花月庭 (Closed)

好奈冇食自助餐，這餐廳曾經都食過都ok,今天突然想食buffet 就book咗，好可惜食物不夠新鮮也不太多種類，味道一般比想像中落差很大。兩人约900元食兩小時倒不如去食個靚中餐。

帝京酒店 - 花月庭做緊夏日「芒芒」嘅下午茶自助餐，但只做星期六同日。今日星期一同朋友聚會，酒店職員打嚟確認座位時，已通知我哋只有普通甜品嘅下午茶，連加一都只係$168，我哋都覺得可以試吓😃😍😍 所以都出乎意料之外嘅好，有簡單壽司，冷烏冬，又有少少鹹點 （飯、粉、炸雞件、三文治... ）最開心係連本嚟只做星期六日嘅台灣愛文芒嘅甜品都有👍🏻👍🏻 另有抹茶乳酪雪糕， 自製 pancake ... 飲品檸檬茶、檸檬水都可以任飲，3-5pm 2小時舒舒服服下午茶真係唔錯 💖夏日芒芒 由即日起至 2020年8月2日🗓

$200頭已經食到的酒店自助餐，真心抵食。如果係長者去，$195就已經食到。所以我同老婆去到的時候，我哋都發現到有好多公公婆婆。雖然有少少逼，但始終都係酒店，所以坐得都好舒服。食物款式勁多，多到食唔晒。有刺身，凍海鮮，熟食，甜品等。以咁嘅價錢，食物質素合格的，最啱同爸爸媽媽及細胃人仕去食。食少左都覺得浪費。我個人最鍾意食三文魚刺身，厚切牛扒，Movenpick雪糕，叉燒及海南雞。下次我約埋爸爸媽媽一齊去食餐勁嘅。PS: 豬腳薑真係好多人排，要食的話最少要排15分鐘！

好耐無食自助餐，見近排好多優惠， 勾起條癮 最後老公選左呢間，一於去試下。 一到埗發現排緊隊入場，比想像中多人場內座位非常多， 而且多長者， 後來先知長者食勁平， 唔使200蚊埋單。食物種類多，但是款式一般， 沒有什麼貴價的供選擇。 刺身算新鮮。 冷盤的蝦及青口一般。 也有海南雞、豬腳薑等等食。 飲品選擇少，基本上得咖啡茶同水飲。 甜品的選擇較多， 當中斑蘭蛋糕及雪糕較好食，雪糕是movepick 本身都有咁上下質素.我忍唔住食左2轉。 埋單lunch buffet是$228一人，都幾抵。

I was so excited to have the mango theme afternoon tea buffet, 🥭 is one of my favorite! However it is the worst buffet experience I ever had. From their arrangement to the food quality, nothing worth mentioning. It started from 3pm and we arrived sharp, the queue was so long and we waited for 15 minutes to get seated. I don't understand why they can't start the temperature measure earlier knowing so many people were waiting outside. Since I am here for mango dessert, I got a plate to try first.

這是母親節食的自助餐，現在才有時間寫評語。最近肺炎較穩定，突然想食自助餐，打電話預約，可惜晚飯已滿，也好改為下午茶餐！ 因肺炎關係，酒店衛生方面做得很好，基本入場時要用消毒液消毒雙手，取食物要帶口罩😷，台面上有塊膠板分隔。食物上有蓋子，感覺上也很衛生。 母親節正日當天，全場滿坐，因人數有限8人及有限距離，環境不太迫、也坐得舒服。雖然是下午茶，食物種類有很多選擇，尤其是甜品，時間也很充裕，這個價錢也物有所值👍🏻。另外有個小插曲，我有位小朋友不小心倒瀉水，服務員態度也非常好，還問我們身上有沒有濕，還遞上紙巾抹下！

