德美居酒屋 (Closed)

尋日今日晏就去左紅磡搵食，以前食開黃埔個間德美，但因為太熱，就去左近紅磡站既呢間。入到去其實唔係好大間，我地四個人，坐左最入個張，但原來隔離係廁所，所以有啲味。。。。。。建議大家唔好簡呢個位坐黎到就要嗌返個最抵食既角切魚生飯，不過好好笑，佢12點營業，我地明明係第二枱客，當我地嗌魚生飯時，侍應竟然話要睇下有冇。。。不能理解，不過最後都有得叫既除左個飯，其實會送麵豉湯，茶碗蒸，沙律同甜品(雪糕糯米滋)麵豉湯多豆腐，味道可以。茶碗蒸好食呀，蛋夠滑，冬菇同雞肉都好香！沙律細細碟，酸味味，夠開胃。到主角出場啦！大大碗既魚生飯，上碟後第一時間篤穿中間隻蛋撈飯，因為咁樣啲飯會滑超多，之後有勁多魚生，三文魚基本啦，仲有蟹籽呀劍魚希靈魚等，正呀！碗飯其實都幾大碗，魚生既分量都多，唔會有食到最尾得返飯既情況，真心推介！不過想食既朋友要注意，角切魚生飯供應唔多，想食就最好1200去到，真係手快有手慢冇架！

女朋友之前黎食過話好食, 同埋好快會賣晒, 所以今日特登早啲黎食魚生飯！環境裝修歐日風, 位置比較窄, 但坐得還算舒服。餐牌睇都唔駛睇, 點咗兩個角切櫻花魚生飯（唔太記得個名）。 隨餐附送蒸蛋, 面鼓湯, 沙律同埋糯米糍。點餐後好快送到, 份量多足夠有突嘅份量, 魚生粒佈滿全個碗加咗一隻生蛋, 撈埋一齊就開始食得喇！ 魚生飯入面有三文魚, 油甘魚, 章魚, 蝦子, 帶子, 青瓜, 芽菜等等！略嫌飯唔夠酸, 但勝在份量多, 魚生好味！會再光顧！唯一有唔好就廁所個水龍頭無咩水出, 難啲洗手！

這區有不少餐廳都少有名氣，在眾多大集團的連鎖店之中不乏小店。即做在平日中午德美也有時滿座，要和學生一同輪候。今天朋友和我皆放假，又隔了一段時間沒有在附近吃飯，於是決定在這裡一聚。我們在 13:30入座，難得一見餐廳只是半滿席。我點了北海道三色魚生飯 ($78)，午市套餐附送沙律、味噌湯、茶碗蒸蛋及甜品。前菜方面，沙律茶新鮮開胃；茶碗蒸蛋柔滑可口；味噌湯鹹淡適中。魚生包括有三文魚、帶子和白身魚，每片刺身均厚切鮮甜，非常嫩滑，沒有帶筋或腥味。飯上的溫泉蛋極流心，與加了壽司醋的珍珠米飯拌着吃很配。吃時也可以偶爾蘸芥末突出鮮味。米的質感大致上剛好，略嫌吃到最後的飯較濕。甜品就附上一個雪米糍。整個套餐的份量能滿足胃口大的客人。午餐的性價比高，也沒晚上那麼多客人。晚市也有午市提供的菜式，份量一樣但價錢較貴，也需額外付錢才可升級單點至套餐。下次再來大概也會點魚生類的主菜。

我通常都是午餐來吃。60至70幾蚊有湯，沙律，蒸蛋，主食和甜品。湯是普通味噌湯，沙律蒸蛋都不過不失。我最喜歡角切魚生飯，滿滿的魚生加上溫泉蛋份量很多，每天都很快賣完。甜品會是一粒雪米糍。作為午餐，這個價錢我覺得很不錯，不太貴又很多東西吃。

幫襯德美已經好多年了，週末人龍沒有短過。同等價錢我也只敢係佢到食蟹籽甚至刺身長話短說，推介幾個今日食的菜式。朋友請過食四季酒店的空運雞泡魚乾，不外如是。德美依個，好味。我同男友必食，牛舌。鮮美。mum’s favourite, 食得又睇得燒鯖魚同醬煮都係德美好。好肉地，又新鮮，醬煮未加薑都唔會腥。三文魚生飯，火炙三文魚，正。仲有加洲卷同蒸蛋都比出面同等價錢日本餐廳好食。午餐晚餐都送甜品的 大家都試下啦! P.S. Weekday好似有得book位的

