71
2
1
5-min walk from Exit B, Tin Hau MTR Station continue reading
Telephone
25761333
Good For
Group Dining
Payment Methods
Cash
Other Info
10% Service Charge
Review (79)
Level4 2019-09-09
532 views
難得一所食肆能令我三顧草廬!究竟是那所這樣有驚人魅力?正是肯付錢也未必吃得到還要等上起碼半年的皇仁書院舊生會! 三次的邂逅也得要感謝PJ的面子才能有緣一嚐這隱世美食!這趟更只有一席令菜式更加專注和美味。 揭開序幕的是桂花蜜餞桶蠔,肥美的蠔肉被炸至金黃香口,伴以香甜不膩的桂花蜜糖太滋味了! 接下來的是沙薑豬腳炆至富咬口得來而不鬆散質感恰好,幽幽的沙薑香氣很誘人好味道喔! 緊接下來是我朝思暮想的佛跳牆每次也是衝著它而來,我只能以百喝不厭來解說這盅妙品!! 重演篤鮑魚事件當然是必須的!好像篤魚蛋般過癮又浮誇兼美味的感覺真爽耶!! 侍應在燉盅內逐件取出矜貴湯料包括有我至受火瞳,看見它我雙眼真的發光兼流口水了!油膩肥美的火瞳自令我一而再再而三的寵幸它呢! 佛跳牆內除有火瞳外更有老雞、精肉、豬腳筋、肥厚香菇及粗針魚翅等名貴食材,湯色清澈味道濃香喝下真的很鮮甜。 茄子翠玉瓜炒蟶子用上蟶子皇來炮製此菜式,火喉控制得宜所以蟶子口感鮮彈,配合惹味的醬汁連茄子和翠玉也十分誘人。 再來是大斑兩味先上的是蒸頭腩,魚肉結實富鮮味配襯調過的豉油總不叫人失望! 薑蔥炒斑球勝在惹味香口,但大家也留肚吃接下來的菜式所以吃剩不少!我帶了回家隔天作了客薑蔥炒斑球2.0給車爸爸嘆打斧頭成功Yeah~ 接下來是惹味非常的椒鹽陳皮中蝦,中蝦個子不少炸得香脆可口,入口是帶甜的陳皮香加上新鮮的蝦肉也不賴喔! 炸子雞皮脆肉嫩不在話下但是寶物沉雞底呀!因為在炸子雞底下鋪滿甜蜜蜜的自家製蜜餞子薑是師父的秘密武器,香甜可口吃得我如癡如醉!! 單尾是芋頭炒飯烹得乾身爽口味道亦調得不錯,如果芋粒大些少相信能更加吸引我! 最後糖水是腰果露湯圓救命啊!!這碗腰果露甜度不算太烈,但質感香滑口感油潤腰,加上小巧的湯圓陪襯也挺合我意。 飯後果送上西瓜還的跟上梅粉提味很貼心。 接下來還有壓軸驚喜便是8月之星有生日蛋糕收,我也幸運地能收到加品嚐甜蜜驚喜,順序介紹有型男Saii獻出星月居的浮誇12黃月餅贈興,再有準新娘子送來白桃蛋糕,另有Sweetpea Cafe HK主理人Angel精製無麩質又美味的榛子蛋糕,更多謝在坐各位的祝福,期待下次跟大家再聚。 continue reading
(The above review is the personal opinion of a user which does not represent OpenRice's point of view.)
一間餐廳,就算幾好食,同咩人去?幾時去?食啲乜嘢?整個感覺都因為呢幾個元素可以好唔同。係飲食圈入面,有一些餐廳,總是神枱級水準,往往都有好多人趨之若鶩,可能因為太好食,可能因為難訂枱,可能因為要識人先有好野食,種種原因,都令這些餐廳變得像傳說一樣。皇仁舊生會肯定就是一間這樣的餐廳,當然好彩的我由當年跟名食家KC去食,到有朋友搞局,到有朋友識人可以訂枱去食,到而家可以訂枱,大大話食個十幾次。當然,菜單可以倒背如流,基本上冇乜菜式係未食過,但每次再去都一定有個期待。今次難得爐兄搞局,以取經為名,為食為實,當晚食左餐,試下不同的菜單,為九月嘅局攞靈感。鐵定於九月五日,小弟會開兩圍,有興趣嘅就同我報名。未知皇仁舊生會係乜,又唔知食乜,不如睇吓呢晚有咩食啦。一坐低就有驚喜,子薑皮蛋係梁師傅送嘅,來自上環最有名的皮蛋,老饕實知,同枱食飯嘅人話係成世人最好食嘅子薑皮蛋,你信唔信?翡翠鴿片炒雙蚌應該是最清新的選擇,坦白講我自己個人會喜歡食另一前菜鬼馬油條一點,但雙蚌堅炒得不錯,送白酒和清酒一流。椒鹽陳皮蝦基本上係次次都一定會食,同佛跳牆嘅出現頻率一樣咁多,陳皮蝦根據時令有大隻又細隻,今日係平常中規中矩的大小,椒鹽味輕鬆,陳皮也不太強,入門吃皇仁必愛的菜單。