韓圈 (Closed)

天水圍終於有間decent 又超值的放題店！之前去天一商城看，記得好貴，但今日再「八掛」看看，原來出了午市抵食放題！.午市有3類放題，一類是一個lunch set 加任飲，另一類是only 任食自助區的，最貴的是任食雞煲、韓燒。雞煲煮得很香，十分好食。.環境不錯，而且食物不錯，自助區食物都算多，包括泡菜，也有不少肉煩，值得一去再去！

假日遊走天水圍，老婆選了韓燒店。學生優惠。肉類醃製十分夠味，無須再點調味料。魚肉，牛仔骨同薄牛肉是首選。熟食有唔少選擇，而且十分好味，但前菜比較一般。飲品自選。食物選擇唔少，每樣食一點都夠，而且食材入味，無雪味。牛舌，三文魚都唔錯，牛舌幾嫩，三文魚夠肥。唔知咩牌子，但朱古力唔錯有朱古力雪糕中有朱古力碎，唔似×巢，但雪得比較硬。152元一位午餐，中價，環境闊落舒適，無油煙味，收碟快，食物種類多而且入味，可以回頭再光顧。

韓圈是一間韓式燒肉店，但它們除了韓燒午市還有午餐，份量超多～而且飲品任飲，好抵食星期六、日午市基本上都不用等位，店內抽氣非常好，不會有油煙和燒肉味還有一個優點，就是枱與枱之間都有一定的距離很有個人空間～非常舒適完全不像天水圍一般超迫的手碰手餐廳每個星期都有不同的套餐，雖然大同小異，但午餐來說，選擇也足夠了吧韓風燒烤羊肉飯套餐還有韓式冷盤送，職員會拿著一大盤讓你選大概有3,4款選擇~不是開玩笑~羊肉是鋪滿整碗飯超滿的~是一座山無誤XD羊肉夠淋有羊味~XO醬肉片炒河剛剛才發現原來是XO醬炒，吃的時候還以為是普通肉片炒河～（（笑））跟一般炒河一樣比較油，但味道很好吃重點是吃完不會口乾飲品和湯都是自助形式～除了汽水，還有豆漿和涼茶所以無論是韓燒還是午餐，飲品區都是一樣～

屋企附近有間韓燒，咁岩星期日中午無咩野做就同左屋企人去食🤣🤣入到去發現場地大，至於火鍋同燒肉任食核簡，因為果到提供既火鍋配料唔多，所以就簡燒肉。肉類選擇都唔少，特別既有牛仔骨，三文魚，牛舌～醃得都好濃味，燒完唔洗沾醬都好食。配料吧都有生菜，韓式配菜比你去夾住食，飲料基本有齊，仲有老火湯比我地飲添！埋單一人$150，抵食

天水圍北真係唔多野食，韓圈都算係好抵食又好好坐既一間。呢個鐵板雞煲，每次都必叫的 一上枱勁香冇記錯應該係50蚊左右，仲有飲品任飲。好香濃又惹味呢碗大大碗羊肉飯，又係好好食。上面仲要有銀魚仔，仲有d漬既蘿蔔絲。好豐富呢碟韓圈雞好滑，個醬都好好食

間唔中都會約一班朋友出嚟飯聚，每當要諗食乜嘅時候都幾煩惱，有朋友話想食韓燒，突然間就醒起天一商場有呢一間韓燒，於是就黎試吓。佢除咗有韓燒之外，仲有得打邊爐，不過我哋就冇乜興趣打邊爐，火鍋料都係D基本大路野。前菜都好多種類，湯也有兩款有三文魚刺身 + 壽司🍣熟食都有十幾款，有炸物丶蜜汁烤雞全翼丶蘿白炆牛尾丶炒飯炒麵等等辣汁煮青口，呢個好好食燒烤肉類款式多，又有海鮮，味道亦都醃得啱啱好，唔會過鹹當晚仲送左一大碟花膠炆冬菇甜品方面，每人送一客冰糖燉雪燕，另外仲有生果雪糕任食🍦呢間整體唔錯，環境闊落坐得舒服，食物種類選擇多，二百零蚊嘅價錢任飲任食，仲要不限時

