39
15
3
7-min walk from Exit A2, Kwun Tong MTR Station continue reading
Telephone
37582239
Introduction
Culinary star Alvin Leung’s new restaurant offers Chinese and Western mixed molecular gastronomy. He specially requested to build an open kitchen which allows customers to appreciate the culinary performance. continue reading
Awards and Titles
Michelin 1 Starred Restaurant (2014-2018)
Opening Hours
Today
Closed
Mon-Fri
11:30-15:00
18:30-00:00
Sat
12:00-15:00
18:30-00:00
Sun
Closed
Payment Method
Visa Master AE Cash UnionPay
Number of Seats
45
Other Info
Alcoholic Drinks
Parking Details
Phone Reservation
Signature Dishes
Carabinero Red Prawn Iberico Ham Lobster
Review (62)
Level7 2017-03-08
3802 views
一向搵食店喺唔會追「星」,對米芝蓮嘅封號雖未至不肖一顧,但絕對唔會放上心,唔喺睇佢唔起,只喺覺得隨遇而安,毋須太過刻意。遇啱有興趣嘅,亦會去試試,就好似早前到訪嘅Upper Modern Bistro(曾摘一星),但今回所到訪嘅MIC Kitchen(連續4年一星,2014-2017),其實唔喺因為佢摘咗星,亦唔喺佢喺廚魔梁經倫嘅餐廳,純因睇過啲食評,介紹點樣中(醬)料西用,覺得好奇,所以,趁周末得閒,同老婆過嚟食餐午飯。MIC Kitchen嘅背景就唔多講,但有一點不得不提,雖然喺由本地分子料理大師廚魔梁經倫經營,但如果你打算一嚐分子料理,嚟依道就會讓你幾失望,因為分子料理唔喺主打,除一道招牌「小籠包」,其他都唔喺分子料理,反而,採用多種中式醬料入饌嚟做西菜,極之充滿驚喜。一踏入餐廳,感覺摩登闊落,無咩標誌性裝潢,但簡潔、樓底高,所以空間感強;除二、四人散座,一列吧位好適合只嚟飲嘢嘅朋友,而所以座椅都喺真皮椅,孤位啱啱好,非常舒適好坐。入座時,經理會為你拉櫈安排就坐,而餐具、餐巾整齊排列好,一切準備就緒,此刻,佢亦會為你打開餐巾,貼心嘅服務由此起。雖然跟魔廚嘅總壇Bo Innovation有級別之分,並且位處工廠區,但定價都唔算好親民,餐廳只賣套餐,無散點,3道菜午餐(頭盤、主菜及甜品)基本價喺$248,但當中有唔少前頭盤或主菜都需要另外加錢,更有多款伴菜供額外加選,亦唔包餐飲,故想食得特別啲,又嘆杯咖啡,埋單個人計$300、$400好閒事。此外,另有一張是日推介,包含三款前菜及兩款主菜,全部都喺需額外加錢嘅選項。