主角中嘅主角必是原盅燉佛跳牆,以鮑魚,翅,金華火腿,雞和一眾靚料煲嘅原盅佛跳牆,多年來不知謀殺了幾多菲林,每個人都必定影十幾廿張相,鮑魚翅也不用多說,湯頭有幾甜有幾重嘅膠質都不用說,我覺得成件事最正嘅就係原隻金華火腿,送上紅酒,比起吃48個月西班牙黑毛豬更精采。柚皮扣鵝掌相對普通,爐兄選這個確實令我覺得佢想吃得健康一點,柚皮夠腍,鵝掌骨膠原豐富,不過當然最好味係那些放在底的生菜。蜜餞煎加拿大桶蠔又係出席率很高,枱上頭一次來的人也驚訝好少用上中式煮法有咁隻大蠔,蜜餞味道強烈,煎得香而脆邊,絕對是我喜歡的三甲之一。蟹粉不是時令,但從來不決,蟹粉豆腐也是常見的選擇,只不過說很出色是過不了自己,但看你和什麼對比,說真,以這個價錢你喺外邊都好難睇到咁大碟蟹粉。當然你唔好同我講想去上海食平好多,唔理你係乜政見,呢度係香港,食靚又平蟹粉點同大陸比,好難,ok?鹽焗雞係新鮮雞,如果我自己寫菜我一定唔會食呢個,畢竟冇乜難度,也吃不了廚房功架。鹽焗雞焗得不錯,有雞腸有雞肝有雞腎,樣樣都正,係呢個菜式最正嘅地方。魚蛋蕃茄浸勝瓜係我從來冇吃過亦都冇諗過會吃嘅野,不過出奇地又幾好,特別係魚蛋,蕃茄浸勝瓜唔通會曉飛?新鮮感是有,但如果下次我寫菜,這個應該未必會叫了,但欣賞爐兄勇於嘗試,你知道搞飯局寫菜單其實好冒險,又怕人投訴呢樣投訴個樣,當你試過搞飯局,你就會欣賞搞飯局的人,從來都是吃力不討好的工作。一如平日,潮式芋頭炒飯炒得非常好,只此一家,你別想在其他地方可以吃到這個飯,除非係冬天,當朋友很想吃生炒糯米飯的時候,呢個才會不在考慮之列。腰果露湯圓的完美尾聲,又滑又香又甜又濃,湯圓的小巧令人欣喜,絕對是次次同樣好的演出。總括來說,今晚嘅菜單都不錯,無論份量食物都給了我靈感,謝謝爐兄的安排。9月5日,我試試寫個和這個有點不同的菜單吧,有興趣嘅,call我。皇仁書院舊生會﹝中菜部﹞  銅鑼灣高士威道120號 continue reading
(The above review is the personal opinion of a user which does not represent OpenRice's point of view.)
Level4 2019-06-11
1089 views
😭😭腸胃炎食左一個星期粥,今日終於食返啲好野!fiancé 朋友約佢一齊去皇仁書生會度食飯,佢初時話約左我,後黎朋友叫佢叫埋我一齊,fiancé見個menu好吸引😍就叫埋我一齊去!聽朋友講佢二月就已經book定,如果唔係有家人係舊生,係book唔到,因為呢度只可以俾舊生book!第一道菜係百花西汁釀油條,起初我以爲油炸鬼係煮到淋bad bad,一咬非常驚喜!係炸脆左😍,再用好似咕嚕肉既汁煮,掛滿酸酸甜甜既汁,好開胃👍🏻配料重有啲荔枝同三色椒。糖桂花餞美國桶蠔一黎到已聞到好香桂花味,平時唔食蠔既我,好怕陣腥味,不過佢炸得外面好脆,第一次食甜味既炸蠔,有糖桂花所以完全唔覺腥。原隻鮑魚佛跳牆係我地全晚都期待!侍應叔叔先將一串串既鮑魚、整梳魚翅同金華火腿拎上碟,再續碗慢慢分,再加埋豬軟骨、雞絲、冬菇、瑤柱同雞腳,非常豐富!先飲一啖湯,極之鮮甜,雖然有金華火腿,但個湯一啲都唔覺肥膩同鹹。鮑魚用上鮮鮑魚,食落鮮甜唔韌;翅好粗身;豬軟骨非常軟腍,軟骨輕易就咬開;最意外係個金華火腿,平日食個啲係好乾好硬,但佢皮好腍重好重膠質,唔太鹹,反而肉就鹹好多,不宜就咁食。大海斑兩味有雲耳腿茸蒸斑球同薑蔥煎焗頭腩,前者無骨啖啖肉,但相對無後者咁驚喜,同埋個汁鹹得黎有啲酸,失色左啲。後者既薑蔥爆得非常香,魚炸到好脆,非常惹味,令人一口接一口,好食到唔想到,不過重有其他餸等住我試,我食左四~五舊就收手🤪呢碟柚皮生扣鵝掌係我第一次食柚皮,成日聽柚皮好難整得好食,又花好多功夫,所以坊間都見少買少。柚皮炆到好腍,一啲苦澀味都無,一夾開見到一絲絲纖維,但唔洗點咬入口就化開,面頭撒左啲蝦籽,不過唔係幾食到個味。鵝掌亦都炆得好炆,輕易就咬開或者夾開,入味得黎唔會太鹹。平日食炸子雞都唔覺咁香,一上菜就聞到勁香,重要聞落同睇落就知佢好脆。果然無令我失望,皮脆肉嫩,有啲部分直頭無脂肪得返層脆皮,好正!食落真係有鮮雞味👍🏻雖然佢只係冰鮮雞。雞底下重有子薑,甜甜辣辣剛好中和油膩感。荷葉飯又係我另一期待既菜色!一開頭食覺得佢唔夠乾身,不過食食下食到淡淡既鹹蛋黃味又會令人一口接一口食!平日唔鍾意食鹹蛋黃薯片魚皮啲零食,嫌佢濃得有啲可怕!但呢度做到恰到好處!唔會令我討厭,反而鍾意佢咁含蓄。配料有啲爽口蝦仁、菜粒、雞丁同炒蛋,份量都幾多,每啖都食到有配料。最後梗係要有糖水~腰果露湯圓作結先完美!係我第一次食腰果露,味道唔會死甜,香濃既腰果味充斥住口腔,而且好滑,唔會食到粒粒。平日我都唔好芝麻湯圓,但佢細細粒,皮好薄,食完唔會太溜,芝麻餡夠香,每人兩粒剛剛好。最後~最後壓軸出場既係西瓜🍉!附上一樽話梅粉,撒上西瓜上一齊食,食落酸酸鹹鹹幾有趣,不過西瓜好淡,無乜味。唔知下次黎又要等幾耐呢? continue reading
