滿樂潮州 (東薈城名店倉)

Open Now

Now Closed

今日同幾個同事剛好在東涌做野做到好夜，累累地就想係附近搵野食，即興就去左滿樂潮州菜館度食晚飯，點知幾有驚喜，都幾有水準，值得再去。我地一坐低。發現地方都幾闊落同舒服，因為餐廳樓底好高，就算多人都唔會覺得局促，同埋入面都有唔少大圓枱同卡位。侍應既態度都好好，餐牌上都有好多款式可以選擇。前菜小食有花生同甜酸菜，起初以為都係普通一般既小食，但花生原來係煲過，仲加上調味，微甜又林既花生，好味。因為太肚餓，朋友即時點幾樣菜。其中係必食既滷水鵝肉拼盆（當日餐廳人數都唔少，但唔洗等好耐就已上菜）拼盆入面有鵝肉、雞蛋、墨魚同豆腐，墨魚彈牙爽口，每舊鵝肉都厚厚，啖啖肉，又好入味，送飯一流，所以我同朋友好快就清曬成碟。跟住侍應就送上杏汁白肺湯，以往杏汁做甜品就聽得多，煲湯就真係第一次試，一遞碗湯埋黎已經有好香濃既杏仁味，起初以為兩樣唔係好合，怕會好怪，但飲落又出奇地match，湯料十足，一致讚好。然後唔可以唔提既係欖菜肉碎炒飯，炒飯粒粒分明，食落又唔會太油膩，有心思既係炒飯面有蛋絲包住整個飯，相當唔錯。食食下發現原來身邊都有唔少枱都叫呢個炒飯，睇黎我地真係無叫錯啊，呢個菜應該幾受歡迎。另外食得潮州菜又點可

約左班好耐無見的朋友，地點附近有間類似酒樓的餐廳未試過，突然想食潮州野，就黎試一試，等我介紹下今日食嘅幾味菜。前菜花生同平時酒樓食嘅花生有唔同，唔會乾真真咁，軟硬適中，味道甜中帶香，佢唔係油炸嘅花生，食落唔會覺得好熱氣 前菜酸菜都係同平時酒樓食嘅唔同，唔會太酸，甜酸味岩岩好，好開胃。芋茸香酥鴨芋茸有好多，炸得外脆內軟，食落唔會覺得好油膩，建議唔洗點咁多醬油，因為點太多醬油會搶左香酥鴨嘅味道，芋茸同鴨肉嘅味道都幾夾。煎蠔餅有別於平時打冷食嘅蠔餅，呢隻蠔餅質感似台灣蚵仔煎+韓式泡菜煎餅咁，但呢到係唔油膩，而且都足料，份量幾大份，4個人食都好飽，份量黎講係幾抵食。鹵水拼盆出名嘅鹵水拼盆，好入味，而且唔會太濃味，我好怕太濃太鹹嘅鹵水，食完會好想飲水，但呢到嘅鹵水拼盆味道岩岩好，通常呢d拼盆我食一兩舊就唔會再食，但食呢間嘅拼盆，幾乎食哂成碟，個人幾中意呢間嘅鹵水味。😋足料杏汁白肺湯本身個人唔太好杏仁類食物，甚至可以話係抗拒，但呢個好有驚喜，個杏仁味唔會搶哂成個湯，而且好足料，好大個豬肺呀，食完可以做爆肺Gem 。😂 味道同材料份量係好有驚喜。火腩春菜煲D菜充分吸收火腩肉嘅精華味道，清甜得黎又會滲

呢間潮州店都開左一段時間但住在東涌既我一直都未去食過😂所以今次約埋屋企人一齊去試下呢間潮州菜首先，由於我早到，所以一去到先入座。服務員由一開始到走果時都非常好服務態度！可以係100分啊簡直！開始又主動介紹食物，而且不用提醒他們都自動不時加水，都未試過舉手叫佢地加水😂然後有湯果陣主動幫手分湯食完佢地都主動問我們食物好吃不！有禮貌、專業服務團隊！環境好寬敞明亮，所以都好適合傾計吃飯！我地總共叫左四菜一飯一湯首先一定要介紹我呢個最愛吃的炒飯一上台已同班舊同事嘩左一聲好有心思啊仲以為好睇吾好食但原來都好好食！d飯係粒粒分明，而且一點也不油膩！呢個推薦❤第二個就係潮州餐廳既一定要點鹵水拼盤鹵水恰到好處不會太咸都不會太咸個人覺得鹵豆腐最好吃😋果肉都鹵得入味👄至於芋茸香酥鴨都不錯吃有可能是因為我超鐘意吃芋泥類食物😂😂😂所以我私心地點了這個菜它炸得岩岩好！而且入面芋茸吾會一pat甘係好濃既芋頭味🤤底層係炸腐皮！多層口感！正！第四個就係春菜火腩煲！火腩係好食🤤D菜都可能吸曬煲既精華好好吃😋不會太咸第五樣就係煎蠔餅，以往潮州店都係炸蠔餅居多，但今次就試下煎蠔餅啦！舊同事一見上店話外形有點似泡菜煎餅😂😂😂佢