自家製麵包籃點菜後,自然喺送上麵包籃,一籃有4個小圓包,4個都喺唔同口味,酸種麵包、全麥麵包、芝麻軟包及迷你法包,各有特色,全部拿上手都喺暖嘅;不過,要數到驚喜,塗麵包個醬就真喺無限過癮,自家調製加入潮州欖菜嘅蛋黃醬,鹹鹹香香,味道有種似軟身嘅芝士,但嗰朕鹹味又有份沉實,的確風味獨特且別出心裁。頭盤基本上有5款,其中一款喺湯品,而有兩款需額外加錢,我哋就揀咗毋須加錢嘅凱撒沙律及蕃茄拼盤。Demon Caesar(凱撒沙律配蝦醬汁紹興酒醃蜆肉)(Romaine Heart, Shangri-La Yaks Milk Cheese Toast, “Shaoxing” Marinated Clams, Shrimp Floss)沙律部份簡單只採用羅馬生菜心嚟做,而且,無一般沙律菜咁軋到細碎,反而保留番大大顆,淋上混入蝦醬做嘅醬汁,生菜新鮮爽脆,咬落嗦嗦聲,鹹香嘅蝦醬汁鹹蝦味唔會好重,感覺有少少藍芝士所做嘅醬汁,非常有趣;羊奶芝士多士脆口香濃,就咁食會唔覺特別,搭粒經紹興酒醃過嘅蜆肉,咁先產生到化學作用,微微嘅紹興酒香引發羊奶芝士嘅羶香,有種相輔相成嘅感覺。Tomato(紅菜頭羊奶芝士“八珍”桂花醋伴蕃茄)(Beetroot, Goat Cheese Foam, “Pat Chun”, “Lam Kok”, Osmanthus, Ginger)每道菜上枱,經理都會細心講解一下,包括有咩食材,個菜嘅亮點喺咩,睇見啲色彩繽紛嘅蕃茄,唔使講就知重點喺咩,共有5款有機蕃茄,襯埋一齊非常養眼,賣相已先拔頭籌。雖然經理講過有咩種類嘅蕃茄,但實在講得快,小弟亦無太有心裝載。老婆偏向食素及少油脂嘅嘢,所以,依道頭盤專登揀俾佢,佢亦超鍾意,好睇之餘,仲話好好食,啲蕃茄鮮甜得緊要,糝咗少少欖角所做嘅粉末,再沾沾紅菜頭汁,又或襯羊奶芝士泡沫,同樣協調和諧;而中間原粒溫室紅蕃茄,經理建議原粒咬,小弟就無福消受,老婆話有種好醇香嘅甜蜜味,原來就喺以八珍甜醋、桂花、點點薑汁去慢煮,醇香味滲入蕃茄其中,真有意思。主菜邊面共有8款選擇,其中3款更喺店家嘅招牌菜,8款中有5款喺額外加錢嘅選擇,而我哋所揀嘅鱸魚及意大利飯同樣需要加錢。順帶一提,上菜嘅服務做足星級要求,無論頭盤,還是到主菜都喺同步呈上,而且,亦記住邊位客人喺點邊道菜,不過,落嚟嘅主菜我哋講明喺一齊共享,所以,醒目咁為我哋擺上細碟,唔使再多口要求。Chilean Sea Bass(烤智利鱸魚配雲南火腿汁) +$48(Squash, Pesto, Baby Carrot, "Yunan Ham")主菜中,為老婆揀嚟清清哋嘅烤鱸魚,初時第一眼望落去以為鱸魚底下喺啲飯嚟,經理講解完,再望真啲,原來喺薏米,搵香草醬煮過,口感煙韌,非常有咬口,而且,薏米健康有益,如果做盲測,有可能誤以為依道喺個意大利飯呀!話清清哋,其實件鱸魚煎得十分香口,啲魚肉嫩滑到呢……好似做咗保濕,極之水嫩,配上雲南火腿汁,個汁就有預期到個味道會喺點,但就令魚肉嘅鮮味更突出。Laksa Risotto(喇沙海鮮意大利飯配蝦米鬆) +$58(Acquerello, Hokkaido Scallop, Seafood, "Har Mi" Floss)經理介紹時,話佢哋採用正宗陳年嘅意大利米嚟煮,小弟真喺見識少,未諗過米都有陳年嘅,淨喺識新米舊米,而且,意大利米陳年唔喺咩出奇嘅事,更可以陳到七年真,咁陳咁耐做乜?原來喺可以令米香更濃,真喺又長知識了!