老掌櫃東北菜館 (海之戀商場)

Open Now

Now Closed

今次同屋企人再黎食呢間，有室內同室外位置，環境都幾嘈講嘢要好大聲😂記得要預先預約，呢到嘅食物都算大份～🔸 北京填鴨（HK$168/半隻）上枱個陣啲皮仲係暖暖地，鴨肉都幾瘦，可以包住青瓜蔥絲同甜醬食，呢個價錢算係咁😎🔸京燒羊肉（HK$138）口感都香脆，有少少嘅羊騷味，鍾意食羊嘅朋友先好叫啊🤪🔸黃金南瓜（HK$84）​南瓜好淋身，鹹蛋黃味好濃郁，又脆又淋嘅感覺都幾搞笑🎃🔸螞蟻上樹（HK$76）粉絲炒得幾惹味，份量都幾多，食落少少微辣～

約左表姐食飯，搵個大家都方便的中間點，所以選擇了位於海之戀商場的老掌櫃東北菜館。食飽後，仲可以順便逛一逛商場，走埋入Donki，咁就可以消化下食物喇。東北酸菜煎餃 – 餃子係東北菜的名物，所以我地都叫左一碟。餃子皮薄厚適中，內裡的餡料味道也很好。老醋海蜇頭 – 海蜇頭十分爽口，配上青菜加上老醋，非常開胃小食，很好味。 麻辣皮蛋 – 皮蛋 + 青瓜絲，配上秘製麻辣醬汁，真係好惹味！個醬汁好味的程度，我覺得佢先係主角，如果order一個白飯淋上麻辣醬汁，一定勁正。乾煸四季豆 – 份量勁多，炒得好脆身，食到停唔到口。四川擔擔麵 – 擔擔麵又係必食，湯底濃厚，麵質有口感。高力豆沙 – 十分鬆脆，甜度剛好，如果豆沙可以再多少少會更好。

每次逛完海之戀的Donki，我們都會經過這間老掌櫃，每一次都總是要排隊，然後只能去另一家餐廳，到了前幾天的平日晚上再次來到，終於可以順利入座了😃✏️位置（9/10）： DONKI的旁邊，位置其實相當方便✏️環境（8/10）： 簡單的中式裝修，由於是商場舖，環境一點也不差✏️服務（8/10）： 掃碼下單，上菜夠快，侍應亦會主動幫忙✏️食物（8/10）： 雖說是東北菜，但同時會提供廣東、上海、湖南、四川等多款菜式，味道屬於中上🌟孜然大蔥羊肉 - $96充滿大漠感覺，一股濃厚孜然香，配合北方常有的大蔥及羊羶味香濃的羊肉，同時帶點香辣，相當惹味😍🌟宮保蝦仁 - $86放有超多蝦仁，份量亦驚喜的多，辣椒醬帶有濃烈的辣味及香氣，十分刺激，個人更喜歡裡面沾上辣椒醬的花生呢🥰🌟糖醋里脊 - $88太太說很久沒吃過炸得這麼香脆的糖醋肉，肉質亦鮮嫩多汁，調味剛好，不會太甜或太酸，很適合伴飯😋🌟高力豆沙 - $13/個最後甜品點了高力豆沙，豆沙香滑，口感軟滑，只是微甜，感覺較為健康😜茶位 - $5/位白飯 - $10/碗🏠老掌櫃東北菜館 (荃灣) 📬地址：荃灣大河道100號海之戀商場2樓2006號舖

🎈老掌櫃餐廳主打東北菜，必試菜式係招牌北京填鴨可以半隻咁order，兩個人都食到滋味片皮鴨🎈北京填鴨半隻 北京烤鴨片份量足夠2-3人分享配有餅皮、蔥、青瓜同烤鴨醬外皮油潤食到鴨油香加上爽口青瓜同大蔥，惹味又解膩🫶🏽🎈京蔥羊肉蒸餃（10隻）餃子選擇多，有蒸餃、煎餃或湯餃薄薄一層餃子皮包住滿滿餡料，香口濃郁裡面充滿肉汁，相當juicy，好有驚喜🎈雞絲粉皮醬料帶有少許醋香，食落唔會膩粉皮爽口又索汁，加上青瓜絲特別清爽

老掌櫃東北菜櫃 (荃灣西)評分：🌕🌕🌕🌗🌑老掌櫃係香港有唔少分店，今次黎開荃灣DONKI,順路試下呢間無敵海景view既荃灣西海之戀店；點左餐牌最抵玩既北京填鴨, 東北水餃和炒飯。· 北京填鴨（半隻）🦆填鴨係傳統的中國烹飪技藝，上盤時半隻的份量都唔少，填鴨皮色油亮有光澤睇落唔錯，最緊要係仍暖熱！脆皮下鴨肉稍瘦不帶肥膩，入口時略帶著微甜味。餐廳預設最經典的吃法 - 脆皮鴨片卷餅皮。鴨肉片放於餅皮上自行包裹，配以青瓜蔥絲和甜麵醬享用，以$168既價格的確係抵食之選。· 茴香豬肉水餃（10隻）🌿另外一試既就係東北風味水餃 (茴香豬肉)，水餃上盤飽滿，餡料豐富，茴香的獨特香氣與豬肉爽彈相融合，係幾有風味嘅~ 望住海景10隻好快就清光了。· 東北農家炒飯 🍚東北農家炒飯名字幾抵別，所以點左黎試試，上盤表面色澤金黃米粒飽滿。配料有豬肉、蔬菜和蛋絲等組合多樣，味道不太濃散發著家的味道，份量都唔少。· 酸梅汁 🌴酸梅汁係炎炎夏日格外顯得酸甜可口，清爽解渴、口舌生津。食住填鴨水餃，配上一口酸梅汁確係一片涼爽。

