綠色素食份子 (Closed)

今日特意和媽咪及男友約好黎食素食自助餐，本黎我地係諗住食另一間，但行行下見到呢間又好似幾企理，同埋未夠鐘都可以入去坐住先，跟住我地就決定食呢間，試下新野！環境企理清潔，食物種類多元化，有冷盤，壽司，薄餅，炸物，熱盤，粉面飯，糖水。現場都幾多人食，某幾款食物好早就俾人拎左，refill 得比較慢，但有ｄ又refill得好快！大部分野食都幾好食，不過熱盤就多油左少少，今次我地３個人都食得好飽，最好食係南瓜餅，我食左好多塊哈哈！埋單免加一，星期六日係八十蚊一位！

今日同同事去左食素菜自助餐，由炮台山行到去堡壘街勁攰。。。但好彩行得快唔使等位，不過原來入面內場好大都幾多位，坐得入隻碟仲會大啲，除左某部分菜式有花生／用花生油之外（本人不食花生），整體黎講款式都算唔錯，種類唔算太少，粥粉麵飯都有，有好多種炒菜，有湯，有鹹點有甜品，仲有好幾款飲品任君選擇，只係啲野食好多時都唔夠熱，暖暖地咁就唔係咁啱我，有啲新鮮拎出黎就會熱啲，不過係呢區70蚊食個lunch算係咁～有機會都可以再食過！

拜完年一行廿幾人搵地方食開年飯，好多餐廳都無開，加上人多又唔易搵位。咁啱見到有間素菜館，就行入去問下，竟然有房，房有2張大枱，啱曬我地。而且新年都大魚大肉，食下素菜都唔錯，即管試下。門口裝修用上白色，簡單樸素。 咁啱有2張大枱，啱曬我地。近門口位置做緊自助餐，而我地人多又有小細路，食自助餐比較無咁方便，於是我地揀左小菜。不過下次可以再黎試下佢個自助餐。128/位，免收加一。都ok👌🏽黑醋骨 $88自家甜酸齋 $38笑口包 每個$25佢入面挾著嘅係素叉燒，整得幾好味（個味真係好似真叉燒😋😋）正得一試！夏威夷pizza $108上湯水餃 $78腰果西芹炒百合 $68下面2款餐牌無，侍應推介。

<< 素食 • 自助餐 >>食物種類挺多的素食自助餐 平時吃飯無肉不歡既你 應該也是時候想想吃得健康點 有都款式仲多 包括 有中湯、甜點、Pizza、少量壽司、豆腐花、飲品有豆漿、茶。環境來說都座得舒服 不算是枱貼枱 晚上都多人來吃 不過呢個自助餐所有野都是自助 包括用餐後自己汁枱、拿餐具等等📎好吃指數: 7/10

今日約咗班走肉朋友食晚飯，煩惱緊嘅時候，比我揾到呢間有自助餐嘅，咁就啱曬有選擇困難症嘅我地😂😂😂。餐廳地點唔算就腳，炮台山地鐵站要行10分鐘左右。內裡裝修舒適摩登，似西式cafe，還有水晶燈添，同埋唔似一般素/齋鋪，地方迫夾，呢度坐得好舒服。需然訂咗枱，可能想節省人手，亞姐都係手指指叫我地是但坐張枱🤣，其實都無咩招呼可言，呢度乜都係自助㗎，包括攞碗筷餐具，同埋走嗰陣都要自己執乾淨枱面。食物都放在餐廳中間一大張長枱，款式都幾多，湯，冷盤，熱盤，甜品...中式西式樣樣都有。我最欣賞嘅係：一款炸餃子裡面係甜芋泥，甜度適中，芋泥又香又軟棉😋真係好食到唔停得好口呀😂😂。另外仲有黑松露讓翠玉瓜，朋友係松露愛好者，佢讚不絕口呢😂😂，我都覺得好好食，松露醬多到一個點！翠玉瓜蒸得剛好，唔會腍咗👍👍。疏菜類仲有羽衣甘藍等貴價菜，$108放題真係非常底食！

今日星期六同爸媽去食lunch ，媽媽話想試北角素食自助餐，我做一下資料搜集，就選定了這家素食分子。12時去到，很快就被安排入座，由於這家餐廳11時半就開始營業，去到時已有很多食客在自助餐桌上排隊取食物。食物有很多選擇，熟食的種類跟酒店自助餐的種類有得比。有好多未見過嘅素食，好特別。其中燒賣很出色。要講最好食嘅，就係個青瓜冷麵，我食左3次😋我對自己食量原來都未了解清楚😂蕃薯糖水也是推介!不過由於食客太多，出菜嘅速有待改善，但也是可以體諒的。呢度提供咁多野食，又唔會趕人走，最重要係100蚊都唔洗就食到自助餐

