽而且輕盈又健康。手拍青瓜幾新鮮，清爽的口感，青瓜脆嫩，帶有微微的甜味和淡淡的清香。加入蒜蓉等調味，味道清淡宜人。竹昇米線有彈性和滑嫩的口感。這道湯料理通常加入豬骨湯作為湯底，增添豐富的口感和風味。龍鳳松茸雙蒸餃，非常精緻，結合了不同的口感和味道。口感嫩滑，鮮美多汁；是松茸餃子，松茸帶來的香氣和口感更為濃郁。龍鳳松茸雙蒸餃味道豐富。元貝豬肉煎餃，以元貝和豬肉為主要材料。這道餃子外皮煎至金黃酥脆，內餡豐富多汁。元貝咸香和豬肉結合在一起，口感豐富。

普普通通嘅餃子究竟可以做到有幾特別呢？！同朋友趕住去睇戲，快手食個晚飯，今次一於試下依間人氣餃子店！六點令鐘去到竟然已經接近坐滿！好彩仲有個角落頭嘅位置！至尊松茸豬肉餃 湯餃子(跟狀元九鼎湯） $80/8隻最想試佢地個狀元九鼎湯，材料相當豐富，用咗粉葛、順德活鯪魚、香山活鯽魚、紅蘿蔔、扁豆、赤小豆、新會陳皮、蜜粥、鮮排骨等熬製！所以當然要叫湯餃子試下！湯同餃子分開上，先試一口湯頭，鮮甜非常！完全唔似平時嘅（餃子湯），而係老火湯！松茸豬肉餃大大隻，飽滿非常！入口好香松茸味，咬落啖啖肉，非常滿足！香煎軟心芝士餃 $68/10隻鍾意芝士嘅我，當然一定要試下軟心芝士餃！$68已經有10隻，性價比好高！芝士餃煎到表面金黃，入口香脆！餡料同樣豐富，除咗有滿滿嘅肉餡外，仲有口感軟綿嘅芝士醬！整體黎講就係惹味香口！但又唔會覺得太膩！日本龍鳳蛋 （配黑白松露醬）$32龍鳳蛋其實係溏心蛋分別配上黑松露同白松露醬。溏心橙黃晶瑩剔透，入口充滿蛋香。再配上松露醬一齊食，估唔到又幾夾！自家製山楂雪梨水 $20除咗有健康嘅狀元九鼎湯外，飲品仲有佢哋自家製嘅山楂雪梨水。材料有山楂片、雪梨、甘草、冰糖、麥芽，滋潤又好飲

手工餃子，真材實料，即叫即整，餃子餡料飽滿，多款餃子選擇，款款都好吸引，仲有煎餃、湯餃、蒸餃，樣樣都好味呢款 [ 龍鳳松茸雙煎餃 $98 ] 係招牌餃子之一，一碟有哂兩款唔同口味嘅餃子，黑松露及白松露各有4隻；兩款都有獨特嘅松露味，香濃松茸味，食過一次就愛上嘅味道叫咗份麵食，揀咗小辣嘅 [ 四川涼皮 $32 ] 份量都幾大碗下，口感辣得惹味，咬落爽口彈牙，晶瑩通透嘅涼皮好味道小食叫咗3款有 [ 回味手拍青瓜 $25 ] 味道酸酸辣辣，口感爽脆，越食越開胃；[ 黃金原味皮蛋 $28 ] 橘黃色嘅原味皮蛋，外表晶瑩通透，食落口感煙韌彈牙；[ 蜜餞雞翼 $24/3隻 ] 大隻又飽滿，肉質嫩滑，夠哂入味，口感juicy叫咗兩樽飲品，一樽係 [ 蜂蜜檸檬薏米水 $28 ] 揀咗熱飲，落咗蜂蜜嘅檸檬薏米水，味道微甜，滋潤喉嚨，仲有大大粒薏米，口感軟綿綿；另一樽係 [ 自家製山楂雪梨水 $28 ] 入面嘅材料包括有山楂片、雪梨、甘草、冰糖、麥芽、水等，味道酸酸甜甜好開胃

今日放工和同事拎文件去蘭桂芳比個客，走嘅時候經過餃掂手工餃子專門店，喜歡食餃子嘅同事立刻話請我一齊入去食，店內地方不大，但整潔乾淨。主打每日即製既新鮮手工餃子，餃子可以選7隻或10隻，湯煮或煎。至尊松茸豬肉餃8隻，皮薄餡鮮，用又香又名貴的松茸作為原材料。大大隻的至尊松茸豬肉餃，點些松茸醬，入口充滿野菌香氣，配合豬肉的鮮甜味，值得一試！跟狀元九鼎湯，用粉葛、順德活鯪魚、香山活鰂魚、紅蘿蔔、扁豆、赤小豆、新會陳皮、蜜棗及鮮排骨熬成，鮮香味濃。不加味精，味道鮮甜。香煎軟心芝士餃10隻，餃子煎到金黃色且香脆，內裏包了滿滿的芝士、豬肉同粟米，芝士更加可以拉絲。芫荽豬肉餃跟狀元九鼎湯，餃子餡料份量比例啱啱，豬肉鮮甜，芫荽清香，食落又香又鮮甜，配鮮甜味十足狀元九鼎狀元湯，完美的配搭！韮菜豬肉餃子麵，韭菜香氣十足又鮮甜、豬肉鮮嫩，內餡扎實飽滿，麵條又滑又彈牙。

每個中環返工既人都知道，中午時間食飯喺幾一位難求..雖然等位人多外賣單更多，餃掂嘅職員都堅持到好有禮貌同好友善嘅態度，令我成日嚟食都會有種親切既賓至如歸既感覺。我想講佢地既麵底真係少有嘅高質，有濃香自然北方風味，口感又柔韌適中，配上佢地唔油膩而且有淡淡微酸回甘嘅高湯，我每次都一定揀水餃加麵$55。水餃皮唔會太厚，同埋餡料唔會太多肥豬肉，咬落去多汁又唔會太重口味，真係好正。今日去食完漏低咗銀包，收工先醒起即刻跑番去，但店員執到完整無缺比返我，我當時真係好感動多謝你地嘅服務，希望繼續一切順利！