東薈城依家多咗好多餐廳，中西餐都有，我最鍾意同屋企人去潮州滿樂飲茶，佢地個潮州蠔烙我次次必叫，百吃不厭，夠哂足料，啖啖蠔肉，yummy! 滿樂嘅點心即叫即蒸，點心夠熱先至好味! 我屋企嘅老友記每次去完飲茶都俾個Like佢!

這間位於東涌city gate的新派潮洲餐館。坐得舒服，環境濶落，燈光也光猛。菜色選擇也非常多，味道也屬中上之選，但質素很參差，價錢雖然偏高，但都值得一試。格局很濶落，開洋，坐得也舒服。~ 鮮蠔仔泡粥 $68朋友說她通常選下午茶時段來，沒有這麽多客人等位，可以慢慢享受這碗她勁力推介的蠔仔粥，果然沒有介紹錯，蠔仔味濃食過番尋味。~麻醬手撕雞 $118勁多花生醬味，拌雞絲冷食，比較開胃。~梅菜炆扣肉 (例)$88份量不是很多，肥肉入口即溶，梅花味道 鹹甜適中，送飯一流~潮州蠔烙(例)$88似蠔仔炒蛋，個人比較喜歡傳統的煎蠔餅，因為比較乾身和香口。~黃金炸雙棗(例)$120應該是蝦丸和蟹丸各四件，但質素認真麻麻，似在街市凍肉舖的貨色不值這個價~椰香芋角炆鵝掌翼煲$118是自己大意，看漏了個"翼"字，結果煲內的應該是潮式鵝掌翼，結果不是啖啖肉，而是啖啖骨而皮又很薄。反而被濃香的椰子白汁和芋頭做了主角，味道也很香口，但用鵝翼就差了點

週三上班午餐選了潮州，比較近而且適合多人一同用餐。其實我們點了很多道菜，吃了蠔仔粥，蠔仔夠肥美，吃上來很滿足，必點。又點了鹵味拼盤，一上碟大大的一盤，味道可以。這間也有點心可以點，也點了燒賣，吃上來爽口，有口感好吃。 另外，也點了沙茶河粉，覺得好膩，加上已吃得很飽，所以下次我想不會點，會想試其他。

東涌幾年前經常出入，自從間戲院無左就少入去喇，近日因為去送機所以走左轉，北冀地下出口，原本係書局嗰層，嚟左個大變身，變哂食肆，而覺得裝修得最有氣派莫過于滿樂潮州，於是入去先食一轉early dinner 至出返九龍； 侍應招呼殷勤，茶款亦多選擇，有菊花、普珥、鐵觀音、香片、水仙、壽眉，菊花唔係好多酒家有，所以要左菊花，而菊花分量都好足，未斟而聞到清香嘅菊花味；餐前三小碟前菜，青瓜雲耳，大芥菜，白蘿蔔，全部good good good，甜、鹹、酸、醋味道做到啱啱好，用料唔會因爲係前菜而馬虎；沙茶牛肉炒河，牛肉大大片，肉嘅份量亦唔孤寒，下面每條河粉都沾滿沙茶；方魚炒芥蘭，大棵嘅芥蘭至爽脆甜，可惜外皮會比較厚，容易食到渣，而滿樂好有心機，將每條芥蘭都削走厚皮，令客人食到條條都嫩綠；椰汁桂花糕，小妹最鐘意食桂花糕，講真唔太差，但有改善空間。