這間北角素食分子我真的去過無數次了，我鐘意佢地間唔中會轉下菜式，同埋每次去都有我喜歡的菜式。因為本人很怕人多，所以會盡量揀星期一去避開人流，加上如人太多有廚所有機會fill唔切食物，唔想佢地煮得太辛苦。這是一間十分值得推介給朋友的自助素食餐廳，原因真的很抵食，很超值，但製作食物卻很認真，不會得過且過。而且這間素食店的老闆娘本身亦熱衷於持善活動，喜歡佈施老人家素食，我也能在他們準備的食物上感受到這份慷慨和樂於佈施食物的心。素食分子Refill的速度是一流的，我很少見到菜盤是空的，通常吃完很快就會fill 滿，除非是臨近收舖的時段。店員亦算很有禮貌，識打招呼。佢地亦唔會催人走，如冇人等枱食完會由你傾多陣，都算幾識做。總體來說以$108食到咁多野，仲要唔係hea煮，真係唔知邊到搵。但因為唔同分店係由唔同廚師主場，有唔同菜式同味道，記得試埋佢地其他分店，時時會有驚喜。

我想問一句你地公司既訂枱機制 完全不知所謂 果個唔知經理定主任既小姐 我訂左枱 成粒鐘先再比枱我 仲要搭枱 感訂枱黎做咩呢？ 仲要呼呼喝喝都算 我知你多人 就係多人先要訂枱呀 唯一值得安慰係出品唔差 野食都幾好 多選擇 ！ 環境舒適 係個洗手間太多垃圾 好啦食完賣單走 大佬 我賣單比錢又等成5分鐘 你唔夠人係你地公司問題 收錢都要等？ 唔好玩啦 我係消費者 唔係黎受你地氣嫁整體係樓面態度不知所謂 由其是果位所謂既高級人士 希望你地公司可以改進下最基本既員工服務態度

-🦄素食分子-自助午餐 Hkd68Rating🌕🌕🌕🌑🌑-呢間係我係香港食既第四間素食自助餐可能去到已經好晏 都14:00左右啲野食大部分都比人夾曬而佢都唔會再Refill 所以好多盤都吉曬我都完全唔知咩來 心中係有啲啲失望既但都唔可以怪佢 所以建議大家要早啲-食物方面 供應既款式都唔錯既其中圖入面左下既係茶粿？呢個係令我surprised既 冇諗過有呢啲特色小食唔知紫色係咪紫薯味啦 食落好煙韌所以都Encore左 真係幾好味架然後有個醬燒茄子同西蘭花都好味呢2盤都係心得我心 其他既都一般般啦-另外仲有普通既沙律Bar 仲有壽司同Pizza同炸物咁呢啲冇食到比唔到啲咩Comment是日湯水係青紅蘿蔔粟米湯好清甜好足料 所以都飲左2碗仲有糖水 同埋啲飲品 飲左杯洛神花茶呢個係幾特別既 不過寒底人士就唔好飲太多喇haha-Overall如果我準時入座一定可以食到更多野食物款式同貿素都okay環境都唔錯 幾大間 坐得舒服但個日地下有啲濕 差啲比佢搞到跌低🙈🙈呢間係我心中 排第四啦Haha-

食開素一定有留意最低幾hit geh素食自助餐💪🏻 今日就嚟到北角嘅素食分子食下，因為係平日只需128蚊一個人，都幾平！食物好多元化，有各種沙律同熱菜！湯都有一中一西！西湯係好creamy geh mushroom soup~ 值得飲下❤️ 另外主食都ok.素嚟講唔會太單調，仲有d炸嘅番薯食，幾啱小朋友添！而芝士大菇都好多料，冇咁寡(^^)最正係有豆腐花，好重豆味，可以加黑糖😁非常出色，一定必食！#10月活動b