食物質素一般，而招呼客人的態度很差，食物未上完便叫我們埋單，當時還有很多吉枱。我真的很不明白為何要這樣對客人。有侍應伏在桌上睡覺，招呼我們的侍應叫我們坐另一張最幽暗的桌子。我們當然不肯。叫侍應落單，他不肯，他反建議說俾張紙我自己寫。（當時的落單app 很慢，無法點歺，我們才叫侍應幫手落單）他們好像根本不想工作的樣子，想我們快些吃完快些離開。究竟這是什麼服務態度呢？很差很差很差，我和家人都不會再來了！我也建議大家不要來這間飯店，不要受氣。

呢間人氣東北菜店「老掌櫃東北菜館」位於荃灣海之戀商場，已經bookmark左好耐😋終於尋晚同太太走去試吓先😆一去到已經見到人頭湧湧！好彩有book到位，如果唔係就要係門口等多一陣先入得啦😂所以大家如果去食之前記得要book位啦😬砂窩雲吞雞（半隻）$148呢窩雲吞雞材料十足！雲吞份量多，雞亦非常之嫩滑😋而且湯底好清甜！我同太太每人飲左3碗都仲有半窩湯係度🙈🤣松鼠魚（龍利柳）$98呢個松鼠魚啖啖肉，一條骨都冇😋而且酸酸甜甜嘅味道食落十分之開胃🤤正！四川擔擔麵 $48擔擔麵小編偏向鍾意食多麻醬味！今次呢個就正正係小編嘅口味！太太就比較鍾意食偏辣嘅口味，太太就覺得爭少少！而小編就覺得岩岩好😋拔絲蘋果 $78呢個拔絲蘋果即叫即整，一上到枱仲係熱辣辣！店員溫馨提示除咗熱之外，要趁熱食，因為如果唔趁熱食啲蘋果就會癡晒喺隻碟度！而且做唔到拉絲嘅效果😝

原來係荃灣海之戀有呢間餐廳, 如果唔係朋友帶都唔知呢度有東北野食, 可能因為位置算係就腳, 所以都有唔少人食, 唔想等位就要早D黎喇！🐥小雞燉蘑菇正宗味道, 雞肉入味而且蘑菇份量好多, 菜式重點係粉絲份量夠多🥟白菜豬肉餃皮既厚度同起內地食開既好相近, 而且有煙靭既感覺, 餡料十足🐮蔥爆牛肉呢個好有驚喜, 牛肉夠薄身, 所以食落好嫩, 好滑, 而且京蔥炒得好入味, 連平時唔鍾意食京蔥既我都食左唔少🍅蕃茄蛋花湯試左個家常既菜式, 但食落都絕對唔覺得失禮, 蕃茄味夠出, 而蛋花入口都算柔滑

-{荃灣抵食片皮鴨🙆‍♀️}🤤北京填鴨半隻🤤 ($168)有齊甜酸醬 蔥 青瓜 鴨肉好juicy 同鴨油香😎建議兩塊搭埋一齊食會好食好多😂啲皮仲係熱辣辣架！👖褲評: 8.5/10🤤雞絲粉皮🤤($68)份量好多！粉皮好爽滑 麻醬味唔太出 有啲醋嘅酸味😳👖褲評: 8/10🤤京式炸醬麵🤤($48)好多肉碎又甜又咸 麵質腍身啲 超多麵好飽肚🤰👖褲評: 8.3/10食左咁多次都係高質🥰平日7點已經爆滿！性價比: 8/10服務: 8/10環境: 8.3/10🚩 老掌櫃東北菜館🚩地址: 大角咀嘉善街18號利奧坊二期地下G705號舖荃灣大河道100號海之戀商場2樓2006號舖 #fuudjai #fuudjai #fuudjai中菜 #fuudjai大角咀 #fuudjai荃灣