在限聚令下，大家都避免不必要的娛樂和聚會。難得近日疫情有所改善，於是找個機會，跟久未見面的朋友們聚餐。而有甚麼比起吃自助餐更讓人盡興？今次我們和朋友相約到帝京酒店的花月庭吃自助晚餐，以瀛「脆」樂滿 Fun 為主題，主打日式美饌，更有雀巢 Kit Kat 朱古力主題甜品區，為晚餐開心助慶。為了保障食客健康，進餐廳前要先量度體溫，餐廳亦會提供消毒搓手液供客人使用。而每一桌限坐八個人，並設有隔板。對食客而言，最大的影響應該是提取食物時須佩戴口罩吧。而餐廳很細心，為每位客人準備了紙袋，作為暫放口罩之用。雖然會有些許不便，但為了食得安全放心，也是值得的。餐廳的大堂有一個畫上香港夜景的紫色背幕，背幕前方是一輛吸睛的 Kit Kat 巴士。成為打卡熱點。而取餐區的中央，是以 Kit Kat 朱古力為主題的甜品區。是今次自助餐的一大賣點。不過，甜品還是留到最後。作為前菜，沙律區的廿四個月西班牙風乾火腿值得推薦。而芝士的選擇比之前更豐富。重點攻略的部分，自然少不了刺身和冰鎮海鮮。雖然短期內沒法去日本旅行，但吃吃刺身，也算可以彌補那份對旅行的懷念。有三文魚、馬刀貝、八爪魚、油甘魚、鯛魚、吞拿魚等。冰鎮海鮮

見滙豐信用卡有6折，參考其他食評都幾好，所以閒日黎食lunch buffet自助餐12點開始，雖然係閒日，但都full house勁多人排隊，開始聞到伏味...由於勁多人，攞嘢食時都要帶口罩，同時要好快手，熱門食物好快就冇晒，但refill速度都算快，食物選擇就一般啦，味道亦係好一般...【冷盤】幾款沙律菜、煙三文魚、芝士、凍肉等【海鮮】基本嘢，有螺、蝦、青口等【刺生】三文魚、八爪魚等【小菜】冇海鮮、有雞牛豬肉、2-3款蔬菜等【熟食 】燒味有雞同叉燒，即切自己用細碟攞、有湯粉麵、即切牛扒/火腿扒等【甜品】款式最多，中式有豆腐花、仙草、腐竹糖水等，西式有cake、waffle、各式布甸糕點等等【飲品】熱/凍檸茶/水、咖啡後尾發現，原來星期一至五長者有優惠，所以好多食客都係上咗年紀嘅。整體性價比一般，lunch呢個價錢可以食好啲，唔會再黎😑味道：⭐️⭐️⭐️環境：⭐️⭐️⭐️服務：⭐️⭐️⭐️⭐️冷盤：蔬菜：燒味：粉麵：熱食：海鮮：甜品：

Buffet一向深受大眾歡迎，早前的疫情加上媒體的報導，的確令好多人卻步，但近見情況稍為放緩，各大小酒店開始試水溫，由訂價到衛生都盡量做足，其實大家都不想功虧一簣。旺角帝京酒店「花月庭」餐廳，由於地點適中，而且食物種類繁多，積存的爆發力實在驚人，難怪是晚就算是平日，都竟然爆滿，人頭湧湧的情況，真的少見。但有一點值得一提，本身餐廳職員會主動提醒客人戴上口罩，但現場所見，大部份人都會自律，偶爾一兩位，都是稍一疏忽。生蠔家陣自助餐有新鮮生蠔供應已經好難得，仲有美國及法國兩款選擇，加上即開，係疫情肆虐下，大家的確要更加注重衛生。牛油芝士汁火炙龍蝦蒸熟後蓋上牛油芝士汁，再用火槍炙過，帶出了蝦肉的甜美，我鍾意。明太子帆立貝北海燒一客帆立貝肥大肉厚，烤得好香口，但可惜每位客人只得一份。香煎鴨肝配蘋果蓉醬又是一個亮點，充滿了油香的鴨肝外層微脆，口感甚佳。沙律醬燒一字骨食一兩件會好惹味，但太多又會覺得好膩。海南雞飯好出奇，幾間同集團的出品都保持水準，雞肉嫩滑不在話下，連雞皮下的Jelly都滿有油香，但雞油飯今次就有點乾身。海鮮 有加拿大翡翠螺、雪花蟹爪、藍青口、海蝦及新西蘭青口，其實質素一向有

見午餐自助餐幾抵食，試一試佢。老實講食物既種類唔算多，但勝在大部分食物都有一定既水準。而環境都幾乾淨企理，坐得幾舒服，但攞野食既空間就有少少擠逼。食物普遍都好新鮮，尤其係生蠔，生蠔係即開咁供應，有分法國同美國兩種，每次每人只限取兩隻，生蠔尺寸比較細，但鮮味十足，食到既每隻都好飽滿，有淡淡海水味同金屬味，可惜每次排生蠔都好多人，每次都要等大約5-10分鐘先拎到一轉。除咗熟食，甜品款式都幾多，每樣都各有特色又好味，啱晒鍾意食甜品嘅人，一次過可以試好多唔同嘅款。整體而言，午餐自助餐既食物夠新鮮，甜品種類豐富，環境唔錯。

