老掌櫃東北菜館 (海之戀商場)

Open Now

Now Closed

好難食！價錢又唔係吸引！服務態度又差。都唔知點解咁大多人去排隊去食？？真係想像唔到，d野食，點解可以咁難食。你估都估唔到，東北菜嘅腰果雞丁，係用日本照燒汁去整？（日本又真係起香港既東北位置？）好鬼咸。。師傅可能輸左馬仔，重手左？另外，虾蛋炒飯，外貌似 茶餐廳出品嘅揚州炒飯 ，急凍雜豆加4,5隻發脹虾仔。可能師傅，唔記得落鹽，無味，仲衰過茶餐廳下午茶餐。片皮鴨，我地入去前已預訂左，入座後已叫起，過左半個鐘，再同 侍應講，隻 片皮鴨 仲未到，再過多15分鐘，仲未到。。。我已忍唔住。。。取消，埋單， 起身離座。伏死左。。。

第一次寫食評！真係忍唔住，救命！希望大家睇完可以揀過其他餐廳唔好中伏。呢間餐廳食物質素極之差！雞絲粉皮完全係得芝麻醬嘅味！腰果雞丁係百佳照燒汁咸到喊😵‍💫蝦蛋炒飯冇味😫蛋絲都無，仲要用三色豆！茶餐廳都唔用三色豆啦。服務態度好差。根本唔配係海之戀開鋪！訂咗一隻片皮鴨叫咗起等咗半個鐘都未到，個侍應生話無聽過，真係眼都凸埋！嬲到立即走人。價錢又唔係平喎，個雞丁要成七十幾真係唔值。垃圾！三百幾埋單，仲要搵第二間餐廳。請大家三思！

之前食過大角嘴個間 今次試下呢間今次叫左松子魚 京燒羊肉 同地瓜拔絲坦白講 松子魚同羊肉係唔錯既松子魚係用龍脷柳 京燒羊肉啲汁幾好味因為上次大角嘴個間已經試過片皮鴨，加上今次得兩個人食，所以今次就唔叫啦。但個拔絲地瓜真係太失望!!送上黎已經凍晒 ，上面啲糖漿一早乾晒。。。即使一上菜即刻夾起都做唔到拔絲。。。咬落口 啲地瓜只係微溫。。。上次係大角咀個間叫過蘋果拔絲，都正正常常。其實一向都知拔絲唔係間間都做得好，所以叫之前都專登睇下open rice其他人comment都正正常常先叫。點知咁都可以中伏!!

星期五差唔多8點入座 手機qr code 叫左一個辣既雞另外同某個男店員order要半隻片皮鴨 *ps片皮鴨要冇得用手機落order等左半個鐘 發現遲過我地入既都有野食跟住同返落order個男店員講我地野食未到佢拎張單 走過黎同我地講「你淨係叫左一樣咋喎」我心諗 首先我係叫左兩樣 就算我真係叫左一樣 你地就唔使岀比我？你比返張單有個樣菜我都得掛？咩叫我淨係叫一樣？歧視叫一碟既客？條友叫我用手機睇返落左乜我同佢講片皮鴨手機冇得落單睇唔到我叫片皮鴨架喎跟住唔知佢咩事 拎個餐牌同張紙叫我快啲寫低要乜我心裡面真心想鬧佢話左要片皮鴨 仲要係我叫呢位店員落片皮鴨 唔記得都算你拿拿林去催單得唔得一系列謎之操作 唔知做乜9最後差唔多45分鐘先有得食 真心嬲

1）叫左一隻片皮鴨很差無味乾身 啲皮又快硬配料有兩份都很足料但兩食個炒茄子炒鴨勁核突 好似大雜燴2）農家炒飯變左雜豆炒飯似西炒飯餃子咩餡都係苟菜餡酸菜勁難食3）茶水無味淡到水咁既色4）環境很差 沒有嬰兒座椅 員工沒有照顧客人需要服務普通 食具也不是很清潔 座位很窄坐得不舒服5）小食叫左三款份量多，雞絲粉皮都唔好食、麻辣豬耳好食味道濃，四喜烤夫正常6）糖醋魚片 好酸 大人可以接受 但小朋友來說就不喜歡唔會再黎埋單$920只可現金

