熊本日本料理 (Closed)

放工諗住求其搵嘢食，lee間日本菜經過好多次，今次一於試吓先！前菜個螺肉雪左好耐，d 醬好杰！放工要飲杯放鬆下心情完全唔掂嘅生蠔，個殼仲要開到碎左從來未食過咁難食嘅雞軟骨又乾又冇味嘅燒粟米，佢見我食剩半條，問我點解我解釋咗之後佢幫我取消左條粟米呢條叫做網池魚，都OK啦呢條叫做依左木，但係我明明食緊活魚刺身，竟然唔見咗個頭同條骨，完全冇賣相手卷可以接受真係要推介呢個，呢個係用我哋嗰兩條刺身魚嘅骨煲成嘅魚湯烏冬，全餐最好味的！完全中伏冇下次😤

呢間垃圾日本餐廳不知所謂，大家真的不好中伏，吾會再去食第二次因為服務極之差，叫咗嗰waiter 過來點菜叫咗好耐扮聽吾到，真系想開咪叫佢再加兩句粗口食品方面就更差，吾新鮮，食完痾咗幾次，幫我洗腸差d要入急症室而且價錢亦很貴，不值得這個價錢，浪費金錢，浪費時閒，沒有一樣買㸃使我會再再返轉頭去呢間餐廳食如果用這個價錢可以行過小小去返吉之島嗰邊搵嘢食，吾洗食d垃圾入嗰口。大家真系試都吾好試，無謂要搞到腸病毒感染或入醫院

本人是第1次寫食評,如寫得唔好,請見諒。(其實只是有感而發,唔知會唔會再寫~哈哈哈)尋晚放工約同同事去荃灣正宗打邊爐,但有人去到門口突然轉軚想食壽司(其實我較鍾情日本菜),所以去左隔離間日本餐廳。8:30左右,剛好有人走唔洗等位,坐底後有位好好服務女侍應,介紹左當晚推介(我覺得現在很小這類服務,可能我較小去高級餐廳)。我和同事是順得人,隋便就要了幾款那女侍應推介的菜‧我平時無相機食先習慣,所以食品來到只即時開動,但當第一碟菜"秋刀魚剌身"來到,同事們那誇張表情,不停連拍,影響我都參與一份,其實唔單指外外觀,味道更是無想像過,鮮甜唔腥,接著三文魚/牡丹蝦都ok,,反宜我覺得天婦羅和串燒,質素可比美尖沙咀一D日本餐,好好食,最後是魚湯稻庭烏冬,真是好好好食,無味精,唔太鹹‧這是我在近年食過的餐廳中,教想表揚的(有服務,食品有質素,裝修有日本氣氛),下星期會再食

早幾日女朋友想食日本野 行過見到尼間日本野好似好多人 睇完menu又覺得唔錯就入左去試下. 入到去個waiter比左前菜我地之後就介紹一d飛機魚同熟食 waiter好有心機介紹每種唔同既魚同推薦食品 之後最尾叫左個魚湯稻庭同一條秋刀魚同埋其他野食. 未試過秋刀魚既刺身 點知食落再加埋個汁 個味道好正 估唔到個味會咁特別. 個魚湯稻庭個湯底勁正 濃度岩岩好 d烏冬完全吸哂個湯. 最後連d湯都飲哂 好記得個串燒牛舌,好好食 真係無得輸 又多汁 好正. 總括黎講尼間野值得再黎試下佢d飛機魚刺身 夠特別. Waiter服務夠nice 唔怕麻煩. 值得再試