但咁講,要食到米有幾香,我就覺得食白飯先試真到,加入咗喇沙汁,點都有影響,試唔真。講番個飯,喺唔喺米香啲就講唔到,但口感極佳,煙韌有嚼勁,個汁令到啲飯濕潤得嚟唔會水汪汪,黏度啱啱好,而且香料味好有層次;海鮮除有大大粒,又爽彈且鮮味嘅帶子外,仲有幾小片鱸魚及大蜆,鱸魚煎得香口柔嫩,蜆肉鮮甜無沙,樣樣都做到恰到好處,整體喺一道水準極高嘅意大利飯。Daily Dessert(紅酒燴梨)最後,以一道法式甜點作結,往常暖暖和和嘅 紅酒燴梨都以雲呢嗱雪糕作伴,但MIC就改用輕怡版嘅忌廉芝士嚟襯佢,面面再灑下烘得脆脆嘅紅莓乾,更採用舊式嘅中式茶杯嚟盛載,梨肉晌忌廉芝士襯托下,更清甜,口感軟綿,又滲出微微酒香,成件事處理得好細緻。紅棗桂圓茶 $50老婆一向喜歡滋潤、保健嘅飲品,睇色澤就知杯嘢唔流,入口紅棗、桂圓味都突出而平衡,而且,甜度啱啱好,又感覺自然。雖然杯桂圓茶賣到成$50杯,感覺絕對喺偏貴,但至緊要佢鍾意啫,反而我杯咖啡又唔貴喎。鮮奶咖啡 $28其實,有好幾次用餐後都後悔點鮮奶咖啡,因為有唔少西餐廳雖然有供應,但大多數唔喺機沖,就喺手勢麻麻,點都唔及啲咖啡店。今次都喺,只因慣性,順口一句「鮮奶咖啡吖,唔該」。眼前嘅鮮奶咖啡明顯就喺機沖,只可以講喺濃縮咖啡+奶泡,所以,一定要自行攪勻先飲得。飲落仍會有醇香嘅啡味,就算機沖,豆都喺即磨,只要啲豆嘅質素唔差,不過,口感就唔均衡,因為點攪都唔及將奶泡由高位撞落啲濃縮咖啡所沖出嚟嘅效果。如果喜歡飲汽酒或餐酒嘅朋友就啱喇,因為餐廳提供任飲優惠,前者$198一位,後者就$138一位。總括講句,MIC環境高雅有格調,服務夠晒貼心,經理對菜式暸如指掌,又不時同你傾兩句,交流吓心得。雖然都喺食西餐,菜式以歐陸菜為主,但正因加入不少中式醬料,如蝦醬、紹興酒、桂花醋、雲南火腿……等等,又用上唔同地方嘅靚食材,視覺及味覺均帶來很多驚喜,讓人耳目一新卻唔會不倫不類,點可以唔推薦呀! continue reading
Level3 2017-12-10
796 views
餐單上見到很多中式食材例如話梅、陳皮、杞子、腐乳等將它們融入西式食物中大膽創新的烹飪意念 但味不達意感覺有點刻意 味道上達不到協調的效果調味同材料配搭仍須繼續試驗不能抹煞廚師的創意 這亦相信是摘星原因但以一間米芝連餐廳而言食物同服務都尚有很多進步空間想營造出高級餐廳的感覺 但配套上做不到服務員有點生硬 介紹食物似機械人讀稿唯一可以讚的是麵包好新鮮焗出 熱辣辣 鬆軟好味配的豆豉鯪魚蛋黃醬好出色非常好味真的吃到豆豉鯪魚的鹹香配麵包真的是一流!份子小籠包 好像小籠包一樣一咬穿表層就有湯爆出來但今次就變成爆漿 較傑身的薑醋味道是成功營造到的但沒有嘗試餡中的肉 只有漿扮湯總是覺得差一點點失望的甜品 話梅焦糖燉蛋味道偏鹹 與配的雜莓亦不夾焦糖味完全被話梅鹹味蓋過整體感覺奇怪 難以稱得上為甜品其他食物亦強差人意中西合璧的配搭不協調 令味道變得奇怪陳皮鱈魚有點苦澀味 芒果甜品亦有苦味那道牛臉頰聲稱醬汁薯蓉會帶少許四川辣味但完全沒有 慢煮牛並不夠淋亦不是特別入味先不要說特色味道做不做到基本的味道亦不達標令人失望的晚餐... continue reading
(The above review is the personal opinion of an user which does not represent OpenRice's point of view.)