餐廳6點已經開始多人好彩一早係網上book 定枱除左扁皮鴨外其他的都可以用QR code 自己下單非常方便京燒羊肉原味吾點汁食會有點羊騷味糖醋桂花魚酸酸甜甜幾開胃京蔥羊肉（10隻餃）餃子吾會太乾身皮又吾會太薄或者太厚涼拌土豆絲又係酸酸地的開胃菜清炒萵筍吾算太油清清地幾好酸辣湯有點偏辣不過都好足料醉雞酒味都幾濃郁下（未必適合每人食用）老醋海蜇頭不錯的前菜酸酸地扁皮鴨有24片薄皮鴨肉燒得太乾肉質變得鞋口P.S. 點只收現金或支付寶🤦🏼‍♀️🤦🏼‍♀️🤦🏼‍♀️沒有其他付款方式

第一次寫，未食過咁難食嘅餐廳，點都要花啲時間寫，等大家唔好誤會評分咁高竟然會咁難食。非常唔正宗嘅東北菜，而且碗碟污糟，仍然有米粒喺碗入面。鍋包肉，唯一一樣勉強食得落口。酸辣土豆絲，完全唔酸，竟然放花椒落去變成麻辣土豆絲，完全唔係果回事。茴香豬肉餃，勉強食咗半隻，啲餡蓉蓉爛爛。最尾一道酸菜餃，第一次上，全部餃子都煮爛晒，等咗半個鐘換過碟，咬咗一啖，即刻吐返出黎，可怕地難食，一樣係蓉蓉爛爛嘅餡，根本唔係東北酸菜，好似有人咬完一輪嘅餡，吐落餃子皮度包起俾你食。食得太憤怒，得一樣最難食嘅酸菜餃有影相。

::: 好耐無食東北菜 好懷念個味道店鋪座位：有分室內室外，室外睇到幾靚既海景，不過當日都幾熱就坐左室內，室內位有少少迫落單方面，除左片皮鴨要人手落，其餘都係掃qr code落單，十分方便食物味道：1）魚酸酸甜甜好開胃2）四季豆如果有少少辣味會更香更好味3）油潑麵就同想像好唔同，以為係好油同辣既，意外地唔會又唔辣，只係酸醋味，相對無咁特別4）蕃薯上菜時比左碗水我地，平時食開既都係已成形，問落先知，原來熱辣辣既蕃薯係要浸水先唔會搞到d蕃薯痴埋哂一舊，甜甜既蕃薯好好味整體都算唔錯

和家裡人一起晚飯，共點了五個菜，包括雞絲粉皮，羊肉餃子，北京填鴨，酸菜魚和酸菜白肉鍋。 值得推薦的地方：份量十足，價錢優惠。北京填鴨好食，十分推介。略為欠缺的地方：環境一般，酸菜類食物真的不符合我家口味。羊肉餃也沒達到預想的水平。

