德美居酒屋 (Closed)

同事散水lu~ 要食返d好西歡送下～ 午時餐多野跟，有沙律，麵豉海帶湯，又有茶碗蒸。 不過全部都mama dei. 湯好鹹，茶碗蒸好多味精。一行人都嗌左吞拿魚丼。唔個係咪多人叫，於是等左好耐先有...見到已已少少失望。隻玉子得鵪𪂹蛋，同menu隻玉子好大出入。食落，吞拿魚好鮮但打得太碎，好似坺醬咁。而且碗飯好有菇香但凍嘅。 成個餐比我嘅感覺係，是但啦，無心機整呀，咁囉。所以好難比好評。茶水又唔加，要叫佢先嚟斟。唉...

今日幫友人做左一日義工於是佢就請我地黎食個德美🥰🥰🥰食德美就係幸福 仲要係食最好食果間分店（我覺得hehe)4個人叫左個鍋 壽司同埋炸物share最正都係佢既大sushi盤一定再encall

紅磡日本餐廳多 居酒屋又多 今次朋友話試試而間德美居酒屋。場內環境相當闊落同都幾舒服，好有居酒屋嘅感覺。正正係午餐時間，所以有lunch set選擇。佢餐牌大多數都係定食同烏冬，價錢就還可以 普普通通啦，唔算太貴既。講講佢上菜速度，真心比較慢。我同朋友點左個牛扒定食同便當🍱。我都明白牛扒處理可能比較慢但係便當應該可以快啲因為都係整定嘅。我地前後落單到上菜都等左30分鐘有多，如果趕趕地時間就要考慮下啦。每個套餐都有沙拉同蒸旦加個麵豉湯配番。我覺得味道還可以既，天婦羅 正常啦，不過不失。中間主菜係炆牛肉，味道幾好但好老。魚生好細塊。$89我覺得好唔抵食，整體份量好小。而塊牛扒我要講一講，佢真心好鹹。佢唔係濃味甘簡單，我朋友食得濃味都頂唔住。我唔知係咪塊牛扒唔新鮮所以佢要整到咁鹹。個醬好多好鹹！

睇網上嘅comment都話德美好好食之前亦都去過紅磡黃埔新邨德民街31號地下1B既徳美 今晚因為時間唔夠所以就去咗比較近嘅紅磡巴士總站既德美居酒屋一試去到鋪頭地方偏細但裝修OK 7:30pm要等位由於我趕時間嘅關係就同人搭枱啦一眼睇晒咁大👀時間關係睇完餐牌那那林叫嘢食吉列豬扒同我地想像中有啲出入雪藏豬扒而且冇乜肉汁有啲失望不過格離既薯仔沙律就好好食啦雞軟骨野菜餃子正常水準啦三文魚刺身諗住實無死拉 但佢切得太厚 有筋😖寸燒牛脷 都系正常水準 好食鵝肝多士 鵝肝太細塊了吧 CP值低呑拿魚 海膽壽司呑拿魚食既時候仲系冰既😥軟殼蟹壽司卷都系凍冰冰 味道一般$569 / 2位成人利申:整體黎講麻麻地 可能期望過高唔知同紅磡另一間徳美系咪同一間所以有所比較 建議大家可以先試另一間😳

【飲食台】繼續紅磡美食，德美德美係紅磡都出哂名嚕☺️腦魔係quit hall後一次同hallmate係呢到食飯，先發現點解咁好食既餐廳咁遲先出現🥰.帶子鵝肝卷好味x100！！😍鵝肝入口即溶，豐富既油脂滿怖口腔，帶子較清新新鮮中和返鵝肝既膩，唯一缺點係好多青瓜絲，腦魔唔鍾意食😩.安格斯牛扒好味x10000🤩🤩🤩 極冧，醬汁令食慾大增，油脂同肉既比例剛好，牛味好重，最緊要係份量好大份，好抵🥳.泡菜豆腐豚肉煲呢到啲野食真係好大份🤓 泡菜湯有啲辣，豚肉同牛扒一樣好冧喔，豆腐超滑！仲有菜、冬菇、粉絲等配料，配飯食一流🤤.京蔥雞肉串燒相對黎講就貴了，係日本只要¥150-300咋，不過質素同日本一樣咁好食！雞肉一定要連蔥食，配上燒汁，無得頂，好彩啲蔥唔太辣，易入口！.赤魚+三文魚壽司好新鮮啊啲魚🤤 肥美的刺身配上酸酸地既飯，完全係正宗日本壽司既做法，個人鍾意赤魚多啲，食落口魚個陣油脂係口爆發🤯.店名：德美居酒屋 (紅磡)地址：紅磡湖光街1-7號聯成大廈地下88-89號舖.#腦魔食記🥩

