33
11
2
7-min walk from Exit A2, Kwun Tong MTR Station continue reading
Telephone
3758 2239
Introduction
Culinary star Alvin Leung’s new restaurant offers Chinese and Western mixed molecular gastronomy. He specially requested to build an open kitchen which allows customers to appreciate the culinary performance. continue reading
Awards and Titles
Michelin 1 Starred Restaurant (2014-2017)
Opening Hours
Today
12:00-15:00
18:30-00:00
Mon-Fri
11:30-15:00
18:30-00:00
Sat
12:00-15:00
18:30-00:00
Sun
Closed
Payment Method
Visa Master AE Cash
Number of Seats
45
Other Info
Alcoholic Drinks
Parking Details
Phone Reservation
Signature Dishes
Carabinero Red Prawn Iberico Ham Lobster
Review (51)
Level7 2017-03-08
1731 views
一向搵食店喺唔會追「星」,對米芝蓮嘅封號雖未至不肖一顧,但絕對唔會放上心,唔喺睇佢唔起,只喺覺得隨遇而安,毋須太過刻意。遇啱有興趣嘅,亦會去試試,就好似早前到訪嘅Upper Modern Bistro(曾摘一星),但今回所到訪嘅MIC Kitchen(連續4年一星,2014-2017),其實唔喺因為佢摘咗星,亦唔喺佢喺廚魔梁經倫嘅餐廳,純因睇過啲食評,介紹點樣中(醬)料西用,覺得好奇,所以,趁周末得閒,同老婆過嚟食餐午飯。MIC Kitchen嘅背景就唔多講,但有一點不得不提,雖然喺由本地分子料理大師廚魔梁經倫經營,但如果你打算一嚐分子料理,嚟依道就會讓你幾失望,因為分子料理唔喺主打,除一道招牌「小籠包」,其他都唔喺分子料理,反而,採用多種中式醬料入饌嚟做西菜,極之充滿驚喜。一踏入餐廳,感覺摩登闊落,無咩標誌性裝潢,但簡潔、樓底高,所以空間感強;除二、四人散座,一列吧位好適合只嚟飲嘢嘅朋友,而所以座椅都喺真皮椅,孤位啱啱好,非常舒適好坐。入座時,經理會為你拉櫈安排就坐,而餐具、餐巾整齊排列好,一切準備就緒,此刻,佢亦會為你打開餐巾,貼心嘅服務由此起。雖然跟魔廚嘅總壇Bo Innovation有級別之分,並且位處工廠區,但定價都唔算好親民,餐廳只賣套餐,無散點,3道菜午餐(頭盤、主菜及甜品)基本價喺$248,但當中有唔少前頭盤或主菜都需要另外加錢,更有多款伴菜供額外加選,亦唔包餐飲,故想食得特別啲,又嘆杯咖啡,埋單個人計$300、$400好閒事。此外,另有一張是日推介,包含三款前菜及兩款主菜,全部都喺需額外加錢嘅選項。自家製麵包籃點菜後,自然喺送上麵包籃,一籃有4個小圓包,4個都喺唔同口味,酸種麵包、全麥麵包、芝麻軟包及迷你法包,各有特色,全部拿上手都喺暖嘅;不過,要數到驚喜,塗麵包個醬就真喺無限過癮,自家調製加入潮州欖菜嘅蛋黃醬,鹹鹹香香,味道有種似軟身嘅芝士,但嗰朕鹹味又有份沉實,的確風味獨特且別出心裁。