陳師傅點心專門店 (Moved) New Location

不嬲都覺得阿姐態度差，但點心不錯，又就黎結業，打算食多1,2次啦！今日11:32分打去叫外賣，阿姐話15分鐘後可以拎，我已經55分左右先到，有個肥短髮阿姐已經不停口upup咁話緊唔知佢伙記定同事啦！企係度等比錢，比完好正常問「仲要等幾耐」，佢話未得仲差個腸粉，我話已經過左15分鐘，之後佢又不停話我追佢，又行入廚房大聲講「得未阿我比人追比人鬧緊啦」，根住佢行出黎話追佢都無用，我話電話你話15分鐘，已經1200都仲未有！平時老闆娘帶眼鏡姐姐態度都不錯，我就話肥短髮「你態度咁差，我叫左咁多次外賣，佢比得既時間最多遲5分鐘，同埋你老闆d態度都唔會咁差，根住佢叫我行入去廚房個d位搵佢老闆，我話你叫佢出黎」，佢話「你要投訴我你咪自己行入去」全程破口大罵，由收銀一路叫一路鬧到入廚房，每一個食客都聽到，底住！有一家3口仲要幫住佢「話蒸野要時間」我話蒸唔洗30分鐘阿，就算真係要你可以電話講30分鐘後先得拎！我一邊比人鬧老闆就問得未！店舖又唔係多人，好聲好氣我相信好多人都明白理解，但佢一開口態度已經唔好！最後等到1205就無等，取消左個腸粉今次會係最後一次

今日又同女朋友食點心，見到呢排好多人介紹新蒲崗陳師傅點心專門店，就專登揸車來試下~同一般茶樓見到既點心差唔多~我地食左推介既精製蝦餃皇、流沙奶皇煎堆仔、鳳爪排骨飯同潮式糯米卷🦐精製蝦餃皇大大粒蝦餃，皮薄而蝦肉結實~好食！🥚流沙奶皇煎堆仔呢個好有驚喜，不嬲我同女友都鐘意食流沙包既~呢個流沙奶皇加入煎堆度，好match，煎堆皮好脆，入面有爆妯漿流沙餡，好邪惡但好滿足～🐷鳳爪排骨飯鳳爪排骨調味恰到好處，飯就粒粒分明！🥢潮式糯米卷糯米卷上有蛋黃碎點綴，軟糯再加埋又咬口既花生～好食！呢間點心性價比高~會再黎幫襯！

想飲茶🫖朋友躍躍欲試「怡東酒店中式點心總廚」🏅的手藝。用心製作的小店，名符其實的一盅兩件 (蝦餃&燒賣)，特別適合人少少，又想試不同款式及口味的客人。順帶一提，每款點心都係即叫即整，熱辣辣，分開上，所以唔能夠有一張完整的「大合照」🤣🤣🤣

第一次打食評，因為實在太激氣！難得一間似是黃的點心專門店，最喜歡來食鳳爪排骨飯，同飲蕎麥茶（不過近幾個星期日早上已經冇得order)。排骨細細粒但好滑，鳯爪兩隻漲卜卜多汁好正，啲飯又乾身，基本上不容易搵到地方好過佢！可惜，店內啲阿姐態度非常惡劣！因為本人氣管不好，怕熱怕焗，四眼細粒惡樣阿姐安排了角落位比我坐，我只係問有冇其他位可選擇，佢就話：「坐出門口啦」！即係門口出面的食煙位，現在是夏天呢！唯有照坐埋去，落單後10-15mins先到排骨飯，再過10mins到馬蹄糕，食完大慨11:10，飲下茶，睇下手機，點知有一個高大少少，短髮冇眼鏡阿姐執隔離枱時，問：「你仲食唔埋去？（剩下的馬蹄糕）」，我反問：「咁都要管？」，佢話：「你坐咗係到好耐！」，我立刻望下單，再望下手錶，再望望隔離枱的人，比我入先的也仍然吃緊，一小時都未到，而店內冇寫明限食幾耐！離開時，問收銀哥哥係咪店內限幾耐要食完？佢答：「繁忙時間食完就走吧！」如果係咁，唔該你地寫明45mins食完請過主！！