門面及燈光比人好舒服既感覺, 坐位舒適, overall set up亦唔錯, 絕對係fine dining既水準,有啲可惜係比佢地既service破壞左第一印象。Waiter攞menu嚟既時候首先介紹一個$998 wine pairing menu, 但因朋友唔飲酒所以我地開始睇另一個 dinner menu, 但竟然呢位waiter又再一次將呢個wine pairing擺喺我地睇緊既menu上面我地直接話叫另一個餐。佢意識到並開始介紹點樣配搭, 本來一個$398既餐入面有一半選擇都要另加錢。最後, 我地無叫wine既情況之下都要每位接近$700埋單。但係食物係有驚喜既。一開始個home made bread basket啲包好食, 仲熱辣辣, 配有自家醬(唔太記得咩味, 應該係腐乳之類既中式味道)。喜唔喜歡就見仁見智!我地點左兩粒份子小籠包, 唔。。。。。我感覺係一粒盛有小籠包味湯汁既湯圓, $78一粒,幾貴既體驗。後來呻笨,叫杯酒好過前菜同甜品我兩個都揀左要加錢既, 而我個mains就好特別, 煎魚加入中式元素。個汁係紅燒肉汁,更附有一啲肉碎。碟底就用煮林既黃豆墊底。朋友既頭盤同甜品都用上liquid nitrogen液化氮制造冷凍效果及提升仙氣。我個甜品係話梅雪芭,有趣又解膩其實單純計食物質素係一個好好既用餐體驗, 若果服務質素方面可以提高就perfect.我有一日想再去所以預先一晚打去訂枱,但講電話時我再度感覺唔舒服。 後來因晚飯改期最後都cancel左。希望下次再去可以由頭至尾都食得同坐得舒舒服服! continue reading
(The above review is the personal opinion of an user which does not represent OpenRice's point of view.)
同女朋友慶祝紀念日,正好有HSBC信用卡晚餐買一送一優惠,所以來呢間餐廳米芝蓮一星餐廳,餐廳有十多張枱,因為係閒日,所以唔多人,可以坐開D同另一半傾下計,有多位服務員,好好服務,今次食Chef Menu(8款菜),可以試左大部份既菜,而每味菜服務員都會介紹一下1)先送上麵包,跟豆豉鯪魚醬,個醬味道好似豆豉鯪魚,女朋友好like 個醬,成個食曬2)紅菜頭羊奶芝士八珍桂花醋伴蕃茄:好多款番茄 有紅色,黃色和青色的蕃茄,侍應建議把紅色的一顆整個放入口中,呢個好好食, 其他就好生味道一般,有唔同番茄唔同時期既味道,可以試下3)油甘魚粒配青瓜粒同蘋果粒:好多粒粒,加上wasabi檸檬粉,味道好清新,但係女友唔LIKE青瓜,食左幾粒油甘魚就成個俾我食,唔鍾意食青瓜既朋友要注意,,唔知可唔可以走青瓜呢4)份子小籠包:波波內有小籠包似的湯汁,有一缐紅色薑絲點綴,合眼食上,一含即爆,滿滿湯汁的味道,好似小籠包, 但欠缺實在的口感,無左肉同飽皮,個人還是鐘愛傳統小籠包。5)油浸慢煮的三文魚:口感嫩滑,配合蠔油香茹同微辣的辣醬,同辣醬同夾,個菜就同蠔油香茹好夾, 女朋友鍾意呢個6)呍呢拿yoghurt sorbet:呢個好特別, 呍呢拿yoghurt加左唔知咩咩粉, 一齊食就有一陣淡淡的話梅味,好得意。7)主菜西班牙紅蝦配蝦麵: 服務員一開始介紹要食蝦膏,唔夠味仲可以加蝦油,勁香,但女朋食左個蝦麵好好味就係咁食個蝦麵,無理隻蝦, 個服務員最後睇唔過眼來幫手話要加蝦膏食, 仲幫手整出蝦頭D蝦膏, 好幫手. 呢個好好味, 女朋友超LIKE8)主菜和牛腸粉黑松露汁:和牛煮到四成熟,我個份幾好食,但不是入口即溶,女朋個2件有根,咬唔開,食左一件就放棄左俾我食了,餐廳可能要注意一下。配菜-腸粉,入口滑啫啫又索哂D黑松露汁,幾惹味。9)甜點檀香奶凍,呢個味道一般,散叫可以唔洗叫。呢晚整體感覺幾好,好好坐,試左好多唔同既菜式,有新鮮感同驚喜。而且有信用卡買一送一優惠,約$600一個人,物有所值,有機會會再來食。 continue reading
(The above review is the personal opinion of an user which does not represent OpenRice's point of view.)