韓圈 (Closed)

天秀站下車走數分鐘左右，往酒店方向走就對了，不算難找。店內環境寬敞，我們獲安排卡位就座，卡位設計型格特別。 吧枱各式涼菜及熟食花多眼亂，韓式泡菜入口爽脆入味，作為前菜一流。 雞煲芹菜、洋蔥及雞肉的份量恰到好處，辣汁味道香口到位，整個惹味，而且皮骨的比例很少，吃起來啖啖肉。 韓式燒烤韓燒方面，牛排、雞翼、鴨胸、牛舌等都有，牛舌厚實煙韌，雞翼有醃得入味，個人最喜歡金菇牛肉卷，香軟的肥牛片包著爽甜的金菇，鮮嫩多汁。

天水圍本身真係冇乜嘢食，近排天一商場好似開咗幾間新嘢，我哋去嗰度嘗下鮮。環境幾闊落，抽氣系統又幾好，成間店都唔太大陣味，感覺幾好。我哋點咗雞煲火鍋兩食，雞煲味香濃，雞肉又嫩口，好有驚喜。食到最尾會加三寶落去炒，豬皮、魷魚同牛柏葉，三樣都非常新鮮，炒落去唔算鹹，而且好有新意。之後就換蕃茄海鮮湯底，湯底本身滾起都飲得，非常甜，入面仲有少少水蟹食下。依個海鮮拼盤真係不得了，有蝦、蜆、魚同蟶子，件件都大大隻，而且非常新鮮。蝦非常彈牙，蟶子爽嫩，蜆大大粒冇沙，魚腩肥美同魚片都好有魚味。依啲海鮮都係每日喺街市度買返嚟，非常有心機。黑豚肉同手切牛肉都非常有驚喜，特別係牛，睇得出有幾新鮮。牛肉唔會好多肥膏，又冇筋，牛味又香。黑白魚滑，食到粒粒魷魚，淥落去彈牙鮮嫩，一啲都唔馬虎。另外仲有花膠鮑魚附送，比平時酒樓食嘅更高質，特別係鮑魚，入味而且口感超好。手工餃子都好味，皮雖然唔算薄，但餡料豐富。仲有椰子飲，清甜椰香，生津解渴。依度嘅雞煲火鍋完全係良心推介，雖然地點係比較偏僻，但真係抵食💖適合一班人聚會。

星期日同家人親戚食晚飯，最後決定去天水圍一家又能雞煲又可燒烤的放題店吃，重點是里面有我爸最愛喝的人參雞湯及嫲嫲最愛吃的泡菜。而我較喜歡吃海鮮，魚蝦蟹等無殼不歡，所以點了海鮮版雞煲放題，及選了蕃茄甲蟹湯底作火鍋底。其實這餐廳自助櫃檯很大，由熟食起包括前菜、小食、飯麵類、湯品等，再到燒烤食材櫃包括肉類、菇類、蔬菜類，再到火鍋配料包括丸類也齊全，連甜品也有整整十多款。但對於我來說最吸引莫過於主食雞煲、海鮮盤。雞煲小辣雞煲醬汁多而雞入味，雞肉彈牙結實，並不會有粘底情況，微辣醬汁味道濃郁不淡口，惹味。鮑魚花膠花膠口感較軟腍，鮑魚個頭適中、外型完好、質感彈牙爽口，花膠汁滲透在鮑魚里。蕃茄甲蟹湯底火鍋蕃茄、蟹肉及蜆等熬成，滾後可直接當湯飲用，味道鮮甜可口，帶海鮮天然味道。待我們把海鮮燙過後，鮮味更濃郁。牛肉、黑豚肉無論是牛肉、黑豚肉、魚滑等質素比普通單點火鍋店高質，新鮮好味。海鮮盤（首輪）蟶子、象拔蚌、海蝦、大蜆、花甲、脆鯇等，整體海鮮乾淨無砂，顏色明亮有光澤，質感富彈性，入口鮮甜。真沒想到天水圍會有這款餐廳，款式選擇多，服務超快速，食物整體不錯，在這價錢範圍絕對是性價比較高的。