陪完老媽去行完大佛再食齋之後，落番去東薈城我都已經肚餓，一於捉埋佢哋去食過。一埋位我就叫咗一份香炸南乳骨，餸一到已經聞到陣陣南乳味，咬落去外脆內軟仲有肉汁。一個鹵水鵝肉拼盆，鵝片夠嫩下層仲有鵝件，五花腩肉切到好簿眼見就妳多肥膏但咬落係爽口啱灑我豆腐都鹵得夠入味， 魷魚都係簿片都好有咬口。一個方魚炒芥蘭，個芥蘭一到先要讚吓因為佢哋將個菜梗邊先批走，食嘅時候只食到菜最嫩嘅位置。一份沙嗲炒牛河，牛肉個份量唔算少，河粉又唔會一舊舊，沙嗲味夠香濃但又唔會太咸食起嚟會令你食完再食。嚟多個欖菜肉碎炒飯，依個賣相唔錯面有個蛋網， 用個匙羹不開嘅時候見到個飯炒到一粒粒，加埋個欖菜同肉碎都係絕配，食飽飽後完再飲番杯茶等自己簡直係大快人生。

好耐冇去東涌，今晚特別同朋友嚟左呢間潮菜餐廳吃飯。原來呢間餐廳喺東薈城靠近酒店的一邊，唔係近地鐵站嗰邊吖，由餐廳出去就已經喺圖書館位置了。坐低發覺呢度樓底超高，空間感十足十。侍應招呼唔錯，未坐定已經介紹有乜茶款提供，我就要左壼菊花茶，起初以為喺用茶包，點知而喺用好多一朵朵菊花㗎，正。另外，想特別講呢度嘅例牌滷水鵝肉拼盆，通常外面潮州菜館嘅滷水拚盆一定用牙菜仔鋪底，然後再喺上面加豆腐干、鵝片之類，但是呢度冇用度牙菜仔，成碟拼盆名符其實全部都係滷水嘢，滷水豆腐干片、滷水五花腩片丶滷水鵝肉片丶滷水魷魚片丶滷水蛋，而且非常入味，啲滷水片全部切得又簿又均勻，容易入口，雖然五花腩片比較多肥膏，但喜歡肥肉的粉絲一定會食得好好味。

The food was good, but overpriced, and I was very surprised and disappointed to be charged HKD 60 for jasmine tea as well as a HKD 37 service fee. The manager's attitude when I questioned these charges was appalling and completely unsuitable for the customer service industry. This was the only bad customer service experience I have had in 12+ years of visits to Hong Kong. 

早幾日朋友有好嘅推薦叫我同另外兩個好朋友一齊去試一試位於東涌嘅打冷嘅美食。我心諗... 嘩！東涌咁遠~~ 我祇有去見客又或者搭飛機去旅行先至會入去呢啲咁山旮旯嘅地方... 但又因為知道你係好嘢先叫好朋友去, 咁就不妨入去東涌一試睇下你咩葫蘆買咩藥先。大家系東涌A出口集合後, 沿住扶手電梯上兩層再落返三層大約行五至十分鐘之後就去到呢間叫做"滿樂潮州"做打冷嘅餐廳, 望一望室內環境都好寬堂舒服, 等位時間又唔係等好耐, 有一位溫文爾雅嘅女侍應帶咗我哋去咗一張四人枱！我哋望一望餐牌原來好多款式嘅打冷美食。我哋四個人商量好之後就嗌咗呢五大款美食分別有: 潮州蠔烙, 話梅炆豬手, 蔥蒜炆黃花魚, 者者蝦乾通菜煲以及沙茶牛肉炒河。呢間餐廳嘅侍應會將啲餸菜一碟一碟慢慢上, 唔會覺得好似食得好急要趕住叫人走, 我哋仲每人叫咗一碗白飯攞嚟送d潮州美食, 我最欣賞話梅炆豬手酸酸甜甜口感仲好煙韌添攞嚟送飯的確一流, 至於沙茶牛肉炒河d肉質仲好好味仲帶出牛肉嗰種鮮味, 個潮州蠔烙係將啲蠔仔肉再炒蛋賣相靚之餘仲好有一定嘅口感, 而個蔥蒜炆黃花魚就肉質鮮美整得唔老仲係多肉少骨嗰隻, 一個字"正", 我平時都好少食

