喜膳燒

Open Now

Now Closed

收咗工想同朋友飲返兩杯~覺得串燒真係好適合，所以就揀咗呢間串燒鋪，一入去氛圍很好~霓虹燈配上懷舊燈飾，好有特色!重點菜式推介1.避風塘廣島生蠔生蠔肥厚多汁，蒜味香濃，香口加鮮味，真係好值得一試，再加返杯🍺 正!2.海鹽燒牛舌串燒一定少不了牛舌，因為切得比較厚身，一啖落去，口感十足3.卷燒玉桂焦糖金菠蘿燒菠蘿就食得多，加了層焦糖令口感變得豊富，再灑上玉桂粉，超級推薦!其他菜式整體表現都唔錯，肉類有燒雞腎、燒雞全翼、燒牛肚、燒牛丸、蜜糖燒台式香腸，蔬菜類有蒜蓉燒茄子同燒韭菜，最後值得一提嘅係芝士響鈴，火候控制得啱啱好，外脆內軟，芝士味香濃!👍🏻

惹味串燒同朋友一齊去食飯，覺得食串燒真係好適合！因為可以每樣食少少，咩都食啲😄重點菜式推介：1 豬頸肉串佢個豬頸肉係非常肥美，而且可能落咗蜜糖所以甜甜地，超級容易入口！唔鞋嘅豬肉我都推薦😋2 燒牛肩胛關於牛，肥嘅牛我都唔鍾意食，但係呢隻牛嘅味係冇肥膏嘅，加埋佢啲香料，所以覺得個口感非常好！連唔食牛ge 我都嗌咗兩件3 燒肉桂焦糖金菠蘿講到燒菠蘿，感覺間間嘅味道都差唔多。但呢間嘅燒菠蘿超值得讚！因為係有玉桂味，而且上高嘅焦糖都係超好味呀！！係必叫！朋友仲想n call 🤣🤣其他菜式整體表現都唔錯，下面列出食咗嘅食物同價錢，比大家參考吓：原隻鮮魷魚 HKD 88避風塘廣島生蠔(三隻) HKD 78燒山賊雞翼3pcs HKD45燒殼飼三層肉 HKD 39燒車厘茄煙肉卷 HKD 29燒煙肉韭菜卷 HKD 29 燒牛肩胛 2份 HKD 96燒豬肉串 1 燒烤 HKD 28大浪 灣- 印度 啤酒 HKD 88冰糖雪耳雪梨水(凍) HKD 32燒菠蘿 HKD 38燒玉子 HKD 19燒韭菜 孜然 HKD 20燒京葱 HKD 20

由於上次食過，食過返尋味，今日放工決定再同朋友一齊過來食。肉類：上次食牛肩胛肉（$28），覺得好好食，今次一口氣點兩份！水準依然好，夠熟又唔會燒到太柴太乾，而且夠哂入味！由於本人係煙肉粉絲，今次就特別試下燒車厘茄煙肉卷（$29）同埋燒煙肉韭菜卷（$29）。兩樣都超出預期地好食，特別係車厘茄鮮甜多汁，同煙肉咸香味中和番，值得試。海鮮類：呢間串燒店一個賣點係日日有唔同嘅新鮮海鮮可以落單。今日我哋就叫左蒜蓉蟶子同貴妃蚌。兩者都係咸水味帶出鮮味，唔會太生，食落好滿足！食燒物又點可以唔叫埋燒蠔？我地今次試左避風塘廣島生蠔(三隻，$45）唔單止性價比高，而且好好食，上面落足炸蒜，好夠野味！飲品類：同行朋友屬健康派人士，決定點做店家自家製冰糖雪耳雪梨水（$38）解下熱氣。非常足料，而且唔會太甜，飲落好舒暢，真係解到熱氣！而我勁店長推介，試咗果味較重較濃的Big Wave Bay India Pale Ale Draft Beer ($88) 。果然無介紹錯，麥味夠，果味香，真係好好飲！絕對值得一試！其實仲食左好多好多，每款都好好食！已期待三訪⋯

