喜膳燒

Open Now

Now Closed

口痕想食串燒，見呢間評價唔錯就去左試店舖空間唔大，但檯唔會隔得太埋，坐得都叫舒服食物價錢係一般尖沙咀嘅價錢，整體味道偏咸，但有幾款有驚喜兩個人叫左十幾款串燒加兩杯野飲，埋單700蚊鬆啲，岩晒咩都想試下嘅人推介：貴妃蚌一個字：鮮！好少響串燒店食到咁嘅質素，蒜蓉唔會太濃味，湯汁味道岩岩好，值得一試推介：午餐肉見咁平就叫左黎試，本身都無咩期望但午餐肉質素喜出望外，表皮燒完後脆脆地但唔會太硬，個沙嗲汁都幾惹味推介：燒虎椒燒虎椒最怕燒到太乾身，呢間火喉岩岩好，虎椒咬落爽口，有汁水，而且夠辣，過癮呀但肉類整體都比較失望，五花腩同牛舌燒得太乾，而且無咩點調味，下次黎應該會主打海鮮同蔬菜類。