有無人同我地一樣都鐘意飲茶食點心⁉️陳師傳鋪面唔大，小店擺枱密，坐得比較迫夾🥺雖然係咁仍無減我地既喜愛，因為佢既點心真係充滿誠意~😳茶位$4/位，唔使加一，我地周不時都來幫襯😋✅精製蝦餃皇(2個) ($23)🌟4.5/5分餐廳細心，提供2粒既蒸點，岩哂人少少都可以黎飲下茶😳蝦餃皮薄餡靚，仲有肉汁😍蝦肉彈牙爽甜，配上煙銀外皮，好食👍🏻😋✅魚子燒賣皇(2個) ($23)🌟4/5分燒賣一樣大大粒，整體比較紮實，但一啲都唔柴‼️半肥瘦豬肉，仲食到幾隻蝦仔🍤用料十足~✅北海道棉花雞($31) 🌟3.5/5分男朋友突然話想食棉花雞，就叫黎試下。蟹柳、獅子狗正常，係咪就係北海道?!😂有3-4舊雞肉，幾嫩滑，大量豬皮舖底，索哂啲汁🤤幾入味~✅千絲芋角($28) 🌟4.5/5分真係炸到千絲架😛非常酥脆，包裹住軟綿既芋泥，中間仲有啲肉餡，非常惹味😋整體調味幾好，口感豐富，女朋友最愛💛✅流沙黃金煎堆仔($28) 🌟4.5/5分煎堆仔漲卜卜，充滿芝麻香😳皮薄但仍煙銀，中間既奶黃流沙超級流心，奶香十足，非常邪惡😍推薦大家試下‼️👍🏻另外女朋友亦推薦瑤柱鮮蝦豆苗餃🥟鮮甜飽滿‼️男朋友就梗係支持蒸飯😛金針雲耳滑雞飯就幾正啦

而家好多茶樓都退步，試過荃灣川龍都原來唔好食，要搵好食嘅點心真係好難🥲市面多咗好多點心專門店，但好食又有傅統風味唔多，新蒲崗就有間好食、服務又令人有親切感嘅良心黃店「陳師傅」😍✨。其實一直都有食開😂推薦：🌕🌕🌕🌕🌗性價比：🌕🌕🌕🌕🌗💭：大家飲過咁多次茶，鍾意飲嘅一食就知好唔好食抵唔抵食☺️😂我個人係覺得又黃💛又抵，又有傅統糯米卷，整體味道唔錯，回頭率高的👍🏻🚗：今次就揸車嚟，行咗個圈都唔覺有位，所以泊喺mikiki算🐽，停車場又大又好泊，不過就要早啲lLUNCH就開始排隊入，有車嘅朋友仔可以喺近越秀嘅標位泊車，不過通常都要俾啲耐性等吓🐌。第一樣讚係全部點心都熱辣辣上﹗茶位 $4 位又唔貴------------------------潮式糯米卷 $23而家糯米卷真係唔係間間有，難得呢度有﹗上面有啲咸蛋黃碎，糯米唔會太濕、包同糯米比例幾好，飯味唔會太咸，食到比較傅統嘅感覺。------------------------魚子燒賣皇 2個 $23有得揀 2粒，啱我哋2個人食想食多幾款點心，SiZE 唔會太細粒，豬肉彈牙，咬落爽嘅，唔會太咸，都係好食的👅。北海道棉花雞 $31見北海道呢個名好勁

好耐之前睇完報章既介紹，一直都想嚟試下，假日終於有機會嚟新蒲崗食點心，果然無白行一趟。魚子燒賣皇真係好大粒，蝦肉都處理得幾彈牙，食到中間更有切到好細粒既香菇，夠哂足料。精製蝦餃皇同燒賣一樣$23一籠有兩件，價錢相對偏貴。不過蝦餃係師傅親手包製，蝦餃皮比起平時食既更薄，而蝦既份量都好多，真正做到皮薄餡靚。千絲芋角唔係間間點心舖都有呢款點心，好似蜂巢般既芋角，外面酥脆，入面甘香粉糯，所花既功夫更多。脆皮銀絲腸餐廳自創菜式，外軟內脆，口感同春風得意腸好似，不過更為香口。甘荀咸水角外層煙韌帶微甜，略嫌層皮厚左啲，餡料帶鹹香，正常發揮。流沙奶皇包中規中距既一款點心，食到中間有流心既奶皇餡，未至於多到湧出嚟，不過味道都唔錯。東北棗皇糕會親手製作紅棗糕既點心店真係唔多，每件都好大舊絕對一啖咬唔哂，食落口感煙韌，係微甜且淡淡既紅棗味道，唔鐘意食太甜既人食呢個就啱啱好。

