喜膳燒

Open Now

Now Closed

同朋友係尖沙嘴行完街，突然有鋪癮想食燒烤，於是搵到呢間餐廳，餐廳不算太大，但座位都坐得寬闊舒適，遠處已經聞到香噴噴燒烤味！呢度既燒烤有幾種唔同口味醬料搭配，肉類/丸類燒烤多數圍繞以沙爹/BBQ /蜜糖/和風等～另外仲有傳統孜然同鹽燒口味✌️肉類方面食左: 沙爹燒豬頸肉，雞肉，山賊雞翼，金菇肥牛卷，全部都燒到外香肉滑，燒到鎖住肉汁，好juicy!跟住蜜糖燒牛丸，台灣黑椒腸，香甜爽口，好彈牙啊~蔬菜方面，唔少得孜然味燒韭菜，仲有蒜蓉燒茄子，唔會燒到過侯好鮮美😋最後海鮮類試左個燒聖子，蟶子都好大隻好新鮮甜，絕對要試！今次想食燒烤㗎癮真係夠曬過癮！

呢間隱世日式串燒小店，朋友介紹話好食 我地都要黎食下先燒麵筋 第一次食依款 好特別呀 👍🏽照燒汁燒京蔥 照燒汁味浸透哂入去燒肉桂焦糖菠蘿 我哋等佢上咗枱之後過一陣先食 外皮變到脆卜卜 一咬落去啲菠蘿汁出哂嚟 好juicy燒燒賣（揀咗配沙嗲汁）沙嗲汁有甜甜嘅花生味 好好食燒西班牙黑毛豬五花腩海鹽燒皇牌牛舌 燒豬頸肉串 （揀咗配BBQ味）海鹽燒美國安格斯肉眼串燒雞皮肉質好嫩🥰 而且串串肉都好厚 好有口感呀而且串串都好新鮮 唔會係雪藏肉👍🏽燒蒜蓉海鮮扇貝 燒蟶子燒多春魚海鮮質素超高 好鮮甜🥰仲要好多汁港式懷舊燒魷魚（揀咗配麻辣口味）麻辣醬汁額外用伴碟比客人配黎食 好惹味 越食越停唔到口呀！益力多沙冰夏天飲簡直係一流 沙冰好棉🥰 正🪧 喜膳燒 (尖沙咀)尖沙咀寶勒巷10號地舖

今日去尖沙咀行完街街做完嘢，好需要啤一啤佢放鬆一下，啤酒當然係背串燒，上網見到依間幾多like嚟試一試。入到嚟特色小店座位唔係多，但好在夠地道有feel。再看看點菜單，食物種類都多，真係花多眼亂，今日串燒有馬來西亞大蜆，珍寶大扇貝，黑胡椒燒肥腸，日本霜降和牛串，照燒手切雞腎串，燒蜜糖雞中翼，黑椒燒台式香腸，燒火辣牛肚，海鹽燒芫荽，燒蜜糖牛油粟米，燒日本一口甜薯，燒虎椒，海鹽燒秋葵，孜然燒韭菜，鹽燒菜心苗，最後來一個燒玉桂焦糖金菠蘿。大多數都好出色，大家睇相都見到。

尖沙咀巷仔入面都有好多出色既餐廳，今次就同朋友試下呢間隱世串燒店~食物方面選擇都幾多，除左串燒類仲有其他主食，不過我地黎到梗係要叫串燒啦!✨日本霜降和牛串✨海鹽燒牛肩胛✨燒芝士西班牙黑毛豬五花肉✨燒黑豚肉龍躉卷(鹽燒)✨牛油蒜蓉金菇包✨燒茄子(蒜蓉)✨燒韭菜(孜然)✨台式香腸(黑椒)✨明太子釀雞翼✨蒜蓉燒貴妃妦✨燒珍寶大扇貝✨燒肉桂焦糖金菠蘿咁多款食物入面，比較推介蒜蓉燒貴妃妦，肉質嫩滑又夠鮮味🥳明太子釀雞翼脹卜卜，入面充滿住明太子，食落辣辣地，明太子fans必叫😍日本霜降和牛串配上少少鹽同黑椒調味，一咬落去就feel到牛既脂肪係口慢慢融化🤤食串燒必叫既燒菠蘿，餐廳配上肉桂同焦糖，即使放左一陣先食都好脆口，而且菠蘿夠甜，用黎消滯就最岩😂飲品方面叫左青檸梳打同巨峰梳打，比較推介青檸梳打，食串燒就最岩，夠晒fresh!🍴喜膳燒尖沙咀寶勒巷10號地舖

