喜膳燒

Open Now

Now Closed

收工約咗朋友食飯，去咗尖沙咀一間大家都無試過嘅串燒店。一入到去就見到個open kitchen，師傅燒緊串燒好惹味，坐咗成晚都唔覺一身油煙味。雖然小店唔大間，但枱同枱之間都有一定距離，坐低一啲擠逼感都無。Menu選擇都好足夠，串燒嚟講價錢屬於中上。啲嘢食開始到，店員拎咗塊燒熱咗嘅板嚟，只要有嘢食準備好佢哋都會KEEP住放上去，就算掛住傾計食得慢啲串燒都唔會放到凍冰冰。牛舌同牛肩胛都好入味，牛舌仲要係厚切！燒明太子釀雞翼咬開有驚喜，不過簡單嘅燒雞翼都好好食無被比下去。貴妃蚌都好新鮮食落好鮮甜，連上面啲粉絲都索哂汁，好想叫碗飯嚟撈！其實大部分嘢食都水平以上，但成晚最出色嘅係燒玉桂焦糖金菠蘿。店員一拎到埋枱已經聞到好香嘅玉桂味，焦糖燒到脆卜卜，玉桂同焦糖份量啱啱好，唔會死甜都無搶走菠蘿嘅香甜味道。收據仲可以當優卷下次用返，計返都有8折。下次再去食燒菠蘿，因為真係幾出色

放工又係一班同事食飯吹水嘅黃金時間，今次有個同事話有間燒烤店係個FD開嘅，叫我地去撐下場，出品幾好，同同事食飯有乜合適得過食燒烤送啤酒。鋪頭有少少隱蔽啦，因爲唔係開正馬路邊，但係都唔算難揾，入面唔算闊落，但都好岩一班人圍埋食串燒，感覺Close D，氣氛都好D，而且燒烤厨房係開放式嘅，完全睇到師傅身水身汗咁不停轉動隻手去燒烤，保證即燒新鮮出爐，唔會話整定翻熱，應該都會幾好食物。野食方面，都係應有盡有啦，有貴嘅平嘅，有海鮮有蔬菜，任君選擇，呢到我認爲整體出品超正，最緊要我覺得係食材都新鮮，唔會話只係用各種調味粉去掩蓋食材本身嘅唔新鮮，相反調味料只是輔助品，更凸顯到食材嘅味道。有幾樣野都幾印象深刻，首先就係燒扇貝，海鮮新鮮就真係唔需要太多調味料，就咁少少蒜蓉就完全提升扇貝嘅鮮甜味道，超級鮮美，又大舊好有滿足感，而且面頭D粉絲索曬扇貝嘅汁水，好鮮甜，簡直係絕配。第二樣就係燒雞軟骨，首先選材就已經優勝，大大粒，夠曬飽滿，唔會好似出面好多雞軟骨咁太瘦太柴，軟骨連少少肉，口感同味道都提升唔少，簡單用少少鹽調味就已經非常好食，又夠脆口香口，送酒一流。第三樣令我印象深刻係燒玉子，燒玉子就響日本餐廳食得

今日約咗個女仔朋友諗住搵個地方傾吓偈食串燒，就上網搵到尖沙咀喜膳燒，地方細細地好骨子，仲有幾部電視機，可以一邊食嘢一邊傾偈一邊睇電視😂😂。兩個女仔叫了好多嘢食，今日叫了雞腎串，雞蛋好新鮮。蜜糖雞中翼，少少甜燒得略嫌有少少燶，而蜜糖燒粟米好香甜，燒日本番薯我的最愛，第一次食燒秋葵，小虎椒又唔算太辣（辣啲更加好），燒韭菜燒菜心苗香得來又夠健康。黑胡椒燒肥腸都係第一次試，日本和牛串有牛味，最後來一個燒肉桂焦糖金菠蘿🍍，夠晒兩個人份量。😝😝