頭盤基本上有5款,其中一款喺湯品,而有兩款需額外加錢,我哋就揀咗毋須加錢嘅凱撒沙律及蕃茄拼盤。Demon Caesar(凱撒沙律配蝦醬汁紹興酒醃蜆肉)(Romaine Heart, Shangri-La Yaks Milk Cheese Toast, “Shaoxing” Marinated Clams, Shrimp Floss)沙律部份簡單只採用羅馬生菜心嚟做,而且,無一般沙律菜咁軋到細碎,反而保留番大大顆,淋上混入蝦醬做嘅醬汁,生菜新鮮爽脆,咬落嗦嗦聲,鹹香嘅蝦醬汁鹹蝦味唔會好重,感覺有少少藍芝士所做嘅醬汁,非常有趣;羊奶芝士多士脆口香濃,就咁食會唔覺特別,搭粒經紹興酒醃過嘅蜆肉,咁先產生到化學作用,微微嘅紹興酒香引發羊奶芝士嘅羶香,有種相輔相成嘅感覺。Tomato(紅菜頭羊奶芝士“八珍”桂花醋伴蕃茄)(Beetroot, Goat Cheese Foam, “Pat Chun”, “Lam Kok”, Osmanthus, Ginger)每道菜上枱,經理都會細心講解一下,包括有咩食材,個菜嘅亮點喺咩,睇見啲色彩繽紛嘅蕃茄,唔使講就知重點喺咩,共有5款有機蕃茄,襯埋一齊非常養眼,賣相已先拔頭籌。雖然經理講過有咩種類嘅蕃茄,但實在講得快,小弟亦無太有心裝載。老婆偏向食素及少油脂嘅嘢,所以,依道頭盤專登揀俾佢,佢亦超鍾意,好睇之餘,仲話好好食,啲蕃茄鮮甜得緊要,糝咗少少欖角所做嘅粉末,再沾沾紅菜頭汁,又或襯羊奶芝士泡沫,同樣協調和諧;而中間原粒溫室紅蕃茄,經理建議原粒咬,小弟就無福消受,老婆話有種好醇香嘅甜蜜味,原來就喺以八珍甜醋、桂花、點點薑汁去慢煮,醇香味滲入蕃茄其中,真有意思。主菜邊面共有8款選擇,其中3款更喺店家嘅招牌菜,8款中有5款喺額外加錢嘅選擇,而我哋所揀嘅鱸魚及意大利飯同樣需要加錢。順帶一提,上菜嘅服務做足星級要求,無論頭盤,還是到主菜都喺同步呈上,而且,亦記住邊位客人喺點邊道菜,不過,落嚟嘅主菜我哋講明喺一齊共享,所以,醒目咁為我哋擺上細碟,唔使再多口要求。Chilean Sea Bass(烤智利鱸魚配雲南火腿汁) +$48(Squash, Pesto, Baby Carrot, "Yunan Ham")主菜中,為老婆揀嚟清清哋嘅烤鱸魚,初時第一眼望落去以為鱸魚底下喺啲飯嚟,經理講解完,再望真啲,原來喺薏米,搵香草醬煮過,口感煙韌,非常有咬口,而且,薏米健康有益,如果做盲測,有可能誤以為依道喺個意大利飯呀!話清清哋,其實件鱸魚煎得十分香口,啲魚肉嫩滑到呢……好似做咗保濕,極之水嫩,配上雲南火腿汁,個汁就有預期到個味道會喺點,但就令魚肉嘅鮮味更突出。Laksa Risotto(喇沙海鮮意大利飯配蝦米鬆) +$58(Acquerello, Hokkaido Scallop, Seafood, "Har Mi" Floss)經理介紹時,話佢哋採用正宗陳年嘅意大利米嚟煮,小弟真喺見識少,未諗過米都有陳年嘅,淨喺識新米舊米,而且,意大利米陳年唔喺咩出奇嘅事,更可以陳到七年真,咁陳咁耐做乜?原來喺可以令米香更濃,真喺又長知識了!但咁講,要食到米有幾香,我就覺得食白飯先試真到,加入咗喇沙汁,點都有影響,試唔真。講番個飯,喺唔喺米香啲就講唔到,但口感極佳,煙韌有嚼勁,個汁令到啲飯濕潤得嚟唔會水汪汪,黏度啱啱好,而且香料味好有層次;海鮮除有大大粒,又爽彈且鮮味嘅帶子外,仲有幾小片鱸魚及大蜆,鱸魚煎得香口柔嫩,蜆肉鮮甜無沙,樣樣都做到恰到好處,整體喺一道水準極高嘅意大利飯。Daily Dessert(紅酒燴梨)最後,以一道法式甜點作結,往常暖暖和和嘅 紅酒燴梨都以雲呢嗱雪糕作伴,但MIC就改用輕怡版嘅忌廉芝士嚟襯佢,面面再灑下烘得脆脆嘅紅莓乾,更採用舊式嘅中式茶杯嚟盛載,梨肉晌忌廉芝士襯托下,更清甜,口感軟綿,又滲出微微酒香,成件事處理得好細緻。