喜膳燒（尖沙咀）*前幾日喺尖沙咀行街時,聞到陣陣好香嘅串燒味,跟住我哋入去試下😀*呢間店舖設計好有日本居酒屋嘅風味,地方雖小,但卻很有氣氛。#呢度啲串燒非常好味,種類多元化,而且材料新鮮,我哋坐低叫左以下食物：1）蒜蓉燒扇貝：大大隻扇貝味道鮮甜,肉質豐厚,超多汁,配上滿滿的粉絲和蒜蓉,更提升了扇貝的鮮味到另一層次。2）蒜蓉廣島蠔：廣島蠔非常肥美,脹卜卜,很新鮮沒有一點兒腥味,吃起來很有滿足感👍3）海鹽燒牛肩胛和安格斯肉眼：火喉燒到啱啱好,保留了牛的味道,肉質軟滑,細嫩多汁,味道一流。4）燒雞腎：切成薄薄的一片,咬起來爽口彈牙,忍不住要食多串。

晚餐又好 宵夜又好  如果要食我呢一刻會揀串燒 因為我太耐無去旅行 串燒又一種人在外既感覺 不過此刻心情實在太過複雜 但其實要搵一間外表要有味道既餐廳可以好容易但食物要有返咁上下心準既唔係多今次呢間我有啲心得喇無論你飲唔飲啤酒都好 FROZEN BEER你應該有見過或者飲過我第一次品嚐既地方係日本東京新宿 印象深刻日本人既創新係能夠融入生活令你接受 唔會大擔到你唔敢試 呢個係我欣賞佢地既原因可惜今次我係一名司機 "開車前咪飲"我都仲係要堅持既內部環境 唔會好迫 一張枱夠晒你坐 環境其實有幾分新宿內街食日本串燒 飲住啤酒食宵夜既地方起碼我可以望梅止渴先選擇上都係應有盡有 肉類 海鮮 蔬果 都一應俱全一定唔會令你失望賣相係靚仔既 如果以貎覓食既話 相信都唔會有任何問題燒露荀、燒豬頸肉串(配沙嗲汁)、燒雞肉串(配沙嗲汁)- 露荀係多有誠意，將多餘老去的表層削清再燒乾表面,，但內裏仍然JUICY- 豬頸肉我最終無沾任何沙嗲汁就食完，因為佢本身既味道已經足夠，而且都係外層收晒汁好入味，裏面仍然係SUPER JUICY 鎖晒汁- 燒雞肉唔乾唔燶, 仲有帶泰式既味(哎吔.........陽光與海灘呀

店舖同日本小店一樣，細細間而充滿釋放壓力嘅氛圍，係細聲講、大聲笑好岩同朋友黎吹水嘅串燒店🍢。通常食串燒都會飲啤酒，但呢到有個幾特別嘅飲料而我覺得幾襯食串燒時飲😂😂一陣開估。特別一提係，叫串燒會配有一塊燒熱烤板上檯，一邊食d串燒就唔會咁快凍哂，影完相食都係熱，係值得開心嘅位黎。🔸黑松露鵝肝多士2pcs ($82) 💎 同友人去食，佢一放件多士入口隻瞳孔變大左😂呢件鵝肝多士非常邪惡，咬落d熱鵝油爆出黎，要襯熱食！面頭加左黑松露同紫菜去燒已經好香，所以中間唔係黑焦係黑松露黎。中意個脆邊燒焦得岩岩好，燒得幾夠力水，配上牛油多士脆而香口。好推呢個望落平凡而咬落回味嘅上品😋🔸燒新鮮脆皮白鱔（$68）💎厚肉而皮脆肉嫩，無燒到乾哂仲係juicy地出煙😚烤過嘅脆皮上薄薄加左一掃燒汁with白芝麻，亦無蓋過魚肉味，調味平衡👍🏼佢d紫菜香氣真係幾出，就算加左淡燒汁都食得出。最重要係呢舊咁岩無骨，啖啖肉幾滿足☺️一件好唔夠！🔸燒沙嗲燒賣（$19）燒燒賣！偏甜嘅沙嗲醬令我以為叫錯左燒雞肉🤣幾special應該係日式口味？不過燒過嘅燒賣煙韌，中意麻薯口感嘅人應該都會喜歡，亦幸好魚肉唔係粉個種，先可以燒到外內同樣軟熟