(The above review is the personal opinion of a user which does not represent OpenRice's point of view.)
Level2 2019-04-24
893 views
An alumni gathering with friends from the university, one is an alumni of this secondary school.  First time being here.  It is the name of this famous alumni boys' club that is attracting.  The environment is like any room you find in any historical famous secondary school.  The food is high quality Chinese dishes in general.  The soup is my favorite, specially designed by the chef.  The rest are like the nine course meals you find in any quality Chinese restaurant. continue reading
(The above review is the personal opinion of a user which does not represent OpenRice's point of view.)
Level2 2019-04-18
1080 views
因為識咗個皇仁畢業生,所以有幸成日嚟食呢個「皇仁飯」皇仁舊生會唔止只招待畢業生及其朋友,而且好難book, 起碼要book半年,所以其實一年只能食兩次,雖然咁難book, 又要等咁耐,但值嘅!而且每人大概消費$500,真係性價比好高。佛跳牆呢味餸真係冇得輸呀一畢啲鮑魚出嚟,大家已經嘩嘩聲,再加埋花膠(原本係翅,我地改咗花膠),金華火腿及其他材料,啲湯好入味舊金華火腿,我地通常拎返屋企再加西蘭花一齊炒,好食!大海斑兩味 - 薑蔥煎焗頭腩其實我本身唔多鍾意食魚,但呢個好脆口,岩晒我呢啲為食人士!大海斑兩味- 雲耳腿茸蒸斑球唔多鍾意食魚嘅我,極愛呢味,因為啖啖肉,最岩我呢啲唔識挑骨嘅懶人椒鹽陳皮中蝦鐘意食蝦嘅我,通常都只係食白灼或茄汁,呢款椒鹽陳皮確實係老派菜,喺出面好少食到,而喺皇仁,佢整得好入味,真係蝦殼都可以食埋!柚皮生扣鵝掌係人都知柚皮唔易整得好食,所以喺出面都好難食到好食嘅柚皮,但呢度個柚皮好好食,冇澀味,加埋鵝掌,加埋個汁,入味到爆!喺出面好難試到呢啲老派菜糖桂花餞美國桶蠔桂花汁好甜,桶蠔好多肉,個汁溝埋啲洋蔥一齊食,基本上每次都清碟到照鏡一樣😂😂翡翠鴿片鴛鴦蚌仁睇呢個擺盤已經very ok喇,再加埋小炒同烹調手法,個鴛鴦蚌好爽口,仲有鴿片,通常食鴿都係原隻乳鴿食,但咁樣一齊炒法,真係只有老派菜先咁做其實只係精選幾款特別嘅餸菜po出嚟,仲有好多餸冇po出嚟,好似炒飯,炒麵,腰果露湯圓,炸子雞未po出嚟,講真,以大概$500一個人可以食到呢啲老派菜,可能皇仁飯係香港性價比最高嘅中菜! continue reading
(The above review is the personal opinion of a user which does not represent OpenRice's point of view.)