紅磡食得最多嘅日本菜一定係呢間「德美」！紅磡人表示因為食物有質素而且地點又方便😂😂小食必食雞泡魚乾🐡次次都要encore兩碟先滿意☺️☺️呢到壽司絕對有新鮮保證🍣三文魚同拖羅係必食嘅如果多人可以試下叫壽司set，仲抵食。玉子印住德美真係夠哂吸晴，第二道點會搵到🍺刺身同海膽都十分厚切同大份，海膽大大pat，配埋少少鹽同紫菜真係100分燒銀雪魚朋友話好滑兼無骨，而且油脂分布好好，值得推薦飯類我地揀吞拿魚炒飯，呢個就普通啲冇乜特別，食完飽哂😂😂😂😂

幾年來已經食過幾次德美，每次都保持到水準，都好味。而我見因為都有幾個月無食過，於是乎就去食番個lunch😋不過估唔到無去一排就加價了🤧北海道三色魚生飯有三文魚、帶子和白身魚個人覺得今次食嘅刺身比以往更新鮮😋✨尤其是今次嘅帶子好有鮮味午市有跟餐沙津、味噌湯和一粒迷你雪米糍😋果然今次都無令我失望😆雖然加左價，但食物質素無下降，反而更好，好想快啲再食😆

今日和同事黎食lunch, 隔離枱係一對講英文既母子，個小朋友郁來郁去，又離開位周圍玩，最慘係佢唔掩嘴不斷大大力打乞痴同咳，喺枱與枱咁迫既環境下真係好影響人！個阿媽就全程睇電話之類，完全控制唔到佢個仔。我和同事最初見餐廳多人，果個又係細路都忍住冇出聲，後來見新來搭佢地母子枱既女仔都坐去第2到，又見有吉枱，就向男老細（或者係男侍應啦）提出想換位置。點知佢一句好冇禮貌咁回答：「唔得呀，呢到無得揀位坐。」我地解釋係隔離枱係咁咳，我地食得好唔舒服。點知男老細話：「細路仔，你忍下啦！」哇，即刻火都黎埋！我同事即刻回應佢：「細路都會傳染病菌架！」，個男人諗左兩秒：「一係我同佢講啦！」下？同個細路講佢會明？我地就係見佢係細路講都唔會明先主動避走喎！而且當時已過入座peak hours, 又冇人等位，真係唔明點解佢唔比我地低調地調位就算。我聽唔到個老細係點同個阿媽講，不過好明顯個阿媽聽唔明佢講野，以為佢個仔睇電話太嘈，而個男老細可能見人地聽唔明就唔敢再講！最後，我和同事捱到對母子走左先有餐安樂飯食，而果張吉枱就一直冇人坐！！真係好唔明點解一件咁簡單既事個男人可以處理得咁差，以後都唔會再幫襯！

呢度嘅火鍋真係冇得頂，價錢唔貴係紅磡美食好去處，今次同朋友每人都叫咗一個火鍋， 分別係牛肉火鍋同埋泡菜鍋，一個人來講份量就多咗啲如果細食嘅兩個人share一份其實都夠嘅，味道方面泡菜鍋嘅味道十分之濃郁而且好足料有豆腐牛肉仲有啲菇同埋烏冬所以食落都好飽以日式居酒屋嘅水準來講真係好唔錯，冬天食嘅話真係一流，不過如果食唔到辣嘅人建議就唔好叫泡菜鍋啦畢竟個泡菜鍋係偏辣嘅。

平安夜，因為前排忙完，精神太攰，原定行程取消，老公仔陪我近近地落樓下食野。嘻嘻識人所以插隊，抱歉火炎生文魚，老公仔鍾意食，而家連我都鍾意，咬落去軟軟甘，好好味a牛油炒蜆，味道都ok，就係咬落去有沙，食海鮮最怕甘，感覺牙都脆埋都係清清地炒雜菜，唔錯唔油膩，岩岩好。鵝肝多士，今次叫左一份，兩人一半夾埋多士一齊食，吸左啲油味道唔錯，如果只食鵝肝就感覺好漏雜錦天婦羅，鍾意食瓜類，對大隻蝦驚皮膚敏感，但都食左一隻，飽

