老掌櫃東北菜館 (海之戀商場)

Open Now

Now Closed

今日出左荃灣Donki 買野，順便幫媽媽預早慶祝母親節。難得Happy Friday 明日又唔駛返工。就搵左間有茶飲既中菜廳同父母家人一齊食下。店內最特別除了有室內位外，亦有戶外位。最衰落雨，唔係都會跟父母出去食。京蔥羊肉 （10隻）$52非常香的羊肉味，羊肉好鮮嫩再吸上京蔥的香。無得頂。京式醬牛肉 $76原來係牛展，仲以為係爆炒牛肉。冷擺來說好好味，牛展夠牛味，好夠腍，肉質夠爽好好味。肉三鮮(10隻) $50有蝦、豬肉等材料做成的水餃，非常鮮味，肉質彈牙。 糖醋魚片 $86酸酸甜甜夠開胃，外脆內軟。魚片夠新鮮，唔霉，魚肉夠爽同鮮甜。雞煨麵 $52雞煨麵超多白菜粒，拉麵吸收晒雞湯精華。清淡得來有味道，再帶點青菜味夠晒健康。秘製牛奔麵 $52麵夠大碗，牛奔夠味夠淋。雲吞麵 $46皮薄料多，豬肉加菜，好爽口。花膠鮑魚紅燒肉煲 $158料非常多，有4粒鮑魚粒，又有花膠，好滋陰養顏。有粉絲、東坡肉、汁非常濃味

價錢親民嘅東北菜，抵食份量足，味道可以，啱一家大細嚟食，星期五晚飯時間都幾多人，最好book定先，本來想食嘅片皮鴨已經售罄，最好book位嘅時候預訂埋~🔘家常豆腐有啲似炒回鍋肉，豆腐好食夠滑，除咗豆腐仲食到好多其他蔬菜，仲有五花肉片，係幾惹味嘅小炒~🔘排骨擔擔麵湯底味道濃郁微辣，上菜之後過咗一段時間先食麵，質地都唔會過腍，排骨就麻麻哋，偏乾身少少~🔘上湯雲吞 有10隻雲吞，每隻都大粒飽滿，睇過網上評論話佢嘅餡料比較特別，食落有啲似手打牛筋丸包左雲吞皮，真係有別於一般嘅雲吞，但我又幾鍾意食🤣🤣~🔘咕嚕蝦仁 想食咕嚕菜式，又希望冇咁肥膩，所以揀咗蝦仁而唔係咕嚕肉，味道對板正常，啲蝦雖然size唔算好大，但勝在好多隻同埋肉質都唔錯~食完先知原來唔使加一, ok抵食~

第一次光臨荃灣分店，感覺佢相比大角咀分店差好遠，無論食物質素餐廳環境空間感同待應既服務態度都好麻麻。酸菜魚唔建議食呢一間，啲魚唔係太靚，亂甘cut所以咬感唔係太舒服。紅油炒手一啲都唔辣，雲吞多啲似。擔擔麵睇圖已經感覺亂甘來，雞絲粉皮唔夠凍，暖暖既感覺好奇怪。員工服務麻麻，嗌左三，四次要水都話等陣先，但隔離枱要汽水就即刻到，雖則水係唔需要錢但都唔係甘架嘛。另外就係餐廳個私穩度唔高，因為無野阻隔商場同餐廳，一路食就一路有人睇住既感覺有啲奇怪😆😆😆😆

食嘅次數已變成飯堂鋪頭裝修簡單，環境乾淨舒服，最正係望住個海同天空食飯，而且lunch價錢極抵食，11點半開門，通常12點前就去，可以坐耐啲hea下🥟羊肉餃子羊肉正，配埋醋或者辣椒油食仲正🥦椰菜花炒腩肉椰菜花爽口唔淋，腩肉肥瘦適中，辣辣哋，好惹味🍜牛x麵湯偏藥材味，自己唔太喜歡🐟咕嚕魚咕嚕肉以外之選，非常好味不過有時炸得過左龍麻婆豆腐，送飯一流口水雞，直頭好似有半隻雞咁濟呢間lunch 5x-6x就有，份量夠大又好味已食過無數次🤣🤣

4月30號晚去食，訂左位18:00，去到晤駛等就入得，準時90分鐘未食晒都叫你準時交枱，ok 🙂 坐得晤太舒服，好逼，隻鴨晤掂，鞋嘅，包住片皮鴨塊皮，又乾又硬，咬好耐先咬到得個平字 酸辣湯得個酸，我諗叫做好啲就嘅係個雞絲粉皮，不過值得一讚就係佢嗰個甜酸魚片，都叫做脆嘅，另外叫咗個佢話值得推介嘅炒飯，一嚟到，嘩。。。哈哈哈，原來係三色豆，加幾隻蝦嘅炒飯，冇味，淡到不得了。 同埋佢哋太少侍應啦，所以有時舉手都要小小時間，先會有人見到你，都係果句，晤貴，平嘅，大眾化價錢，所以我地走果陣都多人等