天氣凍凍地, 最啱去食韓燒和火鍋! 呢晚余媽媽就全家出動去天水圍食好西! 我地嚟到呢間位於天一商城的<韓圈>, 今次我地夠6位呀! 所以可以玩<雞煲火鍋>+<韓燒>兩食, 一次過滿足晒我地兩個願望, 仲要係放題式, 無限時任食, 真開心！ 餐廳環境舒適, 位置大, 座位充足, 部分位置仲可以望到開揚街景~ 食物款式也不少。。。 牛, 豬, 雞的不同部位 都可以食到, 仲有一些熱食, 韓式小食, 壽司, 中西甜品, 涼粉, 生果等。。。食物質素都不錯~ 飲品也有幾款可以選擇, 亦有湯類供應~ 如果用穩打穩紮嚟形容呢度嘅韓燒放題, 呢度嘅雞煲火鍋放題絕對稱得上有驚喜!!! 必試! 店員告訴我地煮雞煲的秘訣: 每次煮3分鐘, 再炒一炒, 來回做4次, 就可以享用了！ (每枱都會有計時器提供) 啲雞好滑好香嫩, 而且啲醬汁滲透晒入去雞肉裏面, 非常惹味呀！我地今次點左少辣, 味道啱啱好! 食完雞煲再轉火鍋, 又係另一種享受! 我地選了蕃茄薯仔海鮮湯底, 真材實料, 好鮮甜~ 驚喜又到喇! 原來呢度食雞煲火

環境方面：坐得好寬敞好光猛，係香港真係好少有咁大間餐廳，d枱櫈又擺得咁闊，坐得舒服😌 食韓燒最怕就係食完成身味，有排洗衫，而呢度抽風做得好好，完全唔會有討厭嘅韓燒味👍🏻食物方面：分韓燒放題同雞煲火鍋放題兩種😋 先講韓燒 食物選擇好多 有羊架 各種牛肉 雞肉 仲有三文魚 鮮蝦 扇貝，全部都好新鮮，又refill得快！而且食物唔會切到細細粒 唔驚夾好多都好似無食到野 好唔爽😈 熟食選擇都多！冷盤就一貫韓式風格 酸酸地好開胃 有拍青瓜 大豆芽 鳳爪沙律😋 熱食呢有炸雞翼！我朋友大推 仲有燒排骨 炒蝦 炒雜菜 而且有一直熱住 唔怕食到凍冰冰野食！ 到食雞煲啦 有個好可愛嘅雞計時⌛ 完全襯曬一套 店員每隔3分鐘就黎幫我地炒！話驚痴底 我地叫左bb辣 不過都好惹味 明明好飽但愈食愈想食🤣 份量超多 我諗啲雞都係靚雞 因為唔會好腍無咩味😖最後就係火鍋 本身以為係就咁加水落雞煲 點知佢換過個鍋！仲要係蕃茄湯 超級超級濃 米線舖嗰啲湯底完住俾唔上！ 仲有手切肥牛同黑豚肉！唔會切得太薄 肥牛超新鮮好濃牛味 仲有墨魚滑同魚滑 大推墨魚滑 好耐無食過有墨魚味嘅墨魚滑唔止係得黑色 入面仲要有一粒粒墨魚粒服務：超

分韓燒放題同雞煲火鍋放題兩種，一次過可以滿足到貪心既我👍🏻 雞煲火鍋既雞可以不斷refill，足料又惹味!!!!韓燒食物選擇好多，豬牛羊各種肉類，海鮮有三文魚，蝦，扇貝！熟食冷盤都有不少選擇，有拍青瓜，鳳爪，雞翼等。 韓燒個爐會有張紙墊住，一黎可以吸油，二黎唔會咁易黐鑊！店員又好勤力，keep住幫我地換爐，同埋收碟換碟，而且服務態度又好。 環境方面，成間餐廳好闊落，好光猛 。而且抽風系統做得好好，食完唔會成身都係韓燒味😜值得推薦 =]