紅棗桂圓茶 $50老婆一向喜歡滋潤、保健嘅飲品,睇色澤就知杯嘢唔流,入口紅棗、桂圓味都突出而平衡,而且,甜度啱啱好,又感覺自然。雖然杯桂圓茶賣到成$50杯,感覺絕對喺偏貴,但至緊要佢鍾意啫,反而我杯咖啡又唔貴喎。鮮奶咖啡 $28其實,有好幾次用餐後都後悔點鮮奶咖啡,因為有唔少西餐廳雖然有供應,但大多數唔喺機沖,就喺手勢麻麻,點都唔及啲咖啡店。今次都喺,只因慣性,順口一句「鮮奶咖啡吖,唔該」。眼前嘅鮮奶咖啡明顯就喺機沖,只可以講喺濃縮咖啡+奶泡,所以,一定要自行攪勻先飲得。飲落仍會有醇香嘅啡味,就算機沖,豆都喺即磨,只要啲豆嘅質素唔差,不過,口感就唔均衡,因為點攪都唔及將奶泡由高位撞落啲濃縮咖啡所沖出嚟嘅效果。如果喜歡飲汽酒或餐酒嘅朋友就啱喇,因為餐廳提供任飲優惠,前者$198一位,後者就$138一位。總括講句,MIC環境高雅有格調,服務夠晒貼心,經理對菜式暸如指掌,又不時同你傾兩句,交流吓心得。雖然都喺食西餐,菜式以歐陸菜為主,但正因加入不少中式醬料,如蝦醬、紹興酒、桂花醋、雲南火腿……等等,又用上唔同地方嘅靚食材,視覺及味覺均帶來很多驚喜,讓人耳目一新卻唔會不倫不類,點可以唔推薦呀! continue reading
港式分子料理.. Featured Review
Level4 2016-11-14
3723 views
有些經驗,你未必很有興致去刻意回顧,也許沒有特別觸動,就像冬假賴在被窩一様,缺了必需起床的原因.新一年度米芝蓮港澳篇剛公佈,有入選有落選,其中MIC Kitchen依然榜上有名,一星.方令我想起大半年前光顧過的經驗..那趟朋友相約茶聚,期間提到官塘工業區好像開了間份子料理餐廳,上網查看,原來就在附近不遠處,於是即興晚飯.食肆位於AIA Kowloon Tower大堂側隅,walk in即時有枱.服務生剎有介事提醒只有兩款套餐供應沒有散點.店子不大,以灰黑為主調,裝潢簡潔俐落.是日假期,顧客不多,對相服務人員十分充足.招乎我們的先生,生怕我倆看不明menu,事先張揚:"那個英文字不懂他可作解釋",我相信他是一番好意,不過說話的tone就較容易令人誤會..本人確實有個字不認識,"chrysanthemum"?他答説是菊花學名.初嘗港式分子料理,我們就點了個初階版$438,starter+main+dessert頭盤分別選了以下項目:{Tomato- beetroot, goat cheese, "Pat Chun", "Lam Kok", Osmanthus}雜茄沙拉,份量和蕃茄類別頗多,毫不吝嗇;紅菜頭,羊奶芝士,八珍甜醋,桂花(Osmanthus)分別製成sauce,而㰓角則烘乾為粉狀;味道沒有不協調.中西食材組合成形就是了.就算不用羶味的goat cheese,以中式腐乳取替也無不可..奇怪何不採用較廣泛認知的漢語拼音Ju Hua菊花和Guihua桂花?{Octopus (+$78) - pine nuts, "Dan Dan", Brussels Sprout, Squid Ink Cracker, Chili Threads, Black garlic}朋友的頭盤要另加$78,八爪魚説是煲得腬軟,墨魚汁威化漆黑有餘味道不張,黑蒜打成茸是潮流,担擔麵醬用在那𥚃朋友沒有細明.主菜:{Veal- Duo, Tenderlion, Sweetbread, Asparagus, King Oyster, Salty Lemon, Oyster Sauce} 牛仔柳本身就只有嫰滑的肉質,而沒有什麼味道,牛胸腺口感近以"老少平安",鮑魚菇粒,露荀和炸鼠尾草添加爽脆;米狀意粉混入醃檸檬巧妙平衡紅肉肥膩感,跟蠔油作汁以提鮮,兩個點子均不錯;而"Duo"不知道是什麼..