海景軒

Open Now

Now Closed

今天到海景嘉福酒店海景軒試了一個抗疫套餐， 由於正常午餐時間一早爆滿所以改在兩點後吃， 第一度鱈魚膠湯味道清甜，點心亦精緻不會滿口味精，蛋白杏仁茶甜味適中，四周環境優雅，服務達標。

晚市冇堂食咪食豐富嘅午餐代替囉想食嘅嘢次次都叫唔晒焗蟹蓋係signature之一脹卜卜全部都係蟹肉灌湯餃都係我最愛之一皮薄湯濃又足料砂窩銀鱈魚都好正啲魚脆卜卜再加汁（煎封）啲魚仲好滑蠔煲好似係季節性啲蠔都好大隻 其他料都好足豆苗夠嫰 好味叉燒就真係唔係好穩定時好時壞 要靠運😂海蜇爽口 好味脆皮雞真係脆皮 雞肉都嫰而且唔乾呢個甜品幾特別用紅棗整千層酥啲酥皮好脆 加上淡淡嘅紅棗味唔會太甜總括嚟講好好食😋食晏食咁多嘢係飽嘅

喺Klook買了連海景軒套餐既staycation package後，就上openrice看看食評，發覺大多數都比負評，後悔都來唔切，但錢已預付，唯有如期去用餐，用餐前我已給同行朋友打底，叫佢哋不要有太大期望。點知每個餸都熱辣辣，好好味，喜出望外，食到我哋個個舔舔脷，最後既甜品～蛋白杏仁茶都好有水準。此外，海景軒環境好好，枱與枱之間距離寛濶，而且每個服務員都好好禮貌，招呼周到，呢餐冇揀錯，亦要為【海景軒】平反一下，日後必定會再幫襯

久不久屋企人都會要求去海景軒無論係午餐同晚餐都咁鍾意❤️主要係價錢唔貴啲嘢又好食晚餐我哋次次都會留定片皮鴨即場有職員片鴨 脆皮帶肉 滑足唔同要求薄餅用蒸籠分開上不過要盡快享用 冷氣下會好快凍醬汁有辣有唔辣 幾特別二食嘅生菜🥬包鴨鬆真係好細心啲生菜🥬片片都裁剪過 每片都手心咁大方便食用另外必點嘅有酥炸白飯魚又香又脆 作為前菜一流仲有砂窩煎封銀鱈魚🐟啲銀鱈魚🐟煎咗係脆嘅再放入砂窩加上特製醬汁 好好味😋仲有其他不同嘅菜式例如其中一個招牌菜蜜梅京燒骨唔使次次揀生炒排骨甜甜地轉下口味鵝肝花枝丸好彈牙裡面有鵝肝做餡川辣蝦球辣辣地但啲蝦好爽有啲似豆辨醬味 如果XO醬唔知會唔會再好味啲清清地要咗個上湯浸豆苗豆苗夠嫰 濃湯夠味蟹肉桂花炒粉絲稍嫌淡咗少少但係都好味嘅最後梗係要脆奶卷做甜品熱㷫㷫脆卜卜 好味😋

✨五糧液桂花蜂蜜叉燒叉燒 三分肥七分瘦 肉質軟腍鬆化蜜味香甜 帶好微微嘅桂花香五糧液冇乜存在感 ✨海景軒片皮鴨配料同醬料有兩款 一款係傳統式 另一款韓式 感覺都幾新鮮薄餅皮 係同坊間有啲唔同 有啲類似米皮 口感偏向有韌性 較乾至於重點嘅片皮鴨睇相都知 隻鴨有做開Gym 好瘦 冇乜脂肪令到食起上嚟冇嗰種 應有嘅油脂香 皮較薄 酥脆感相對薄弱鴨肉亦相對乾柴 冇乜肉汁整體麻麻地比較適合怕肥人士食用係我心目中好食片皮鴨 其中一個重點係鴨嘅油香呢度完全沒有 有啲失望香酥火鴨方(二食)炸皮 炸得鬆脆內餡 似係將火鴨混合蝦膠做成 口感彈牙 味道唔算突出做法幾特別但食落又冇乜特別✨龍皇白玉卷上層 石斑魚雲南火腿卷 石斑魚鮮甜 肉質嫩滑 帶少少火腿鹹香中層 蝦膠釀香菇 鮮味彈牙底層 混合菜汁做成嘅蛋白 連埋帶鹹蛋香嘅醬汁食 整體唔錯✨水晶牛肋肉外層係水晶梨 梨肉口感帶爽 香甜牛肋肉 看似好柴 但食落好軟腍夠入味 甜甜地 幾特別✨欖菜玉珠賣相精緻 將菜心欖菜釀入冬瓜球冬瓜清甜 欖菜味道幾突出芡汁偏清淡✨鴛鴦糯米飯上層 有春卷皮同錦鹵雲吞皮做成嘅裝飾中層 炸芋角 芋頭味香濃 口感綿滑底層 糯米雞 輕輕炸過

