麵屋黑岩

Open Now

Now Closed

放工去開深水埗，搵緊附近有咩好食嘅時候碌到呢間一開始離遠見到外面有棚架，以為裝修緊無得食鋪入面燈光偏暗，亦唔算多人，本身係無抱好大期望的叫咗個海老拉麵，湯底算濃，個人嚟講覺得有少少鹹，但係味道幾好去開嗰頭可以試下👍🏻

一陣子沒吃拉麵，就選了這家大排長龍的拉麵店來解饞，真心冇令我失望！先來說說這碗鰹魚拉麵，湯底夠喉夠味，飲一口已經覺得暖笠笠，面條又夠彈牙，叉燒肉得嚟肥瘦適中，燒得香口，真係令人垂涎三尺😋。接著海老拉麵，湯底的櫻花蝦味重到令人停不下來，與那彈滑的溏心蛋相得益彰，一言難盡嘅美味！最後，唐揚雞肉外脆內嫩，好過癮，總體來講，這次的食記真係一個大滿足。無論你係拉麵控定係想嘗新口味，都應該黎試下，相信你點都會愛上呢碗滿滿人情味嘅拉麵🍜👍👅！

✨今天晚上我們二位來到位於深水埗的一間高人氣和高評分的日式料理餐廳💞它就是麵屋黑岩✨今天餐廳環境十分寧靜，今天人並不太多，老闆們也非常有禮貌，令我們食得好開心😆坐得又舒服🥰一定會來再食過💕✨餐廳有很多不同口味的拉麵，例如原味，海老，咖喱，黑蒜，辛辣，醬油，鰹魚，蟹肉等，更有廚師發辨的拉麵☺️✨今天我們二位選擇了不同的拉麵和小食，現在就讓我介紹一下吧✨1️⃣原味拉麵✨湯底濃厚，薄身的豚肉又唔肥👍👍2️⃣海老拉麵✨這碗拉麵追加了溏心蛋，叉燒，紫菜。配搭著厚切的叉燒，口感十足，麵可以自行選擇軟硬度👍中意食淋啲又得，爽口啲又得👍湯底濃味好正☺️3️⃣日式炸餃子(五件)✨這一淡咬落去，好香脆好多餡，淡淡都係肉呢🥰4️⃣章魚小丸子✨即叫即製，用心製作，熱辣辣上碟，掂😆5️⃣唐揚雞肉✨每一件都是大大塊的雞肉👍👍💕整體這間日本餐廳可以下次再來和介紹更多朋友們來食吧😆📍麵屋黑岩📍深水埗長沙灣道219號地舖

🎀深水埗。湯底濃厚日式拉麵店🍜🎀🪄店名* #麵屋黑岩🔮地址*深水埗長沙灣道219號地下 🔮🗾分店地區🗾 沒有分店💰價錢$231 已加一(2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_深水埗剩系食呢一類👉食物類型搜尋🔍🍜#pickyme_拉麵➖➖➖➖➖➖➖➖➖➖➖➖➖🎵餐廳環境🎵有一段時間無食拉麵 甘岩見到有人介紹呢間好食 經過舖頭都見到幾吸引 同埋爆場 一於去試下😝店面裝修十分日系 都係以木調為主 掛上紅色大燈籠 十分搶眼 舖頭位置不算太多 大約坐到十枱左右 我地坐果張枱岩岩好可以擺到兩碗拉麵同一碟小食🤣🍽️食物質素🍽️個人覺得味道不錯 肉質肥瘦均勻 而且有兩大片 好淋身 湯底亦都夠濃厚 但唔會飲到好口渴 不過略嫌拉麵較粗身 我會比較中意食幼身拉麵(類似一蘭) 所以我都食唔曬一碗🤣因為份量極多 特別推介可以試下佢地既小食😋提提大家 本身見到餐牌 小食好小選擇 點知掃QRcode果陣見到原來仲有好多無list出黎😯建議舖頭可以快d更新下個餐牌拉🤣👀評分💖💖💖💖🪄辛辣拉麵(火炙叉燒)$80呢碗唔係我叫 所以我不作太多評論 但係進食人士表示幾好味 我見到都係湯