為呢餐飯寫人生第一個食評，因為真係唔明師傅點樣可以將咁樣嘅魚生俾客食。叫左生蠔6隻$138，燒牛舌，竹壽司併盤$138，油甘魚刺身。有個小小前菜，幾粒八爪魚，唔夠凍，感覺其實不太好。但無諗過可能係雪櫃唔夠凍。生蠔ok，有少少鞋口，因為2x元一隻，都無咩要求，但求乾淨。燒牛舌幾好食！可惜我唔會再幫襯。油甘魚刺身，無記錯$6x-7x，份量正常，有四五舊，咁都無expect 佢嘅質素係有其他地方食過嘅70元兩片厚切咁，但呢個刺身其實係個樣都唔新鮮，有啲霉嘅色，好似雪櫃唔夠凍一樣咁淋同會pat落黎，一開始都有懷疑，夾左一舊聞一聞，散發住少少霉左壞左嘅肉味，試左一舊，都係有怪味同肉質有啲霉霉。所以最後叫侍應check1check, 我係好易肚屙嘅人，唔新鮮真係唔能夠食落去。佢最後話唔啱食可以收左佢，唔收錢。但係無用喇，點解一間有咁多刺身賣嘅日本餐廳可以唔理刺身嘅質素就拎出黎俾客人食?! 師傅日日對住的魚生，唔會睇唔出佢有啲霉掛？雪櫃唔夠凍咪唔好賣魚生住囉....另外嗰盤竹壽司併盤，因為係最平嗰款?-_- 睇落個樣都係唔太新鮮唔吸引，個色好暗淡，三文魚同魚子最正常，另外有幾款我有聞一聞過，有陣味，

裝修後既熊本一直未來過，今日諗唔到食咩就再次來幫襯下，呢間荃灣唯一一間日本料理小店係荃灣區算係較有水準既日本餐廳，每星期空運不同既日本海產來港，質素都唔錯，侍應服務好好一開始就先講解詳細有咩空運到港既海產，服務態度非常有禮貌，介紹完就會走開等你有時間自己慢慢考慮食d咩，今日生蠔買2送2就先黎4隻white pearl生蠔，好新鮮亦好肥美帶有小小海水味, 唔錯。切角刺身沙律一樣新鮮, 每粒刺新都大大粒並非切頭切尾的殘餘部份，除左刺身粒，仲有青瓜粒及日式蛋粒，個日式沙律汁都好開胃。海膽壽司甜甜地唔腥但紫菜淋左就扣返少少分啦，大鰭壽司係空運到港之一既海產，味道咸咸地有d似沙甸魚都ok。牛油果軟殼蟹反卷d牛油果好新鮮但軟殼蟹份量略為小d同唔脆口。鰻魚抄飯就抄幾好食，鰻魚都好夠份量。正體都keep到水準，宜服務都非常好，會不停加茶，收碟速度都很快，但裝修前既餐牌已經換左，之前好好食既豬骨湯拉麵同一d日式飯定食都無左，有d失望左少少啦。

揀左呢度慶祝母親節，食個晚飯氹下老母開心，舖面唔係大，但人家幾口過尼食一定無問題，燈光暗暗地都叫有啲氣氛。但無諗到今日爆哂場都咁好招呼，食左兩個鐘，侍應主動加茶加左六七次，招呼好禮貌，我屋企人都唔該前唔該後，熱情不能拒絕！先來個海膽炒飯，出貨唔耐，堅係食到隻海膽，唔係好似有啲場搞到成個海膽汁炒飯咁，絕對係驚喜，阿媽問炒飯點解唔係乾到好似金鑲銀咁？等等！海膽干真係唔敢想像！但阿媽其實 no complaints，好奇問姐！結果佢係滿足架！仲食左個原條魚，我走去問問刺身吧台… 話四個人食想多啲肉，幾多budget咁，佢都一隻一隻介紹畀我聽，邊種口感好邊種魚味重，都係服待方面拎分，佢就推池魚既，但貪肉多既關係最後我食左個叫咩“彷彿魚”，見佢個樣都眼睛雪亮，得哂！池魚就下次啦！最後食左8款刺身拼盤，壽司拼盤，啲野係到位，特別個海膽唔係出面放題場賣埋啲無味海膽，但阿媽反而鍾意佢個蟹子青瓜沙律，我就鍾意清酒煮蜆，啲蜆都唔係細，好多昆布，我自己都飲左三碗湯。埋單一千頭啦，出左門口我老母仲望住個門口話呢間野叫咩名，有得返轉頭！下次食飯唔洗諗咁煩！

It's happy Friday!!平時放工都會經過, 今日就來試一試餐廳空間不是很大, 但裝潢不錯我和老公兩個人叫左 三文魚刺身 (我不吃sashimi)另外還叫一個 三文魚頭豆腐鍋 $108湯很鮮甜,味濃 ok總括來講 這家kumamoto 還是做的不錯, 有心思, 價錢可接受, 值得一試.