莫非意指"多"?{Wagyu Beef- cheek, Tongue, potato, "Sichuan" green sauce, pickles, Pearl onion}不曉得朋友的和牛菜式效果如何,看見牛臉脥牛舌等份量不小,裝碟亦考究..其中他最欣賞是橙紫色BB胡蘿蔔,夠清甜爽脆.甜點{Coconut- palm sugar ice cream, sour cherry, coconut water, pina colada}椰青汁做成啫喱狀,pina colada本來就可以無限發揮,可以解構再重組,現在是膠膜裹著液體,襯以海綿巧克力,可惜主角palm sugar雪糕個人不大喜歡..{Peanut butter & jelly- espresso, toast, chocolate, banana, sour cherry}花生醬西多士,朋友如此形容..而香蕉泡沫該與洋菜混合後以虹吸瓶擠壓而成?是夜套餐菜式沒有太多清晰分子元素,也許因為是平價版吧.我們另點了兩件Molecular "xiao long bao" 分子小籠包($78/pc)和兩瓶礦泉水.侍者端來小龍包是盛在匙𡙡上,湯丸狀;做法是將湯液滴入海藻酸鈉,然後再置於氯化鈣中,化學反應使之形成薄膜?我想方法大抵如此,跟甜點Pina Colada處理相同.食法指引是一啖含在嘴𥚃再咬破外衣,一陣小籠包味道的湯液傾瀉而出,那股咸勁彷彿七個正常小籠包湯汁熬煑而成一個份量~~不知道是否加了分子味精,皆因身體隨後出了反應,風疹久久不散..!!同行廣告達人稱,每一道菜都有很多元素很多味道,目不暇給,並非不好味,可就像玩"猜猜我是誰",每嚐一口都在猜估什麼來著,太費勁.教人有奌疲累.MIC Kitchen是Bo Innovation的red label,自2014-2016榮獲米芝蓮一星,主打中西分子料理.主持人梁經倫早年自稱廚魔,外國飲食節目介紹香港,多見此君踪影,儼然中式分子料理達人,香港cult culinary的icon.先生成魔之道如何,不大知曉.在武俠小說中出現的劍魔,Harry Potter中的佛地魔,通常都是真功夫有本事.他在Anthony Boudrain節目中介紹的分子蝦餃,令人印象深刻,把蝦餃饀料置碟中,上面放上蝦餃皮便成..將义焼包,小籠包搾取精華變成一灘液體,或北京填鴨泡沫化,看似㒹覆了傳統,好玩之餘,看不出革新;不過固體變成液體,液體變成氣體,氣體變成..抽象,這些早已是老掉牙的事物;只要抓住基本技術以agar/lecithin把食材做成泡沫,混入sodium alginate變成球化,以液態氮極速冷凍,任何食材都可以改變質地形態..Ferran Adria把分子料理Molecular Gastronomy的原理發掦光大,承先啟後,在elBulli最榮煌時候結束,開拓另一片天空"elBulli Foundation".於我而言,他方是料理界中真正傳奇,廚藝界達利,藝術才華,是後人永遠模仿不了,正如其啟蒙導師Jacques Maximin所言"創意,就是絕不模仿".Ferran Adria反對"分子料理"一詞,認為應歸納為前衛/解構派,因為"elBulli提供的不僅僅是吃飯,更是一種經驗".以科學的方法,保持食物的natural flavors,每一口都是一趟感官體驗之旅..而不是雜亂無章的煙花滙演.. continue reading
(The above review is the personal opinion of an user which does not represent OpenRice's point of view.)
