La Taverna

Open Now

Now Closed

今日我老公帶我到呢間餐廳慶祝一啲特別嘅紀念日，其實我都已經遺忘左哈哈，總算給我一啲驚喜！最估佢唔到識得搵一啲咁浪漫嘅地方同我慶祝！呢間餐廳好有懷舊嘅感覺，你都好有西班牙同意大利嘅感覺，非常浪漫！老公點左個tuna tartar ，$138 ，雖然份量比較細，但係吞拿魚嘅味道非常新鮮，食落一啲都唔腥，再配上佢哋嘅蛋黃醬味道好清新，作為前菜值得一試！主菜我哋叫咗veal tagliolini ，其實佢就係手做嘅意大利粉再配上BB嘅牛肉，牛肉味都好濃郁，但係又好滑，最值得係讚佢哋嘅意粉，爽口之餘又唔係太硬，我相信係呢間店舖嘅王牌，因為在場好多美國人幫襯，每一台都叫咗意粉，所以我會推介俾大家！值得一試！令一個主菜就係seabass fillet，魚嘅質地好細滑，充滿油香，配上酸酸嘅配菜，好醒胃！最後叫咗一個Tiramisu作為總結，他們的Tiramisu與外邊的真係唔同，充滿了意大利風味，個餅底係脆嘅，咖啡味好濃郁，叫咗一個咖啡作為配搭，非常之合襯，相輔相成，更帶出Tiramisu嘅獨有氣味，我同老公都超級讚這個甜品，大家值得一試！

今日去尖沙咀比較就腳，又想食意大利菜，上網睇左一陣，決定去la taverna訂位試試。去到環境覺得幾吸引，都唔錯，首先上麵包同湯暖一暖胃，準備好後，前菜就到啦——吞拿魚他他配腌蘆筍及辣牛油果醬。吞拿魚他他冇煮過，生吞拿魚，但唔腥，反而另有一種獨特鮮味，同蘆筍、牛油果醬好夾。Pasta叫左個手造幼扭繩粉配羅勒青醬及手撕雞。扭繩粉形狀奇怪，好特別，而且手造pasta特別彈牙，配上手撕雞好有口感。主菜係細火慢燉羊小腿配春季蔬菜及薄荷乳酪，羊小腿好幼嫩，入口即溶，薄荷乳酪刺激味蕾，好有新鮮感，大滿足！最後以個小甜品做結束，la taverna好有意大利風味，性價比高，環境加唔少分，推介比大家！

朋友生日 決定搵間靚靚餐廳同佢慶祝，大家都係尖沙咀返工，就發現到呢間係亞士厘道既餐廳裝潢好靚，決定兩個女仔黎試下呢間意大利餐廳環境真係超靚入到去有幾位有禮的男士招待入坐，咁靚既環境已經加分好多，坐低先叫枝sparkling water飲，跟住就開始睇食咩啦～餐前仲有面包提供，點側邊碟既醋。特別讚下個面包條，脆卜卜好好食😛先叫個沙律食下先～Insalata caprese水牛芝士蕃茄沙律伴葡萄黑醋及火箭菜$168。好多既份量，服務員哥哥仲會問要唔要落pepper,蕃茄好新鮮 配芝士好好食，而我特別要提下個黑醋，好好味！我幾乎點哂成碟既黑醋黎食 一滴不漏，哈哈！跟住呢個主食係trofie fatte in casa al pesto e pollo手造幼扭繩粉配羅勒青醬及手撕雞$188我好鐘意食羅勒青醬，所以見到一定要叫！呢間餐廳既青醬100分！好夠味又唔會食落成口油，正，加上佢地特別既扭繩粉，好得意，好咬口，手做既意大利粉真係誠意滿分，超好食！仲要配埋松子啊！正上碟既時候，侍應哥哥仲會即磨d芝士落去，正！手撕雞份量都夠多，又滑，好食牛肝菌及野菌意大利飯$198而朋友就係mushroom愛

