老掌櫃東北菜館 (海之戀商場)

Open Now

Now Closed

位於荃灣西鐵站上蓋嘅海之戀商場，而餐廳係2樓Donki出口隔離轉入去，然後就會見到大大紅色嘅門面。餐廳有室內同室外座位，室外景觀開揚，可以一路享受食物一路觀賞無敵大海景，到黃昏時段仲可以睇到日落🌄另外，想講店員好好，幫忙安排室外近海嘅座位比我🔝鴨肉同皮切得都算平均，鴨肉軟腍，不過青瓜有啲粗，而佢哋嘅餅皮係帶點煙韌，係我鍾意嘅質感，半隻份量已經好大，都幾抵食👍🏻🔝味道有點像糖醋排骨，酸酸甜甜幾開胃，下飯一流，裡面仲有洋蔥、菠蘿、入味又軟嘅薯仔，分量十足。🔝超足料鹹蛋黃，每一條四季豆都黏滿鹹蛋黃，超級滿足到愛吃鹹蛋黃的人。🔝其實本生想點拔絲地瓜，但自己唔小心落錯單😂所以呢個拔絲蘋果無咩評論，味道一般。🔝環境舒適🔝可以觀賞日落

嚟到荃灣分店嘅老掌櫃食東北菜，餐廳環境好寬敞，有分室內同室外用餐，可以一邊欣賞大海景品嚐東北美食😍🔸北京填鴨(半隻HK$168)前一日打嚟訂位時，已經預留左。4人食半隻都足夠，總共有12塊餅皮，平均每人都食到3塊㗎啦。餅皮厚薄適中，唔會一包就爛。燒鴨方面皮脆，肉質就較瘦(如果鍾意食肥肉嘅就可能唔太滿足啦🤣)，仲有配上北京甜醬同青瓜等配料～🔸雞絲粉皮 (HK$58)粉皮份量頗多，雞絲同青瓜就相對較少，食到最後就剩返粉皮。配上麻醬甜甜凍凍，好清新🌞🔸京燒羊肉 (HK$128)以烤製形式烹調嘅羊肉，食落都會有少許羊味，但唔係難聞嘅騷味，平時唔多愛羊嘅朋友都可以一試🐏🔸酸菜魚(龍利柳) (HK$98)另外可以選擇其他魚類，價錢相對就較高。內有幾多嘅酸菜同紅薯粉，龍利柳份量適中，但味道就偏鹹啲，建議可以配白飯食呢🐟🔸麻辣冷面 (HK$58)面上有肉絲同青瓜，撈埋麻辣醬，凍冰冰好fresh，少辣嘅程度🌶️🔸東北農家炒飯 (HK$68)有粟米、青豆、紅蘿蔔同蝦仁嘅炒飯，味道唔會太重口味，鑊氣適中🍚環境：⭐ ⭐ ⭐⭐⭐味道：⭐ ⭐ ⭐打卡：⭐ ⭐ ⭐服務：⭐ ⭐ ⭐回頭率：⭐ ⭐ ⭐ ⭐

望住海食午餐心情特別輕鬆 重要食自己喜愛的美食 坐得舒服之餘 光線十分充足 正好選擇了望海的位置 先來一個涼伴木耳 雖然是小食 木耳滿滿的 感覺清新 木耳爽口入味 最好的餐前小食 來到這裡一定要食東北餃子 叫的是豬肉餡 東北皮厚厚的 夠晒家鄕風味 咬落囗餡料十足 亦夠咬口 十分滿足 水煮牛肉 賣相相當吸引刺激味蕾的菜式 辣得來有不同感覺 辣度亦適中 牛肉煮得鮮嫩 辣味沾滿肉上 相當滋味 雖然食到出晒汗不過相當過癮食飽坐下望下景 呢度絕對是不俗的選擇

點了杭州骨和麻婆豆腐，以普通食肆來說，味道尚算不錯，價錢也可以。可惜有位紋身的男店員 ，態度惡劣，對客人呼呼喝喝，以為進了甚麼地方，今時今日，難以想像還有這樣的店舖，尤其還是開在大商場內。