尖沙咀海旁5星酒店午市點心套餐啲間中餐係米芝連，食物一定有返咁上下👍🏻午市套餐仲要幾抵食，可以揀8款點心，仲有甜品茶錢最平$29，啲質素係可以嘅香麻叉燒酥個皮好鬆，餡啲醬汁甜甜地，好食😋蒜香銀鱈魚春卷蒜味適中，不過魚肉始終唔係好夾做春卷三色竹笙素餃顏色配搭一流，雖然係素食但味道唔會淡碧綠露筍蟹肉飲食到爽脆嘅露筍，同蟹肉鮮甜味好夾招牌蝦餃皇蝦肉爽，不過皮厚身左少少松茸燒賣松茸菇香味好夾肉味，唔錯脆皮牛肉腸粉原來係入面包左油炸鬼，陳皮配牛肉好食瑤柱有機糙米鷄糙米代替糯米，無咁heavy但一樣好食蛋白杏仁露、香酥奶黃春卷杏仁露完全無苦澀味，好滋潤嘅感覺春卷配奶黃的確唔錯另外加左個灌湯餃，湯頭好鮮又有鮑魚，正😋

見到片皮鴨關注組有人分享海景軒做緊半價片皮鴨優惠，即刻喺openrice訂位，期待咗一個月終於有得食！片皮鴨喺訂位時已經預留咗，坐低後大概等咗廿分鐘就上菜。侍應先奉上全鴨畀我哋影相，等我哋影完先開始片鴨，好貼心整隻鴨烤色均勻，烤至古銅色，表面帶油光，就咁睇都知鴨皮一定夠酥脆。呢度嘅片皮鴨唔單止片皮，而係皮連肉，只有少部份係淨皮。鴨皮酥脆，烤得剛剛好，唔會太油膩配料方面除咗有傳統食法嘅青瓜、京蔥同甜麵醬，另外仲有菠蘿、柚子同辣醬，辣醬少少辣，估唔到同烤鴨都咁夾。鴨胸部分好厚肉，肉質結實唔會乾，鍾意食啖啖肉嘅我食得好滿足餅皮做得非常靚，夠薄又濕度適中一隻烤鴨跟兩籠餅皮，畀得好慷慨，估計有成廿塊。呢度嘅片皮鴨二食有多款選擇，除咗一般嘅炒鴨鬆之外，仲有炒鴨絲、炆鴨件、鴨鬆荷葉飯同鴨絲煎米粉等等。我哋就揀咗比較特別嘅香酥火鴨方，就咁睇個名唔知係咩嚟，睇英文先知係炸鴨肉多士由兩片薄薄嘅麵包夾住鴨肉墨魚滑，麵包炸得非常酥脆，中間墨魚滑彈牙頭抽和牛炒飯色水好靚，頭抽味道突出而且非常有鑊氣米飯粒粒分明好有水準呢度好多菜式都可揀light portion，就算少人嚟食都唔驚食唔晒。整體嚟講食物質素好高，片