#串燒 選擇多 ❣️《燒貴妃蚌》$68《燒蟶子皇》$78保留海鮮的鮮味 加上蒜蓉多個口感❣️《明太子釀雞翼》$49/2隻明太子平時感覺好鹹 但呢款冇呢個感覺❣️《燒雞脾菇》$19串燒成日叫 蒜蓉/孜然選擇 蒜蓉口感相對清新啲❣️《燒紐西蘭羊架》$88/2隻愛羊架的人選擇 好喜歡的羊羶味 肉質腍❣️《燒新鮮脆皮白鱔》$68魚皮夠脆口 但食要小心骨 ❣️《海鹽燒牛肩胛》$48《日本霜降和牛串》$59兩款係牛喜歡牛肩胛多些 咬落肉味較岀❣️《燒茄子》$29串燒一定食 呢個價錢抵食啦 ❣️《燒玉桂焦糖金菠蘿》$38好好食 😋 一定要叫 滿足🟡🟡🟡🟡🟡🟡🟡🟡🟡🟡🟡🟡🟡🟡🍔 喜膳燒📍 尖沙咀寶勒巷10號地舖

【尖沙咀•喜膳燒】————————————————————————近期多咗食串燒😜今次衝岀到尖沙咀食欣賞店鋪用上石燒保持餘溫👍🏻👍🏻👍🏻🍯｜燒貴妃蚌（蒜蓉）｜HKD68燒得剛好 貴妃蚌好易燒得過熟 冇沙🍯｜燒蟶子皇（蒜蓉）｜HKD78多蒜蓉好緊要😜肥美啖啖肉 🍯｜燒紐西蘭羊架2隻｜HKD88好勁羊羶味🐏 唔係人人受到 但我鍾意😂🍯｜燒新鮮脆皮白鱔｜HKD68加上一層厚厚的鰻魚醬汁🐟食落juicy 🍯｜明太子釀雞翼兩隻｜HKD49脹卜卜🍗釀滿了微辣的明太子 少少焦黑更惹味🍯｜海鹽燒牛肩胛｜HKD48食落多肉汁 有咬口 食得岀肉味🍖🍯｜日本霜降和牛串｜HKD59牛串簡單地燒 沒有加上其他醬汁 等你食到原汁原味🍯｜燒茄子(蒜蓉/孜然）｜HKD29呢個價錢細細條都合理啊 揀了蒜蓉 一大啖放入口🥰🍯｜燒雞脾菇(蒜蓉/孜然）｜HKD19蒜蓉同孜然粉各叫了一串 比較喜歡孜然 惹味多啲🍯｜燒玉桂焦糖金菠蘿｜HKD38‼️‼️必叫 係我食過最好味嘅燒菠蘿 🥰😍❤️🍹｜跑馬地。金艾爾麥啤｜HKD88Happy Valley : Golden Ale 味道似1664 少少花香味女士們想試手工啤 呢款值得試 唔會太

有日係尖沙咀行行下發現咗一間隱世串燒店，睇完menu之後覺得係尖沙咀黎講性價比算高，就決定入去試下🤣呢到嘅裝修同擺設都好有日式居酒屋嘅氣氛，飲埋酒就一流🏮呢到上菜會會用到熱石板，保證食物唔會咁快攤凍曬，真係夠曬體貼😍另外呢到抽風系統做得非常之好，食完啲衫褲一啲味都無😚.🐥明太子雞翼 $48/2隻有餡嘅雞翼係香港串燒店都比較少見，一咬落去入面嘅明太子流曬出黎，非常juicy😎食完一隻已經即刻想再encore🤪.🦑燒頂級墨魚丸 $26墨丸非常彈牙，外脆內軟，加上一層薄薄嘅蜜糖，唔錯唔錯🍯.🥚燒玉子 $19呢個價錢食到高質玉子燒真係好抵，玉子嘅甜度岩岩好，熱辣辣食落去真係好有滿足感🤤.🍍燒玉桂蕉糖金菠蘿 $38店鋪提供嘅菠蘿非常鮮甜，有微焦效果，擺盤亦都好有特色，啱曬打卡✨.🌽燒蜜糖牛油粟米 $32小編大力推薦呢度嘅燒粟米，雖然上菜嘅時間係耐左少少，但係食得出廚師係好俾心機去製作👍🏻其實粟米係好難燒，外層會好容易燶，但呢度嘅粟米唔單止唔會好燶之餘而且可以鎖住入面水份，一咬啲汁爆直頭曬出嚟😆.💰人均消費～$200.🍽味道：3.5/5🏙環境：3/5👨🏼‍🍳服務：3/5💧衛生：3/5💰價錢：3.5

