Iconic Kitchen (Closed)

好耐無去柴灣啦!! 咁岩約左同屋企人食晚飯~去探探嫲嫲~咁就諗住坐得舒服d於是去左青年廣埸睇下有咩食啦! 因為4樓都有幾間餐廳可以簡~於是見到呢個招牌我地就比佢吸引住左啦!實在太吸引啦!!我本身都非常鍾意食西餐! 哈哈唔知呢間野係新開定咩呢? 我都唔知~好耐未去過柴灣~咁經過一家人既商議~決定食呢間啦!都幾抵食~有個4-6人家庭套餐~而我地有9個人所以嗌左2個家庭套餐~而每1個人係可以入去任食沙律吧~咁沙律吧都相當豐富啦~有忌廉湯或蕃茄湯~ 咁岩去到已經轉左蕃茄湯lu,咁仲有d麵包~岩岩出爐仲好熱~~沙津菜都唔差~仲幾多選擇~ 咁主餐都唔錯啦~最出色係個蝦多士!!哈哈 味道脆口~亦唔會太膩~而個pizza非常出色! 芝士控一定好鍾意!整體: 下次會再黎咖!!

中午想食得悠閒舒服，就選了食好西，這間有小型自助沙律bar, 沙律菜算新鮮，有好幾款沙律菜，而且沙律醬外，還有橄欖油黑醋選擇，對我來說已經足夠了。 有熱雜菜湯，湯中有薏米，又是加分之作。 湯味清而且夠味，不錯。主菜要了安格斯牛漢堡包，上枱覺得佢好大份。選了牛要medium，這個包好好食，牛味充足，而且配料剛好，有驚喜！ 而且薯條好食，外脆內軟。估佢唔到！叫了肉腸Pizza, 這個Pizza 好香麵粉味，而且配料簡單得來好夾又好味，只有肉腸、洋蔥、黑水欖及芝士，但令人食3塊都唔會厭。最後在沙律bar取了西瓜食做飯後果，再飲餐茶作結，餐茶不錯，咖啡奶茶都香。這間餐廳可以久不久去hea下食下，但有時都要等一段時間才有位的。柴灣好缺有質素的西餐廳呢！

住柴灣都九年啦～ 住 除咗附近有墓場～ 食 就係冇乜好食 😆～呢間 Iconic 嘅上上手 算係幾好，以前仲有人排隊添～ 不過 轉到來第三手 都係第一次試～ 裝修同梳化 都開始有啲舊啦～半自助晚餐～沙律吧 各類食物都有 但選擇不多 ～ 椰菜花湯 有粒粒 😅 ～燒香草羊西冷拌芝士條 $168～ 叫五成熟  來到變咗全熟～ 味道👌🏿 羊唔騷 只係有啲鞋 😆 但配上炸薯角 好開心啊 🤩四式芝士薄餅 $138～ 好大個pizza， 應該有十吋吧～ 而且鋪滿世芝士～ 連批邊都畀芝士包密曬😆 芝士好滯 食咗三塊放棄啦 ～ 味道平平 未能留下深刻印象 ～😚 不過想過下食 pizza 口癮可以嚟試下嘅～總括來說價錢算是公道～ 但呢個商場實在太靜～ 小店要加油囉 💪🏻💪🏻💪🏻 飢 point : 6 / 10#hungermarch #飢詩 #非飢詩

首先要蘋果汁走冰，沒走到，同侍應講佢只幫我拿走冰，不是重新比一杯走冰蘋果汁我，主菜老公叫了羊膝意大利飯，不得了，老公切到中間係冰凍，同侍應講，佢只係幫你翻熱返，沙律巴更好笑係，8:15問仲有冇啫喱糖，因之前見有，但被人食晒，我們一粒都食唔到，佢答要明天先有，連最cheap綿花糖都冇幾粒，真係好差，下次一定唔會再來。

母親節前夕，想吃西餐，近近地去柴灣又見呢間餐廳剧下扒啦。一入到去，做乜事，個個waiter and waitress 都黑口黑面。是晚叫了牛扒，再食salad bar, d碟有兩三隻也有些漬，感覺不好。牛扒賣相不俗，看來非常不錯。食下食下切下切下，大約有1/3也是根，好失望。是晚晚餐感覺非常麻麻，不會再光顧了。

