龍騰海鮮酒樓

Open Now

Now Closed

有好朋友生日, 滿心歡喜第一次嘗試去鋰魚門食海鮮點知有個咁既經歷!!!!!!!! 真係忍唔住要講下!!!!!!!!!!!!一去到覺得都唔錯, 老闆都幾nice .. 餐廳又對海既 雖然都無乜靚景好睇但之後發現好多昆蟲陪你一齊食, 好大隻蚊, 連飛娥都有..每次叫親待應 都唔係太有禮貌 又成日叫我地等等先落單待應既態度真係好差 連叫個白飯都要等上菜先俾叫..每次都係食完成碟 第二碟過一陣先會到 好慢...叫埋單又叫左好耐先有人理連拎張卡去碌都等左起碼15分鐘我地只係叫左三條聖子, 兩隻賴尿蝦, 同斤半蜆仲有白飯, 一支啤酒, 同埋一權可樂我地只有3個人.....埋單竟然成千蚊 !!!!!!!只係咁少野乍!!!!!!!!!!!!!!!!!!!!!!!!!!!!!!海鮮價錢同我地揀既時候講既唔同另加既工錢價唔預時講清楚我地最初有懷疑海鮮會唔會真係咁貴係正常...但之後覺得唔對路想問清楚...佢地既態度就好差......只係個三碟普通既餸, 我地預計六百蚊既野, 竟然要成千蚊!!!!! 蝦我地得三個女仔!!!!!

「龍」年開年飯去「龍」騰食海鮮...有意思。正所謂朝中有人好辦事, 呢餐只有讚無彈。一行15人, 先走到平記海鮮檔揀海鮮(識人嘅 ), 然後走入龍騰坐低 (仲有私家房), 好快第一味就上檯.....大家睇完千其唔好恐慌.....係...我地係食咗以下嘅食物: (實在太多,次序可能唔太準確)1) 虎蝦-刺身: 超爽, 超鮮, 超甜, 配wasabi....讚 2) 虎蝦-脆炸: 超脆,超多膏(我直頭連殼食埋) 3) 炸蝦丸: 超彈牙(我連食兩粒) 4) 特別魚湯: 喜歡佢有皮蛋粒....果然特別 5) 龍躉-炒球: 無嘢講因為無得彈 6) 龍躉-炆頭腩: 嚇親...大碟到無朋友....炸完先炆但咬落都係脆嘅 7) 鮑魚: 清蒸永遠最夾鮑魚...睇下幾大隻 8) 扇貝: 都好大隻, 但嫌粉絲同蒜泥多咗D9) 聖子: 擦肉豉椒炒, 可以的但個人覺得浪費咗so新鮮so大隻嘅聖子10) 花甲(應該係勁大隻嘅花甲): 第一次, 第一次食呢個size嘅無甲, 好味, 新鮮, 大隻, 無沙 11) 瀨尿蝦: 椒鹽又是它嘅絕配....又係好多膏, 好味 12) 咕魯肉: 用新鮮嘅肉去炸完再落汁炒, 從來

中午時分,基本上可以用無人黎形容,全間鋪得我地一張枱.咁時間都好,起碼唔駛等位.又嘈又迫先.good同事們歡送我,選了鯉魚門食海鮮,今次係第一次去鯉魚門,一行五人,四人付款,即使五人比錢都好貴.第一味,白灼東風,size 中等,都ok..第二味,魷魚刺身,好新鮮,食唔切,仲幫我地用XO醬煮,當然應該有另收費用第三味,元貝,蒜蓉粉絲蒸好夠味,好大隻既元貝第四味,椒鹽賴尿蝦,好多肉ar~~係虎紋賴尿蝦,個殼係軟.第五味,唔記得乜少象鼻蚌,好大隻四隻炒埋好大碟.第六味,係送既XO醬炒魷魚...真係唔同晒.好野味.第七味,炒菜心,無特別la..第八味,上湯龍蝦伊麵底...龍蝦腳原來係咁好食架..不過d 用就過左火,第九味,係送既魚湯..其實你唔夠就可以叫佢加湯,因為一大煲,送既.魚味夠,奶白色第十味,都係送,果盤,真係無見過送果盤係半個木瓜上,一人半個...某程度都係大食,五個人食左十樣野.....haha,不過真係好好食埋單2800,其實我都唔知叫做貴定唔貴,但我咁大個人食過四次海鮮餐..因為貴.所以好少食..多謝四位同事..

