Häagen-Dazs

Open Now

Now Closed

上星期先啱啱事緣呢間店舖嘅雪糕火鍋，今日又再次忍唔住幫襯多次佢啦，今次一於試吓佢嘅休閒之選，大大個waffles筒上邊可以揀兩個雪糕球，筆者就當然揀咗我既我all time favorite朱古力曲奇同埋提子冧酒啦！

不論平時一杯杯家庭裝雪糕，定一盒盒雪條或者雪糕批，質素都一定有保證。堂食仲有更多唔同味道、款式可以選擇，配埋流心brownies，做飯後甜品一定係最佳之選😍經典味道朱古力及士多啤梨😍朱古力雪糕球入面有朱古力碎粒，甜度岩岩好，入口好滑，朱古力馬上溶喺咀入面。士多啤梨雪糕球有果肉，啖啖果香，酸酸甜甜。今次朱古力布朗尼有啲失望，平時佢入面會有少少流心，但今次得軟身，有點可惜😔希望下次去番呢間分店再食時，會變番平時咁啦！

哈根大師呀😋🍨好鐘意佢地既Waffle cone&特色甜品杯❤️夏天咁熱緊係要整返杯雪糕🤣Waffle cone果個係有士多啤梨➕香桃➕奇異果😻食雪糕之餘仲有水果食🤩不過我覺得杯裝好啲大熱天時食到溶都唔洗怕🥳🥳兩個人share食一個都夠曬😃另外佢地既環境都好適合同朋友坐低傾計 入面有張小梳化 而且店內燈光好靚❤️大玻璃設計增加空間感👍🏼🧡但位置有啲難揾 但途中都會有指示牌不妨食杯雪糕放鬆下

見張50蚊卷就快到期，又路經新世紀moko記得呢道有「Haagen-Dazs」，所以就食個雪糕先再去食飯。今次就叫咗2款雪糕筒，普通嘅Cone同埋Waffle Cone。Frutti Waffle Cone要咗2款味比利時朱古力味同埋焦糖脆餅味。比時時朱古力一如以往地好好食，由好耐以前開始每次食Haagen-Dazs大多數都喺會食比利時朱古力。焦糖脆餅應該上太甜，可能糖份一樣，但喺味道聞起嚟喺好重甜味。值得一提嘅喺，個waffle Cone好令人滿足，因為可以自選生果，同埋雖然唔喺即整，但食落都好脆身。不份量好大食完其實好飽肚。Single Cone只喺叫咗一款藍莓味，因為呢道食雪糕始終都喺貴價嘅😂😂所以叫一球過下癮算。

記得第一次吃Häagen-Dazs雪糕，便是朋友帶我吃Happy Forever了。但此款雪糕不是每間分店都有得吃的，只有堂食及相對大間的分店才有提供的。除了自選9個雪糕球，還配多款鮮果及蛋糕底，望見都已經讓人快樂。最近出了mini版的happy forever，而且很多分店都有售，當然忍不住要買來品嚐！Mini Happy Forever ($109)一次過可以品嚐9種口味的雪糕，絕對適合三心兩意的朋友們！雪糕口感如絲般細膩幼滑丶韻味悠長，令人回味無窮。其中最愛牛奶拖肥及tiramisu這兩個口味;香濃的拖肥醬配上柔滑的牛奶雪糕，口感豐盈的tiramisu，漸漸散發出無與倫比的味覺享受!

珍奶粉絲既我，今次冇冇揀到台式飲品，而是揀左雪糕名牌- HaagenDazs,只因為有做推廣，$68/2客,帽子派對，好少機會最推廣不用排隊，行埋去就可以落單，大概3分鐘就可拿了，雪糕仍保持高水準

前幾日同朋友經過呢間雪糕店，開始熱熱地已經忍唔住買番杯雪糕一齊食啦，我哋就叫左呢個五球拼盤，貪心咁想試多幾款味啦，而服務員嘅服務態度都好好啦，都好耐心咁介紹每一款雪糕嘅口味，令到我哋都心思思揀咗好耐先揀到五款口味啊🤤🤤🤤🤤個人認為焦糖脆脆味嘅雪糕係最好食，雪糕唔會過甜而且焦糖脆脆幫雪糕增加咗唔少口感，令到口感好得意👍🏻👍🏻👍🏻而雜莓雪芭嘅味道較清新，酸酸甜甜嘅口味令到食落唔會好滯，仲越食越開胃，而且雪芭有別於其他雪糕，食落較流質，無咁creamy，係令一種既口感🤤🤤🤤

因為頭先個Lunch真係難食到極點，所以食得又唔飽，又食到心情唔好。為左氹番自己同仔仔，就走左去食雪糕啦，有番D味道既保證。9個雪糕球，雪糕真係冇話可說的好味。但係呢，個底都有D同個圖不符，我以為會有一層蛋糕既物體在底的，因睇圖係有一個有厚度的黃色底層。但出黎只有一小片簿脆，我第一次食依個，所以真係唔知到底真身應該係度，只能說多少有Ｄ失望。依2支果茶真係冇得彈。個樽勁靚，先係39蚊一支咋，玻璃樽黎，真係平時淨係買個靚D既玻璃水樽出街用都唔止啦。重要果茶真多料，又好味。個人覺得野莓果茶好味過橙味果茶。雪糕就唔駛講，係出聲好食的，估唔到連果茶都咁正。之前飲過奶式反而麻麻地。