本人絕對不會再去此店！尤期個高妹待應超串！嚟錯order仲係後面eeoo我已經無叫佢換。埋單$275...我比卡…佢即時話$350先收卡…語氣毫不客氣！基本服務差、食品好一般！拉面林、食材太老、壽司飯太乾

同一D好耐無見既老朋友食飯，大家都愛好日本野，而荃灣好多間日本菜都食過哂，今次就試下搵D新野，呢個野係我平時經過見到個MENU 都唔錯，於是提議不如試下呢個啦，咁朋友無意見咁於是就訂位，我地有6個人，餐廳方面就比左間房我地，地方非常寬敞，而且好乾淨企理，朋友到齊後就立即點餐，點左D大路野，刺身拼盤，炸物，燒雞泡魚干，壽司拼盤，煎餃子，三文魚湯烏冬，再另外加D三文魚刺身同三文魚壽司，係FACEBOOK LIKE 左個PAGE仲送埋野飲。等左一陣D食物開始陸續送到，第一樣黎既係炸天婦羅，天婦羅岩岩新鮮炸起，非常香脆，之後就黎左個刺身拼盤，刺身厚切，非常肥美，由其是個海贍，好鮮甜美味，壽司方面不過不失，所有個D餃子，雞翼都是新鮮炸起，熱辣辣，值得一提的是個三文魚湯烏冬，因為本人非常討厭魚腥味，但呢個湯烏冬就完全無左個腥味，平時D拉面烏冬都是用醬油湯或者豬骨湯，估唔到配上三文魚湯係咁夾既，真係好有驚喜。同朋友不經不覺傾左成3個鐘，職員不但無趕我地走，而且還不停幫我地加茶，老實說，平時D日本餐廳話就話無限制時間，但食哂D野後不停清你D野，又問你洗唔洗加野，明眼人一睇就知佢想點啦，難得呢間可以同朋

7月1號 香港地紅日真係到處都係人海不過迫都係要食飯 所以最後搵咗間地段少人啲既餐廳!又比我誤打誤撞發現咗個都值得推介既地方!就係係荃新天地2期對面既呢間居酒屋因為女朋友唔太受得生冷野既關係 我地全部都Order曬熟食我地只係得2個人所以叫咗唔太多野食有海鮮炒飯啦賣樣討好 上既時候好熱辣辣 味道幾好 值得留意既係比較乾身因為本身自己好怕炒既野係濕 所以覺得呢個做得幾好燒茄子茄子愛好者會喜歡 因為佢控制火喉控得好好 外面小小燒焦 而內面仲好滑芝士焗扇貝芝士唔會過度濃味 都食到食材既新鮮!呢個真係幾回味 冬菇天婦羅唔係太多炸粉 味道都OK 不過不太特別同埋一份燒雞肉卷煎到外面非常脆 如果加小小七味粉應該更好食最後走之前侍應先生話鋪頭做緊個活動 所以送咗份是日甜品!睇得出都幾花心思 個外表要比個讚! 味道都可以總結黎講 同荃灣其他日式食店比較起 呢間餐廳我既評分都高雖然份量唔太多 不過價錢都公道 味道都中上 坐又坐得幾舒服 性價比一流 會再去! 