諗住假期午市會滿難訂枱，點知當日訂都有位😀。蝦餃雖然大粒、皮薄，但裏面嘅蝦好嚡，處理得不好，又唔覺有筍絲，一般點心店嘅味道仲好過佢賣相普通，糙米加糯米，軟硬適中，餡料有少少肉粒同瑤柱絲，味道唔錯有一隻鮑魚仔同一片小花膠，上湯味濃餡料似混入少少蟹肉，食落有鮮味。鳳爪比一般酒樓味道淡，唔特別好食。牛肉較好，軟身唔太實，有少少陳皮味，加埋切大粒馬蹄，有咬口，但味道都係一般。有驚喜，雖然牛肉崧似牛肉球的味道，但陳皮味濃好多，混入細細粒的豬油渣，炸得好脆，撈埋飯一齊食。再加啲豬油，好食到飽都想食埋佢呢個甜品好少食，酸酸甜甜，煙煙韌韌，值得一試！另外，雖然我對茶冇研究，我哋飲的鐵觀音，一啲茶味都冇，心想，侍應服務咁好，冇可能開錯茶畀我哋㗎😂

同爸爸媽媽婆婆食晚餐叫啲啱老人家食嘅嘢～一早預留左咪知蓮推介—欖菜玉珠冬瓜扮提子🍇入邊仲有馬蘭頭同欖菜味道非常清淡要自行加鹽不過琳琳地就啱晒婆婆食嗌咗招牌嘅叉燒半肥瘦幾好我就叫咗一個竹笙三絲羹好在夠熱但係味道有啲淡經理推薦左一個古法炆班尾有埋豆腐火腩同生菜冬菇絲肉絲一齊炆超級送飯好入味又係軟林林啱婆婆食仲嗌左個砂鍋蝦碌粉絲煲超級香啲🦐又好大隻仲送咗綠豆沙同杏仁茶做甜品食到攬住個肚走

staycation送的六道菜晚餐包括埋啲小食都算係一道菜，哈哈，份量較少，細食嘅人會覺得飽 全部冇乜特別最好食係個甜品 ：楊枝甘露唔知單叫係點但係唔吸引我去幫襯 隔離意大利餐廳比較吸引

海景軒的點心午餐依然是我在九龍區的首選, 除了因為質素和傳統粵式風格外, 常和網絡飲食平台合作的特價預訂, 也是吸引我們的主因. 茶粿和牛肉腸粉這兩類米漿類點心, 水準說是頂級也不以為過, 前者糯米外皮黏度和煙韌度恰到好處, 底部煎得十分香脆但沒有焦化, 內裡肉餡Juicy但不會散開, 相當工整. 後者米漿順滑帶米香, 牛肉碎香滑帶陳皮香, 中間夾著薄脆令其口感對比突出, 簡單的豉油配搭已經足夠. 叉燒類菜式點了叉燒酥和五糧液燒叉燒, 前者酥皮層酥脆層次分明, 略嫌內裡叉燒口感有點乾. 後者以五糧液代替玫瑰露酒, 酒香更淳, 只是燶邊不夠多, 烤香不夠, 肉質看起來比較柴但吃起來相當腍, 脂香也夠, 只是吃燒味的時候我比較傳統, 喜歡吃有烤香和焦脆的燒味.蛋白杏仁茶是這裡的另一經典, 我覺得這裏的是我吃過最濃稠和蛋白香的一家, 只是今次有點失手了. 杏仁香味依然濃而天然, 只是質感水潤了, 不夠厚實. 蛋白粒很散, 吃起來有點割烈, 作為經典之作這次真的要改進呢!

海景嘉福Staycation, 因為其他餐廳平時都有去食，係未食過佢中菜廳，便選了在海景軒食Dinner先看餐牌三小碟唔算出色，一般水準，排骨超甜。三種味道都唔精緻。帶子幾好食，冇雪味，西芹淋咗啲，但我喜歡淋，友人就嫌不爽口。蝦冇鮮味，但都冇雪味，可以啦飯就似福建炒飯，好大碗好飽湯好清，似係素湯甜品幾足料，多芒果，味道冇驚喜。總括而言，酒店式嘅服務，好有禮貌，周到，可能個個都係食呢個餐，佢一次過煮，上菜嘅節奏有啲太快（我估我哋食得慢，人哋食得快），但起碼佢係即煮即刻送上嚟。Staycation 包嘅餐質數係會打個折扣，散叫大概會好少少。我食中菜最怕味重，食完口渴，呢餐絕對冇呢個問題。～報告完畢～