除夕前的星期日，一家人到了天水圍食好西，呢間韓燒店韓圈做緊promotion，雞煲加打邊爐（仲可以加埋韓燒）體驗版都係$198一位，體驗版無左海鮮盤，但平啲喎，啱晒我地一家唔好海鮮嘅，由於實在太多野食，咁抵梗係要推薦親友啦即刻睇下有咩食啦～甜品區有生果（影唔到添），啫喱，桂花糕，豆腐花（熱辣辣㗎），雪糕（自己筆），涼粉等。火鍋料區，都幾多野揀，響鈴，生根，魚皮等係成包擺係度，一啲都唔孤寒呀！韓燒區，有扇貝，牛仔骨，腸仔，豬雞牛肉等，太多唔一一數啦，啲肉片係一大盒咁拎，真係怕你唔夠食，哈哈一盒上熱盤區，有燒雞全翼，口水雞，麻辣青口，炒飯等，refill得好密的。炸物有麥樂雞，薯餅，炸蝦等。沙律同涼菜區，食啲泡菜，大豆芽咁開下胃先。怕唔夠飽仲有一煲白飯，同人參雞湯。飲品有汽水機同罐裝啤酒，唔想飲甜野，就只有冷熱水了。醬料有火鍋豉油同壽司豉油，wasabi，日式麻醬，韓式辣醬等，應有盡有。唔講咁多，雞煲未食得就燒下先，牛仔骨牛柳粒勁正，encore！牛仔骨大大塊，唔係切到一格格㗎。仲有壽司同三文魚刺身食，質素就平平啦。雞煲要左bb辣，上枱加熱，要三分鐘炒三次，店員會教點煮最嫩滑，亦會附上co

來過幾次韓圈都是吃韓燒，最喜歡這裡無限時任飲任食，從來都沒催沒趕，可以和朋友慢慢食傾下偈。最近推出雞煲+打邊爐，同樣無限時任食，平日$188一位（假日+$10）超級超值！先講雞煲，可選辣度。店員會幫手過來炒雞，炒三次後再加入豬皮魷魚牛栢葉，真是非常惹味！雞件可疑添加，肉質好滑，加花椒八角，調味對胃！質素非常高！完成雞煲後會換上火鍋，粟米蕃茄海鮮湯，十分足料！未打邊爐前先喝一碗湯，湯底很鮮甜，而且好像沒加味精！不錯不錯！本地手切肥牛，單看紋路就知道靚料！這一盤是以人頭計算，不是任食的。牛味重，入口沒渣，好好味！！黑豚肉亦是送的，一次性，一烚就熟，口感滑溜！手打黑白墨魚膠，足料又夠彈牙！質素拍得住酒樓，甚至有過之而無不及！無限任食火鍋料區，款式極多，自助形式，衛生整潔。韓燒的質素，不能和貴價韓燒並論，但性價比高，牛仔骨和一口牛柳粒是必食，回本之選！個人應為到這裏吃燒肉，味道和款式都比BBQ好，呵呵～金菇肥牛卷亦好好味！encore又encore！這裡還有任食甜品區，雪糕、蛋糕、啫喱、豆腐花、涼粉、泡芙，不能盡錄！而不得不提，這裡有提供小朋友餐具，讓無限時任食這件事吸引小朋友坐定定食，真體貼

天水圍個天一商場，開咗咁耐，都未去過行下，今晚趁住仲有聖誕氣氛，的起心肝約朋友嚟食韓燒啦！睇中佢冇限時，因為通常任食的話，限時兩個鐘要走。呢度唔限時，真係可以同朋友慢慢食，慢慢傾啦。原來餐廳地方超大，雖然又有得打邊爐又有得韓燒，都唔覺得好大油煙味，空間感仍然 很好。星期一至五嚟的話，唔限時任食，絕對係約朋友食飯聚會嘅好地方。趁住個爐仲未熱，拿拿聲視察環境，睇下有咩食先！職員都好細心，介紹晒邊度係韓燒區，邊度係打邊爐區。估唔到喺熟食方面都預備咗好多選擇，有炒飯、青口、豬肋條、雞翼、薯角、麥樂雞等等；仲有韓國泡菜、沙律等小食，保證你肚餓的話，食曬呢啲熟食都夠飽。攞完熟食，再攞燒烤食物返去一邊燒一邊傾計啦！ 平時唔煮餸，都唔驚唔識睇啲肉係咩來，好彩有清楚嘅指示牌在食物盤側邊，話畀你知呢啲係咩食物。 有我鍾意嘅金菇肥牛卷、羊架、雞腎等等，已經流曬口水！估唔到仲有海鮮燒！三層架上面嘅海鮮都係任食，可以燒扇貝，真係抵食！ 如果鍾意食多d海鮮嘅話，每位加多$50,仲有個海鮮拼盤添。飲品區全部任飲，我鍾意佢唔只罐裝飲品同啤酒，仲有豆漿、夏枯草自助斟，因為有啲人真係唔鍾意飲汽水，係要飲返啲傳統嘢下火。好