在紅磡附近工作，德美成為我經常去嘅日本料理店! 因為呢一區都有兩間分店，貪佢地點方便，環境座位舒適，食物唔錯。而兩間質素其實都有少少差別，但係只要識揀都係好好嘅選擇。芝麻雞翼我平時好少叫，不過聽到隔離枱話又脆又香，所以咪試下囉。果然係唔錯喎真係好入味，皮好脆，芝麻好香。大蝦天婦羅卷: 上面的蟹子好多，粒粒卜卜脆好有口感。沙律醬提升了味道不少，另外，連蝦頭都好脆好香濃蝦味啊！必食洋蔥燒三文魚丼: 如果三文魚再肥美D,用上魚腩就好!例排送上香芋雪米糍

靚仔蔥吞拿魚腩飯，我成日都係紅磡這兩家分店食㗎! 鍾意佢有好多粒，大大粒嘅魚子，好新鮮無腥味好好味; 放係吞拿魚蓉上面，食完魚子就一啖一啖食呢個充滿新鮮魚味吞拿; 跟住到個飯啦，雖然飯底冇另一間分店咁重香菇味，但係嗰珍珠米仍然好得好大粒，仲好軟熟，成碗飯好回味㗎!但有一樣嘢要提一提，佢個蒸蛋竟然唔夠滑 ，希望佢做好d啦！日本餐廳好少有咁既情況呀痳，我又次次好期待個蒸蛋! 好彩個麵豉湯都不錯，裏面都有足夠份量既菜同豆腐，份量都ok

光顧德美已超過十次，一值都喜歡食三文魚角切飯同壽司定食，飯加左鰹魚汁好入味，刺身新鮮。男友未食過，所以帶他去食午餐，我點了三文魚角切飯定食，男友點了鰻魚飯定食，我點的三文魚角切飯好快到左，但前菜沙律、麵豉湯遲遲都未到，向職員追單都未有，我男友完全未有得食，我真係好嬲，向女店長投訴，她只不斷叫我等，整緊喇！最後只來了前菜，鰻魚飯一直未有，遲過我入坐既人下單叫鰻魚飯，都已食緊，男友等了足足一小時都未有，追單追左好多次都冇人理會，我再問店長，佢又係叫我等，我忍唔住發火鬧人，究竟仲要等幾耐，等左一個鐘都未有，我地趕住睇戲，就快夠鐘喇，你地試下等個鰻魚飯等一個鐘都未有係乜感受先啦！鬧完之後就即刻來鰻魚飯足足等左一個鐘，追左N咁多次單，發火鬧人先有得食。食物就算做得幾好味，但服務態度咁差，咁樣做生意，直頭趕客。

每次同屋企老人家食飯 都係提早去今次5點幾去到餐廳食晚市 同人地準備去紅館睇show既野一樣的早!!不過好在我地早d到...我地入座後15分鐘左右 已經滿座今次又係4個人食 所以都唔係嗌左好多野媽媽想食石鍋飯..(可能因為平d)嗌左2個石鍋飯 一個豬 一個係牛腩我就嗌左牛油果炸軟殼蟹壽司 黎到岩岩好有4件 一人一件仲嗌左剌身盛 我都唔係幾好意思嗌甘貴既野..(媽媽本身只係諗住入黎食石鍋飯)不過好新鮮~ d料真係靚貨我仲嗌左燒牛扒(呢張圖已經係食左幾件)所以最後唯有我搶住埋單啦~~不過好食就無計啦~

食過好多次德美壽司，剛開張的時候就一直光顧，一直沒有失望過。事隔多年，再食返，味道保持了一定的水準，但失去了當初的那份驚艷。石鍋飯份量是夠的，流心蛋黃賣相很吸引，每次戳破流心蛋，看著蛋黃流出來就很滿足。牛柳幾嫩，是半生熟的。但是洋蔥太多，切的太大塊的洋蔥是生的，吃了生洋蔥有嘴巴殘留了不舒服的味道。當初最喜歡的是德美的蔥吞拿魚蓉飯，超多魚蓉配上三文魚子，還有一顆小巧的鵪鶉流心蛋。飯還加了芝麻和碎紫菜調過味，每次食完都未夠喉。這次再食，少了當初的感動。雖然還是好食的，但是沒有保持住以前的那份驚艷。午餐定食有跟一個細份和風沙律，蒸蛋和味增湯。沙律和蒸蛋也沒有以前那麼有誠意了，份量少了，味道也不如從前。