MIC - 試一次就夠 Featured Review
Level4 2016-10-11
3905 views
MIC Kitchen 係一間有米芝蓮既餐廳, 而我都係為入面既大魔Alvin既整份子料理而黎既 先講location, 好特別地, 竟然會選擇觀塘, 而唔係其他比較旺既地區, 仲要唔係係mall 入面, 係出面一個commercial building 既地下, 我之前經常會黎呢到開會, 但真係冇留意到呢到有間咁出夠既餐廳 ! 其實地方唔算難搵, 反而唔係旺區, 晚上比較安靜同舒服 !我地今次一行4人, 盡量都選擇唔同既菜色, 咁大家都可以試下唔同既口味頭盤方面, 我地今次叫左 Oyster :   Trio, Kimchi, Seaweed, Uni, IceOctopus :  Pine Nuts, "Dan Dan", Squid Ink Cracker, Chili Threads, Black GarlicFoie Gras : Abby's Wine Sauce, Pickled Beetroot, "Chiang Kang" Pickled Baby Onion, Charred Corn, Miso Soft Sell Crab : "Thai" Style Slaw 呢個appetizer 最special 係最後加上ice, 令到上碟時有煙, 好似成個dessert 咁 ! 但uni味道唔係好重, oyster 有一件到, 份量比較小...Soft Sell Crab : "Thai" Style Slaw, 呢個成個都係一個thai food , 都有點spicy ! 但味道好開胃, 軟殼蟹好香脆Foie Gras : Abby's Wine Sauce, Pickled Beetroot, "Chiang Kang" Pickled Baby Onion, Charred Corn, Miso 呢個foie gras竟然比較多, 估唔到會有咁大年鵝肝, 煎得岩岩好, 好香好好味 ! Octopus :  Pine Nuts, "Dan Dan", Squid Ink Cracker, Chili Threads, Black Garlic跟住食main course 前, 我地另外再order 左呢個份子料理 - 小龍包真係好小..好細粒, 竟然已經有唒小龍包既所有精華咁, 仲加埋醋tim waiter 介紹我地要一口食, 如果唔係會爆出黎, 口感好"特別" 原來份子料理係咁架? 有唒成個小龍包應該要有既味道, 可惜, 就係差緊口感...好似飲左一啖小龍包湯咁...到main course 我地分別叫左Red Prawn : Handmade Noodles, "Har Mi"Lamb : Rack, Harissa, Peanut, Mustard, Purple Carrot, Lotus BulbSaga Gyu : A3, Black Truffle "Loh Bak Gou"Sea Bass : Squash, Pesto, Turnips, "Yunan Ham" 好先先講下呢到最出名既Har Mi有一隻大大蝦,咬落啖啖肉而且非常鮮甜 麵條係比粗身,直接吃已有很濃的蝦味,還附有一樽蝦油,可以隨意添加,幾特別 ! Saga Gyu : A3, Black Truffle "Loh Bak Gou"好細件....真係好好好細件, 係用slow cook method 去煮的,  本身用既係靚牛肉, 當然好食啦Lamb : Rack, Harissa, Peanut, Mustard, Purple Carrot, Lotus Bulb, 又估唔到, 呢個份量係最多既...食呢個就會夠飽...其他我唔敢講 羊完全冇"so"味, 肉質好tender ! 呢個羊架真係做得好出色Sea Bass : Squash, Pesto, Turnips, "Yunan Ham"  最後dessert, 叫左Cucumber : Fraiche, Mint, Lemon, Shiso, HoneyStrawberry : "Chrysanthemum" Sorbet, Spruce Essence, Rice Wine Vinegar, White Chocolate,Peppercorn, Strawberry Peanut butter : Espresso, Toast, Chocolate, Banana, Sour CherryRum baba : Passionfruit, Sugar Cane, Gula Melaka甜品都係比較偏甜 ! 除左cucumber 呢一道, 真實上係冇任何青瓜係個甜品到, 但食落去正正就係青瓜味, 好清新, 好特別 !Overall, 我諗我食過一次就夠啦, 雖然set 係$4xx, 但平均每一樣野, 由appetizer 到dessert 都係要加錢...實在有點過份貴....雖然食物有驚喜, 但價錢同地點又有一點不相對, 所以...真係試一次就夠了 continue reading
(The above review is the personal opinion of an user which does not represent OpenRice's point of view.)