隱世日式串燒小店，唔係朋友介紹話好食 ，我哋都唔知有間咁嘅餐廳，一於今日放工happy下去食試一試佢！燒西班牙黑毛豬五花腩師傅已經燒晒啲豬油出嚟，識落唔會好肥，但油脂好夠豬肉味濃。海鹽燒皇牌牛舌 厚身，亦係外脆肉軟，肉質又淋又嫩。燒豬頸肉串 （BBQ味）亦係厚切，油脂含量超多，口感超好，中意油脂感嘅實中意。海鹽燒美國安格斯肉眼串牛肉味濃，唔會過熟。燒雞皮又係好正，串燒必叫，雞油十足。燒蒜蓉海鮮扇貝 燒蟶子燒多春魚叫左幾樣海鮮質素好高，餐廳每日會挑選最新鮮嘅海鮮，會係是日嘅主打推薦比食客，扇貝聖子又大又鮮甜，食出鮮味！港式懷舊燒魷魚（麻辣味）魷魚燒得好香脆，配麻辣汁點黎食，好惹味，送酒又得就咁食又得越食越停唔到口！燒麵筋 好有港式嘅味道，配埋沙嗲汁，麵筋又超入味超索汁。燒京蔥 京蔥燒出嚟依然脆嫩。焦糖燒菠蘿 呢樣上到枱要等一等先，因為佢嘅焦糖要冷卻一陣間，之後菠蘿咬落去就會有外脆內軟嘅口感，菠蘿直頭係爆汁！燒燒賣（沙嗲汁）亦係燒到外脆內軟，配埋沙嗲汁，熱辣辣超好食。

今日朋友話有一間位置喺尖沙咀嘅串燒出品唔錯，特別係燒海鮮，於是就決定過嚟一試啦。🤍 估唔到真係咁好食，朋友果然冇介紹錯。首先，環境方面，呢間餐廳嘅感覺好chill，係好適合各位朋友過黎點幾串串燒，飲返兩杯嘅好地方。至於食物方面，佢哋嘅質素簡直係冇得彈，選擇真係比一般串燒店更加多，即刻比大家睇下個menu先🥰🥰🥰 除咗傳統嘅串燒，仲有一啲新創作嘅串燒，例如煙肉鵪鶉蛋串燒，真係幾得意㗎。🥰至於海鮮方面，我哋今次就試咗烤蒜蓉粉絲扇貝，同埋烤貴妃蚌，海鮮新鮮又鮮甜🤪，配埋蒜蓉，將海鮮嘅鮮味更加提左出嚟，perfect😙。建議大家嚟到一定要試吓佢哋嘅海鮮，除咗以上兩樣仲有好多好多款㗎，包括有唔同嘅貝類、魚類、連蝦同生蠔都有㗎。😍其他嘅串燒出品都好好，例如燒牛脷，佢燒得好有牛香味，牛脷唔會話燒到太冧冇口感，軟硬到剛剛好。而燒玉子就更加值得一讚啦，好多一般坊間嘅玉子燒都會做得太甜，呢度嘅玉子燒唔會話太甜，令到個蛋味更加突出。🥰 我哋仲試咗錫紙焗黑松露金菇，估唔到金菇配上黑松露醬係咁夾，完全係升咗一個層次，我同朋友都一致認為呢個係一定要試嘅菜式。😍😍另外，喺飲品方面佢哋都好多選擇，鍾意飲酒嘅朋友不妨試

燒扇貝 $68勁多汁！好鮮甜，扇貝又大大啖肉，再加滿滿嘅粉絲同蒜蓉，係好味嘅貴妃蚌 $68好大隻，朋友話新鮮，有驚喜燒山賊雞翼 3隻 $39微辣，惹味鹽燒五花腩 $38太乾，無味燒牛舌 $49唔錯，正常燒午餐肉 $26脆脆地，幾好，揀咗沙嗲汁，幾特別燒豬頸肉 $26加沙嗲汁，味道似叉燒燒雞肉 $26加咗BBQ汁，略甜鹽燒雞腎 $24呢個幾好食燒廚師腸2條 $24揀咗蜜糖味😂就係自己去燒嘢食嘅味道，唔明朋友點解要點，但都好味嘅牛油蒜蓉焗金菇 $42無得輸嘅一樣，但略貴燒虎椒 $16好食！辣辣地，又多汁燒韮菜 $19太咸了一口和牛 $59咬咗好耐….燒露荀 $28估唔到得一條…燒雞脾菇 $19得兩舊，略乾同無味涼拌珍珠耳 $29係酸辣粉嘅味道，我鍾意飲品味道同價錢都正常