很久未有到海景軒飲茶，某天忽然興起，即往午餐。先來一客狀元茶粿，茶粿軟糯，底部煎得脆脆的，以豬肉、花生及菜甫做餡，豐富的味道在口腔裡交滲出來，不愧為店之名物！有別於一般用純糯米做成的糯米雞，這兒加入了糙米同蒸，絕對能增添另一份口感，此外餡料亦甚多汁，滲進糯米確實十分可口。相對地春卷較為普通，雖說是蒜香鮮蝦鱈魚春卷，惟過重的蒜味掩蓋了蝦或魚的鮮味，略為遜色。熱烘烘的叉燒酥是吃得出的新鮮焗起，芝麻的香氣徘徊在口中。蛋白杏仁露甜度恰當，杏香飄散，順滑而不會太烯。高呢的點心始終教人回味不已。

😍海景軒 (尖沙咀)📍尖沙咀麼地道70號海景嘉福酒店B2層Weekend 食好西🤤海景軒喺2011 年至 2013 有米芝蓮一星級水準應該有返咁上下👍🏻唔知係咪因為疫情裁左員喺門口等引座/叫餸/加茶都好耐但係嘢食上黎都係熱辣辣既👍🏻1.招牌叉燒腩一直都係Miss fatty 既最愛😍😍叉燒肉夠淋夠入味！淋度係比東坡肉硬少少下下咬出黎有汁！🤤叉燒汁加入左玫瑰露 比其他多一陣香味！建議叫大家叫瘦叉 超多肉叉燒肉索滿晒汁 咬落去淋脾脾加埋少少肥膏 正🤤一個人食晒一碟都得2.鮑魚栗子雞煲鮑魚煮到岩岩好！彈牙好食！雞有過左油先 食落好香口又有肉再多點肉就更好🤣栗子放喺最低索汁不過唔夠淋唔夠入味3.海蜇普通不過既海蜇前菜上面d蔥好新鮮夾埋幾好食🤣個人鐘意食所以叫大家睇budget 🤣4.鼓油雞鼓油汁加入左紹興酒 超級有酒香雞係走地雞 肉超級滑又結實食既時候係咁點鼓油汁🤣5.蝦多士每半多士都有一隻大蝦對半切開蝦夠大 每一啖都食到蝦肉🥰蝦炸到剛剛好 唔會乾上面有芫茜同金華火腿芫茜控既miss fatty 特別鍾意食芫茜果邊🙈6.羅漢齋普通羅漢齋既配料竹笙、豆腐、冬菇、白菜喺底正常啦

早前同家人去海景嘉福酒店Staycation，第一餐就食著名中菜餐廳海景軒，一共有六道菜，包括前菜、湯品、主菜及甜品。《三式小花碟》香辣鹵水水牛腱、煙肉醬茄段、玫瑰花燻帶子茄子多汁入味，凍凍地口感實淨，係最好食的一款。玫瑰花煙燻帶子凍食，有淡淡的玫瑰花香，但食唔到帶子鮮味，香辣鹵水水牛腱則普普通通。《黑松露燉響螺湯》真材實料，淨係睇用料已經覺得好有誠意，好多響螺片，燉湯鮮味清香，反而飲唔到黑松露。《雲雪鮑魚星斑球》擺盤精美，有鮑魚、星斑塊、蘆筍、火腿及雪菜絲，鮑魚細細隻叫做點綴一下，星斑鮮美，蘆筍鮮嫩爽脆。《翡翠百合羊仔肉》羊仔肉份量不少，帶有少許羶味，口感嫩滑，連埋西芹百合一齊食感覺幾清新。《海皇黃金蟹蓋焗飯》賣相幾特別，芝士、蟹肉、飯的組合，食落好香好滑，不過食到呢道菜開始飽飽地食唔曬。《生磨杏仁露》杏仁味香濃，但磨得唔夠幼滑濃稠，中規中矩。