估唔到寶勒巷入面原來有間串燒店，感覺就好似係居酒屋，好適合同朋友一齊嚟食下宵夜，傾吓心事。💃🏻餐廳主要以串燒為主，除咗傳統嘅串燒，佢哋仲有好多新穎嘅款式，亦可以自己選擇醬料，包括孜然味、沙嗲味、蜜糖味及和風味等。😚🌟日本霜降和牛串（ $59 ）霜降和牛串好好味，可以感受到和牛既油脂係口中漸漸溶化，好滿足～🥰🌟燒黑豚肉龍躉卷（鹽燒） （ $59 ）用黑豚肉包住龍躉肉呢個配搭真係好新穎，龍躉肉質感好紮實，黑豚肉味好出，會稍稍蓋過龍躉肉嘅鮮味。🤣🌟燒芝士西班牙黑毛豬五花肉（ $46 ）上枱嘅時候，見到滿滿嘅芝士鋪喺五花肉上，而啲芝士仲有少少流質嘅效果😜🌟燒台式香腸黑椒 （$26）台式香腸就唔使多講啦，一如以往咁好食。😋🌟明太子釀雞翼兩件（ $48 ）外皮烤得十分香脆，雞翼內裏釀滿了滿滿嘅明太子，脹卜卜！明太子味唔會話太濃，有少少微辣嘅感覺，都幾香。😉🌟牛油蒜蓉焗金菇包（$45）呢款一定係食串燒必食嘅一款蔬菜，雖然價錢比起一串串燒稍貴，但係佢嘅份量都唔少，有好多充滿濃濃牛油味蒜蓉味嘅金菇。😚🌟燒茄子（蒜蓉）（$28）呢度嘅燒茄子十分嫩滑juicy，蒜蓉味好出，都係必食之一。😋🌟燒韭菜（孜然）

搵到一間都頗有人氣嘅串燒小店🤭小店店舖不大 幾有新宿思い出橫丁啲串燒店嘅感覺蒜蓉燒貴妃蚌 $68貴妃蚌好新鮮 啖啖肉 肉質鮮甜又juicy 蒜粒好香 好好食😋覺得今日呢個最好食～ 我諗呢間串燒嘅海鮮都高質燒蜜糖牛油粟米 $22/2粟米本身都好鮮甜 加上冇得輸嘅蜜糖同牛油 好味😋燒芝士響鈴 $22/2好特別！竟然有燒響鈴 裏面仲有流心芝士芝味濃郁 響鈴燒到好鬆脆好正我覺得燒仲好食過打邊爐🤣～燒玉子 $19玉子好甜好好食 口感鬆軟帶蛋香～串燒肉類大部份都有唔同口味選擇 例如BBQ 沙嗲 鹽燒 照燒 香辣等等而店家額外俾咗自家製嘅泰式辣汁～ 好惹味好開胃～燒豬頸肉串 - 沙嗲 $26豬頸肉肉質爽口彈牙 沙嗲嘅椰奶味幾香～燒雞軟骨 - 鹽燒 $38/2～燒蜜糖雞中翼 $38/3雞中翼反而冇想像中咁好味 比較乾身～海鹽燒皇牌牛舌 $49

好掛住日本大板的串炸，唯有係香港食下串燒，懷念一下「鄉下」嘅味道寶勒巷附近有好多嘢食，老公係門口聞到好香，就入左去試下這間。其實唔係好肚餓，隨便叫左少少試下先，分別叫左聖子，豚肉，安格斯牛肉粒，秋葵，粟米，白鱔，仲有蒜蓉牛油炒雜菇。全部都熱辣辣上枱，火候十足，香噴噴！聖子燒得剛剛好，肉類都燒得好夠火喉，老公食到舔舔脷！白鱔好肥美，魚油係個口到，齒頰留香秋葵同粟米都燒得好好食，秋葵一點都不乾，粟米牛油好香口！

💖喜膳燒💰人均$250 Dinner都係食得串燒大家都可能會驚佢又貴、又唔飽、又咸、又唔係高質咁，不過呢間絕對唔會有呢d事發生！呢間串燒店雖然開喺尖沙咀寶勒巷咁就腳，但係一啲都唔貴！平均都係$20-40一大串🤤而且佢肉質好好，食物唔會太鹹或者太重口味❤️私心推介佢個蜆、芝士響鈴同流心鵪鶉蛋🤤真係好食到想再加單鍾意啤啤佢嘅朋友更加唔可以錯過呢間串燒！生啤選擇又多又正，喺門口已經見到佢個生啤機🤤

原來寶勒巷有一間隱世既串燒居酒屋🍢🎐 所有串燒都系即叫即燒 同埋佢地勁窩心🥰 串燒會用鐵板上 可以一直為食物保持住個溫度 完全岩哂好似我呢啲中意相機食先 但又要等齊哂所以食物黎到影大合照既人🤭 燒馬來西亞大蜆 $88成日睇我story既朋友一定知我勁中意食蜆🤣 所以黎到我第一樣就嗌佢 每一隻蜆都好大粒好厚肉 而且好新鮮食到原汁原味😋 燒避風塘廣島生蠔 $78咩蒜蓉咩芝士焗蠔平時就食得多 但呢款避風塘口味就真系見都未見過 夠哂特別又勁惹咩🤤 燒蒜蓉茄子 $28勁多蒜蓉 配埋佢地自家製既醬汁 勁香濃🤪 照燒汁燒京蔥 $16燒到佢外脆內軟 一啲都吾dry 京蔥咬落口仲有少少汁嗶出黎☺ 燒煙肉鵪鶉蛋 $32每一粒既鵪鶉蛋都俾一層厚厚既煙肉卷住 勁過癮😆😆 明太子釀雞翼 $48佢好岩我呢啲中意食雞翼但吾識𖧲骨既人 雞翼入面仲要有滿滿既明太子🤩 沙嗲燒燒賣 $19燒賣控既我去到邊到有燒賣既地方都會嗌🤣 個沙嗲汁好好味好jeng👅 或者可以揀香辣又得🌶 孜然燒韭菜 $19啲韭菜食落口吾老 仲要一啲渣都無😏 如果吾太好孜然 可以揀鹽燒都得架😁 胡麻醬涼拌稻庭烏冬配溫泉蛋 $72食完啲串燒 夏天食番個涼