口痕想食串燒，見呢間評價唔錯就去左試店舖空間唔大，但檯唔會隔得太埋，坐得都叫舒服食物價錢係一般尖沙咀嘅價錢，整體味道偏咸，但有幾款有驚喜兩個人叫左十幾款串燒加兩杯野飲，埋單700蚊鬆啲，岩晒咩都想試下嘅人推介：貴妃蚌一個字：鮮！好少響串燒店食到咁嘅質素，蒜蓉唔會太濃味，湯汁味道岩岩好，值得一試推介：午餐肉見咁平就叫左黎試，本身都無咩期望但午餐肉質素喜出望外，表皮燒完後脆脆地但唔會太硬，個沙嗲汁都幾惹味推介：燒虎椒燒虎椒最怕燒到太乾身，呢間火喉岩岩好，虎椒咬落爽口，有汁水，而且夠辣，過癮呀但肉類整體都比較失望，五花腩同牛舌燒得太乾，而且無咩點調味，下次黎應該會主打海鮮同蔬菜類。

今日老公接收工🤣天氣又熱🔥又焗🤪喺度煩惱緊食咩好嘅時候👅聞到好香嘅燒烤味🔥所以今日就去食串燒❤️❤️好在呢度冷氣夠大🥬🥩💃🏻今日前前後後都叫咗十幾樣嘢🔥味道都幾好食😆我哋坐低嘅時候已經9:00👅咁我哋就嗱嗱臨叫嘢食先😍燒蘆筍燒得啱啱好⭐️四季豆完全冇草青味⭐️翠玉瓜我就覺得啱啱好但係老公就話覺得可以燒得脆少少🤷🏻‍♀️而我咁多蔬菜來講最鍾意佢個燒秋葵💖燒得啱啱好🤟🏻🤟🏻金菇牛肉卷都幾好食不過味道有啲濃😆鹽燒五花腩😍一啲臭豬味都冇而且咬落去嘅脂肪10分豐富👍🏻跟住叫咗個燒扇貝💖超級新鮮☺️唔會燒過龍👅蒜蓉味都好出😛燒菠蘿一上枱已經聞到好香嘅玉桂味☺️但神奇嘅係食落🔥肉桂嘅味道一啲都唔搶foll 🤟🏻菠蘿超級甜美💖💖另外都叫咗燒茄子燒響鈴❤️不得不提佢呢個涼拌青瓜都幾好食😛因為我本身都幾怕辣🙈但係我又鍾意麻🤣呢度嘅涼拌青瓜同埋涼拌牛舌合晒我嘅口味🤟🏻🤟🏻最啱怕辣又鍾意麻味的人💖💖涼拌牛舌味道同青瓜一樣都係小辣多麻👍🏻但佢個口感油脂豐富好似由食鵝肝有內臟嘅感覺😆食到差唔多以為夠嘅時候🤣老公竟然話想食多少少野就追加左燒雞比菇燒番薯同埋燒娃娃菜🤟🏻味道都OK❤️其實仲有其他嘢叫咗不過肚餓得滯🙈都係個肚食先🤣