呢間其都幫襯過幾次，一於寫返個食評先！最鍾意呢到不限時，慢慢食都得！熟食方面，都算多種類，味道仲吾錯添！有豬腳薑、雞、菜、牛尾、炸野等等，冷盤（吾記得影）有幾款韓式飯前小菜，泡菜好食、仲有沙律菜等等飲品方面是自己自助斟的，有汽水、涼茶等仲有壽司、甜品、生果、雪糕因為我今次只是幫襯淨韓燒，如果加埋火鍋就每人加多$20韓燒的種類都有齊基本的，味道都可以，因個人口味不太喜歡太濃味的野食，所以燒左好多牛肩胛（冇醃的），我覺得好好食😂整體來講，款式種類ok,味道ok,價錢都ok,職員態度友善，環境坐得舒適！值得再來！

難得老公入天水圍陪我兩日，就陪佢食韓燒（平時唔食因為會成身味）呢間近屋企食完10分鐘就可以沖涼🤣🤣🤣我同老公都覺得加張紙先燒幾好，唔使痴底換爐換紙就得，好方便龍脷柳有醃過，味道不錯墨魚 & 八爪魚鬚好辣，除左辣味食唔到其他送既花膠 & 鮑魚仔，正常味無乜特別牛肩肉我地拎左2，3轉，幾有牛味出面有熟食，前菜，壽司攞，泡菜，雲耳 & 醃過既青瓜都幾好味今次人蔘雞湯味道比較淡食完晒燒既牛，魚，飲番碗紅棗冰糖燉雪燕滋潤下，好貼心我各不左2杯雪糕同老公一人一杯，朱古力有朱古力碎，叫老公不多班細既比我…點知…佢不左班咁大既比我…食完又飽又凍，起晒雞皮一人一塊菠蘿冰第一次嚟係食雞煲同打海鮮邊邊，果次同埋姑姐姑媽，4條友超飽，今次都好飽

今次同朋友慶祝生日，見到呢間有得任食韓燒、雞煲同火鍋，連海鮮都任食真係令人口水都留晒出黎🤤因為我地人多，呢d送既牛肉、豬肉、豚肉同海鮮都係double咁比我地真係食得呢樣黎都食吾切另一樣呀！牛肉朋友話吾錯，豬肉豚肉都係正正常常既，海鮮有聖子、蝦、象拔蚌、沙白、大蜆、鯇魚同龍躉，除左象拔蚌同聖子冇得refill其他都可以。不過我地只係想要多d蝦，一次都未加就話冇晒其他海鮮真係想食多d個肚都冇位，因為仲有好多熟食、邊爐同韓燒野都想食，連雞煲都可以refill既時候，差d就吾記得留位比甜品啦！另外仲有送煮好左既鮑魚同花膠，生日前後一日仲送你壽包添黎呢到食野真係記得之前吾好食太飽，如果吾係就試吾晒啦！P.S. 靚女話任食海鮮好多就會冇架啦總結黎講，呢個價錢食到咁多野真係好抵食，食物吾算太差，都多野揀，地方都夠大，朋友聚會都會係吾錯既選擇