呢度晚市分兩輪, 同埋限時90分鐘用餐. 記得預早booking , 今次我就揀左6點入座, 試一次人氣東北菜⭐️ 京燒羊肉作為打頭炮!!! 羊肉係非常有驚喜, 外脆內嫩, 有肉汁, 非常好食, 呢個係必order 之選!!⭐️ 北京填鴨 聽講呢度最有名氣,  我地5個人, 揀左半隻 (有12塊餅皮), 配以傳統嘅京蔥, 青瓜, 甜醬, 份量都足夠. 北京填鴨係常見有皮有肉類型, 有幾件中間會有層肥膏, 鴨皮都算脆, 但鴨肉就睇你好唔好彩喇...不過麵皮就唔好放太耐, 要快D 食晒, 唔係就係痴住晒.  呢度就有進步空間.⭐️ 煎三鮮餃可湯可煎, 有10隻, 唔太特出, 算合格之作⭐️ 酸辣湯麵雖然係好多材料同埋個湯羹夠晒杰,  味道偏向辣, 不過唔太係我杯茶⭐️ 四喜烤麩如果可以再濃味D, 會更好味😅松鼠魚&沙鍋雲吞雞, 可以skip. 而最後我地都order 咗高力豆沙作為甜品, 冇乜豆沙, 可skip😎 整體黎講, 一家大細黎就食就啱晒, 大件夾抵食, 又可以試到好多東北菜, 同埋, 仲有機會望住個海境晚餐, 其實都算幾好了

第一次黎食2個人吃左半隻片皮鴨, 一份 鍋包肉, 一份冷盤 醬豬手.片皮鴨 ok     8/10分 性價比 幾好鍋包肉 ok     8/10分 味道ok 不過有個問題係 D汁 掛唔上D肉到.  如果掛得好我會比 (9/10)醬豬手 好麻麻  3/10分     隻豬手冇底味,冇醬咪. 似比D 燻蹄 點 醋.    唔知我係比個菜名FAKE 左定係點. 準備下星期再黎試下 其他野

呢間餐廳食片皮鴨嚟講呢間真係算性價比高！水餃同粉麵炒飯都好好食。食物種類都好多，到依家為止食過4,5次，除咗鴨，小黃魚、水餃、湯麵同蝦蛋炒飯都係我最愛。試過一次杯豆漿夠濃都唔錯

此店我都唔知來過多少次.因鄰近是Donki.我耐唔耐就去Donki 掃貨.就會順便到來老掌櫃東北菜.因佢個午市小菜套餐性價比高.午市套餐三點後落單.又有九折優惠.令到CP值更高.本人較喜歡食辣. 所以到Donki掃貨.一定到老掌櫃嘆返個午市東北菜！尼度套餐包括一個白飯.轉菜飯要加2元.一般小菜由49元至最貴的78元不等.還有多款特價小食.由12元至18元不等！環境都唔錯.有海境.今次點餐如下：1. 口水雞$51元轉菜飯加＄2元2. 菠蘿咕嚕肉$50轉菜飯加＄2元3. 雞絲粉皮$18元4. 酸辣湯$12元5. 四喜烤麩$18元全單埋單總數＄153元因下午三點後落單九折優惠.折實＄138元

跨區外賣用左個叫做點單既apps送去上水村屋食因為我媽同呀妹未打針所以生日飯唯有叫外賣咁啱我爸又想食依類型餐廳就揀左依間之前都有係堂食食過食次試下叫外賣外賣同堂食價錢一樣黎到啲野仲係熱既本身都好擔心咁遠會遲到所以千叮萬囑外賣平台個邊唔好遲結果又真係準時咁遠啲野都冇打瀉同埋仲keep到温度6個人食都食唔哂可以分到2餐條魚好好食同埋鐘意紅油抄手雞絲粉皮豆沙餅就麻麻地好似平台唔見有片皮鴨唔知係咪賣晒定季節問題呢

北京填鴨 半隻（$168），有12塊餅皮，京蔥青瓜，甜醬。比預期中好味道，份量都足夠。鴨皮是脆的，而且仲係熱，有驚喜。另外係我喜歡的類型，有皮有肉，鴨肉尚算嫩。京燒羊肉（$128），保持水準，外脆內嫩，有肉汁，夠惹味。水餃 白菜豬肉（$42），有10隻，合格之作。呢間餐廳啲食物質素唔錯，而且價格合理，回頭率高。PS：自己 scan QR code 落單，但片皮鴨就要同職員講。PPS：$4@茶錢，冇加一，只收現金。