♨️老掌櫃東北菜館荃灣大河道100號海之戀商場2樓2006號舖♥️抵食夾大件東北菜，門口幾靚裏面有啲大排檔feel，但坐出邊又有個海景睇吓，侍應哥哥好熱情，座無虛席🔷片皮鴨（半隻）價錢平取勝，較為乾身唔夠juicy, 但止下癮係OK嘅🔷砂鍋雲吞雞大份到呢，雞夠滑湯夠甜，雲吞都好食🔷白菜豬肉蒸餃10隻正常發揮，鄙薄餡靚🔷牛犇麵併排骨一大碗麵，一大堆餸，仲要牛犇唔差夠味夠淋，排骨香脆，性價比好高，啱晒食肉獸🔷四川擔擔麵花生碎肉碎俱備，幾好嘅一碗擔擔麵🔷黃金四季豆太多肉一定要食下菜調劑一下🔷高力豆沙外皮口感輕盈夠鬆化，紅豆餡軟滑唔太甜，推薦👍🏻食物：7.8/10抵食：8.5/10環境：7.5/10。。。#香港美食 #香港美食日記 #美食日記 #美食推薦 #美食指南 #hkrestaurant #hkig #hkfoodie #foodie #foodiehk #hkfood #foodhk #foodporn #foodphotography #foodstagram #hkfoodblog #hkfoodstagram #hkfoodlover #hkfoodblogger #foodblog

北京填鴨訂位時，hard sell 嘅北京填鴨，係的確唔錯，但鴨肉更嫩滑會更好京燒羊肉羊肉身份量不算多，但肉質鮮嫩。但肉有啲係凍嘅，唔似新鮮煮好，仲要超多油。排骨擔擔麵 麵質算爽口， 湯底夠香，排骨肉質都算鮮嫩，炸既時間岩岩好，味道相當可口。 糖醋桂花魚糖醋汁煮得好好，但油炸魚嘅時候太多油，啲油唔新鮮，所以食到有啲油味，令到整體變得失色黃金炒豆角用鹹蛋黃去炒，係食到好重鹹蛋黃味，但太咸高力豆沙豆沙餡嘅份量比太少

🍎🥯🐟🍲🍜餐廳名: 老掌櫃東北菜館 地區: 荃灣評語:拔絲蘋果 HK$68 - 最期待既甜品 連住一碗水上枱 夾起一舊過下水 個糖面就會硬化而脆口 糖皮好通透好脆 一啖食哂脆蘋果加糖皮幾好食高力豆沙 $12/1粒 - 上菜時已感受到即炸勁熱 第一啖食落口 炸皮好薄少少脆 內餡蛋白好白少少甜 紅豆蓉係清甜唔死甜東北大拉皮 HK$72 - 估唔到係咁大碟 至少三四個人既前菜份量黎 好多粉皮同配菜 粉皮上面有唔少麻醬 食時搞錯左青瓜同青椒 因為個青椒好辣糖醋魚片 HK$78 - 酸酸甜甜咁 幾開胃 炸魚熱到岀煙 呢個配飯食一流 一碟都有十件魚塊四川擔擔麵 HK$44 - 麵質正常有咬口 醬汁算濃 唔算好水 辣度OK 唔係勁辣果種結論:傳統中菜餐廳 諗到既上海野全部都有 食物質素正常偏好 全部熱上同好好好大份量 價錢實惠 不收信用卡 好多人食填鴨 想食傳統中菜值得一試#佐敦美食 #佐敦#拔絲蘋果 #高力豆沙 #粉皮 #糖醋魚 #擔擔麵#香港 #餐廳 #情侶餐廳 #情侶飲食 #幫你食 #coupleeat #helpyoueat #eatanddrink

同同事嚟咗呢度食飯，估唔到佢哋嘅午市套餐都幾抵食，平均四十幾至五十幾蚊就已經有一個餐，直頭係茶記價錢咁抵。🐾酸菜魚$56我同同事都嗌咗酸菜魚，一人份都好大碗，冇得選擇辣度，大概係譚仔三小辣，酸菜魚塊好多，我額外加咗$3轉菜飯，同樣好大碗。🐾東北打滷麵$52湯底睇起嚟好重口味，但食落唔算太濃，配料好多，又係大碗到食唔晒。🐾北京烤鴨（半隻） $168我哋額外叫咗半隻鴨share，片得好靚而且唔會太肥膩，跟嘅餅皮夠晒薄，配鴨食唔會太滯。好味😋