德美係紅磡呢度好受歡迎嘅日式餐廳，午市同晚市成日都滿座兼不少人排隊。呢晚我自己一個來到呢度食晚飯，睇個menu大部分都係魚生/壽司之類，但因為想食d熱嘅野，所以就叫左個牛柳鍋石頭鍋飯。個鍋一上檯個時熱到冒住煙。個飯好足料，d牛柳切成正方形，每件都好厚，仲有配埋洋蔥同有一隻生蛋係d牛肉上面。d牛肉唔係全熟，所以咬落去有啖啖肉汁，味道方面有燒汁個種味道，醃得好好味。d飯係粒粒分明嘅珍珠米，撈埋隻蛋同d汁一齊真係好好食！食完之後間店仲會送一粒小小嘅雪米糍做甜品！

德美壽司有好多分店今次第一次黎到紅磡既分店呢度同其他分店有啲唔同感覺上更加平民化店員同客人有打成一片既感覺一入門口就見到有啲造像有壽司bar 檯，想睇師傅整壽司既可以選擇坐bar 檯有tatami private room,適合大班朋友gathering點左一個魚子蔥吞拿魚腩丼（$132)吞拿魚蓉鮮甜，下面既丼飯唔係普通白飯，而係加左調味料煮既有味既飯另外一個德美海膽魚生丼（$172)有一格海膽加唔同既刺身套餐配左沙律、麵豉湯同甜品

今日同friend去紅磡同黃埔hea下，hea到肚餓，就去搵野食醫肚！！我地去到呢間德美居酒屋，見到佢既門面幾有特式，真係有日本feel, 所以就入去食。原來午餐唔洗加一，更加吸引我地!!! 我叫左個讚歧牛肉烏龍配壽司3件!! 前菜既沙律唔錯，d汁酸酸地，幾開胃!!! 果時肚餓到冇影相就食左.....個牛肉烏冬真係好大碗！烏冬好好食，入面仲有隻溫泉蛋!!! 正到呢～～～!!D壽司好好食，三文魚好正!!! 仲有個蒸蛋！滑到不得了！

午餐食日本野對小資港女係一種車望。。不過放假。。訓醒既第一餐好重要架！所以都係食好DD！呢間居酒屋既定食都幾豐富，一份包括沙津、日式蒸蛋、主菜、麵豉湯、甜品。兩個人叫左兩份定食加一款軍艦🤤💕🎏🎏🎏🎏🎏🎏🎏🎏🎏🎏🎏🎏🎏🎏🎏🎏🎏海膽什錦魚生飯 $88😍上面有海膽、帶子、蝦、油甘魚、三文魚、同大量蟹籽✨好豐富💕💕💕刺身厚切好大件丫，又新鮮，海膽食到甜味，正丫！🤤壽司飯加入冬菇碎都係第一次食，口滿豐富～網燒安格斯牛扒家食 $89塊扒大塊過手掌，牛肉味濃，食唔出網燒，配上燒汁有D似家庭料理，有汁撈飯特別開胃，都唔錯既。蔥吞拿魚腩茸軍艦 $55本人實在超喜歡蔥吞拿魚腩茸軍艦❤️所以係食日本野必食🙈呢個軍艦果然無令我失望丫，滿滿吞拿魚腩茸加埋京蔥，紫菜脆卜卜，好美味丫呢餐真係大滿足丫就咁睇落好似去左日本咁丫～比少少幻想🤤🎏

今次晚餐時段嚟到德美，肥妹仔冇點最大路的魚生飯，反而想試下其他熱食。<豬軟骨釜飯 $72> 釜飯熱噴噴，有木耳、蘿蔔絲等。豬軟骨份量算多，肉質諗身又大塊，再加隻溫泉蛋，不錯不錯。70多元來說性價比高<朴葉鰻魚飯 $108> 打開盒蓋就會見到蓋着鰻魚飯的葉，鰻魚肥美不會過老，白飯份量多，撥開鰻魚亦有淋上鰻魚汁的白飯，旁邊有3塊酸蘿蔔，送飯一流。最後係<黃金燒大蝦> 蝦真係幾大隻厚肉，有大量芝士、蒜鋪面同燒，很香口，大蝦亦冇黏殻情況出現，值得一試。最後，店員送上是晚甜品抹茶布甸。因為是送的，不要有太高要求哈哈。至少肥妹仔仍食到淡淡的綠茶味。環境不錯，靜中帶旺。總結環境不錯，價錢大眾化。今次所點菜式水準高於預期，值回票價。