今日落左深水埗好近地鐵站 位於大街既拉麵店網上見人地寫服務好好喎但感覺除左門口個拉麵叔叔比較好客之外又冇覺得太好水同紙巾都要問先提供😗呢樣有點不足不過都係食物緊要d😜叫左海老豚骨拉麵🍜午市會有飲品/小食送~拉麵好靚好多既櫻花蝦 應該算個人食過既 比得最重手既一碗海老濃鮮 味道鹹香蝦油既存在感頗高整體感覺係有d油膩但味道上頗完整既海老豚骨👏🏻豚骨既濃厚感亦不乏老派既拉麵湯頭味道但真係好食既點睛既係塊慢煮豚肩肉煙燻既味道好重令我覺得似食緊漢堡扒味既叉燒🤣肉質實在肉香仲好足 呢個真心讚👍🏻👍🏻👍🏻完全唔會被濃郁既湯頭蓋過肉味👏🏻麵質有彈性有嚼勁夠掛湯 加上櫻花蝦滿滿每口都食到既蝦子鮮味配料只有蔥花感覺豚肉同櫻花蝦係主角如果多d料會更好畢竟價格亦屬中高整體都蠻不錯呢會係間有信心保證既拉麵店

同男朋友平日到訪拉麵店，唔使排隊。拉麵店環境舒適，服務員態度好好，會keep住問吓食客感想，又會主動加水(佢寫要自己加水）男朋友叫咗一碗期間限定拉麵 — 咖哩拉麵佢加咗一隻糖心蛋，所以睇落咁豐富咖喱湯底好食，濃咖喱味，但湯嘅質感唔算好杰佢面頭嘅薯片有啲好笑海老拉麵正常發揮，叉燒好食，滑身又香口，肥瘦比例都好均勻湯底有好多櫻花蝦，好香好食😚不過當日加咗份小食，叫咗一碟雞，雞有啲酸酸哋，唔知係咪變壞咗🥹 服務員都好好，係咁問要唔要換小食

-呢一區較如果想食拉麵，就會去呢一間，呢一間比較似正宗日式拉麵。湯底方面超級濃郁豚肉湯底，偏向重口味，食完一定會好口渴，湯表面上一定多油，所以要食開重口味嘅你哋先至啱食。今次點了海老拉麵 & 黑蒜醬油拉麵個湯底係一樣，海老加咗櫻花蝦，加咗櫻花蝦整個湯底嘅層次會有所提升，一個整體都係超超超超咸。麵底就一般般冇乜特別。反而我欣賞火炙叉燒，首先，選用超級肥美叉燒，火炙將當中嘅油脂釋放，入口即溶，雖然好邪惡，但好好食！如果唔怕重口味可以一食！-

老顧客幫襯左5次up😂今次的起心肝出下食評～個人推介海老拉面呢一款加底👌🏻因為鍾意食偏濃既口味，每次黎都一定係叫海老呢一款，櫻花蝦米出黎效果非常咸香惹味😋另外可以自選叉燒或肩肉😋每片都厚厚的，但我個人是推介選叉燒～肥瘦度剛好又唔會太油膩。原隻溏心蛋生熟度岩岩好🥚麵底係正常拉麵既粗幼度。對比其他地區食既拉麵，下下都$100up一碗仲要勁少料，有時仲要連半隻雞蛋都冇或者得一片肉😥真心呢個價位都算係咁了，但唯一唔好就真係樓面店員既態度確實係不太友好。但除此以外，過開去深水埗區都係會再去的🤭真心好食CP值高既拉麵🍜