放假我都會約吓朋友入東涌行街，因為有好多outlet又多食府，今晚晚餐就想食潮州嘢，所以揀咗依間'滿樂'試一試，門口已經掛滿D潮州鹵水食物，未入坐都已經睇到我好鵝。好彩等咗無耐就可以有位，行入去裝修都唔錯，起碼覺得環境乾淨又衛生 坐底侍應就問我飲咩茶，茶嘅種類都有幾種真係悉隨專便，未睇menu我已決定要食蠔餅，同埋鹵水拼盤,所以我兩樣都有叫再加個杏汁豬肺湯同埋欖菜肉碎四季豆。個湯先到杏汁味夠濃豬肺都洗得好乾淨仲煲到好淋，飲落去仲食到杏仁碎nly個湯我都飲咗3碗之後係個潮州蠔烙,煎到香噴噴面應該係雞蛋夾落去係潮式個D煙煙韌韌嘅醬再係蠔仔，配上少少魚露將個味道再提:後先就係個鹵水拼盤，個鵝肉味道剛剛好又有咬口，仲有五花腩同墨魚豆腐，個四季豆少得好香口，豆質地好嫩配上欖菜夠灑野:。

cheap cheap購物團衝入東涌，行咗半日都搵唔到啱心水既戰利品，而且開始肚仔空空 ，一行七人去茶木有排等，對面既中菜館最為合適，大圓枱始終坐得比較舒服，唔洗等好耐已經有位人多好辦事連叫餸都比較方便，每人點一個餸廿叫兩碟炒粉麵飯，經濟又實惠，嚟得潮州菜館點少得鵝片拼盤（$138）鵝片大大件、仲有埋鵝件、勁肥既豬腩、墨魚片同雞蛋豆腐，全部滷得入味杏汁白肺湯（$188）啱啱好分到滿滿七碗，豬肺洗得好乾淨唔會有腥味，杏仁香濃味道十足，飲完順喉又潤肺香炸南乳骨（$128）應該話係南乳豬扒，炸得乾身，醃得入味朝洲蠔烙（$88）成塊厚批咁夠蛋香，蠔仔都算大大粒方魚炒芥蘭（$98）方魚切得細細粒幾香口，芥蘭爽脆唔會太油欖菜肉碎四季豆（$88）走油再炒既四季豆都保持嫩綠，簡單既餸唔簡單既火喉沙茶牛肉炒河（$108）牛肉厚切比較韌，相對河粉比較滑，撈埋個獻汁味道一流欖菜肉碎炒飯（$98）欖菜肉碎係好味，但食完四季豆又嚟炒飯，只有豬隊友先有咁既選擇，如果一早留意到就會叫佢加個白飯了事杭州菊花（$15/位）菊花清香帶甜，沖多幾次水都唔會變得無味道

今日同朋友行咗成日東薈城嘅outlet，總算有收穫，晚飯時間四周圍嘅食肆都排曬長龍，我哋選擇咗試下呢間 "滿樂" 潮州菜館。 這間菜館面積很大，裏面亦座無虛設，好彩都唔算等得太耐。我哋坐近落地玻璃位置，樓底算高感覺舒適。這個杭州菊花真係充滿花香，入口清新，加上餐前小食，正好為我們熱熱身， 消消滯！招牌 "鹵水鵝肉拼盤" 包括有靚鵝片、墨魚片、豆腐、豬腩肉及雞蛋。鹵水汁很入味但味道不算太濃，鵝片肉質柔軟，豬腩肉十分肥美，魷魚片很爽口彈牙，豆腐索滿鹵水汁嘅精華，入口份外滋味！杏汁白肺湯，十分滋潤養顏，豬肺清潔得很乾淨，入口爽甜，整個湯底滲透著杏仁蓉嘅濃郁香味，飲完一碗之後，見到個碗底簡直有如掛杯一樣，充滿杏仁蓉既微粒在碗內清晰可見， 真材實料！欖菜肉碎四季豆，四季豆炒得很翠綠，入口爽脆，淡淡嘅四季豆配上鹹鹹香香欖菜、肉碎，潮州人用嚟送飯……絕配！欖菜肉碎炒飯，蛋網蓋上炒飯， 炒飯粒粒分明，十分開胃！

來呢度食幾次午餐, 晚餐都食過，食物質素不用評，是好味，今晚個梅菜扣肉就失色左無味，其他都ok. 但是每次來食飯班侍應真係趕客格，今晚特別離譜。 問點解有枱唔放，唔理唔答。 如果唔想做細枱，就請係 reception 就講富，唔使我地等!!!