母親節當天到訪，高朋滿座，但位置不太舒服食物方面， 不過不失，京式醬牛肉$78牛肉不會太乾清炒篙筍$62有點油肉三鮮餃＄50 皮有點乾但算足料，韭菜，蝦，豬肉所以點了２回疙瘩湯$64不知是甚麼，所以點來一試怎料就中伏了，只有酸味雖不是醋味的酸，似是茄醬的酸再加上內裡有點類似餃子皮粒的東西完全不合我們口味。 小雞燉蘑菇$96不太吃到蘑菇，小雞雖多，但也有點老成個味道也重鹹咕嚕蝦仁$86調味適中，不太鹹不太甜不太酸只是蝦仁炸粉偏厚東北農家炒飯$76炒得乾身香椿炒蛋$74有蛋味, 不太油，蛋也不太老片皮鴨一隻$318 +$90 兩食(青紅椒炒鴨架)不高要求者可試，有鴨油酥香，肉也不太嚡餑餑皮有點煙韌青紅椒炒鴨架沒有拍照， 但抵吃，只是太油也太鹹所有食物的不過不失，本來也不算打食評，但因為在用餐的尾段，竟然看到有蟑螂明目張膽地在我們桌上的熱水壼爬行， 十分噁心。

今日嚟咗屋企附近呢間老掌櫃食呢一道松鼠魚，松鼠魚是江蘇省的一道傳統名菜，屬於蘇菜系，該菜品以黃魚為主要材料，呢間嘅魚肉就改成龍脷肉，肉質軟淋、啖啖肉，一般餐廳收你二百幾蚊，呢度只係$98蚊，認真抵食。佢哋嘅麵同餃子都好食。素三鮮餃入面有白菜、甘荀、木耳、冬菇，剁成蓉再包入餃子，皮薄紥實。另外個麻醬冷麵靭度十足。最後仲叫咗個豆沙鍋餅加杯凍豆漿，豆沙鍋餅唔係煎出嚟，一啲都唔會好油，今餐真係好豐富。👍🏻

對上一次食老掌櫃應該都有5、6年行完Donki見到有間分店就決定再去回味一下😋我哋6:30左右去到當時開始人多好彩早咗少少入座😝職員剛好安排咗近窗位置比我哋望住個海食真舒適坐位都闊苦有空間點咗半隻片皮鴨皮脆肉嫩又夠味份量都好多餑餑皮超薄好好食甜酸里脊酸酸甜甜肉質彈牙超好食又開胃秘制牛犇麵湯底超濃好好味崩沙腩有咬口但又唔會靭湯都想飲埋佢係出色嘅另外仲加咗兩杯有機豆漿唔會太甜好香豆味雖然第一次食喺大角咀果間幾年後再食估唔到都保持到水準#食在荃灣 #荃灣美食 #片皮鴨 #東北菜 #性價比高 #選擇多 #foodielife #lovetoeat #foodiehk #香港美食推介 #只要係好食我都會推介 #吃貨

今日嚟到海之戀Donki隔離呢間東北菜餐廳，食咗個性價比好高嘅tea，對住個海景超級正！下午茶時段唔算好多人，空間感十足，室內環境簡約，比較多人鐘意坐室外，但我自己覺得太熱啦，都係留喺室內舒服啲！酸辣湯麵好大碗酸辣湯麵，呢間餐廳嘅醋酸湯羹非常開胃！酸酸啲好惹味好食！東北酸菜餃一碟有10粒餃子！皮好薄，包住飽滿嘅酸菜同埋肉餡，酸酸嘅味道非常吸引！肉三鮮餃餃子皮薄餡靚，入面有豬肉、韭菜及蝦仁，蝦肉好爽彈，非常鮮味！高力豆沙外皮夠鬆化，紅豆餡軟綿唔會太漏，即叫即整非常香脆！！！呢度服務好好，我地覺得冷氣太大，問一問店員都即刻較細返，值得再去！老掌櫃東北菜館荃灣大河道100號海之戀商場2樓2006號舖

已經係第三次嚟食🤨 每次嚟必食👍高力豆沙🤭 唔會好甜，好多豆沙，皮好薄，但係鬆軟得嚟又有啲煙韌，百食不厭😍😍上次食唔倒片皮鴨，今次終於食倒啦🥳🥳皮好脆，唯一失色反而係大䓤，有少少老，不過無失望，💓性價比好高，好大碟，兩個人食好滿足🤭**唔好比自助落單顯示嘅「售罄」呃咗呀🤫**本來我都以為賣晒，但我朋友話，隔離果枱都係岩先叫侍應落單，就有👏👏👏四季豆，完全無停口，有啲似食薯片🤣每次嚟都會點餃子🥟羊肉餃平時少食，無失望，好飽滿幾次都食嚟，除咗甜品，基本上無重複，全部都無伏👏👏

去海之戀買點東西，順便到了老掌櫃食午餐，午市有很多套餐選擇，價錢由4x至6x左右，仲有優惠價加小食，價錢十分親民。🟧水煮魚+豆漿+高力豆沙點了一份客飯套餐，加了件甜品，餐飲要了熱豆漿。午餐份量一點都唔少，滿滿一碗水煮魚，魚塊很多，魚柳很滑呢😋裏邊還有大荳芽、雲耳、娃娃菜跟紅薯粉，水煮辣湯十分對胃，簡直可以把他當水煮魚湯粉吃了。看到這碗白飯真的笑出來了，有需要這麼滿嗎？😆甜品是高力豆沙，砂糖很多，軟綿綿的不錯嘛。熱豆漿微甜，幾好飲👍店舖位置不太起眼，但下午茶時段客人也不少呢，無非是味道不錯價錢又貼地唄。