普通拉麵簡「慢煮叉燒」的話正常會跟2塊叉燒。叫左個加大套餐（紫菜，叉燒，蛋），諗住食多塊叉燒拉。點知黎到得1塊慢煮，1塊火灸，total 2塊。問佢點解明明加大左都同冇加大既一樣，得2塊叉燒，個staff 話因為火灸叉燒厚過慢煮，所以原本簡左慢煮既2塊會減一塊，話係公司policy，真係吹漲。個logic 完全錯晒。比extra錢要個加大套餐就係想食多啲，點知連原本應有既份量被剝削，真心_9！仲有，雖然未去到嬲但都想講…我同朋友2個人12:30左右去到，完全冇客人。佢叫我坐兩個人位勁逼勁窄，明明仲有好多位。好聲好氣問佢可唔可以坐四個人位，佢就話因為中午繁忙時間所以要留位。咁我就話如果一陣真係有好多人嘅話先轉枱，之後就被西面。但其實我食完走咗佢間舖頭都係冇客人嚟。 呢個都算，最嬲真係佢個搵笨加大套餐！

同個囝去食一人叫一碗下午茶餐，好難食，送既炸物小食完全唔熱又淋，每人食左半碗有野落肚就算，男服務員態度ok，廚房2個女人，不值一提服務，無服務可言，個囝一出黎就講以後唔好黎食

𓌉◯𓇋【深水埗 麵屋黑岩】上次去深水埗一心一意諗住食丸京，點知佢突發性休息😑😑打開open rice 見到附近呢間黑岩好評甚多，將錯就錯試一試▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀ 黑蒜拉麵〔$82〕拉麵共有七項選擇，但感覺都係換湯唔換藥，叉燒可選擇炙燒同慢煮豬肩，麵質可以選擇軟硬度，若然抗拒蔥類亦可選擇椰菜，非常彈性！我選擇硬麵、火炙叉燒，等候時間大約10幾分鐘，對於拉麵而言等候時間有點長。 拉麵上枱賣相唔錯，但一試之下就….首先Order 硬麵，但麵條明顯已經浸軟，重鹼味，而且湯頭唔熱，應該係店員煮好拉麵，落埋湯再去燒叉燒湯底蒜味還好，但極極極咸，一向食拉麵會飲湯既我完全無從入口肥瘦適中既腩肉叉燒係唯一成功之處❀加配 紫菜、味玉、叉燒 〔$20〕三樣野共加配$20 都ok, 叉燒係火炙叉燒，而朋友碗麵選擇慢煮豬肩再加配亦都係配腩肉叉燒，味玉有味而熟度剛剛好❀唐揚雞 〔午市加配+$5〕有1.5 件，味道冇咩好投訴▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃埋單之際，發現男店員兼顧上菜、煮麵、插飲管、收銀、收拾、以至洗碗，雖然全能，但手上手套從一而終，衛生問題堪

見到禁多好評，愛食拉麵既我又見近近地當然唔會錯過，點都食左先講入門口，無人招呼，自己搵位坐，坐完先有人問你幾多位，仲要係無乜禮貌果隻我揀左最受大眾歡迎既櫻花蝦拉麵加$20大盛（紫菜、蛋、叉燒）揀左火炙叉燒如圖湯底還好，有滿滿既櫻花蝦叉燒算係有驚喜，好淋，唔算好肥拉麵無特別，份量正常最失望係隻蛋，佢同普通係屋企自己煮既白烚流心蛋無分別，而且仲要係你加錢先有得食最後，如要飲水要自己倒，另外叫野飲，最平都要$9蚊支仲要係細枝裝既汽水無咩服務，但全單會收你9%服務費🤣收完錢連基本禮貌多謝都無句總結，可以試但唔好抱太大期望，性價比低，接受唔到無服務既應該會幾燥底