東北菜館老掌櫃之前都食過，但係就未試過荃灣海之戀呢間，今次終於有機會黎品嚐。今次食下午茶，揀咗秘製牛犇麵、排骨擔擔麵，小食揀咗四喜烤麩同埋雞絲粉皮。秘製牛犇麵個湯底超濃郁而且香醇，牛肉就好多同埋好大嚿，而且入曬味，配上幼嘅東北麵，煙煙靭靭好好食。 排骨擔擔麵嘅排骨外脆內軟，炸到鎖住入面嘅肉汁，擔擔麵有好香濃嘅花生醬同秘製醬料味道。小食四喜烤麩就好有風味，食下食下就好快食曬成碟。雞絲粉皮上面嘅麻醬，完全帶起曬雞絲同粉皮嘅層次味道。

抗疫外賣第三擊-老掌櫃😆土豆燒牛肉好入味，牛肉半肥瘦所以好嫰，仲有炆到林曬既牛筋，味道就好似平時麵店食牛筋牛腩麵既味道醬燒茄子比較濃味，有大量肉碎送飯一流茄子應該經過走油所以保持鮮紫色但就油膩左少少，眼見一層油浮面，不過味道好唔錯菜飯加兩蚊，但菜得好少

放假同屋企人黎Donki同Aeon掃一個禮拜貨，趁6點前仲有堂食，係海之戀商場見到呢間「老掌櫃」好抵食😜🙈 下午茶都係3x包野飲，無加一無茶芥，連平日下午茶都幾爆場😍.話說呢間老掌櫃我好耐之前係大角咀食過幾次，主要食片皮鴨，但後來出名左之後成日排隊就無再去lu，估唔到連荃灣都開左分店，仲要咁近Donki🤣.下午茶餐好抵食，叫左「肉三鮮（8隻）$30」同「排骨擔擔麵$32」，三鮮餃子餡料係:鮮蝦x豬肉x韮菜，餃子皮是正宗東北菜的厚皮，內餡咬落比較實肉，份量十足👍🏻排骨擔擔麵大大碗，重花生味同麻醬味，排骨個炸粉薄薄地夠脆身。.下午茶可以加$10叫小食，叫左雞絲粉皮同千層醬豬耳，兩者都發揮到正常水平，同埋$10黎講份量都算幾足。.屋企人就叫左兩個午餐，「涼瓜炒蛋$47」同「回鍋肉$47」，涼瓜甘而不太苦，炒蛋都算滑身既；回鍋肉既五花腩切得幾薄身，不過略嫌唔夠辣🤣.下午茶時段平均每人埋單都係$50內，係幾抵食既不過應為選擇可以再附d同擇辣度會仲食得開心😜😋

海之戀個商場都幾多野行，又有好多餐廳，今次就同屋企人去左呢間東北菜館食飯。啲野食超抵食！我地點左好多野食，當中包括麻醬冷麵，呢個正宗既東北菜，入面有大蔥、紅蘿蔔絲、青瓜絲、青椒絲同埋豬肉。將所有野撈埋一齊，麻醬增添左好多香味，正！另外仲點左肉三鮮，食東北菜當然要點餃子啦，呢個肉三鮮餃子入面有豬肉、韮菜同埋蝦仁，味道豐富，點埋啲醋一齊食超好味！呢個東北紅燒肉飯都好正，啖啖惹味既肥豬肉，食肉獸至愛！另外仲點左啲小食，抵食又好味！東北菜配豆漿perfect！

荃灣西CP值高既地方好耐無對令景食野心情都成個唔同哂秘製牛犇麵$32你又識唔識讀「犇」呢個字？答案就係「奔」字，唔講你又知唔知道呢？牛肉份量多，而且更是非常入味，肉質更加細膩。湯底好夠味，食完麵後，把成碗湯飲哂😋片皮鴨🦆$168好耐無食片皮鴨，份量相當多，啲肉都多過啲皮😂圖中是半隻鴨，切得大小平均，而且鴨皮更是香脆可口🦆鴨肉鮮嫩，連住小小脂肪，再加上青瓜同京蔥，口感相當豐富。建議盡早食左先，一凍左就唔好食😂排骨擔擔麵$32排骨炸到金黃色，微微炸過既感覺，而又唔會有煙「銀」嘅感覺，有花生🥜碎加上肉醬一齊食，顯得味道更加香口，加上會有小小辣味。湯底亦都非常濃郁，食完成碗都將湯底飲淨小小💧有個露天位置，等你邊食野，可以邊仰望荃灣海旁景色，而且黃昏🌇時段，更加是美艷奪目。