Level4 2016-05-27
3575 views
很遺憾,一路都未有機會到米記三星名廚廚魔Alvin Leung的總壇光顧。今天取而代之去了他的副線"Mic Kitchen"那裡,和太太享受了一頓甚令人愜意,豐盛的午飯....預早已訂了位以示專重。跟太太充滿著期待前來,最後很幸運地也沒有失望的離開....這兒跟Bo Innovation有點不一樣,這裡主打的不是廚魔最擅長的分子料理而是帶點fusion意味的菜式。當然啦,價錢方面這處它是走較為親民一點的消費。若您覺到總壇去吃會太"喇脷"不捨得荷包大出血的話,來此地就可以大大放心了....點菜後,一籃份量甚多的各式麵包便馬上奉上....籃內的陣容計有原味及添上墨魚汁做的sourdough。外皮硬而脆的富有麵粉香又內裡軟熟;Foccacia加入了rosemary在內皮軟綿入口熱辣辣香噴噴。醮醬方面是頗別出心裁過人 ---- 本來普普通通的mayonnaise竟加入了我們中國的特產欖菜,入口具鹹香而質感幼滑,感覺有點似在用腐乳塗麵包吃,味道非常特別....套餐內的湯,不要看似只是我們尋常喝到的粟米忌廉口味。本來簡簡單單的一道粟米湯落入廚魔的手上當然就變成不平凡的作品 ---- 湯固之然杰稠濃郁又creamy,但最特別的還是它下的"配菜",少不了的當然有烤過的新鮮香甜粟米粒,此外還有具備日本風,硬而帶脆的枝豆及炸過的幼芋頭條,進口非常的香脆;另外細嚐底下在甜味中忽然感受到一份微微的香辣,及後發現原來湯中是下了少許日本唐辛子以及辣椒油。帶辣的粟米湯不但沒有給人一種突兀的感覺,反而是十分具創意之舉呢....個人一向十分喜歡吃法式的牛肉他他....這裡的牛肉用了甚嫩滑而帶有彈性的tenderloin,一食便知極新鮮的一點也沒有腥及血淋淋的感覺;醬汁方面以具南洋風味極重的羅望子為主,其味帶酸咪咪的可令肉質變得鬆弛之餘亦能起醒胃的作用;配菜用上的是之前從來沒有想過會出現的泰式炸雞蛋。蛋皮外層雖然不是很香脆但勝在蛋黃的確甚甘甜而夠流心....吃著鮮甜juicy的生牛肉之際伴上一件焗得顏色金黃而薄脆的法式多士。最妙的吃法當然是將少許的肉他他置於多士上繼而一口噬之,實讓人大樂也....主食方面太太點的是她平常較少點的牛仔肉....牛仔肉是弄至約四成熟左右,肉帶些微的嫣紅偏帶白煞是好看....不過嚐下去質地卻沒如預想中幼嫩;肉味則是一如一般的牛仔肉的非常淺薄並不濃厚....要去力挽狂瀾的話,出色醬汁的存在當然是十分重要了。幸好這次還算做得到,而且一來便是兩款不同的醬汁 ---- 首先是一個以番茜、蒜茸、香草、醋及油弄成的persillade,味道和我們平常點的pesto sauce十分相像 (甚至可謂跡近一樣的),然後旁邊再來一個以marsala酒加上洋蔥、蒜蓉、油、牛油及忌廉打成的marsala sauce,兩款汁結合起來後馬上就賦予了牛仔肉一個新的生命,吃起來就不至於淡而無味了;菜蔬方面有翠綠清爽的小露笋以及切成小丁方粒的,煙韌而帶甜的雞脾菇;另外置於兩旁的還有意式的米型pasta (Orzo),以鹹檸汁去處過的它入口滑順之外又帶丁點韌勁很是特別....接下來的King Prawn Noodle,絕對是近年自己吃過其中一道最出色的麵食....