燒雞皮好脆好脆，點佢地嘅秘製辣汁（類似生蝦汁）一流厚切牛仔骨呢個牛仔骨真係比一般嘅厚一倍。厚切嘅好係唔容易overcook, 一咬開個時仲係粉紅色肉，大約7成熟，牛味比平時薄切全熟嘅牛仔骨濃。蜆新鮮，唔係用咗好多調味，食到啖啖咸水香味牛油雜菇份量好多，牛油味岩岩好，另外咸味都好出，岩晒鍾意食重口味嘅人飲品入面有雪耳、仲有其他材料。我本身唔好甜，仲好擔心會好甜，好在佢係淡淡甜味，清清地解膩一流。芝士響玲都係燒到好脆，入面啲芝士溶化喺個響鈴入邊，入口口感有層次。響玲本身無乜味，同芝士嘅濃味互補，好夾。

近排夜晚都睇奧運，揀咗一間一路睇奧運，一路食串燒嘅餐廳。呢間串燒嘅選擇同口味都好多，有菜有丸有肉有海鮮。燒嘅方法仲有港式日式，部份串燒可以揀唔同嘅口味，例如係沙嗲味，鹽燒或者係孜然。點左咁多串，最鍾意食嘅係佢嘅燒翠玉瓜，翠玉瓜好厚，而且好多汁。燒粟米夠甜。燒雜菇份量夠多，如果可以重蒜啲就好啦🤣🤣肉類方面，豬頸肉同雞翼都做到同樣嘅效果，外脆內軟又多汁。燒海鮮其實好難控制火喉，我自己出去燒經常燒燶晒或者乾晒，呢間都做到好Juice！

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️喺尖沙咀發掘到一間比較隱蔽嘅居酒屋😍感覺上比起其他居酒屋佢多一份地道同人情味，同埋好啱feel同三五知己飲下酒食下串燒傾吓計😆見佢Menu有好多選擇，不過驚眼闊肚窄嘅我今次先試住啲串燒同海鮮：⭕️ 海鮮類 - 試咗燒馬來西亞大蜆同埋是日推介嘅燒特大蟶子皇 💁🏻‍♀️ 特別想講，個蟶子勁好食囉 🙌🏻 燒過嘅蟶子更加鮮甜，而且火候恰到好處，好易咬唔會韌，配上特製嘅蒜蓉醬味道一流！超級推介！⭕️ 串燒類 - 熱辣辣好惹味，配埋啤酒，爽🍻 特別好食嘅就係燒雞腎，切得夠薄，口感爽口過癮。我揀咗配孜然去燒，勁香🤤⭕️ Samuel Smith 杏桃水果啤酒 - 食串燒又點少得啤酒？呢個英國手工啤牌子已經有超過100年歷史，全港應該得唔夠10個地方有得飲。味道香甜，唔會有啤酒嗰種苦澀味，啱晒唔太飲啤酒嘅朋友🙃除咗嘢食之外，店員服務態度都好nice😍 值得一提佢哋啲串燒係會用鐵板上，佢哋放咗唔少功夫去令到塊鐵板可以keep住熱又唔會overcook啲串燒（我哋走嘅時候塊板仲熱㗎！）同埋店員會等你食咗啲先再燒再放上鐵板，等啲食物唔會攤凍，鐵板又唔會迫

我好耐冇食過串燒，所以今晚就去咗一間朋友介紹喺尖沙咀嘅串燒餐廳，餐廳喺寶勒巷嘅街中間，裝修特別，都容易搵到。我哋入到去已經見到好幾張枱嘅客人食緊野，仲聞到好香嘅串燒味，所以我哋都急不及待落單。餐廳老闆介紹咗我哋食貴妃蚌，估唔到一送上枱係咁大隻，貴妃蚌啖啖肉， 十分鮮味，食得出好新鮮，推介大家去試吓！除咗海鮮，我哋仲試咗牛油薯蓉焗田螺，薯蓉嘅牛油味好香，甜甜地，田螺大大粒啖啖肉，呢個都超級推介！明太子燒雞翼：隻雞翼脹卜卜，好多肉，加埋明太子有少少辣味， 好惹味！另一個想推介嘅係牛油蒜蓉焗金菇包，因為佢嘅牛油香味沾滿左每一條金菇，份量都幾多，非常之抵食！至於串燒方面，我哋嗌左燒雞肉串、燒雞軟骨串、燒雞腎串、燒雞皮、燒廚師腸、燒燒賣、燒多春魚、同埋燒菜心苗，大部份嘅串燒都可以選擇唔同嘅調味，例如有鹽燒， BBQ汁，和風汁，沙嗲汁等等，啱晒唔同人嘅口味。老闆仲特登俾咗一款泰式辣汁俾我哋點串燒食，係自家調製㗎 ！食物嘅定價以串燒店來講唔算貴，性價比高，而且味道出奇地出色，我諗下次想同朋友飲下酒食吓串燒，都會揀呢一間！