朋友話天水圍開左間幾抵食既韓燒，價錢唔貴又無限時，見佢極力推薦就決定去試下環境幾大，抽油煙機幾夠力，唔會好大味仲有自助飲品、肉類同熟食吧。入座每人送一個椰青，椰青水超！甜！！可能當造，非常解渴。有沙律菜、泡菜、木耳、魚仔等韓式前菜，可以過下口癮。木耳大塊爽口，帶少少辣幾開胃；魚仔口感偏硬同淋，醃得鹹左啲。韓燒配料不外在雞牛豬，仲有魚類同魷魚八爪魚等推薦牛肉，夠薄身易燒熟，牛柳粒幾軟嫩，唔會太韌。三文魚好多骨，魚柳肉質偏散，建議燒返肉類。熟食類有驚喜，幾多選擇個紅酒燴牛尾炆得唔太入味，但肉質都算稔身易咬。雞全翼烤得好嫩，啖啖肉，外皮烤到薄脆，忍唔住食左四隻金莎骨好入味，醬料甜甜地，幾香口。食飽仲有甜品不過啲糕點類唔好食，無味之餘質感好痴牙，好似未成型咁，反而西瓜好清甜。仲有得自己‘不’雪糕，味道都係平時果啲貨色賣單每人$200左右，勝在唔限時可以慢慢坐慢慢燒，但食物普遍醃得濃味同落左味精，食完成晚都好口渴

今日同老婆阿仔出發去濕地公園,臨入場之前去附近的商場搵間餐廳食個lunch先,呢度d午巿套餐都算多選擇, 而且有得任飲汽水,所以就決定呢間了.我揀左呢個. 刺身質素尚可. 白飯係珍珠米但缺少一點我喜歡的壽司醋味.  份量好多, 價錢只係$48, 非常便宜的一碗刺身飯.老婆叫左呢個. 份量好多. 佢話呢個餸雖然簡單但又幾好味. 蕃茄酸酸甜甜, 仲有大量唐芹, 好清新健康, 好開胃, 易送飯. 但佢食完先發現自己忘記了桃膠的存在, 究竟桃膠混在哪裡?阿仔叫呢個. 我淨係幫佢食左d海鮮, 當中竟然有鯇魚片, 好多骨的, 食唔到.正, 汽水任飲.韓式套餐例必有的前菜. 味道尚可.

一向幫襯開晚市燒肉放題，服務態度唔錯！但些碟和杯次次去幫襯都是濕的，沒有乾透才供客人使用，熟食亦是凍了不夠熱。有晚幫襯完晚市，看到門外廣告，便決定找天試試午市熟食放題...今日星期日，一行五人幫襯，侍應不停指住叫我坐某張檯，我話我五個人喎...個侍應話「夠啦，五個人仲唔夠呀！」頂！我客氣唔多好禁講「你張檯唔夠椅呀！！」，她先醒目拉返坐椅過來...唉！我和小朋友出去拿玩具車型餐盆，個侍應好緊張指住熟食果邊，話只可以食果邊的熟食，我答「我拿盆咋」...她答禁OK啦！之後，我和女去夾甜品，些細細件千層糕和啫喱粒，個侍應今次態度勁差「剛才咪同你講叫可食果邊囉！幾十蚊唔包呢d架！！」，我答：「下！甜品都唔包？！你們果邊得好少食物咋喎...」她答「你比幾十蚊咋，好多野食啦！」...我只好答她「元朗間韓舍都係幾十蚊，但人地都唔知多幾多野食呀」...我之後拿飲品都問清楚是否任飲，廢事又比個侍應話！見到飲水機旁有兩隻昆蟲飛來飛去都唔敢出聲....晚市和午市相同侍應，但食平d侍應態度明顯大不同,我下次都只會幫襯晚市算！

星期日晚與家人們打算外出用餐，一行人扶老攜幼還是不便走太遠，於是決定留在天水圍解決，OPENRICE搜一下發現這家位於天秀天一商場的放題店，韓式燒烤、雞煲及火鍋都有提供，選擇很廣，提問一下沒人反對便直接出發了。 天秀站下車走數分鐘左右，往酒店方向走就對了，不算難找。 店內地方非常寬敞，樓底很高，加上沒有假天花的工業風設計，及廣闊的走道，空間感很充足，順帶一提卡座設計亦很有特色，我們人多是坐不了，還是拍了一下。 我們獲安排於長桌就坐，每張餐桌都自帶韓式燒烤鍋及可調節高度的獨立抽氣喉，所以完全沒有同類型食肆的油煙感，值得一讚。走出吧枱即被琳琅滿目的各式涼菜及熟食吸引，韓式泡菜、芽菜以至港式的雞翼，青口等不能盡數。韓燒方面，牛排、雞翼、鴨胸、牛舌等都有，個人私心推腩肉及金菇肥牛卷，燒起來多汁惹味。接著是火鍋環節，蕃茄海鮮湯清甜入味，裡頭還有及蜆等很足料。海鮮拼盤海鮮陣容相當豪華，有蟶子、大蝦、象拔蚌、魚片及大蜆，大體新鮮肥美，細問之下都是店家每天在街市挑選的，難怪特別鮮甜嫩滑。手切牛肉色澤鮮明，脂肪分佈平均，入口滑溜有嚼感，牛肉香味濃厚。總括而言是一家性價比很高的餐廳，無論裝潢、食物及服務都