在天水圍北真係無咩好食，全部都係川菜，米線等。在天一商場這餐廳是可以食自助午餐，或午自助午餐，就算一個人都可以韓燒，又不用叫一碟肉已飽，食唔到其他款，係一個不錯的選擇。當然味道一般，不是特別出色。比較驚喜嘅係有人蔘雞湯飲

當我們在門口盤算著吃火鍋還是韓燒的時候，經理跟我們說夠6個人就可以兩味齊來，😅可惜我們才5個人。無計可施之下，唯有一招美男計，就成功拿了大枱可以兩樣都吃了。P.S.😛以上内容部分虛構，但結果一樣😬入正題了，先來就是韓燒+雞煲，食物選擇很多，肉類都質素很好，而且還有一堆韓式前菜，夠開胃。雞煲來了，店員要當場主理一番，雞煲味道濃郁，雞肉嫩滑，不一會就吃完了（可以再添的）。換上了豬骨湯底繼續我們的火鍋，湯底份量足，店員叫我們先喝一碗，味道濃厚，廣東話一個字形容《正》，然後就是限定的手切牛肉和豬肉，兩款肉的肉質都很好，很新鮮。經理跟我們說贊好面書就送大聖子，當然就立即做啦，因為本身已很贊。吃完鮮甜美味的大聖子，我們都很飽了，食材種類很多，還有壽司🍣，魚生等等飲品有豆漿，涼茶，各式汽水啤酒，甜品有雪糕，未能盡錄，實在多元化！很快會再來試雞煲+海鮮拼盤👍🏻

新開晚時冇限時任食,食咗成3個幾鐘,食物,服務都ok,地方夠大坐得幾舒服,個人蔘鳮湯好味,D肉都夠新鮮,如果ㄧ大班人仲有個大房坐到成廿人,價錢又唔貴,下次可以再來。

午餐抵食之選，雖然所處商場個名真係好差勁，天一商城，唔講仲以為自己去左北方強國。最後一日喺天水圍果邊番工，同事們想食好啲。呢間11點半左右，午市岩岩開左，清靜少人，就入去一試乾坤。鐵板牛肉配三小碟仲有個湯，滿足晒我貪心想食多幾尾的慾望，牛肉極多熱辣辣，開心。同事叫左碟煙鴨胸，一樣係大大碟極足料，圖入面都見到我偷左舊食。飲品就乜都冇得汽水，所以叫左個普普通通的湯，埋單每人$60上下，抵

今日諗住近近地搵間野同朋友聚下，同見個時間開到十二點，點知九點幾入到去，去夾野食發現野食少，熟食又凍嘅，都知呢個時間去食呢d都預左，都算啦，食左半個鐘都冇，全場淨返我地呢枱，d工作人員已經開始清場，燒得黎其實食左半個鐘到，其中個侍應竟然叫我地想食咩夾多少少，要收啦，再過左五分鐘至十分鐘到，又走黎個侍應話今日收早收十一點，好過份咯，完全係趕客，自己寫明收十二點，原來可以甘做生意，食物甘嘅質素中要收甘貴，加埋一一個人要$170，垃圾。

難得天水圍有任食韓燒，咁岩同朋友想食韓燒，又唔想出咁遠，就揀左呢到啦！  首先，呢到除左肉外，有齊甜品，熟食壽司刺身雪糕等  甜品有小蛋糕、甜品杯，就連椰汁糕同萄撻都有  雪糕除左一球球果d外，仲有部乳樂雪糕機，可以自己加配料，eg穀物片、m＆m朱古力  熟食有炸雞、炒粉絲、菜呀等等，好多款，人蔘雞湯都幾夠味，我剩係敢飲少少咋，驚太飽食唔到其他野  肉既種類都好多，有肥牛、牛粒、牛仔骨、雞翼、魷魚、五花腩等全部肉都好夠味，好正  總括黎講，出面韓燒有既野呢到都有，如果住tsw突然想食韓燒又唔想出咁遠，揀呢到唔會後悔！