打電話去訂位4大人＋1歲BB。我問有無BB凳，她說沒有，甘我唸坐BB車都okay.店員覆我，留間房卑我，逼逼地坐啦。有房都逼？但又沒有正面答我可唔可以放BB車。再問多句她就説現在只有這個房可以卑我。 甘我都答應去，去到終于明晒，間房系一個卡位，多度門，連BB車都無位擺。又無BB凳，我地系細車，照開卑BB坐，但系上菜位，好危險，店員都叫我地收車。結果係全程手抱BB食野。 公道一句，食物及格的，合附期望的。但店員態度一般，唔多Friendly. 我臨走觀察店內環境，真系好逼，其他座位都無可能放BB車，難怪接電話個個無答我。

Lunch Set點都抵食過夜晚，襯去接老公放工既星期六去試下😍😍叫左一個雜錦刺身飯同壽司+烏冬set佢有齊蒸蛋、沙律、湯...勁抵食！飯底唔係白飯黎架，係日式有味飯😋😋 即係味素個friend 壽司等左好耐先上...餓到唔記得影相🤣🤣壽司食得出係手制同剛出廚房😏😏但同個烏冬隔得太耐扣左小小分唉！出名既鋪頭通常服務麻麻德美既服務員既落單、追單令我有種置身譚仔既感覺...莫非...德美已經換左老闆？

同事散水飯，一定要搵間似樣D既餐廳食最後的午餐，開心聚一聚，難得的最後一聚。德美夠近，又可以預約，方便十幾人同行食飯唔怕突然無位，或要一齊戇居居等位。各人叫各餐，眼見同事既牛肉石頭鍋同吞拿腩丼都非常正，而我就嗌左迷你牛肉烏冬配壽司定食，隨餐仲有沙律，茶碗蒸。其他飯餐仲有味噌湯。以日本菜黎講，可以挑剔既地方真係有好多，但又未到難食既程度。以呢個價錢，算係咁，未至於抵食，未有驚喜。例如熟蝦一食就知唔新鮮，有D乾。飯太黏，完全係一團野，夾起仲會癡左一小堆晌板上，我都唔知點解會咁樣。 茶碗蒸好hea,蒸到果樣唔滑，又少左粒銀杏。沙津有D菜既邊已經起銹... 茶水亦唔甘香，好普通。不過環境真係富麗堂旺，優雅舒服寬敞。大班朋友坐下食飯，簡簡單單，算唔錯。

同朋友偶爾經過，入去一試難忘。味道超出預期所想，唯一不滿係上菜耐左啲姐我地叫左個牛肉鍋，裏面有 金菇 、冬菇 、粉絲、 豆腐同 蔬菜。 當然唔少得主角牛肉同上面隻蛋啦。 天氣涼涼地，最好就係食個鍋㗎喇，食完即刻成身暖晒。呢個鍋既湯底唔會太甜，我最驚有啲壽喜燒湯頭過甜，呢個就唔會，啱啱好個軟殼蝦牛油果卷， 啲軟殼蟹啱啱炸好脆卜卜，配埋牛油果同上面的魚子，入囗好有囗感同層次，十分滋味焗蠔都唔錯，又幾大隻，新鮮焗起好好食，好香囗至於個和牛壽司味道就不過不失啦

由一間店鋪開始，到現在多間分店，可想而知的確很多捧場客。今晚忽然想食，於是6:00來碰碰運氣。通常無訂位都好難有位，唯有早點來，7:30前要交枱，個半小時都足夠。上菜都算快。先來個溫泉蛋炸雞沙律美味的炸雞，飽肚的沙律牛肉烏冬：烏冬彈牙，牛肉好味牛油果軟殼蟹卷：真材實料，見到成隻軟殼蟹，配以健康嘅牛油果，味道好夾。串燒：雞翼、雞腎加埋七味粉，美味蕎麥冷麵：配隻鵪春蛋，營養價值高大蝦天婦羅：原隻大蝦連蝦頭，即炸，熱辣辣，好味