今日女朋友仔生日（切餅費＄30，但最後都冇買，因為怕食吾晒）。女朋友話想食日本野,於是係荃灣選日本料理而又想之前未食過又吾係放題(因太細食),最後選了間熊本日本料理。而爸爸都去,所以一行三人訂7點半去食。 原來這餐廳在荃新天地2期對面，位置都比較遠，幸好7點已到,入到舖頭不大,2張大桌(房)和5張5人桌。見到有2﹣4人套餐，大約＄200左右一位，但因為爸爸少食凍食品關係，所以今次散叫野食，但叫左都比心目中耐時間。但味道都不錯同夠熱度。 軟殼蟹反卷 $68：6件正常價錢，反而覺得軟殼蟹味道不夠，蟹子都夠多，壽司飯沒有太多醋味。 燒三文魚頭$68：燒得幾好，夠新鮮整出黎，三文魚香出晒黎！～檸檬夠酸帶到魚的鮮甜又吾溜。唯一不足是汁太少，但汁的酸度剛剛好！～推介。 煎雞軟骨餃子棒$36：材料較少，但食到有雞軟骨。偏油但味道夠。 多春魚天婦羅$52：數量較少，但多春魚夠大又香。天婦羅比較厚身。 豚肉生薑燒石頭飯$82：份量超多，石頭飯好熱可以做到飯焦，好好味。最後倒左大約6碗。味道淡淡但夠味。豚肉偏肥但吾叫好油。 最後我地食左2個鐘結帳，大約每人＄120都抵，待應大約2個，倒茶給客人好頻密同速度

首先滿心歡喜試牛肉鍋，從未試過食一個咁難食，牛肉勁鞋，咬唔开，湯底勁咸，就連津白都咬唔开又有渣，又一大塊一大塊放落去，睇到廚師有幾有心機，黄金燒大蝦，蝦肉霉，汁又勁孫，價錢高級，食物低級，好彩生蠔，刺身還好'

琴晚一家六口預祝母親節! 年年都係食中菜, 今年無咁悶!試下日本菜 大時大節前夕預左比人鋸 點知又無發生呢件事如常加一,食材都無偷工減料事關我地成家都喜歡食牛! 所以叫左個叫 “他他牛”賣相好高貴! 食落更加唔錯 值得介紹另外仲叫左一盤生蠔, 款式算多,新鮮侍應仲逐款介紹, 推介食既次序比我地等我地由啖味開始食, 好細心呀 另外仲有幾款我好喜歡 燒芝士冬菇 燒蝦燒河豚乾河豚乾同大澳有得Fing!!好食! 係荃灣近近地搵到間日本菜又岩口味 真係好我地一家會番兜架!

幾個麻甩佬係荃灣睇完戲，滿足左對眼但未滿足個肚 ，諗極都唔知食咩好，就決定周圍搵下新野。咁岩路經此地，見鋪頭外裝淇都靚靚仔仔 ，咁岩又好耐無食日本仔野，咁就致通過入去開餐喇！本身打算求其食個飯就返去打機架喇，點知一入去同老細傾開就知道今日d 蠔好似好靚 ，問我地試唔試下。正直壯年既大家緊係唔會錯過即刻每人幾隻先啦！上蠔之後，服務員姐姐好細心咁講解每種蠔既國藉同如何由淡至濃味食 。聽過講解二話不說我地已經每人手執一隻一口咬落去 ！真係新鮮到呢！一股清新海水味滲入味蕾，最重要係無乜我最怕既腥味 ！真係好正！見蠔咁新鮮，即刻心郁郁想試下呢度既刺身，話晒都係日本餐廳嘛 ！刺身一入口真係立即食得出好新鮮 ！最正係個八爪魚刺身，又爽又多汁！差d 想encore 之際，突然驚覺品嚐美食豈能滿足於頭盤 ？刺身生蠔最多只能夠食得出餐廳用料新鮮，要試手勢始終要叫d 熟食先食到 。叫左d 烏冬，炒飯，一d 小食。個湯烏冬最掂，彈牙，湯底啖啖海鮮味，齋飲湯都過癮 ！炒飯都好正，炒到一粒粒口感十分豐富。個炸芝士好有特色，芝士同入面d 沙律醬個味道配合得好好，雖然係炸但唔會覺好滯 ！果然