是日肥鴿晨咁早就冒住大雨去左青年廣場排黃子華飛，排完都已經差唔多兩點，成身都又濕又凍。就係到煩緊去邊度食飯既時候，突然諗起：青年廣場樓上間西餐廳有半自助餐，價錢唔貴，之前都聽過人提起過WOR！不如就趁今日黎到青年廣場就試下啦 呢度環境都幾靜幾舒服，因為唔算好多人。黎得既都好多係附近既上班族。睇完餐牌之後，想食牛既肥鴿就要左澳洲牛肉漢堡配沙律同薯條，順便趁煮緊既時候出去拎沙律吧既食物。佢地既湯有兩款，有圖入邊既椰菜花忌廉湯同後來轉左既南瓜忌廉湯。兩款湯都好好飲，暖笠笠同有新鮮蔬菜既口感 沙律吧食物有栗米、羽衣甘藍、蕃茄等，選擇唔算好多，但勝在有不同的醬汁可供調味，食落去無咁單調。蔬菜都食得出係新鮮既，但螺絲粉沙律就比較乾身，感覺有多D汁會好食D。等左10分鐘度，主菜就黎左啦 附送既沙律無咩特別  薯條就幾好食，但趁熱食比較好，凍左有少少太稔。漢堡牛肉可以自己揀幾多成熟，肥鴿要左五成，其實真係剛剛好半生熟  調味適中，加埋生菜同漢堡醬汁，口感好豐富。食完之後其實已經好夠飽，但肥鴿又點會錯過出面沙律吧既朱古力噴泉呢！除左朱古力噴泉外，仲拎左雜果同新鮮生果。最後又飲埋杯付送既熱檸水，呢餐唔駛1

今日發現4樓呢間餐廳轉左名，價錢同之前都差不多。坐位都無改變，但就多左個超吸引既沙律吧！估唔到平民區黎講，佢既沙律菜既選擇都唔錯，除左有雜菜，仲有雜果、粟米、西瓜、蜜瓜、大黃腰豆，同埋依家大家都知曉既super food 羽衣甘藍！係崇拜後來一客清新的田園氣息。是日甘筍忌廉湯更係「自由斟」的，飲幾多都可以隨自己份量而取，實在太好飲，我飲左兩大碗😂又香又滑，點多士都一流❤️除左沙律，仲有自助麵包、多士供應。最令人驚喜的是朱古力噴泉⛲️，仲有棉花糖提供，仲可以搽多士變甜點😂我最愛係鵝肝忌廉意粉，唔好睇佢好似好細碟，但每一啖都食到洋蔥、磨菇，忌廉汁既香濃。而鵝肝煎到外脆內軟，完全無想過係呢度可以食都咁高質素的意粉，真係令人難忘！另外三文魚蕃茄意大利飯，都令人垂涎三尺，鮮茄既味道令人開胃，加埋拉絲芝士既香醇味道，令整個飯層次不一樣。至於豬扒焗飯份量比較多，豬扒入味之餘仲要超冧身，啖啖嫩肉沒辦法抗拒，不過個炒飯底就硬左少少。Pizza 我自己就覺得油左少少，同埋可能我唔鐘意薄底，但味道係唔錯既！賣相都一樣吸引！

今日同一班朋友一齊去青年廣場食午餐，我們選了4/F 這間轉咗手的西餐廳。 這裡食午餐是包了自助沙律巴，午餐選擇也不錯！沙律巴有餐湯（甘筍南瓜蓉湯）、各種不同沙律菜、粟米、雜果、薯仔；香草麵包（有焗爐）朱古力火鍋（綿花糖、啫喱糖）都幾多選擇，餐湯幾好飲，顏色靚味道清甜；沙律菜好多選擇，新鮮爽脆坐位都幾舒服，地方唔算大，但安靜又休閒我們選擇了：1. 煙三文魚西蘭花番茄汁意大利粉好靚呀，三文魚如玫瑰花；番茄汁甜甜酸酸，開胃好味！西蘭花夠腍，好香2. 鵝肝野菌意大利粉鵝肝都幾大片，外脆內軟，剛剛好意大利粉軟硬剛好，多汁香濃3. 番茄汁焗吉列豬扒飯豬扒好腍好軟熟，好好味好易咬；但飯比較硬4. 牛仔腸彩椒黑水欖洋蔥意大利薄餅薄批：唔算太脆，上面材料都平均分報，幾好食，材料配搭不錯這個價錢還包了飲品，都幾抵的選擇

朋友住柴灣但未食過，咁我又黎陪佢食啦～發現次次都食晏、夜晚轉左手後都未食過，睇人地食評好似好多好野食咁～希望下次可以試下！沙律吧任裝，飲左一碗ja,不過不失，包就普通到不能再普通了朋友叫左個帶子意大利飯，佢第一次食，驚喜喎，佢都好鐘意食！連洋蔥本身唔食都肯食、都算係咁、但真較多洋蔥見佢食食下都忍唔住要筆走d蔥，但味道佢話好味既！而我自己忍唔住又食番burger,今次食十成熟、因自己戒口唔食得生，但我都覺得好味，我鐘意食lo,都唔會因well done而硬喎！我地食完仲坐左段時間吹水，佢去到3點已經無哂人，d員工就食飯，都唔會催我地既，有提我地收沙律吧要再拎，幾好～可能平時係返工人士食多我地le d 師9仔先會坐到咁晏