差到不得了安排上完全有問題第一罪點：book左7:00 入到去得一枱客 嘟完安心出行 安排坐門口 心諗 咁多位點解坐門口 Ok 禮貌問 坐入d 得唔得 ？唔係想坐門口一句話所有位都配對好曬 下！？ 下！？ 藉口都講句好小小黎嫁唔該 利申 ： 之後有幾格客都有轉枱 比我留意到 咁就唔係貴公司講既配對好曬啦下話？ 根本搵人黎恰。第二罪點： 我完全睇唔到貴公司網頁 、 OpenRice 、當時入座或張餐單 有寫到明 係限時？食到咁上下 行埋黎話食左1個鐘40幾分 下！？下！？ 邊L度有提及限時 ， 咩都無寫。 有寫我都鋸d ，又唔係啵 ！ 連早我地入果枱客都未走 你趕我地走？ 都係果句完全係搵人黎恰價錢貴 ： 貴係成個服務體驗都唔好 / 無服務 / 趕人走 / 一串 串燒 既價錢成本服務 唔值呢個價 / 無服務 你裝修幾靚 幾好食都無用 。 我唔明點解咁多like 完全係趕客 真係不可一不可再

我和姊妹來尖沙咀覓食，她讚美食材優質美味，受顧客喜愛，老友難得聚在一起，於是一起來到洋溢著串燒風味的「喜膳燒」，享受廚師精心炮製的美食，那一刻我覺得很幸福和高興。地方不算很大，環境舒適很寫意，乾淨整潔，氣氛自在輕鬆，歡聚閒談的聚腳地。餐牌上設有菜式，美食當前無法抵擋，放縱一下自己，吃得滿足一點，價錢都很合理。我點選了幾款食品，食物質素良好，上菜速度頗快，享受美食的滿足滋味。芝士燒廣島蠔蠔肉大隻，肉質彈牙爽口，好香芝士味，入口美味，滿載的味道清新，別有一番風味。蒜蓉燒聖子單單看樣子已經令人唾涎，燒過的聖子好大隻，彈牙爽口，十分香滑，蒜蓉味出，剛好恰到好處，饞嘴的我很想Encore。松露鵝肝多士鵝肝加松露好夾，肉質嫰滑，配合多士好香脆，提升了味道，帶到另一個新層次，令我喜出望外。燒茄子我喜歡吃燒茄子，茄子香軟細滑，蒜蓉味香，香氣四溢，容易入口，讓人回味無窮。燒菠蘿微蕉的菠蘿，非常多汁，紮實彈牙有咬口，口感豐富，芳香的味道仍在口中留戀。喜膳燒（尖沙咀）地址：尖沙咀寶勒巷10號地舖

某日經過尖沙咀寶勒巷，忽然間聞到一陣好香嘅味傳出嚟，好奇心驅使之下🤣🤣原來係呢間嘢，所以第二日放工就走咗過嚟食😂叫左蜆、扇貝、牛舌，豬頸肉、明太子讓雞翼、山賊雞翼同燒茄子等等😋😋🍗明太子雞翼就讓左啲明太子落去，咁食法真係第一次，咬落去啖啖肉🐷豬頸肉都燒得好脆，牛舌亦都好淋👍🏻🍆茄子有幾隻味可以揀，有孜然同埋蒜蓉，不過覺得一般串燒店嘅舖頭都會有蒜蓉茄子，所以就想試吓孜然，食落個味道都幾夾珍寶大扇貝都有得揀芝士/蒜蓉，不過個人喜好就鍾意食中式嘅蒜蓉蒸多啲👍🏻啤酒我哋亦都叫咗KIRIN，呢隻啤酒有水果味，第一次飲就愛上咗😂🍺

我見500幾個like就膽粗粗去食，啲野食貴得黎唔好食，可能我依到啲串燒唔岩我口味啦，好多野食一係就超咸，，一係就好味淡，可能我食開街邊串串啦，唔識欣賞，食物款式唔算太多，我叫左杯益力多沙冰，益力多味淡到完全無咁濟，踩左咁多野有一樣野食都令我喜出望外既就係果燒波羅，依個係我全晚值得一讚。雖然野食唔岩我口味，但環境同服務上佢地都唔錯既，如果食物口味可以改變一下，價錢可以調低下應該會再去試既。燒扇貝有沙蒜蓉味唔出燒聖子有沙蒜蓉味唔出燒芝士生蠔 不過不失燒茄子唔知係唔係品種問題啦正常茄子3分1到燒雞翼 好咸燒雞肝 可以去死去死團挑戰燒牛舌 佢邊位燒得偏硬無咩味燒響鈴，特別台灣腸 好咸燒雞腎 偏重味燒魷魚 無咩特別正常燒雞泡魚干 偏厚身熱身唔錯，但凍左好就好硬燒波羅 好食益力多沙冰 益力多味好少，少到無咁濟金菇 還可以蒜蓉味唔出我仲有2杯梳打加個唔記得咩餅埋單一人600蚊