收工約咗朋友去尖沙咀食晚飯，今次嚟到位於尖沙咀嘅呢間串燒店食串燒食物款式都幾多，除咗有燒海鮮、仲有肉類、蔬菜同主食等等。海鹽燒王牌牛舌共有三塊牛舌，食落幾腍，用少少鹽來吊味都已經足夠沙嗲燒豬頸肉串切到一口size，方便一啖食晒，幾有嚼勁，沙嗲汁幾惹味燒玉子燒玉子都係第一次食，甜甜地，都幾適合用嚟燒鹽燒雞軟骨雞軟骨燒到有少少焦脆，軟骨爽口鹽燒西班牙豬五花肉肥瘦分明，肉幾腍，食唔油膩蒜蓉貴妃蚌幾大隻同多肉，好重蒜蓉味，貴妃蚌幾彈牙泰式燒原隻魷魚燒到面頭焦脆，有炭香味，口感幾爽口彈牙燒馬來西亞大蜆D蜆幾大隻，冇乜沙，幾新鮮牛油蒜蓉焗雜菇份量幾多，菇幾爽口，而且juicy食串燒點少得飲品，叫咗杯自家製冰糖雪耳雪梨水，好多雪耳，甜甜地幾清涼

貴！性價比極低， overall 野食好普通。白鱔貴！成$68蚊， 呢個價錢幾乎成條新鮮嘅白鱔都買到。好食都算， 可惜又燶又唔好食。 另外，服務態度又差，食食下突然要我地轉位， 話要開隔離度門攞嘢， 連唔該都無聲， 搞到要搬嘢。甚麼燒龍躉， 勁普通， 賣到成五十幾六十蚊。 一口和牛同肉眼， 真係食之無味棄， 同我喺凍肉舖買自己燒冇分別， 質素激到普通。 最後佢哋真係要處理下油煙問題， 激臭！全部衣服同頭髮都係油煙味， 有啲嘢果然不可信 唔怪得咁容易搵位啦！ 以後不會再幫襯。

Hello 大家好，又係我地Hkfunlife小編分享好餐廳既時間啦 今日好奇之下就決定入去試下！呢間餐廳位於尖沙咀寶勒巷10號地舖，叫做喜膳燒呢間餐廳嚟到依間隱蔽的喜膳燒，鋪仔細細，坐位密麻麻，坐滿應該都幾迫。最緊要就係冷氣夠勁我地到達餐廳後，先掃安心出行或寫紙仔，等5分鐘左右便可入座。埋到枱見到有齊備嘅餐具，同一碟已經準備好既泰式醬汁。超好好味，如果唔夠挑戰、仲可以加辣、我朋友自稱食得好辣，都食到舔舔脷!你夠膽就來試吓坐低之後，店員提供餐牌。我地唔洗5分鐘已經諗好要食咩。店員服務態度非常好，雖然好忙但亦好有效率，落單流程亦簡易迅速，人氣得有道理首先會用熱石上菜，之後既串燒再放上面，keep住溫度，慢慢食都唔會變凍，  燒西班牙黑毛豬五花肉（$38）一串3舊，半肥瘦燒得剛好不錯  燒新鮮白鱔（$64），肉質皮脆肉嫩、肥瘦均勻，啖啖肉，燒到好脆口咬落唔奀   呢間餐廳好岩想食串燒過下隱又驚太多會熱氣既人士，食完覺得岩岩好👍