麵吃過後蝦的鮮味及香在口腔內良久不散,令人印象難忘。原因乃在於用來煑麵的那龍蝦蕃茄汁是經三十六小時用心熬製的,入口充斥著蝦的甘甜及海味。每一滴的醬汁皆完完全全的依附在自家製的麵條上,碟底是找不到一點多餘的汁;麵條的樣子和我們平常吃開的蛋麵十分相似,分別在於這homemade noodle是弄得較粗身少許,入口帶點點硬勁甚夠al dente;另外最特別是侍者送上來一小壺茶色的液體,細呷之下原來是花上了二十四小時弄製的蝦米油。將之淋在pasta上後再細味,蝦香的層次又再提昇了....至於本應是主角的虎蝦是來自澳洲的,肉煎至半生熟質感既帶糯甜又厚實。最精彩的是蝦頭內超級甘甜軟滑的膏,將之和同樣蝦味極重的麵條一齊品嚐,令我倆口子登時也為之對此著迷....高潮過後,最後的甜食,竟只是一個最"行"的panna cotta?!初時驟聽此,還以為廚魔何以要用如斯簡單常見的東西來作結尾,但最後總能給人帶來一點的驚喜的 ---- 奶凍固然軟而滑溜奶味香濃;舖面的士多啤梨肉及醬也非常份量足,但最有趣的是在奶凍其內竟下了四川的川椒油,使在吃奶凍時隱隱然滲透著麻麻的口感,實在從來也沒嚐過這般口味複雜的意式奶凍....今天在此可以有機會一窺廚魔的手藝,著實是榮幸之至。心中更是渴望將來可以一試梁先生親自主理的"Bo 創新"..... continue reading
(The above review is the personal opinion of an user which does not represent OpenRice's point of view.)
Level4 2017-04-13
597 views
難得在觀塘有一間米芝連餐廳,自然很想前來試試,價錢也當然是米芝連的價錢。先上一個麵包籃,款式不會太多,但質素也算不錯。對這個櫻花形的特別有印象,雖然不是櫻花味,但軟軟又暖暖的包味道不錯。前菜是油甘魚剌身,把魚切成粒狀,與柚子混在一起。而芥辣則製成乾冰,給人很好的視覺效果。因為芥辣是乾冰,從而減低了它的刺激味道。反而多了一份清新的感覺,加上酸酸甜甜的柚子,又是另一番味道。之後是招牌的份子料理小籠包,外層是海藻製成的皮,內裡是暖暖的湯,而上面一條紅條是薑絲。要一口咬下去,就有如吃了一口小籠包般。可能始終外層的是海藻所製,較為煙韌,味道也不像麵粉製的皮,所以較難想像有小籠包的感覺。主菜的和牛就真的輸不了。和牛本身已是以肉質嫰滑聞名,而這次是面頰肉就更加不用多說了。不用費勁就輕易把肉切開,入口之後肉味十足。而牛舌有嚼勁之餘又不會太韌,處理得很好。另外更加了一點fusion 元素,旁邊綠色的一點其實是四川麻辣,而小紅蘿蔔下面是用鎮江醋製成的蔥頭,兩者皆有不同的刺激味道,讓味道提升出不同的層次。最後少不了的當然就是甜品,這甜品也加入了不少創意元素。花生醬是以雪糕的形態出現來與西多士配合,感覺很有趣。在旁還加了香蕉製成的泡茉,令帶咸的花生醬雪糕加回一點甜味。 continue reading
(The above review is the personal opinion of an user which does not represent OpenRice's point of view.)