尋日父親節,我諗住請老爺奶奶去龍騰食海鮮.一齊六個人去到之後就同隔離間海鮮檔講每人$450.要佐龍蝦伊面.賴尿蝦.白灼蝦.薑葱炒蟹.蒸東星斑炸金蠔蒸扇貝腐乳通菜一人一隻鮑魚海鮮湯.送佐個炒飯份量有D小. 食物味道都可以.就係樓上個伙記.服務態度惡劣到極.每一碟食物上到樓上之後都俾人放係一邊枱度5至10分鐘先有人囉俾我地.但個晚佢唔係忙到冇人理.我睇住個伙記行行企企都唔囉D食物俾我地.問佢個碟係咪我地既.佢話唔知.放係度冇人理.海鮮係熱o既先好食嘛.海鮮湯上到黎樓上冇野冚住.就咁放係度.走去問佢幾次佢都話唔知係邊個o既.我激到走去問個著白色衫既人.唔知佢係咪經理.我話呢個湯做咩放係度咁耐都唔囉俾我地?佢話睇下係咪我地o既.跟住囉走佐個湯.係冇人見到既地方用個匙攪下個湯扮新囉黎o既. 但D湯係凍o既.如果係岩岩囉黎o既湯又點會係凍o既?佢當我地白痴咁.又唔敢叫佢加熱.因為驚佢"加料".遇到呢D伙記真係赶客咁.即係呢次係最後一次去食.你估hk得你一間海鮮食咩.呢個伙記四十幾歲.頭髮剪得好短.

經過鯉魚門“快樂”的不快樂經歷後, 來到龍騰. 招呼已經特別熱情, 並且剛好有一張大枱, 一坐低, 又即刻行去舖頭附近(同龍騰有聯繫的)的海鮮檔揀海鮮. 要了一條東星, 一隻龍蝦, 九節蝦, 蟶子, 螺, 蟹. 因我不能食太鹹, 特別叫廚房落少d鹽. 落菜既時候佢會話俾你知舖頭收乜野價錢, 我地點完菜, 總共$698, 海鮮檔則另計, 叫了:蒸東星斑 --- 全晚最好食的一味海鮮, 魚肉很滑, 食魚果然係東星斑最好芝士焗龍蝦 --- 個汁好漏, 個芝士怪怪地, 好似用錯芝士咁, 又落得太多奶, 攪到個汁勁奶勁”傑”, 食左一啖已經唔想食, 本來最想食係呢個, 激死白灼九節蝦 --- 蝦肉爽, 但唔甜, 無乜特別蒜蓉豉椒蒸蟶子 --- 好香, 不過 “un” 左d, 同埋有好大嚿內臟辣酒煮花螺 --- 勁辣, 我唔係好食到, 唯有用杯茶浸一浸嚿螺肉先食薑葱炒蟹 --- 唔好食, 食唔到有薑葱味, 剩係食到鹹味上湯生菜 --- 清清地, ok附送海鮮湯, 每人半個木瓜作飯後果, 還有南瓜糖水, 反而呢個幾好味.叫了幾罐汔水, 連茶芥加一, 總數合計$2160.食物雖然不特別好, 但服務

2007年12月22日屋企一年總有4~5次生日飯響呢到食, 今次先記得寫食評.炸蝦丸係佢地NO.1 真係幾好食. 我由細到大都鐘意食佢個“炆骨”: 好好味.一句講曬”起菜快, 味道重

早幾日同朋友仔同埋d同事一齊食海鮮食左好多野：龍蝦刺身新鮮鮮甜,怕食生既又可以白灼,龍蝦腦鮮甜爽滑,超正白灼蝦鮮甜爽口,好新鮮又大隻大斑兩食:一食係斑球同西芹炒,啖啖肉鮮味但油左d/另一食係炸,好脆口連魚鰭都食到,唔差蒜蓉粉絲扇貝大大隻唔韌蒸九孔鮑足足比平時食o個d鮑魚仔大一倍,唔會韌但要殼肉分離會有d難度蒸黃油蟹多膏豉椒炒蜆大大碟但太遲上,個個都飽晒差唔多無食過,個汁又杰左少少腐乳通菜唔會過鹹鹹魚芥蘭好味唔記得仲有冇其他大致上都好新鮮好味最差都只係豉椒炒蜆服務良好我地玩左好耐先開席都無黑面花生橋頭又源源不絕咁供應仲飲左好多啤酒

