Read full review
2020-06-10
13877 views
自助餐迷應該等左好耐，自疫情開始，個個都話好耐冇食過自助餐，疫情開始緩和，好多自助餐都已經回歸咗，其中大受歡迎嘅花月庭亦都番左黎啦。花月庭成日都有好多唔同嘅主題，每次都好令人深刻，今次都唔例外。唔知呢度有幾多喺雀巢® KIT KAT®迷，通常好少以朱古力來做自助餐主題，下午茶用朱古力做主題你一定見得多，但自助餐真係提起我無限興趣和想像，不如帶大家睇下有乜好食啦。前排寫海洋公園自助餐，網友即刻問有冇即開生蠔，如果你都係生蠔嘅愛好者呢度絕對啱你，即點即開夠新鮮，而且都幾大隻， 雀巢® KIT KAT®主題外，一定不能錯過又可以令你滿意嘅，一定係生蠔。而呢度嘅海鮮陣容絕對冇令人失望，同樣係食番高質素嘅多種不同海鮮，由於今次想主打講新菜式，今次唔講凍海鮮了。當然也不能錯過這裏的刺身，煙三文魚，壽司也不錯，但當然要留位，就食刺身算啦。講番特別今次先有嘅菜式，滋賀縣去過一次，都唔知呢度嘅米原來好出名，松葉蟹膏雜炊用上日本米為主題，係你面前用龍蝦湯混合松葉蟹膏做一個雜炊 ，仲要加上好多好正嘅海鮮例如帶子、龍躉、大蝦同埋松葉蟹肉，點解要講咁多因為如果見到個賣相你就咁食可能會Miss，因為個樣睇完，你以
花月庭成日都有好多唔同嘅主題，每次都好令人深刻，今次都唔例外。唔知呢度有幾多喺雀巢® KIT KAT®迷，通常好少以朱古力來做自助餐主題，下午茶用朱古力做主題你一定見得多，但自助餐真係提起我無限興趣和想像，不如帶大家睇下有乜好食啦。
前排寫海洋公園自助餐，網友即刻問有冇即開生蠔，如果你都係生蠔嘅愛好者呢度絕對啱你，即點即開夠新鮮，而且都幾大隻， 雀巢® KIT KAT®主題外，一定不能錯過又可以令你滿意嘅，一定係生蠔。
而呢度嘅海鮮陣容絕對冇令人失望，同樣係食番高質素嘅多種不同海鮮，由於今次想主打講新菜式，今次唔講凍海鮮了。
當然也不能錯過這裏的刺身，煙三文魚，壽司也不錯，但當然要留位，就食刺身算啦。
講番特別今次先有嘅菜式，滋賀縣去過一次，都唔知呢度嘅米原來好出名，松葉蟹膏雜炊用上日本米為主題，係你面前用龍蝦湯混合松葉蟹膏做一個雜炊 ，仲要加上好多好正嘅海鮮例如帶子、龍躉、大蝦同埋松葉蟹肉，點解要講咁多因為如果見到個賣相你就咁食可能會Miss，因為個樣睇完，你以為係普通料，但實在足料又好食。
爐端燒係呢度嘅出名之作，火炙龍蝦其實每次嚟到都必食，加拿大嘅龍蝦當然爽甜又彈牙，加上牛油和芝士同火焰拼湊出的醬汁交響樂，冇人會抗拒。
可能你以為 KIT KAT®一定主要係食甜品多但係呢度竟然有一個用朱古力元素入撰嘅美食，就係谷咕牛肋條。將牛筋條加入雜菜同秘製醬汁煮到腍哂之後，再加谷咕粉，吃下去即刻會有可可香味，個醬汁非常特別，基本上即刻會想用嚟撈飯食，我用上海南雞飯嘅飯返嚟撈，感覺更有趣。
星期一到四嘅晚上每位更額外附送一盒明太子帆立貝北海燒，又係勁大隻嘅份量，又有好開胃嘅明太子汁，可惜，每位只得一隻。
最後，熟食方面另外一個最特別嘅一定係以澳洲M5和牛為主角嘅板燒澳洲M5和牛D-Rump，用上牛嘅腰脊部位，脂肪比例冇咁高，又係即叫即煎，肉汁滿滿，睇住師傅煎已經吞晒口水。
講熟食，當然還有鴨肝多士，係回本之作。
其實還有好多熟食也不錯，例如即場煮嘅烏冬，粉絲蜆，雲吞雞，片皮鴨，燒雞等等，只怕你冇位不到。
相信甜品係朱古力迷最愛之作，限定雀巢® KIT KAT®主題甜品區，各款蛋糕造型玩味十足，美味又可愛，最緊要夠趣又夠脆。
全部都好靚好有特色，特別係 KIT KAT®造型，見到點會唔興奮。
搶鏡的巴西莓朱古力慕絲愛情用上朱古力忌廉加上戚風蛋糕，中間再給藍莓同巴西莓慕絲味道，甜甜地又酸酸地，開胃。
呢個巨型 KIT KAT®朱古力條，總共大約17吋長，係最巨型最有玩味之作，以芙娜(Valrhona)的66% Alpaco朱古力為軸心，蛋糕加上朱古力松露軟心，榛子曲奇脆夾心加海棉蛋糕，吃下去鬆軟同香脆兩層口味無間斷為你送上。
其他的朱古力草莓忌廉蛋糕 、紅桑子朱古力蛋糕 、芒果朱古力千層酥、紅寶石草莓慕絲蛋糕、抹茶柚子白朱古力撻、香橙紙杯蛋糕，全部都美不勝收，爭妍鬥麗，愛甜品嘅一定可以食得好愉快。
所有愛自助餐嘅朋友，如果你餓左好耐自助餐，以呢個為序幕絕對不錯，供應期到七月底，想食就快啲訂位啦。
花月庭
旺角太子道西193號帝京酒店2樓
Post