麵屋黑岩地址: 深水埗長沙灣道219號地下#yauyau_深水埗以前打波嚟食過一次覺得好好味，價錢又ok，五年後再番嚟食都覺得好好味，出咗名都冇差咗，值得大家去食番碗。🍲🍤海老蝦湯接麵 $82 + 加底$20我叫咗加底，佢有多一隻糖心蛋，一塊叉燒同埋一塊紫菜，個湯底又好重蝦米味，係濃到會有少少甘甘呼呼地嘅口感，整得相當之濃郁厚身，拉麵亦都好掛湯，連埋我一路食一路飲少少，最尾都係得返好少湯係底，佢隻蛋有一個好出色嘅糖心，蛋白全熟，只有個蛋黃會留一啲半熟蛋液出嚟，咬一啖就成個口都係蛋黃香味。佢嘅叉燒都有好認真咁樣燒過，食落超香，油脂同肉比例好靚，甘香鬆化。🍲🍲辛辣味拉麵 $80叉燒同個面，就同上面嘅形容一樣。佢嘅辛辣湯底精華係在於中間嗰一堆肉醬，食入口好香辣味，有一種七味粉嘅鮮香，但係又唔同米線舖種辣味，係種比較清新嘅辣，即係辣得來想繼續食你會想飲水，但係呢佢係唔需要飲水，你都好可以繼續享受住嗰種辣度到繼續食落去。味道: 4.2/5服務: 3.5/5環境: 3.5/5番兜: 4.2/5#深水埗美食 #美食 #好吃 #instafood #foodstagram #foodphotograp

好耐無食過拉麵🍜心血來潮想食一下首先揀咗湯底先😌 叉燒可以慢煮肩肉同火炙叉燒二選一，配菜可以揀蔥或者椰菜辛辣/慢煮肩肉/椰菜 $80追加 紫菜，溏心蛋，叉燒 +$20食頭幾啖覺得辣到都可以接受，之後會越食越辣🤪肩肉好淋，仲有少少入口即溶嘅感覺唔多拉麵店可以轉椰菜，所以都即刻轉一轉爽口嘅椰菜配彈牙嘅拉麵，口感好豐富海老/火炙叉燒/蔥 $82櫻花蝦嘅份量超級多😍 湯底熬得十分濃郁火炙叉燒好厚身👍汁煮蘿蔔 $12用鏗魚汁煮到啲蘿蔔入曬味除左拉麵，餐廳仲有幾款唔同嘅小食比大家追加，仲有日本生啤🍺 唔係淨食拉麵咁齋

本人首次光顧呢間店舖，但將會係一生中一個最難受的一次用餐體驗。本人跟友人各點一碗拉麵，首先入黎淨係問你幾位，我地睇完餐牌諗住下單，店舖態度怠慢，完全冇提過話用qr code落，要人問先講。上餐速度正常，拉麵麵質正常，但湯底偏咸，最原味個款都係偏咸同好油膩，約夜晚8點幾光顧，本人同友人事前根本唔知道呢間店舖收2100，落單店員完全冇提及過，又冇講用餐時限，本人慢慢食，食到咁上下店員開始收走友人既碗盤，但本人仍然進食中，後期一放下筷子，個女店員竟然問我「你唔要架喇嗎？」，趕我同友人走，態度又西又串，仲揶揄人話佢地店舖就黎收廚房要洗碗咁，阻佢收工，又話「通常拉麵食好快，唔會搞到d麵發晒先食」，我從來食飯未受咁既氣，「要食下次早點黎」，大佬我們點知道你收2100，其實落單可以提醒客人，或者明確標示用餐時限，店家都可以選擇唔接order，last order過左，客人又唔一定要幫襯，店家都無權規範客人中意d麵浸淋少少咁食定即刻食晒，口味人人唔同。如果事先樣樣列明及提醒，就可以避免事情的發生，大佬幫襯你仲要受氣，呢d店舖幫襯之前諗一諗，我就唔諗，一定無下次。如果香港得佢一間拉麵館，我會寧願以後唔食