Video
Read full review
2018-04-26
1842 views
是日肥鴿晨咁早就冒住大雨去左青年廣場排黃子華飛，排完都已經差唔多兩點，成身都又濕又凍。就係到煩緊去邊度食飯既時候，突然諗起：青年廣場樓上間西餐廳有半自助餐，價錢唔貴，之前都聽過人提起過WOR！不如就趁今日黎到青年廣場就試下啦 呢度環境都幾靜幾舒服，因為唔算好多人。黎得既都好多係附近既上班族。睇完餐牌之後，想食牛既肥鴿就要左澳洲牛肉漢堡配沙律同薯條，順便趁煮緊既時候出去拎沙律吧既食物。佢地既湯有兩款，有圖入邊既椰菜花忌廉湯同後來轉左既南瓜忌廉湯。兩款湯都好好飲，暖笠笠同有新鮮蔬菜既口感 沙律吧食物有栗米、羽衣甘藍、蕃茄等，選擇唔算好多，但勝在有不同的醬汁可供調味，食落去無咁單調。蔬菜都食得出係新鮮既，但螺絲粉沙律就比較乾身，感覺有多D汁會好食D。等左10分鐘度，主菜就黎左啦 附送既沙律無咩特別 薯條就幾好食，但趁熱食比較好，凍左有少少太稔。漢堡牛肉可以自己揀幾多成熟，肥鴿要左五成，其實真係剛剛好半生熟 調味適中，加埋生菜同漢堡醬汁，口感好豐富。食完之後其實已經好夠飽，但肥鴿又點會錯過出面沙律吧既朱古力噴泉呢！除左朱古力噴泉外，仲拎左雜果同新鮮生果。最後又飲埋杯付送既熱檸水，呢餐唔駛1
呢度環境都幾靜幾舒服，因為唔算好多人。黎得既都好多係附近既上班族。睇完餐牌之後，想食牛既肥鴿就要左澳洲牛肉漢堡配沙律同薯條，順便趁煮緊既時候出去拎沙律吧既食物。
椰菜花湯
100 views
0 likes
0 comments
沙律吧 - 螺絲粉、蕃茄仔、羽衣甘藍同粟米
110 views
0 likes
0 comments
沙律吧食物有栗米、羽衣甘藍、蕃茄等，選擇唔算好多，但勝在有不同的醬汁可供調味，食落去無咁單調。蔬菜都食得出係新鮮既，但螺絲粉沙律就比較乾身，感覺有多D汁會好食D。
等左10分鐘度，主菜就黎左啦
澳洲牛肉芝士漢堡配沙律及薯條
$88
114 views
0 likes
0 comments
附送既沙律無咩特別 薯條就幾好食，但趁熱食比較好，凍左有少少太稔。漢堡牛肉可以自己揀幾多成熟，肥鴿要左五成，其實真係剛剛好半生熟 調味適中，加埋生菜同漢堡醬汁，口感好豐富。
食完之後其實已經好夠飽，但肥鴿又點會錯過出面沙律吧既朱古力噴泉呢！
除左朱古力噴泉外，仲拎左雜果同新鮮生果。最後又飲埋杯付送既熱檸水，呢餐唔駛100蚊就有齊沙律吧、主菜、甜品同野飲，真係好得好滿足！最緊要係坐得舒服自在！而且食物質素都有保證！
甜品吧
80 views
0 likes
0 comments
食評既最後，影影是日餐牌比各位睇睇：
Post