口痕痕，食乜好？路過寶勒巷，見到「喜膳燒」這居酒屋很有特色，二話不說我們就決定今晚嘆串燒！小店是名副其實的小店，只得十枱左右，等了約10分鐘才可入座！明太子釀雞翼（$48）雞翼已去骨，食得方便，而且燒得好入味呢！海鹽燒皇牌牛舌（$49）厚切牛舌勁爽口，鹽香鹹度啱啱好，一串得三片要爭吃呢！燒蜜糖墨魚丸（$26）外層香脆，內裡彈牙，蜜糖味很香濃呢！燒台式香腸（$26）去唔到台北，唯有燒條台式香腸止癮吧！牛油蒜蓉焗金菇包（$42）食完肉，當然要食菜！打開錫紙，即聞到牛油香呢！燒玉桂焦糖金菠蘿（$34）燒完都勁爆汁，唔乾身！埋單每人$115，抵食！

今晚食咩好呢？專登帶媽咪去尖沙咀食串燒❤️🥰最特別之處是餐廳提供熱石鐵板，每串串燒在廚房新鮮即製，然後送上每台的熱石鐵板上。確保食物新鮮熱辣，打完卡之後都係熱烘烘的👍🏼👍🏼💜💜💫沙嗲燒雞肉串 Grilled Chicken 🐔 Skewer$26沙嗲醬濃郁，雞肉嫩滑，雞肉分量多💫蜜糖燒頂級墨魚丸 Grilled Premium Octopus 🐙 Balls with Honey 🍯 $26餐廳調製了一個泰式的辣醬，味道酸酸辣辣很配合，墨魚丸爽口，配上甜甜的蜜糖非常棒💫和風燒彈牙牛丸 🐮Grilled Beef Ball$26牛丸彈牙🥰和風味有日式的感覺，有三粒牛丸，分量剛剛好💫牛油🧈蒜蓉🧄焗金菇包Grilled Enoki Mushroom 🍄 Rolls with garlic butter$45一包完整的金菇，浸在牛油蒜蓉中🤤🤤🤤香噴噴，每一條金菇吸入香濃的牛油蒜蓉💕💫燒聖子皇（蒜蓉）Grilled Razor Shell 🐚 (Garlic)$58綠色的香蔥和蒜蓉灑在聖子上，保留海鮮的鮮甜💫蒜蓉燒茄子🍆 Grilled Eggplant with garlic$28茄子加上蒜蓉燒

同朋友係九龍公園游完水，佢話好餓好想食串燒，係openrice搵到呢間都幾多好評，就揀咗呢間。一入到見到個bar檯，食串燒好少見個bar restaurant，加埋個燈光都幾有氣氛。唔係等好耐就上咗燒韭菜、牛舌、牛肉、雞軟骨，仲要有個熱石係到保溫，即使我地兩個女仔食得慢，都唔會變凍。牛舌係厚切既，調味適中，燒到口感香脆唔會軔韭菜好長，用筷子慢慢食，都幾方便，而且質素幾好，唔會有渣，調味已經夠，唔洗再加七味粉。雞軟骨脆爽，燒得啱啱好。我最鐘意就係燒鰻魚，加埋啲芝麻燒得香脆，加埋滑嫩鰻魚肉既口感。朋友叫咗燒茄子，多蔥！茄子索咗D燒汁既味，唔鐘意食茄子既我都覺得個口感可以接受，淋得黎但口感都幾OK!另外，我叫咗個扇貝，粉絲索咗D扇貝 ，好清甜，個扇貝燒得熟，仲保持到滑身既口感最後我地叫咗兩隻雞全翼同埋兩隻明太子雞翼，雞全翼燒得香脆，雞肉仲保持到滑嫩口感，點埋餐廳附送自己調既酸辣汁，食到尾都可以refresh一下。明太子雞翼好香，佢夾住啲明太子內涵，口感豐富特別。下次朋友生日應該會再同佢encore