自助餐迷應該等左好耐，自疫情開始，個個都話好耐冇食過自助餐，疫情開始緩和，好多自助餐都已經回歸咗，其中大受歡迎嘅花月庭亦都番左黎啦。花月庭成日都有好多唔同嘅主題，每次都好令人深刻，今次都唔例外。唔知呢度有幾多喺雀巢® KIT KAT®迷，通常好少以朱古力來做自助餐主題，下午茶用朱古力做主題你一定見得多，但自助餐真係提起我無限興趣和想像，不如帶大家睇下有乜好食啦。前排寫海洋公園自助餐，網友即刻問有冇即開生蠔，如果你都係生蠔嘅愛好者呢度絕對啱你，即點即開夠新鮮，而且都幾大隻， 雀巢® KIT KAT®主題外，一定不能錯過又可以令你滿意嘅，一定係生蠔。而呢度嘅海鮮陣容絕對冇令人失望，同樣係食番高質素嘅多種不同海鮮，由於今次想主打講新菜式，今次唔講凍海鮮了。當然也不能錯過這裏的刺身，煙三文魚，壽司也不錯，但當然要留位，就食刺身算啦。講番特別今次先有嘅菜式，滋賀縣去過一次，都唔知呢度嘅米原來好出名，松葉蟹膏雜炊用上日本米為主題，係你面前用龍蝦湯混合松葉蟹膏做一個雜炊 ，仲要加上好多好正嘅海鮮例如帶子、龍躉、大蝦同埋松葉蟹肉，點解要講咁多因為如果見到個賣相你就咁食可能會Miss，因為個樣睇完，你以

2019年山頂開左間大富翁館，參觀完會送張酒店自助餐7折券，當時酒店亦都做緊大富翁自助餐聯成，即興當晚walk-in後備入到去食😄Yeah🎉🎉一入去已經有大富翁裝飾比客人打卡影相，食物方面都有好多大富翁設計嘅款式，例如地圖版、棋子、$500蛋糕🎂等多數都係甜品，像真度極高好似放大左d玩具咁！🔍食物方面其實都係正常自助餐冇咩特別，坊間有太多自助餐啦，好多都大同小異，今次都係有主題自助餐先會去食，最緊要食得開心就夠啦😁😁

隨著疫情有所緩和，不少酒店的自助餐己陸續重投服務，當中大部份變成放題形式，而真正自己出去攞既Buffet，並不多。帝京酒店既花月庭，大概是少數真自助餐的經營者。安全措施肯定做到足，入場前量體溫及搓手是必然事，每次出去攞嘢食都要戴上口罩，食物全蓋上了蓋，好讓大家吃得放心。出去兜個圈睇下有無咩唔同? 最受歡迎的生蠔依舊存在，美國產地巨大肉爽，可能是太耐無食buffet，感覺特別滿足。蟹腳、凍蝦、翡翠螺及青口等凍海鮮，拿一大碟回去與各位分差同味，蟹腳與龍蝦鉗自然是最搶手的一項目。熱食選擇豐富，除了每人會有一份的邪惡甘香鵝肝多士，以及香噴噴的焗龍蝦外，還有各式惹味串燒、天婦羅、吉列豬扒、澳洲和牛腰肉、香煎比目魚、檸檬燒春雞，燴牛肋條、川味豬手等，總的水準比預期好，每樣吃一點已十分滿足。凡惠顧星期一至四全時段自助晚餐的，每人會額外獲贈一隻明太子帆立貝北海燒，很惹味的一款，帶子質感又細嫩。每次來花月庭必吃的海南雞飯，今云我都沒有錯過。雖然由以往廚師砌靚俾你，變成自助形式，卻無損美味，保持一貫水準。燒豬腩肉、燒牛肉和燒羊架交替出場，食肉獸既筆者表示好唔得閒。刺身與壽司，是以前我或許會略過的項目，但當

人很多，座位較迫，枱與枱之間不夠距離，食物很快沽清，但是都會補充的。去的都是食貨的人。有奇怪的女人不停忘記戴口罩，侍應會急忙提示，服務態度很好，就是人多。不明白坐滿人都沒超出限聚令