Ming

選這裡飲茶，因為是好友最愛，她喜歡清靜，食物質素高，服務好，只要不介意價錢。😅餐廳地址不算就腳，在銅鑼灣和天后地鐵站中間，還要轉入中央圖書館後面，離巴士站和電車站較近，環境清靜，人流很少，所以幫襯的應該都是熟客。進入餐廳，大廳只有幾張台，但有廳房，中午飲茶有兩台人客。非常安靜，我們點了三個點心，一碟豉油皇炒面，埋單五百多元，平均消費＄170，雖然較貴，但物有所值，切肉燒賣，鮮竹卷，黃橋燒餅都好吃，特別是黃橋燒餅，是這裡特有的，炒面也是香口，面爽不多油，芽菜洋蔥香蔥令炒面樣靚味又正。這裡的服務更值得讚👍，態度好，回應快，洗手間又乾淨，整個用餐過程好舒服，值得推薦。🤩…Read More

食過幾次呢間餐廳，都覺得唔錯。咁啱上次食之前見到佢OpenRice評語唔係好多，就專登係食飯嘅時候影多幾張相，諗住幫佢寫下食評。今次我哋係六個同事連老細一齊中午嚟飲茶。佢依家中午12點先開，成間餐廳得我哋一圍，非常正，好似包場咁，員工嘅服務態度都非常好，佢哋亦都會專登俾多啲自由空間你，唔會全程企喺側邊serve 你，有需要先會過嚟。呢個煎粢飯係員工介紹嘅，佢會跟返人頭切俾你，味道ok，煎得幾香幾脆，但係唔係特別推介。呢個檸檬叉燒酥呢就正，個酥皮好脆，入邊啲叉燒都好味，我哋一致極力讚賞。個小籠包我就冇食到，因為我唔係特別好，同埋佢哋話冇乜特別。呢個芋頭酥都好正，出邊好脆，入邊就好多料，唯一缺點就係入邊啲芋泥唔夠多，其他料太多冚過咗個芋頭。呢個酸菜米線，都好推介，覺得個湯好正。蒜香牛柳粒，啲牛肉超正，但係好貴。最後我哋每人人均$300埋單，價錢係偏貴，但環境同埋服務同埋質素我覺得都值得嘅，食兩個鐘頭好舒服。…Read More

這家餐廳的料理口味獨特，烹飪手法純熟，給人留下深刻印象。菜色多樣化，滿足不同口味需求，份量十足，價格合理。服務態度親切，環境舒適雅致，讓用餐氛圍更加愉悅。唯一沒有daddy的叉燒飯。總體而言，是一家值得再訪的餐廳。…Read More

大鄉里食完先知原來係古老闆開嘅私房中菜館😂 由曾於國金軒及滿福樓任職行政副總廚的名廚張福叙主理，推出一系列經典傳統中菜今晚嘅老火例湯係粉葛湯 平時唔鍾意粉葛湯有一種沙沙嘅口感，呢度神奇哋係唔會有嗰種口感，鮮甜得很證明火候十足~香煎蝦餅 夠彈牙，細細個唔會膩，就算唔點個酸甜汁都好食~百味豆腐外酥內嫩，簡單就是美味無花果拔絲咕嚕肉，肉切得較為薄身所以食落特別脆身，比較偏甜味但食落係無乜無花果嘅特色 （無花果愛好者表示失望）古法鹽焗雞份量十足，金黃色嘅雞食落皮爽肉滑而且夠鹹香🍗最欣賞係佢仲有雞潤同雞胗！雞潤粉嫩，雞胗脆彈，一流！蜂巢九肚魚蠔仔煎，口感同平時嘅蠔仔煎完全唔同，鬆化嘅脆皮外層滿滿咁包裹住鮮美蠔仔同嫩滑九肚魚，令口感更豐富大澳蝦膏蒸肉筋，豬筋索曬蝦膏嘅鹹香。口感軟腍又帶膠質。連墊底嘅千層鮮竹豆皮都索滿肉汁，送飯一流蒸第一刀肉餅 肉質嫩滑，唔會太肥膩 （呢排成日見到第一刀呢個名，原來第一刀是豬頸骨下的瘦肉，亦即是豬的頸椎、豬頭對下的一小部分，梅頭最前的位置，又名為脢頭咀。睇完都唔知喺邊呢，總之就係矜貴少有部位啦😂）酸菜魚湯斑片 同平時川菜系嘅口味比温和好多，奶白色嘅魚湯底加上酸菜開胃但唔刺激，仲有嫩嫩嘅魚片，鮮美又好食五代同堂炒飯 一碟有齊櫻花蝦，蝦醬，蝦籽， 蝦米，蝦仁，真係🦐🦐🦐🦐🦐！唔同嘅鮮美同口感混合交織，飯底夠乾身唔油膩配合得好好…Read More

早前朋友從加拿大返港, 相約幾位同學一齊出黎聚下舊, 因為朋友好想食到有質素既點心, 仲要環境舒適,於是我在網上搵到呢間, 因為只有係星期六日及公眾假期先至可以食到, 朋友應該會好喜歡.我地叫左蝦餃,燒賣, 蝦腸, 叉燒腸, 鳳爪, 百味豆腐粒, 馬拉糕, 因為即叫即蒸, 所以製作需時,所有食物全部都熱騰騰, 趁熱食就最好喇.朋友們對檸檬叉燒酥, 脆皮窩貼, 香煎粢飯都讚不絕口, 每樣點心都好有水準, 夠特別之餘仲要係好好味. 我地不約而同叫多一round, 一邊享受美食, 一邊傾計, 渡過了一個愉快的周日.  朋友話會推介俾身邊朋友.  仲讚我搵到呢個地方揀得好好呀.  等我下次再試下其他點心同晚市菜式先.…Read More