同朋友行到嚟亞士厘道，行到街尾俾呢間咁靚既西餐廳吸引，見到入面都好有氣派，係門口睇咗陣menu，見價錢都可接受我地就入去試試佢。入到去好有外國餐廳既感覺！嚟到坐底無耐職員就幫我地倒黑醋落碟度，原來係用嚟配餐包既，餐包好軟熟連埋黑醋好好食。飲品就叫咗sparkling water，最鐘意飲！前菜就叫咗呢個Insalata caprese($168)，係有啲火箭菜同埋水牛芝士加蕃茄，份量比想像中多，食落去蕃茄連芝士好夾，唔會膩，因為有蕃茄酸酸甜甜既味道，更加易開胃。Trofie fatte in casa al pesto e pollo ($188)，呢個我地叫網上都多人推薦就叫嚟試下，食落去味道唔錯，係用羅勒青醬配幼粉同手撕雞，感覺好特別！risotto ai porcini  e funghi selvatici ($198)，呢個係牛肝菌加野菌意大利飯，飯偏濕啲，每一樣都食到濃濃既牛肝菌味道，好足料！最後叫咗個甜品，Tiramisu($98)，又係網上見到最多人推介既一樣甜品，食咗都終於明白，本身以為中間個餅會硬，但原來無，好鬆軟，Tiramisu味道好勁，係最滿意既一樣！呢度最咗

今天同朋友行完街, 想搵個靚餐廳食個飯, 再下計, 行到亞士厘道見到LEE 間意大利餐廳, 咁就入去睇下啦, 餐廳入面好有氣氛, 好似立即去左意大利的感覺, 都唔少外國人係到, 咁我同朋友當然會坐底食返餐晚餐啦我地叫左4樣野食, 先吃我最愛的吞拿魚他他, 仲要係配醃蘆筍及辣牛油果醬;再叫左個經典意大利粉; 另外就叫左一個我朋友想吃的意式雞卷配烤啡菇及黑松露汁, 這個雞卷好多層次, 先最外層是煙肉包主D雞肉, 而雞肉入面仲要有芝士, 我朋友食到停唔到口, 正!!!!!每一日都要唔少得甜品, 我地食左正宗Tiramisu,餅底的(林)酒加咖啡味好濃, 餅面的芝士好滑, 直係一個完美的句號

1月10號係我地拍拖週年紀念, 緊係要搵一個有情調既餐廳食返個週年紀念晚餐啦, 餐廳門口有些露天位置, 成家店都有特別的感覺, 一入餐廳就好似去左一間意大利的本土餐廳一樣, 入面有部分服務員都會說意大利文, 令到我好似去左意大利一樣。我地叫左一個頭盤,兩個主菜加一個甜品頭盤--Tuna Tartar (吞拿魚他他配醃蘆筍及辣牛油果醬)主菜--Spaghetti Vongole (經典意大利粉)--Chicken Invltini (意式雞卷配烤啡菇及黑松露汁)甜品--Tiramisu頭盤的吞拿魚他他, 很新鮮, 配以辣牛油果醬, 令吞拿魚的味道更加提升, 食完好開胃主菜係海鮮意大利粉, 都係好新鮮, 冇沙, 意粉好有口感

Happy Friday 放工後，朋友約左尖沙咀食飯，提早同慶祝我生日。book左la taverna 餐廳，餐廳環境優雅舒服，帶一種浪漫情調。餐牌有不同款式既菜單，有些仲係廚師限定菜式。晚餐我地揀左前菜-雞肉溫泉蛋沙律，生菜加醬汁撈埋一齊食，好清新爽口。小食方面叫左炸魷魚，主菜方面我地一人揀左一款，我揀左今日特別廚師特別之選-手造寬蛋麵配三文魚肉醬❤️份量很多，而且味道濃郁，好多三文魚肉醬。另一碟主菜朋友揀左係veal tagliolini,有牛仔粒、肉醬⋯配合麵剛剛好的麵身。最後食埋甜品Tiramisu,擺相靚靚，入口鬆化即溶！值得一讚哩度侍應服務相當細心同有禮，點菜前都會問問客人有咩唔食⋯及推介食物，對客人非常細心，間中過來幫我地換碟！整體來講，我覺得哩間餐廳環境舒適，每道食物十分有水準，服務細心！下次節日慶祝，會再來惠顧！

好友約我今天食晚飯，預約了一間餐廳叫La Taverna 的意大利餐廳，說我一定喜歡喎La Taverna 位於尖沙的亞是士厘道Ashley Road，看看門面 ，真的很像來到歐洲街頭的餐館 (後來我才知道原來這是香港第一間意大利餐廳，在國際旅遊網站Tripadvisor 略有名氣)餐廳位於地窖位置，要落幾級樓梯～～～～一進入餐廳，牆上的油晝, 木製的裝飾, 柔和的燈光, 加上食客多是西方人，令我歐遊的回憶全部返來～～～～由於環境寧靜舒服, 很適合同朋友在此傾計暢飲可惜明天要返工, 不飲酒了，我們只好開支Still Water , Cheer一下!!~~~吃意大利菜，當然先上「餐包」三款傳統口味的意大利餐包～～～有脆脆條同外脆內軟的香草包，配上欖油同意大利黑醋，在我心中永遠是絕配看看Menu~~~~職員推介兩個頭盤小食Sides、兩個主菜給我們～～～～Calamari Fritti 脆炸小魷魚配蒜香茄醬這小食很野味！！味道似港式的"椒鹽鮮魷"，魷魚細細塊，炸得香脆，一口一淡，加上蒜香茄醬，微微的辣味，野味又開胃，推介！！另一道頭盤是Daily Special的Warm wagyu be