就係睇完openrice 食評去食...... 之後常失望食物質素ok, 但有點兒不足斤兩及收費條款不清.佛誕當天到此酒樓吃晚飯, 只叫了三個海鮮開四味( 東星斑/ 海蝦/ 龍蝦) 以及一碟一人分到一條既老芥蘭, 己經收費人均hkd 250, 加工費在揀海鮮時及決定烹調方式時一路隻字不提是段人頭收費, 而且一條接近五斤的東星斑分了兩味後, 每人每碟平均只可以食到一舊, 似乎不太合理...........而該酒家沒有小菜, 只有海鮮海鮮以及幾條灼菜, 選擇不多最後只吃了四食送, 叫了些飲品埋單人均哨費hkd 250而且服務員態度惡劣, 當問及加工費時開始發惡.............. 擺明蝦我地細路同女人多

第一次在鯉魚門吃海鮮。沿海傍道一直走，放眼都是賣海鮮的店子，走過每一間都被人以「老板」相稱，「睇啱計你便宜些」之聲不絕於耳。這裡的practice是先選海鮮，然後送往酒家洗煮吃，海鮮店和酒家如何拆賬就不得而知了。莞茜豆腐魚湯: 老板說是送的，免費的東西不可有要求，味道是一般，看湯料似是用「下欄」東西用來煮湯。石斑兩味: 分別是起肉用西芹炒球，大大碟，分量足，石斑肉「實淨」好吃，但汁獻比較「杰」; 魚連骨的一部份用羌蔥清蒸，味道普普通通。上湯龍蝦伊麵低: 味道普普通通，伊麵做得不太好，也是汁太「杰」的問題。砵酒焗蠔: 推介，口感豐厚，但不要貪心，吃兩隻已叫你飽飽。蒜蓉粉絲蒸扇貝: 推介，扇貝大大隻，舖面的蒜蓉和粉絲非常香口，完全滿足口腹之慾。羌蔥蒸小鮑魚: 味道也是普普通通，可能用蒜蓉蒸會比較好。再加一碟清炒菜芯、一飯兩粥、酒水、送炒蜆、南瓜露、生果盤，7人行海鮮餐每位$280，也算見識過在鯉魚門吃海鮮是怎麼個樣子。

多年來有好友來hk都會黎呢度食對住個海，幾好今次食左芝士焗龍蝦，本身隻龍蝦就好大，多肉，味道都ok但不算是好好食，不過顏色有d黃，我記得之食都唔係甘，如果用第二隻芝士去焗可能會好d一魚三煮，一條大石斑，先係西芹斑球，都ok炸魚骨，正魚頭湯，清，食左甘多油，呢味湯最後出真係幾好之前仲食左勁大隻的瀨尿蝦，切件椒鹽，好味油爆墨魚，好味，好推介碟碟都幾大碟下，味道都唔錯，係有少少淡，但顯得冇甘油，衛生就麻麻10個人去食左近2千5

同一班新相識既朋友食海鮮，佢地又咁夠膽交個波比我，咁當然唔好令人敗興而回，即刻搵個舊同事幫手，之前佢又帶過我黎食，味道同份量都好滿意，所以叫佢留言，希望老細可以比個面，唔好當我水魚。先到魚棚揀料，可惜無想食既重皮蟹，唯有改要花蟹。炸蝦丸--呢個老細送既，話係舊同事叫佢私人醒我地既，咬落彈牙，蝦味又重，唔錯。白灼九蝦--新鮮，但唔夠大隻，有少少可惜。蒜蓉粉絲蒸花蚌--呢個一般，無乜印象。清蒸九孔鮑--同對上一味差唔多，不過幾有咬口。油泡烏賊--呢樣只夾過兩著，味道麻麻，魷魚亦唔夠大隻。大班兩味一之西芹炒班球--條魚有成9斤重，起肉炒球都唔弱，而師傅拉油時間剛好，一d都無老到，呢味正呀。大班兩味二之陳皮炆頭腩--蒸起都成兩碟先裝得晒，愛"Lun"魚骨者一定愛死呢味，清清地，結果成碟掃晒。蛋白花雕蒸花蟹--呢樣係今日既至正之選，蟹肉多爽夠甜，蛋白又滑如豆腐，加埋酒味，成為完美配搭。椒鹽瀨尿蝦--一隻成條手臂咁粗，斬開三件用椒鹽炒香，夠惹味，不過自己覺得d肉唔夠實。送既炒飯--估唔到係海鮮酒家食到咁正既炒飯，飯粒分明，而且油又唔多，好味。送既魚湯--好甜。最後送埋每位半隻木瓜同芒果，加酒水埋單

d seafood唔太新鮮個西芹炒班片好腥又無味"e"麵好碎壽包又唔夠甜服務又麻麻個waiter 收o野時滴左d汁落我隻手度.........