餐廳環境好舒適， 佈置優雅，室外用餐時，可以欣賞到藍天白雲、青馬大橋及無敵海景， 仲享受到微微海風吹來， 超級舒服，令人食指大動。秘製杭州骨配菜飯$47秘製杭州骨， 分量十足， 完全被 秘製醬汁包裹醬，香甜蜜味， 排骨入口嫩滑， 仲配上大量爽甜洋蔥及粉糯薯仔粒， 口感豐富， 滋味滿足。秘製牛犇面$44秘製牛犇面， 深褐色的湯底， 先呷一口湯， 秘製湯底味道香醇、濃郁。牛肉大件， 啖啖肉，軟稔入味，輕輕已好容易咬開， 香濃牛味， 配上幼身手工麵， 口感煙煙韌韌， 每條麵掛上香濃的湯底， 更添滋味。.肉三鮮十隻$42餃子外貌十分飽滿 ， 餃子皮裏填滿豬肉、 青菜及爽彈蝦仁， 大口咬下去， 肉汁在口中爆出， 鮮味滿足。雞絲粉皮 (追加)$15 晶瑩通透的粉皮切成條狀，口感煙韌，與雞絲、青瓜絲及胡麻醬汁拌勻一起吃， 十分清爽，及帶來冰冰涼涼的感覺，令人胃口大開。高力豆沙四件$48脹卜卜的高力豆沙， 即叫即製，原來用打起的蛋白去炸， 在表面灑上砂糖， 入口軟綿篷鬆，內裏填滿紅豆蓉餡料， 紅豆蓉口感綿糯不太甜， 滋味窩心的飯後甜品。凍豆漿$4冰爽的豆漿， 滿滿豆香，十分回味。

😋抵食，環境舒適去荃灣行街，想搵嘢食，海之戀商場有間食東北菜，行去望望，首先望到餐廳座位好特別，因為有落地玻璃，望到海景，可以坐戶外或者室內。再睇睇菜牌，食品相片同價格都好吸引☺️平均都係$40幾蚊，小菜價錢又唔貴，重有甜品。選擇左個窗邊位置，望住個海景，心情特別靚😊。菜牌好多選擇，最終揀咗以下菜式🍽秘製杭州骨+菜飯冇諗到套餐碟餸都好大碟，菜飯平時比較多油，今次呢個好好，菜飯唔多油，排骨唔會太肥🍽京蔥羊肉餃子配酸辣湯底食到羊肉又飲到酸辣湯，一個菜式兩個享受，超正👍🍽千層醬豬耳平時食嘅豬耳係一條條，呢個豬耳製法好特別，見到一層層，😂所以叫千層豬耳，口感味道正🍽口水雞不會太多辣油，醬汁味道好好🍽拔絲地瓜渴望想食，非常滿足！因為唔係度度都有而且有水準👍🏻🍽桂花酒釀丸子酒味啱啱好，桂花香一流👍，丸子細細粒，價錢實惠，物超所值！🍽豆漿豆味香濃，好抵飲😝

