老掌櫃東北菜館 (海之戀商場)

Open Now

Now Closed

打工仔喺荃灣放lunch有咩好選擇？梗係行吓新開之戀睇吓有咩食啦，行完Donki，轉角位有間好顯眼嘅老掌櫃係食東北菜嘅，即管試一試佢。😀餐廳環境好闊落，仲有室內位，望住成個荃灣海旁，唔係咁凍日子黎的話坐出邊應該好舒服。Lunch選擇唔小，有飯有麵有水餃，加幾蚊有埋野飲，小食都可以追加😳口水雞飯 $48上到黎連隔離枱都話大份，雖然係細雞，但係應該都差唔多有半隻雞喺度！係半隻！😂辣度啱啱好，而且係屬香辣嗰種，雞唔鞋，唔知食乜可以嗌呢個，唔伏。水煮魚+菜飯 $49女朋友嗌左小辣，佢覺得口味好啱佢😂魚柳又多又大件，入邊仲有冬粉同娃娃菜等等，再加埋個菜飯，十分滿意嘅lunch。