好少主動寫食評，今日餓到一個點，突然之間好掛住串燒，但係香港嘅串燒，好難得可以食到新鮮，燒到脆仆仆，上網睇吓邊度有好串燒食就見到呢間嘢，懷着一顆期待的心，入嚟諗住試住幾串先，如果唔好食，就去隔離餐廳嘅，點知一切的等待都是值得的！太好食啦！

喜膳燒 尖沙咀寶勒巷10號地舖/❤️燒珍寶大扇貝(蒜蓉）-一樣燒得啱啱好，唔會乾爭爭，帶子新鮮。❤️蒜蓉牛油焗娃娃菜- 超級推薦，超香牛油味，娃娃菜最忌焗到乾爭爭，呢度仍然保持到濕潤鮮味。❤️明太子釀雞翼2隻- 雞翼嘅皮脆，入面充滿明太子，非常香辣惹味。❤️鹽燒穀飼三層肉- 真係數得出三層肉，燒完之後油香十足。//#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

🔻 喜膳燒 尖沙咀寶勒巷10號地舖/🫶🏻海鮮串燒類🧃燒蟶子皇（蒜蓉）-好大隻好厚肉，生熟程度啱啱好， 彈牙得來唔韌，仲好有海鮮鹹香味。🧃芝士燒廣島生蠔3隻 - 好大隻，芝士香濃🫶🏻 雞肉類串燒🧃海鹽燒雞皮2串- 燒到卜卜脆，超香口🧃鹽燒日本雞心 - 每次串燒必點雞心，呢度嘅雞心大大粒，有爆汁感覺/🫶🏻 蔬菜瓜果類串燒🧃鹽燒清香翠玉瓜 - 厚切翠玉瓜，竟然可以燒到表面有少少照香，而翠玉瓜就爽脆清香。🧃鹽燒菜心苗 - 第一次食，估唔到燒菜心苗有幾好食，絕對唔會苦，保留到菜心嘅獨有味道。//#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

平時食嘢吹水，可能會去酒吧，近幾年多咗去串燒店，當然因為之前酒吧無開喇，二嚟啲食物種類會多一啲，如果成日去日式燒鳥，實在太貴，返而會去下港式的會抵啲。尖沙咀寶勒巷呢一間串燒店係我會間中捧場嘅地方。因為佢地價錢有平有貴，平平地食一餐又得，叫D海鮮豪一下又得。食串燒梗係要飲啤酒，呢度仲有我鍾意嘅果味Asahi，叫咗D大蜆送下，佢本身有酸辣汁點，但我都係鍾意就咁食食返鮮味。 另外仲叫咗扇貝，全部都新鮮燒。明太子燒雞翼又係必食，外脆內Juicy。佢地都好細心，串燒會放係一塊熱石上面保溫，由頭食到尾D食物都保持到熱辣辣。

依排口痕成日想食串燒，點知比我搵到依間隱藏喺大廈地下嘅串燒店蒜蓉燒蟶子皇/燒馬來西亞大蜆好欣賞佢啲海鮮係好大隻下，而且佢個火候控制得啱啱好，爽口得黎唔會韌，真心好唔錯👍🏻芝士燒廣島蠔個蠔唔算太細隻，加埋芝士一齊燒，好正 海鹽燒牛肩胛食落似牛柳多，牛味都好重好香海鹽燒王牌牛舌牛舌好大舊，又夠爽口，而且唔會韌，好食🤤沙嗲燒豬頸肉豬頸肉唔會太肥又可以保持肉質鮮嫩而且夠juicy照燒雞軟骨雞軟骨爽口好正孜然韭菜大大條韭菜，加埋孜然粉食一流，重口咩之選黑胡椒燒肥腸肥腸清潔得幾好，唔會有臭味，又唔會太肥太過油膩，食落有啲煙韌，幾啱我心水🤪燒黑啤牛仔骨特厚牛仔骨食落大滿足😌台灣腸台灣腸果然唔會令人失望海鹽燒秋葵係我鐘意食既秋葵呀，而且食肉食到膩仲可以解膩黑松露蒜蓉焗雜菇雖然黑松露唔多，但勝在雜菇底本身已經用左牛油炒香，所以單食已經好唔錯