室內座位都係卡座, 都算闊落, 坐得舒服.
一去到經理帶我地坐係一道門隔離, 開頭少人無為意原來隔離道門一開就會好大風. 仲要經常有人出入.
同侍應反映佢地採取不理態度!!
呢度每張台都有一個鐘. 你按鐘SUPPOSE會有人黎. 我地按左好多次諗住落ORDER係無人理我地!
一坐低話會上魚生船俾我地但過左20-25分鐘先上到.
第一樣上GE係軟殼蟹手卷同幾件牛油果軟殼蟹卷+炸蠔卷
一咬落去個軟殼蟹手卷度, 件軟殼蟹已經係凍晒同林晒!!!
件牛油果軟殼蟹卷牛油果綠中帶黑, 只好挑走佢. 再試下炸蠔卷, 都係一樣.
我地都唔想浪費食物但真係唔想食. 擺係台邊等人收走.
侍應一黎就話我地浪費. 同佢反映(完全無諗住投訴)D涵已經凍晒同林晒佢都係堅持講到出口話我地浪費同叫我地要盡量食左佢.
食咁耐放題真係未見過D侍應態度係咁!
上左幾碟沙律, 係成晚好最食GE野.
我地ORDER左個北海道牛乳牛肉鍋, 另外一個
鍋入面有已經熟左GE菜,烏冬,芋絲.另上有4片自稱係"安格斯"牛肉. 一上鍋侍應就幫我地點火.
但由於我地坐係個"風口位"D火唔太穩定. 諗住等個鍋熱少少先放牛肉. 未等到個火已經熄左.
問個侍應可唔可以幫我地加火佢又用指責態度話"個鍋係唔會滾! 應該一上GE時候就要放牛肉! 我地呢D係安格斯黎你唔會將佢錄到啡色!!!" 之後就一走了之. 我地問左幾次先有人幫我地加火.
塊肉一放入個鍋自然會有血水. 個奶白色GE湯底變左淡粉紅都唔會想食. D湯一直無熱過裡面烏冬已經林到無牙都食到.
從烏冬咁簡單GE食材就已經可以睇得出呢間餐廳有無HEART!
我地每樣食物都叫少少試下, 總體偏咸同有味精.
試過一次應該之後都唔會再黎.