荃灣行完Donki, 超多人😱又攰又餓，見到隔離東北老掌櫃，午市好抵食，抱住一次嘅心態😜😜原來轉入去餐廳地方超大，簡約裝修，對住超大海景非常開揚！午市套餐好多選擇四五十蚊有交易喺海之戀嚟講性價比都真係高嘅！脆椒香雞，有驚喜！新鮮熱辣辣外脆內嫩，配上新鮮炸過嘅辣椒好有特色！😋😋轉菜飯，稍為硬啲，唔會油淋淋，ok嘅！東北紅燒肉飯，調味很好下飯一流，紅燒肉稍為鞋咗啲，肥位都多不過唔油膩！如果怕肥就唔好點啦，唔通食紅燒肉會係瘦肉咩🤣🤣個人係喜歡嘅！配上小小紅薯粉，呢個配搭唔錯！豆漿好香豆味，如果大杯啲就好喇🤭🤭肉三鮮煎餃，一句講曬不過不失😜原來高力豆沙超大件囉😅😅平時食開細細件，所以叫咗四件，最後唯有打包啦🤣🤣另外店服務都好好！見夜晚餐牌都免收加一，經濟實惠！回頭率好！😬😬

今日食lunch時間行下海之戀間Donki. 一出門口就見到”老掌櫃”個大招牌。之前都食過佢嘅lunch set，既經濟又實惠，又唔使加一，所以決定重遊舊地。今次我叫咗個梅菜扣肉 ，跟菜飯，加咗碟雞絲伴粉皮，和豆漿。先來個雞絲伴粉皮，粉皮夠滑和彈牙，啲醬汁夠花生醬味，15蚊嘅價錢冇得挑剔。之後來個主菜，扣肉肥瘦適中，肥膏入口即溶，加埋梅菜用嚟送飯食一流。加$4 有一杯凍豆漿，應該係自家製，唔太甜、重豆味。食飯途中見好多人都叫餃子食，下次一定要試試。

午餐時間不想等位，去老掌櫃東北菜館最好，因為地方大，要等位都快，今天幸運，坐外面露天茶座，有和煦的陽光曬著好溫暖！而且看著無敵大海景，與朋友吃飯談天，很舒適！這裡的午餐，絕對是抵食大份又美味，與朋友點了一個乾扁四季豆午餐$47,一個水煮魚午餐$49,可以加$15配小食，我們點了拍黃瓜、涼拌木耳，加餐飲也有不同選擇，我們選了酸梅汁$4。乾扁四季豆，大碟得跟晚市份量差不多，炒得超有鑊氣，一上桌已聞到香味，吃下更加喜歡，味道夠濃，肉碎多，而且四季豆多汁，吃下覺得清新不油膩。配的菜飯，純粹為健康，喜歡多吃蔬菜，不過飯的份量也很多，細食的話可能吃不完。水煮魚，是我的至愛，只是小辣程度，很多人也能接受的辣度。雖然是魚柳，但肉質夠結實，啖啖肉，食落也很滑，煮在麻辣湯裏，吸收了咸辣味道很好吃！墊底還有娃娃菜、木耳、薯粉，一盤已能滿足貪吃的我。吃完水煮魚，喝杯酸梅汁，酸酸甜甜的，本來口裡都是麻辣味道，喝完立刻清新口腔呢！套餐加小食最化算，涼菜是必點的。很喜歡東北涼菜，又讓我想當年，在北京讀書的時候，常常光顧一家東北家常菜的味道。拍黃瓜，用的醋味道很香，蒜泥又多，拌得均勻，每口都吃到醋香，清新又開胃。涼拌

打工仔喺荃灣放lunch有咩好選擇？梗係行吓新開之戀睇吓有咩食啦，行完Donki，轉角位有間好顯眼嘅老掌櫃係食東北菜嘅，即管試一試佢。😀餐廳環境好闊落，仲有室內位，望住成個荃灣海旁，唔係咁凍日子黎的話坐出邊應該好舒服。Lunch選擇唔小，有飯有麵有水餃，加幾蚊有埋野飲，小食都可以追加😳口水雞飯 $48上到黎連隔離枱都話大份，雖然係細雞，但係應該都差唔多有半隻雞喺度！係半隻！😂辣度啱啱好，而且係屬香辣嗰種，雞唔鞋，唔知食乜可以嗌呢個，唔伏。水煮魚+菜飯 $49女朋友嗌左小辣，佢覺得口味好啱佢😂魚柳又多又大件，入邊仲有冬粉同娃娃菜等等，再加埋個菜飯，十分滿意嘅lunch。