今次為大家介紹吓一間我好鍾意嘅點心舖，因為喺附近返工所以認識到呢間舖頭，不單止係黃店，啲點心仲好有質素🤩 我同一班同事時不時一lunch就會過嚟飲個靚茶，食幾件點心😆呢個薑蔥牛柏葉份量都唔少，牛柏葉夠哂爽口，配埋佢個薑蔥汁食好夾呀🙈呢個魚肚係我每次來都必嗌嘅點心之一，以前唔識欣賞魚肚，但係食過一次之後就返唔到轉頭，超級入味超級腍，好好食🤤至於蝦餃燒賣呢啲都係必嗌嘅，佢呢度就比較貴， $23得兩粒，但係都幾大粒下，而且非常足料，不妨一試！😎流沙奶黃包又係我飲茶必嗌嘅item，可能呢張相影得唔係太清，但我想講，每次食呢個包啲奶黃都湧晒出嚟，我超級中意呢個質感，真係食過返尋味🤤最後推介嘅就係呢個出邊好少可食到嘅流沙奶黃煎堆仔，同個奶黃包一樣，一咬落去啲奶黃又係湧晒出嚟😋 不過由於佢係煎堆仔，食落去會比較漏，如果唔介意最好同friend一齊share😌總括而言，呢間點心真係我食過數一數二咁好味，就算我住港島，都會想放假特登入去食😍

以點心專門店嚟講，陳師傅嘅水準算係幾高，當中以魚子燒賣皇同精製蝦餃皇最好食，我諗呢兩款都係鎮店之寶，所以每籠只係得兩粒，方便單身或一 pair 嘅客人 order。呢度嘅燒賣同蝦餃都好大粒好飽滿，尤其係後者，啖啖蝦肉好鮮味，餃皮薄得嚟又唔易爛，高汁👍。另外，推介嘅脆皮銀絲腸同香脆芋絲餅都唔錯，前者類似而家好流行嘅春風得意腸，外軟內脆，口感同味道都幾獨特，後者煎得香脆，大大塊好足料，芋頭愛好者應該覺得好滿足。最後，百花釀魚肚正常水準，山竹牛肉球則有少少失望，雖然味道都正常，但係肉質比較腍，有少少發水嘅感覺。

第一次來試 陳師傅，(就在新蒲崗 Mikiki Mall 正對面) 話 點心 是自家製，室內裝修就非常普通及雜亂，室內地方不大，排位比較密，家庭式 老闆娘 主理樓面（😬😬服務。。非常師奶式，唔好有祈望），各款試完全部都非常不錯，魚子燒賣皇，精製蝦餃皇，流沙黃金煎堆仔 （招牌推介，但覺得皮厚了些，非常流心），脆皮銀絲腸，潮洲蒸粉果，四寶滑雞扎，上湯水餃（👍🏻👍🏻👍🏻），千絲芋角，茶錢$4.- 位。價錢亦平宜。食咗咁多嘢，$240.- 埋單。。。

夜晚7點幾坐低飲個夜茶🤓鋪頭唔大，張檯都唔大🙈放4-5籠點心就滿啦.第一樣講講蝦餃燒賣👍🏻🤩足料👍🏻調味岩岩好，每籠兩隻$26第二樣係鳳爪排骨飯上層既飯夠乾身，底下既就有d油啦。餸既份量都足夠🥸味道就正正常常第三樣係藥膳雞腳❤️湯底有藥味✨又唔會令雞腳好苦👍🏻個湯仲幾好飲。跟住講下我認為一般般既🥲棉花雞有鐘好強烈既五香粉味🥲個人覺得陣味太勁。牛柏葉口感唔錯🤣但係師傅重手左，好鹹。客家煎大餅🙂個內餡係蘿蔔絲，非常熱辣辣咁既，就好似係包咁樣🙂🙂🙂不過壓扁左既，非常普通。

同男朋友講好咗想食依間點心店好耐 終於有機會嚟試下啦，因為遲咗所以本身食晏都變咗下午茶大概一點幾兩點先入座，見到餐廳都幾乎仲係坐滿咁濟～唔講咁多好肚餓呀，即刻點餐我地兩人點咗好多嘢食，幾乎放滿曬成張枱個叉燒腸 都唔錯嘅，皮薄又足料勁多叉燒，粟米粒又多只係d叉燒 唔夠腍，食落 味道有點淡蝦餃 都幾好味，大大粒 賣相又好靚 啲魚子燒賣就不過不失雖然賣相一樣係ok，而且好大粒用了亦有心，因為有眼見～大大粒蝦肉上面亦都鋪咗好多魚子，但係啲燒賣一咬落口有啲散，好快散開曬，啲肉唔夠實不過味道就幾好味嘅牛肉球就有啲失望，樣子望落去一般般之餘咬落去亦都唔新鮮，啲牛肉好似煮唔熟咁食落去 又腍滋滋，只可以講牛肉唔新鮮囉至於啲排骨一樣都係有啲失望 雖然啲肉 肥瘦均勻，亦都好大嚿 但係啲肉食落去，又係唔太新鮮所以見佢落咗好多蒜落去蓋過啲肉味牛柏葉反而都幾好味，咬落去唔會話腍但亦都唔會太硬，剛好適中啦煙煙韌韌咁 值得一讚嘅就係份量非常之多！因為平時喺酒樓食嘅牛柏葉都唔會有咁多奶皇包反而幾好味，熱辣辣咁趁熱食真係一流一搣開，入面啲奶黃都幾流心下，係咁流出嚟好正，好香嘅奶皇味佢d蘿蔔糕係最好食嘅一道點心煎得又香又脆