20/3呢日咁啱喺荃灣經過，平時都會去開元朗嗰間分店食飯，我今日見經過所以試吓荃灣分店，點知完全係兩回事。叫咗一條白龍王，拔絲蘋果，京燒羊肉等等。條白龍王係咸到完全食唔落，每人食咗一塊已經冇食，羊肉啲粉多到不得了.............成餐飯唔知食緊啲乜，衰啲講句食緊屎咁........最後埋單冇計我哋錢，但係都唔係咁搞.........同啲侍應講佢哋就話反映下。成餐飯谷鬼氣。荃灣冇下次....

呢間餐廳已經食過好多次啦，真係食過返尋味，翻兜再返兜。今次帶埋屋企人一齊食開年飯，大家都話又好食又抵食😋😋😋.招牌菜當然係有佢嘅北京填鴨啦，記得早幾日打嚟訂枱同埋留定鴨，如果唔係有機會賣晒㗎～.另外必食嘅係佢個海蜇頭，有麻辣同埋老醋兩款，海蜇同海蜇頭都一樣好彈牙爽口，不過海蜇頭就大嚿啲實在啲，同埋少啲地方食到，要食梗係食啲特別嘢啦。.擔擔麵都係其中一個我每次嚟都必食嘅嘢，佢好香嘅花生味，湯底少少杰身，但係食落完全唔膩，食咗一啖，就會忍唔住想食晒成碗！.京燒羊肉都係我好鍾意食嘅菜式，羊味重但唔騷，燒得好香，有時會好脆，不過就睇你嗰日好唔好彩啦😂.呢間餐廳真係可一亦可再，不過叫之前記得睇吓食評，如果唔係都係會中伏㗎🤪

這麼多人留言，我也實在忍不了要留言。 話說農曆新年前，我們坐露台看夜景，我跟親友們一起去吃飯，食物倒是不錯。 無論菜啊，還是鴨味道都很好，食到甜品，待應就拿著碗酒釀小丸子上桌，照頭淋到我親戚老公件名牌褸到，湯又熱我心想，那麼不小心，立即理論無果，道歉也沒有。 這件是親友買給老公週年禮物來，一肚氣，現在也洗不甩，已經不會再來！！ 我會記住那個侍應，他是著紅綠白的鞋子！！服務差態度差，食物質素再好也是沒用的！

今晚食過我呢一生人數一數二差服務態度既餐廳，好高帶眼鏡個位哥哥其實係咪唔想做？唔好影響間餐廳啦！D野食其實OK架，但呢位哥哥服務態度嚴重影響呢間餐廳既聲譽囉！我以後都唔會再去。。

〰️當日7點前入坐，室內差唔多full哂，所以出咗露天Area。之前已經食過幾次，今次望住青馬大橋同餘暇係幾正嘅🌉〰️#fat_factor_香港 #fat_factor_荃灣#fat_factor_中菜〰️🌟京燒羊肉 評分：5/5每次黎都必叫〜外皮好脆，即叫即整熱辣辣。唔受得羊肉羶味嘅小心啲🤭〰️🌟北京填鴨(半隻）$168評分: 4/5一大碟北京填鴨夠2-3個人share，肉多皮少，岩哂食肉獸們😌鴨皮好脆，冇咩花巧野擺碟。略嫌配菜青瓜切到大舊，不過呢個價位CP值爆燈！🤩〰️〰️🌟高力豆沙評分: 5/5每粒都漲卜卜，加埋滿滿砂糖真係好邪惡😈完全冇油溢味，注意兩粒起叫，一人一粒都唔過份🤟🏼〰️

唔明點解片皮鴨唔比客用手機落單，一定要叫侍應落，但又成日唔記得落。等成半個鐘以上 見到遲過自己入座既都有先知真係漏左單最近兩次去都漏單。本身好中意食片皮鴨，但呢個體驗真係好差。最近一次去，大約一個半月前兩個月左右。坐我附近三枱客連埋我自己4枱，都漏左片皮鴨大家係咁問侍應，到底到未，真心壯觀其實忙漏單唔緊要，但我見十五分鐘未有已經同定個侍應”未有，有無落漏架？”佢check都未check就話就有，要等等。。。跟住見佢忙岀餐個啲，又冇check單。到左30分鐘已經知道一定落漏左，仲見到後面遲過我入座都有。有啲嬲咁問第二個侍應到底係咪落漏，佢先同我認真check，係咁講唔好意思。再等5分鐘就有不過係凍既