今晚相約朋友來到這間位於亞士厘道盡頭的意大利餐廳，這裏環境幽靜，裝修得很有特色，可以好好享受一餐浪漫的飯聚。一坐下便會有暖暖軟軟的麵包送上，配上橄欖油和黑醋。前菜點了脆炸小魷魚配蒜香辣番茄醬小魷魚炸得很香脆但不油膩，沾少少微辣的茄醬，很滋味！暖意式半生和牛薄切和牛片一定要夾著芝士薄脆一起吃，味道更佳！ 手做幼扭繩粉配羅勒青醬及手撕雞扭繩粉是Homemade 的，咬起來煙煙韌韌，口感很好，配合羅勒醬及松子，味道幾夾！主菜是細火慢燉羊小腿配春季蔬菜及薄荷乳酪羊小腿之前已慢燉了4小時，所以非常軟諗，本身已煮得很入味， 沾少少薄荷乳酪醬，味道更出!甜品必食Tiramisu 賣相很好，咖啡味都幾濃，不會太甜，好食！餐廳氣氛浪漫，店員很親切有禮，適合情侶拍拖或知己好友飯聚。

前排去左間同朋友靜靜地傾到計既餐廳食飯，呢間意式餐廳門面好吸引好外國風情。入到裡面一樣咁有味道，感覺好warm好溫馨成個氣氛。未點餐已經有微暖面飽serve前菜食左吞拿魚他他醬配醃露筍及辣牛油果醬，他他係幾好味嘅，牛油果醬伴碟再多d就好喇!主菜叫左手造幼蛋麵伴牛仔肉醬，非常欣賞個麵底，好特別食落有d似中式嘅面又有點似意粉。牛仔肉醬好入味又唔太咸，幾好。另一個主菜係手造幼扭繩粉配羅勒青醬及手撕雞，上菜以為係銀針粉，就咁睇真係好似，食落就食得出係唔同，因為係西式粉味。手撕雞溝埋個粉唔係好覺眼，但整體都夾味。主菜有個肉，係slow cook羊腿，勁林勁入味，好容易切甜品有tiramisu，好重酒味，好意式

今日和老婆去尖沙咀行街，行到肚餓就在附近找東西食，意大利菜好耐都冇食過，就決定這間這個餐廳門面擺放得到好有特色，進入餐廳，店員好有禮貌招呼我們座下，細看餐廳環境幽靜，裝修別樹一格好有格調看一下餐牌有很多食物選擇，每樣都好想嘗試這個前菜很好味，它用吞拿魚肉做的，一食落口魚肉鮮甜，很有口感麵包很軟熟帶微暖這個意大利麵值得一讚，麵煮的時間剛剛好，一食落口軟硬適中，很有口感，加上他的肉粒嫩滑，非常好味深海鱸魚煮得剛剛好，魚味濃郁細嫩，火候拿捏得好這個甜點非常好吃，帶一點酒味，齒頰留香

今晚叔又獨自搵食，黎左呢間充滿意國風情嘅餐廳，最啱過一個寧靜又有品味嘅一晚。餐牌選擇唔算好多，但每個都滲透出濃郁傳統意大利菜嘅特色。揀好左食物，就送上餐包，係軟熟嘅小麥包，最正宗當然係點香濃嘅 olive oil 同意大利黑醋啦。頭盤揀左香煎北海道帶子，配薑汁蘋果蓉汁同青蘋果沙律，帶子好厚肉，輕輕煎香左2面，口感一流，薑加蘋果汁嘅配搭好清新，又帶點香甜，配搭青蘋果沙律，加入清爽嘅感覺，整個配搭都好開胃。慢煮鱸魚配橄欖醬，苦白菜同檸檬汁，苦白菜原來唔會苦嘅，幼幼滑滑嘅口感，鱸魚好新鮮，唔腥，配橄欖醬，味道香淳。甜品來一客 tiramisu, 好幼滑，餅底浸滿香甜咖啡酒，唔會太甜，味道剛剛好。店內環境氣氛好舒服，服務貼心，係好好嘅一次用餐體驗，值得一讚。