天水圍近來多開了間店，所以能選的地方跟食店終於稍微增加好感動。新年前帶家人在附近吃飯慶祝，因人多決定選自助式的韓燒店，可各吃各喜歡不用煩。第一次來，店比想像中大且沒什麼油煙味，除了韓燒還有雞煲/火鍋可吃。桌面還算寬闊，這樣吃飯不會太辛苦。自助吧挺大，湯也有2款，又有些少熟食吃及泡菜無限添加。讚！韓燒是用紙墊著，這樣會省時不用不時要換燒烤板面。燒的食物醃得挺入味，特別是鱈魚，力推。還有鴨胸也好吃。牛豬雞也有一定水準～雞煲就更讚～雞肉挺嫩而且很入味。汁很香很惹味。冰鎮苦瓜，苦瓜很鮮不會太苦，是甘香那種。而且質感很爽身，冷盤吃很清爽解膩。最後是火鍋，能喝的蕃茄湯底，先喝才後吃火鍋，湯很鮮～忍不住喝了兩碗。火鍋有靚豬跟靚牛肉吃，很滑很彈牙，超正想不到是吃韓燒有的水準。另外海鮮盤也是超讚！聖子大蜆小蜆等全很鮮甜！最後的蝦滑墨魚滑也是質量好的、很彈牙爽口。認真以這$300左右一個人的價錢能吃到這質素的放題很意外！力推新界的人可來吃！

弟弟又去修理他的車，我和弟婦都不理他了，直接去找東西吃。天水圍吃雞煲火鍋選擇不多，不過弟婦聽她的同事說天一商場的韓圈雞煲火鍋放題無限時，只要肚子有空間，都可繼續吃，好像蠻吸引的，我們一於來試試看。在雞煲還未來到時，我先出去看看熟食區有甚麼可取來吃，肚餓嘛。這裡有不少前菜小吃選擇，開胃前菜有酸辣鳳爪，泡菜，荳芽，酸菜，鹹魚仔等，想吃香口的小食亦有，如炸雞塊，炸薯條，炸薯角，泡菜煎餅及海鮮煎餅。另一熟食區大有捧場客，炸雞翼不用數分鐘變得空空如也。我拿了些避風塘三文魚，椒鹽蝦，咖哩青口，梅子骨嚐嚐，個人覺得梅子骨酸酸甜甜，咖哩青口惹味非常，挺推介大家吃。若喜歡吃壽司的話，火鍋配料區旁有壽司供食客任取。雞煲來了，店員說三分鐘後把雞煲加入豬皮，牛柏葉，魷魚拌炒，醬汁滲透當中，便可品嚐一番。熱騰騰的雞煲十分彭湃，香噴噴的，未吃已口水直流。雞煲醬汁濃郁，雞肉與牛柏葉，豬皮和魷魚相互交融，好不入味，雞皮焦香，雞肉嫩滑，色香味俱備。雞煲火鍋放鍋放題原來每位客人均會獲贈一個椰子，吃雞煲時能喝上清甜的椰子水，熱氣減退不少，韓圈挺貼心客人的。驚喜一浪接一浪，鮑魚扣花膠跟隨送上，鮑魚燜煮軟腍濃香，花膠極具膠質，