近排都開左好多素食buffet，其實都幾好，價錢平過放題，任食食素都一樣可以食得飽！趁老豆生日就去食得健康D！老豆坐低轉軚唔食buffet，可能自己生日就唔想一家人成餐飯走黎走去攞野食，我地改左散叫小菜，中西素菜式一樣有，點左個粟米帶子羮、雜菇溫室豆苗、串燒、麻醬豆腐、pizza。當然，上面提及既「肉」唔係真係肉啦，帶子其實係菇黎既，食落一絲絲都有d似帶子；串燒既「肉」就係麵筋，不過加埋d味粉燒，都真係幾似真既串燒肉；隊長最buy就係個pizza，好home made feel，個pizza底搽滿千島醬，雖然只係簡單既菠蘿、蕃茄、芝士，但酸酸甜甜好惹味！另外，因為改散叫，所以會有餐前小食，一兜其實食唔出係乜野，只食到味道有點辣，另一兜係脆焗螺絲粉，無諗過甘樣整螺絲粉，焗到乾脆，再灑d味粉，都幾好味，好似食薯條甘，幾得意。其實食buffet就抵食d，因爲好多菜式都有得食，樣樣都可以試下，滿足乜都想食既胃口。

老婆就黎生日，所以全家人諗住黎試下。開頭都冇咩特別都係試嘢食心態，好壞得個知字。坐坐下老婆抱住BB時椅子斷左，好彩冇老婆只係傷左一下，BB亦冇受傷，否則不會就咁算。而作為一間店的員工或老闆（不知身份，只感覺話得事的人），第一時間竟然開口講句「拿，你係自己抱住BB整壞張凳」，講完呢句，成家人秒灰。之後仲話啲凳係IKEA買，要告告IKEA。由此至終對客人的關心係零，連傷成點都冇問下，只係一味推卸責任。老婆生日唔想計較，否則唔會咁算，但點都好呢，呢間嘢冇下次。p.s.食物上，作為素肉兩食的我，覺得中等以下，翡翠包的包底果張紙完全同個包合體，唯一可以講的係水果類都識入貨，西瓜係甜的，其他就見人見智btw：如果你係講閩南話的大陸人都建議去，同個話事人同聲同氣，招呼明顯好好多。

今次於晚上來到餐館一嚐晚市自助餐。一如所料，大概7時來到時，食客仍然十分多，令地方變得頗擠迫。訂了枱但也等了大概十分鐘才能入座。最欣賞前菜的冷盤，很有色，例如是雞絲粉皮及日式冷麵，都是可口的選擇；不怕熱氣的話，也有很多不同款式的炸物。熱盤方面創作新意上就比較遜色，但咖哩雜菜跟印式薄餅很配。假日HKD128的價錢是很吸引啦!

🍀係素嚟架😌😌hello veggie🥕👉🏻台南三杯雞煲 💲88 呢個真係好似 特別係啲汁 合埋眼食都以為自己真係食緊真嘅三杯雞😹〰〰〰〰〰〰〰〰〰〰〰〰👉🏻脆皮黃金磚 💲68姐係炸豆腐 味道一般 不過炸得幾好嘅 外脆內軟😆〰〰〰〰〰〰〰〰〰〰〰〰👉🏻笑口飽 💲25/隻係蜜糖叉燒包 叉燒又整得幾似 好多蜜糖🍯 口感不錯😹😹😹〰〰〰〰〰〰〰〰〰〰〰〰To conclude: 我對素食改觀 可以再食😆😆😹

每次同屋企人聚餐都見到佢哋食好多肉，於是今次就約咗佢哋去北角堡壘街"素食分子"食晚餐素食自助餐$108一位(免加一)，我哋由7：30開始食到9點零，今次六個人當中有三個都未食過呢間素食，而佢哋食嘅時候都話比想像中多選擇，有炒粉麵飯、中湯、包點、椰汁西米露、沙律菜、Pizza、豆腐花、西瓜等等，飲品有熱水、熱茶、凍豆漿、柚子茶等等，加上環境亦坐得好舒服，所以今次大家都食得好開心😁，妹妹仲話下次會帶朋友去食。自助餐唔止提供中式素菜，更有美味嘅西式Pizza，連食開Pizza嘅家人都讚不絕口，炸嘅嘢食都好香口，唔覺油膩，仲有細細塊啲印度薄餅，唔加任何醬汁都覺得好好食，仲有豆腐花任食，後來我亦試咗一碗豆腐花再加糖水椰汁西米露一齊食，真係好味，而且亦唔會太甜。不過金銀菜羅漢果煲甘筍湯就太淡無味，炒公仔麵唔及上海粗炒好食。飯後有生果有西瓜及涼粉，總括個半小時任食，晚餐食段亦只係$108，真係絕對超值。總結：我個人就已經食咗第二次晚餐時段，閒日兩次都好多人食，不過晚市收9：30，個人覺得如果於8：45後才入店嘅，要有心理準備，食物唔會再添加新嘅，不過就一定仲可以食得飽肚嘅，個人建議晚餐入座時間，最好