今日難得與很久都沒有見面的朋友聚會，打算找一間好環境的餐廳讓我們可以好好暢談一番。這間餐廳是經朋友介紹的，他說這裡服務好，環境棒食物又不錯，所以我們就決定這裡。一到達餐廳就看到門面很漂亮，十分有氣氛。進去後因為已經訂座了，便可以馬上安排我們到座位，餐廳裡面都佈置同樣很用心，簡直就像是置身在外國的環境。餐牌並沒有很複雜，而且Daily Special每天都不同，很有心思。點菜後店員就馬上送上麵包，並給你在碟中淋上橄欖油及黑醋。很快我們點的沙律到了，我們選的是Ceaser Saland with Chicken，沙律端上來雖然已拌上沙律醬，但吃起來還是爽脆清甜，原本對Ceaser  Saland沒有很大的好感，但是這個讓我改觀了。然後就是前菜，是脆炸小魷魚配蒜香辣番茄醬，魷魚炸得很酥脆，配上檸檬汁及醬汁吃起來並不會油膩，一口的尺寸真是讓人吃到不停。吃完前菜後，主菜也跟著來，這個吃完後我覺得很喜歡，這是手造寬蛋麵配三文魚肉醬，寬麵是用蛋造而且是餐廳自家制的，麵咬起來很有口感，三文魚肉醬是用番茄醬做底，番茄味道剛好，加上三文魚後美味又營養均衡。另外我們也選了另一款意粉，手造蛋麵伴牛仔肉醬及意大

La Taverna這個名字可能對香港人比較階生，但在遊客心中卻有一定位置。原來La Taverna是香港第一間意大利菜館，已有幾十年歷史，在Tripadvisor亦可見到來自不同國家的旅客對它的評價。最近有外國朋友來香港，指定想試這間老店，我這個東道主反而要由他帶路，實在有點汗顏。＊＊＊＊＊＊＊＊＊＊＊＊在海防道一進入亞士厘道左手邊，就是La Taverna。雖然之前很多次曾經到亞士厘道晚飯，但每次都會一直走而忽略了La Taverna。La Taverna說是在Ground Floor，正確一點應是Lower Ground Floor，因為甫進餐廳，先要下數級樓梯。低矮的樓底，加上帶懷舊感覺的木椅和木裝飾，令食客仿如置身歐洲的地窖餐廳一樣。細心一看，會發現餐廳內差不多每張枱都放上Reserved的牌子，因為晚上七時開始，不同國藉的食客就會到達，最後都幾乎滿座，而綜觀全晚，本地食客可能亦只有兩三枱。餐牌雖然不算特別豐富，但都包括了前菜、湯、沙律、小吃、薄餅、飯麵和主菜。點餐後，侍者先送上餐前麵包。麵包帶點微暖，質感不是比時香港人喜歡的軟綿綿，而是軟熟得來帶點粗鞋的，蘸上沙律醋吃味道都

之前係尖沙咀翻part time時，樓下呢間餐廳一直都好想試，但由於索價不菲啊，所以一直都未食。為慶祝朋友有靚offer，就決定食餐好！一坐低就有麵包籃，個麵包超重麵味，又脆，掂油醋食perfect!前菜叫左個雞肉凱薩沙拉 $128，入面有超香脆既煙肉粒，麵包粒，嫩滑雞肉，羅馬生菜，超大塊既芝士片同半熟溫泉蛋。感覺好足料，芝士帶咸香，加上脆卜卜既煙肉粒同撈左蛋汁既羅馬生菜超夾又滿足！另外仲有個炸魷魚 $128，炸粉好薄，魷魚又鮮甜，份量正常。最出眾係個sauce，甜酸甜酸超開胃！主菜就叫左個三文魚蕃茄闊條麵 $208。三文魚碎超多，應該重多過麵，幾新鮮，同蕃茄幾夾。個麵係手工麵所以好彈牙，雖然份量唔太多，但偏膩所以都夠食🤣另外一個叫 chicken involtini $268。係用煙肉包住芝士同雞肉，配上松露sauce黎整。呢個一定要趁熱食！一切會見到d芝士有d咇出黎😂煙肉偏咸，雞肉又嫩，整體口感超豐富！值得一食！最後就係signature dessert tiramisu $98，超重酒味，cream又勁滑！但要盡快食，唔係個手指餅會超快淋，淋左口感差好遠！