記得上次轉手既PB cafe，真是not good，以致我們一家決定唔再幫襯。今次再轉手仲改名換姓，加上有好多網友都話好食、試得過，我們就膽粗粗去try try啦！平日夜晚去食唔算多人，大約有5~6枱客，我們都唔洗等位就可以入座，侍應好好笑容，仲有卡位坐都幾好架😁望完餐牌，本來想叫pizza試下，不過見到隔離枱order既 pizza係大批既size, 咁大個，我又得2個人，叫得pizza又試唔到其他嘢，唯有放棄唔食pizza啦！最終我們order左炸芝士+洋蔥圈，美國安格斯牛扒要5成熟。 呢度好好，只需要叫餐牌上任何一款食品都可以享用自助沙律吧+餐湯+飲品，Great👍👍講下個沙律吧，都算幾多款，好似有沙律菜，火箭菜，車厘茄，什果粒，紅腰豆，粟米粒，西瓜，哈密瓜，貝殼粉沙律。。。 sauces都有幾款，好似千島醬，沙律醬，蜜糖芥末醬 (目測覺得係😅)，仲有意大利醋和olive oil，都好豐富。 本人最鍾意既係佢有火箭菜，因為唔係度度都有得食，覺得好滿足😊呢度既炸芝士+洋蔥圈都唔錯，加埋佢既presentation, 覺得佢好有誠意，好想令食客食得滿足😋。而個牛扒真係無得彈，佢火候啱

柴灣的青年廣場除了提供青年旅舍服務，舞台，自修空間，其實還有美食廣場。4/F有中餐太極樓，日本菜還有我們今天嘗試的西餐廳 – Iconic Kitchen。店員服務態度友善，主動為我們介紹菜式。餐廳沒有dinner set，但卻正在做推廣，就是點一個主菜，則可以隨便享用沙律吧和一杯餐飲，冷熱同價。我們細看餐牌，發現主菜價錢合理，和一般西餐廳的晚餐價錢一樣，所以馬上決定入座。由於朋友最愛意大利飯，我們便選擇原隻龍蝦伴墨魚籽&龍蝦汁意大利飯。另外再要一個燒豬肋骨伴粟米配燒烤汁。在等候主菜期間，我們馬上到沙律吧。餐廳提供的沙律菜款式不少，有火箭菜，椰菜和生菜，還有醃蘿蔔和薯仔沙律。醬汁有欖油，黑醋還有千島汁，與一般的semi buffet菜式差不多。至於餐湯，今天則是野菌忌廉湯，正合我胃口。所有的沙律菜都十分新鮮，質素上盛，薯仔沙律的醬汁香濃，是我最喜歡的口感，大家亦可以自行調配自己喜歡的口味。至於野菌忌廉湯，簡直是完美。，餐廳用上不同的菇菌，除了香味濃郁外，每一口都可以喝到菇菌粒，很有口感，最重要是夠新鮮熱辣，我連喝三碗，很是滿足。主菜很快便上桌，第一道菜是龍蝦意大利飯，雖然龍蝦不是很大，

之前已經食過兩三次pb cafe,改名後算第一次食！柴灣區西餐又抵食都非佢莫屬，坐得舒服，有bb櫈，又有自助沙律吧不過今次去食沙律吧fill得好慢，個湯無哂要等好耐（食哂主菜咁滯）先有，le樣真係唔太ok,都有唔少食客不滿，雖然最終都有湯飲食左個意大利飯同芝士漢堡，都好食！如唔出去遠又想食西餐都會再黎食既佢雖然可以48蚊只食沙律吧、但建議就唔好了，以前食沙律多d野食，有牛肉片食，但今次去只有菜，le 樣係差左既反而食主菜副帶沙律吧會好一點佢門口出面就有bb換片室！對有bb既家庭黎講十分方便！

作為於東區居住的人士，不知道大家有無留意柴灣區除工廠大廈內的隱世食店外，其實可以鋸扒的地方真的不多。之前於青年廣場內的PB Cafe是間特色的西餐廳，當這店搬遷後，取而代之的就是這家新的西餐廳 - Iconic Kitchen。門面基本上與前身的PB Cafe分別不大，而在晚飯的時段內就提供了惠顧主菜送沙律及甜品吧的服務，既然感覺都頗划算的關係就當然試試吧﹗沙律﹑餐湯及甜品吧位於店外的一角，有基本的磨菇湯﹑沙律菜及粟米菠蘿等配料，亦備有麵包讓你可以利用焗爐烘製多士，最重要的，是這附送的服務是任食的，所以大家在主菜上不夠菜類的就可以以沙律代替吧。主菜方面有6-8款，而小弟就選擇了美國肉眼扒作為今晚的鋸扒之夜吧﹗肉眼扒肉味不錯，雖然我的肉眼扒相對多筋，但肉質都算嫩滑。而表面的露荀及旁邊的配菜味道還可以。至於甜品方面備有啫喱糖及切片生果，絕對滿足到大家以生果為消化用甜品的必然之選吧﹗