早排見到個報道，陳師傅係前怡東酒樓中式點心總廚，而且大部分點心都是手工製作！今日終於有機會試下。重點推介大家食燒賣、蝦餃同芋角！以上點心皮薄餡靚，蝦大大隻好鬼好食。而芋角我女朋友非常知中意食，佢獨食咗3粒所以我食唔到😂呢間野價錢都比較平，下次一定會再黎食！5星推介

呢日黎到新蒲崗辦事, 之後就搵地方食午飯。就決定去MIKIKI 對面既陳師傅點心專門店食點心。因為係小店既關係, 枱同枱之間既位置都比較窄, 但都有防疫板做分隔,  讚。魚子燒賣皇- 燒賣一籠有兩隻， 一人一粒剛剛好, 豬肉鮮味彈牙有咬勁, 食落啖啖肉, 好足料。精制蝦餃皇- 蝦餃係我每次去飲茶必叫既點心之一, 佢地既蝦皮薄餡靚, 蝦肉大大粒, 爽口彈牙, 必食之選!鳳爪排骨飯- 鳳爪醃得好入味又夠淋, 排骨半肥瘦, 肉質嫩滑多汁, 米飯粒粒分明, 加埋辣椒提味, 次次食完都有暖笠笠既感覺。 流沙黃金煎堆仔- 真心推介 !! 即叫即炸, 黎到仲係熱辣辣脆卜卜, 一咬開奶黃餡爆哂出黎, 勁有流心效果, 甜度剛剛好。陳師傅點心專門店新蒲崗景福街41號地舖

﹊﹊﹊﹊﹊﹊﹊﹊﹊﹊﹊﹊☞ 魚子燒賣皇 2粒 23$大大粒蝦係面 咬入去都仲係蝦 唔係平時茶樓食個啲咁 食落口食黎食去都剩係得豬肉餡😆而且充滿冬菇粒 好香好有咬口😋👍🏼﹊﹊﹊﹊﹊﹊﹊﹊﹊﹊﹊﹊✎ 精製蝦餃皇 2粒 23$大大粒爆哂餡🦐但個皮反而可以薄返小小就更好 呢家個皮係偏厚🤐同埋個餡硬係好似差啲爽爽既口感🤔﹊﹊﹊﹊﹊﹊﹊﹊﹊﹊﹊﹊☞ 黃金叉燒腸 29$熱辣辣上碟 腸粉皮可以透餡 感覺好唔錯 但叉燒配搭粟米呢個餡 我覺得有點奇怪😅﹊﹊﹊﹊﹊﹊﹊﹊﹊﹊﹊﹊✎ 四寶滑雞札 29$Fat9認為芋頭係雞札既靈魂 其後就係火腿 雞同魚肚 呢個係Fat9心目中既四寶雞札 而呢度係有芋頭咖🤤 但就用左厚厚既冬菇去取代我認知入面既火腿🤭🤭 ﹊﹊﹊﹊﹊﹊﹊﹊﹊﹊﹊﹊☞ 流沙奶皇煎堆仔 28$煎堆仔熱辣辣上檯 食落口好脆好脆好脆 唔係淋架🤩流沙奶皇亦真是會流岀來的😋﹊﹊﹊﹊﹊﹊﹊﹊﹊﹊﹊﹊✎ 芝士蝦春卷 31$好長既春卷 皮好香脆 咬第一下已經期待佢個芝士味 每咬一下都仲係期待緊 結果成條食完 都感覺唔到芝士既存在🥲說好既芝士呢🥲?呢個係令Fat9有啲失望既一個點心🥺﹊﹊﹊﹊﹊﹊﹊﹊﹊﹊﹊﹊↬味道: