幸運小亭

Open Now

Now Closed

今日19號 26週年同老婆周圍行 去到赤柱 個肚仔餓 隨意入左間小店 - 幸運小亭 隨意點左個串燒拼盤披薩拿破崙意粉Mango latta環境清靜 食物味道幾好 最喜歡串燒 好有馬來西亞味道 價錢可能貴左少少 但而家香港有咩係係平吖！

赤柱最岩就係放假帶狗狗黎行吓☀️今次仲約多左兩隻狗狗一齊玩，人類就求其搵左間餐廳醫肚先🍽️.我地四人三狗去到，諗住問吓狗仔可唔可以坐凳，當日都無乜客人，但店員都堅持我地只可以坐四人枱，狗狗一係坐地下，一係就留返喺寵物車到🫥服務態度認真麻麻～～.至於食物，餐廳有西式同泰式食物，我地叫左一隻熱狗加薯條，同埋炒金邊粉🌭🍜.✨泰式炒金邊粉✨有蝦、雞肉、三色椒，料都算幾多，味道主要係茄汁味，食落無乜泰式既感覺😅✨煙肉芝士熱狗（加薯條）✨Size比想像中細，唔加薯條應該唔夠飽，腸仔都好細條🌭🍟不過食落味道唔差👌🏻係薯條整得乾左d, 唔似用油炸✨青檸檸檬梳打+Cappuccino✨飲品正常，但定價偏貴，又無得以套餐形式加野飲，全部都要散叫，似係劏遊客🙈

就算改了名做zoXX，一樣好唔老實！本身打算睇下食邊一間，呢間3號舖個女人扮曬耶走過黎，同我講睇下個menu，攞起埋俾我（唔係佢間鋪頭menu，係隔離舖咖）佢仲問我係咪食，幾多人，我以為佢係我要食既個間舖的職員，點知道佢帶我去佢自己呢間3號舖！我之後先知道原來隔離臺先係我本來想食個間！佢仲要扮曬耶話過黎呢張臺，個位好（原來就係咁樣帶左我去3號舖）唔老實的鋪頭職員。。。可惡！這樣被不老實對待。。。我唔會想再幫襯。。。

charge you restaurant price but fast food level services.... serving by paper and plastic utensils .  foods are terrible but price is  not reasonable.  most of the menu foods are getting from supermarket to reheat.   push customers to check their bills within 45 minutes.  it's the worst place in my 2022 for eating .

入黎赤柱到黃昏既時候，梗係去海旁睇日落。嗰度有幾間小食店，揀咗一間食泰國串燒同埋椰青，邊食邊欣賞日落。😋串燒拼盤 $128有魷魚，豬，牛，雞四款各2串，魷魚超有驚喜，唔錯。本身佢已經有個特別醬汁係串燒度，甜甜地。所以都唔使再點沙嗲醬。豬牛雞就冇乜特別但係都有肉味同埋偏淋。但份量就比較少。😋椰青 $45夠凍同埋唔會太甜係清新嗰隻，好飲既。美食配上日落冇得輸，輕食多餐就可以試多幾間唔同食店。浪漫一下都可以買走再係海邊石邊坐，好浪漫。⭐️⭐️⭐️⭐️（5星為滿）幸運小亭 (赤柱)赤柱赤柱市場道20號赤柱海濱小賣亭地下3號舖#飲飲食食 #食好西 #周圍玩 #周圍食 #介紹返 #餐廳推介 #美食 #香港美食 #赤柱美食 #香港打卡餐廳 #打卡 #香港特色餐廳推介 #吃貨 #yummy #hongkong #hongkongfoodie #hkfoodie #hkfoodblogger #dinner #Stanley

赤柱海邊小店，可以望住海景chill住食野!😎環境一流!店員服務態度好好，招呼熱情。叫左以下食物:Fried Onion Bacon Beef Burger $78Mango Slush $48漢堡size正常，醬料夠香、脆洋蔥同煙肉好野味，包身偏軟，漢堡肉雖然沒有筋但味道有點似中式牛肉球😅沙冰非常夠凍! 解熱一流!而且食到芒果，應該有落芒果而唔係就咁落芒果糖漿!!!夏天/行完一日飲沙冰超爽!價錢有少少貴但係赤柱嚟講算係性價比高，高過大街D餐廳咁囉~

今日同大家遠離市區走到赤柱搵食～赤柱地方唔算大不過都勁多野食揀～同朋友仔去到小店搵食～又睇睇岩岩大家胃口啦😍Xo醬炒腸粉好食～Xo醬汁好夾～味道唔算好濃但夠味～亦係小店幾多人叫餸菜之一沙嗲牛肉串·豬肉串牛肉同豬肉夠哂入味～沙嗲汁濃得黎唔會好油膩～小編推介一試👏炸洋蔥碎煙肉牛肉漢堡一般漢堡包🍔大細～用配料菜同蕃茄新鮮～厚厚牛肉漢堡啖啖肉～正😋經典什錦Pizza以薄批處理～材料豐富～雞肉大大舊～醬汁亦調味得適當口味～唔錯唔錯😎吉列珍寶蝦小編大讚～蝦夠大隻唔會上好厚炸粉～咬落啖啖蝦肉～配點埋千島汁醬味道更上一層樓🤤蝦多士相比其他餸菜好普通～味道亦一般～小編覺得唔夠脆口😣中式點心拼盤有蝦餃～餃子～小籠包·選擇多～材料足～味道好味😋小編推介—————————————————☻非專業食評·純個人口味☻—————————————————📍總結:唔錯唔錯～值得入黎一試～除左蝦多士差小小之外～其他食物都有意外驚喜～歡眾們有時間黎到赤柱不妨黎試下～小編提提大家閒日會比較小人😂

Thai street food style by the sea what a nice location here, sitting here in outdoor, very chill with nice view. like the vibe. Food: a lot of options Taste okay 👍🏻 Service: could be better Hygiene: Ok Happy to come again with some frds, hving beers and snacks

🍔炸洋蔥碎煙肉牛肉burger $78-味道正常發揮，比較特別嘅係啲炸洋蔥碎幾香口。塊牛肉調味唔會太咸太淡，但就食唔到肉既纖維，唔夠juicy。 🥘XO醬炒蘿蔔糕$68-xo醬味道濃，好惹味！蘿蔔糕普通野，綿綿的，咁多三色椒覺得好礙眼🤣。 🍤🦑海鮮籃 （炸蝦，蝦餅，炸魷魚圈 ）$138-炸蝦望落好大條好吸引！但食落粉漿好厚，蝦好細條！炸魷魚圈就幾軟身。 🦐蝦多士 $58-面頭啲餡似係蝦餃餡但好淋，唔似一般加蝦膠咁有口感。🍉西瓜沙冰 & 🍍菠蘿沙冰 $48-2杯都係鮮果打成，冇糖水味！菠蘿更好飲🤤，唔會好甜，沙冰口感綿身，正💛。 🍓草莓梳打 $45-聽飲呢杯野既人講左幾次100%🍓味🤣，應該係幾正！🤭

今日放假黎到赤柱，行行下肚餓去搵野食。見到海旁有d餐廳，可以望住個海景黎食野，咁岩有一間有漢堡包食，好似幾吸引咁，就走左去食。開頭我地見咁多空位，就是但搵左個4人位黎坐，之後就俾呀姐叫左我地去2人枱到坐。我地就叫左炸洋蔥碎煙肉牛肉漢堡包配薯條，羊肉串燒配酥餅同一杯椰汁紅豆冰。個牛肉好厚好大塊，咬落去好juicy😋，塊煙肉都唔乾同硬，係個薯條加$30有d貴。羊肉串燒都還可以，配酥餅食，不過不失，始終係咩都有既餐廳，不能要求有串燒店咁惹味同香口，但相對下價錢仲貴過漢堡包，有點不值既感覺。椰汁紅豆冰有驚喜，佢本身間鋪有沙冰飲，唔知係唔係因為咁，杯紅豆冰係沙冰黎，比起傳統快餐店飲開既紅豆冰口感唔同。我幾鐘意呢種整法，起碼唔駛飲飲下食左舊冰。

行完山，諗住chill下，relax 下食少少嘢線出翻市區。。。兩個人，叫咗兩杯嘢飲，一份fish & chip。。。食完啐完最後一啖嘢飲，都未呑入口。。。啊姐就即刻收嘢，出聲叫我哋快d 埋單，讓張臺出來比人，我特登慢慢執嘢，仲叫起哋快d, 有人等緊臺，我哋由坐低到離開都喺半個幾鐘😡😡😡😡😡😡😡。。。來得stanley 都喺來chill ga la。。。市區lunch time rush hour 都未食過比人咁樣趕啊😡😡😡😡😡

呢日黎到赤柱 咁岩想食嘅餐廳好多人排隊就黎左呢間食本身叫左牛油果炸洋蔥熱狗結果賣曬啲熱狗 店員就擅自幫我改左牛油果漢堡🥲🍔牛油果煙肉牛肉漢堡Avocado Bacon Beef Burger ($78)牛油果唔算太多 食落唔太覺得自己有食到牛油果🥑煙肉無乜味道同埋好肥好油膩🥓牛肉扒雖然好厚好大塊 但唔夠juicy 差咁啲🍔黑松露野菌牛肉漢堡Black Truffle and Mushroom Beef Burger ($98)黑松露味唔太出 野菌係細細條嘅菇 覺得格格不入🧆🍟薯條 ($30)係幼身嘅薯條 一上枱唔係熱辣辣嘅蕃茄汁仲要問店員先俾 唔係一齊上薯條份量好少 又𠱸算好食 覺得一啲都唔抵🙃PS. 要加一服務費

Time for a break by visiting some places that I missed for a while, definitely a great day today withnice weather at Stanley. Walked alongside the seashore and fulfilled this visit with site seeing and shopping experiences, decided to find a venue to restore our strength.There are several restaurants at the Stanley Waterfront Mart, the setup there is amazingly simple and clean. While considering the choices of food, our attention was always distracted by the magnificent sea view. Young Coconut T

Weekend喺赤柱美利樓擺檔，行去小食亭嗰邊諗住睇吓有咩食，喺呢間舖頭門口問佢攞張外賣紙。我諗住返去檔口問吓有冇人一齊嗌外賣，之後我行到隔離舖頭再問隔離攞個外賣紙，呢間幸運小亭居然收返我張外賣紙。

呢個疫情時勢唔想去人多既地方，同朋友去赤柱散步，行到好肚餓，見到呢間幸福小亭食物介紹，覺得都多元化，所以試下～叫左炸豆腐，串燒，薯條.....我比較中意食薯條，好多芝士喺面，所以覺得好好食～不過咖喱飯，咖哩汁就冇乜味道普通d⋯⋯D串燒都唔錯，唔係燒到乾真真嗰種。所有野食都唔可以話好好，但未去到好差，算係普普通通咁啦～環境唔算，好岩望海傾下計咁，比較靜都好舒服。有個女侍應定老闆，都好好人，會介紹下有咩可以試下呀...服務都好好😊