經過雪糕店 抵受唔住誘惑買咗兩球雪糕一個橙花味 新出的一個夏威夷果仁 夏威夷果仁一如以往咁好食每一啖都有果仁碎橙花味道比較特別佢都算幾有橙味 仲有少少橙味果醬咁但係我都係覺得傳統啲比較好食買單$65 2球個人應為有少少貴

喺旺角東moko商場行緊街嘅時候，醒起之前早鳥優惠訂咗Häagen-Dazs雪糕火鍋，然後贈送咗一球雪糕券比我，趁著呢個機會就去換嚟食先😍！🔹士多啤梨味雪糕🍓總係覺得Häagen-Dazs雪糕最好味都係士多啤梨味，果然無令我失望，仲keep到水準。果味濃，甜而不膩，而且好香滑，係好味嘅！不過一球都幾貴下，如果唔係有coupon都未必捨得食。📍Häagen-Dazs旺角太子道西193號新世紀廣場場MTR樓16號舖．．環境分數：8.5/10食物分數：8.5/10Encore分數：8/10

琴晚想獎勵下自己食杯Haggen-Dazs，9點幾去到好多人排隊，所以都等左一陣，店員態度有禮ok又俾我試勁多雪糕都唔黑臉勁好。平時食開焦糖脆脆，今次買左隻新嘅花生味🥜，味道真係好濃好正，在此召集花生友😍🤘📢📢📢，但重頭戲都唔係係個味道，而係隻雪糕比起其他口味嘅雪糕好似硬好多，啲店員舀幾次舀到手震先舀到個球，佩服啲店員強而有力嘅臂彎可以舀足成日，個個都食左大力菠菜？哈哈。終於拎到我份邪惡嘅宵夜後，坐低開餐，但窗外係的士站，間鋪仲整咁大個落地玻璃，究竟有咩好睇？不過好就好在唔洗同其他人"面對面" ，啱哂。呢間店話收10點，店員就提我話可以坐到10點，但食雪糕又唔似食包咁可以幾啖吞落肚走人，不過啲店員都無趕過人走，坐多陣食完個雪糕就回家去。走嗰時仲見到店員忙緊，真係辛苦哂依家啲打工仔，一諗起聽日又要對住份 project，唉，共勉之。

［自費］堂食變外賣，又摸門釘。呢間哈根⋯⋯話就話收10點鐘，但其實9點50分就趕堂食客人走⋯⋯ 被逼企響舖頭門口食雪糕⋯⋯ 明明想坐低食個雪糕，點知坐咗兩分鐘都唔夠就要被趕走⋯⋯有一次又係食完晚餐想食雪糕，9:50分嚟到門口，但員工已經忙住洗嘢，忙住收排隊用的欄，忙住開始拉閘⋯⋯好失望。員工們都不及the one分店的員工殷勤好客。店裏的座位非常有限，大部份是向街（上落客區）的長檯。👍🏻 雪糕球夠凍，和平時哈根的水準一樣。去哈根大師第二啲分店食會食得開心啲⋯⋯

前排公司抽中一張$50的現金券，一直放著忘了用，近排執野搵返出來發覺就快到期，見今日會出來旺角，便順便到新世紀廣場食杯雪糕。食米唔知米貴，原來雪糕窩夫筒已加到$52一球，是日便點個單球試試。要了藍莓雪糕、奇異果、朱古力醬、杏仁碎，賣相靚靚，打卡呃like一流雪糕好滑，少少藍莓味酸酸地咁，奇異果片三個半塊，非常酸，哈哈，就係覺得雪糕加朱古力醬會好甜所以要返個酸嘅水果，咁嘅配撘都幾好味。窩夫筒幾脆，有蛋香，係好食嘅。總括黎講成50蚊杯雪糕係貴嘅，間中一次半次獎勵下自己ok啦。餐牌好多選擇，想食個華麗啲款嘅，不過無位坐，行住食都係甜筒方便。

香港 Haageb-Dazs經常都會同八達通推出優惠推廣。用八達通付錢就可享有買一送一優惠。通常次次一出，社交媒體都會有人share，今次又有朋友俾我哋，所以決定食完飯就去食〈哈根大師〉雖然每次poster都會用新出嘅味道做主題，但其實買一送一優惠係什麼味道都可以點，不一定係主題推介味道。其實哈根大師有咩味道嘅雪糕大家都應該好清楚。不過衛生方面就真係好值得一讚，放喺大雪櫃入面擺放整齊，玻璃亦抹得乾淨，俾到人好大嘅信心。老婆鍾意酸酸甜甜嘅味道，又鐘意夏威夷果仁雪糕裏面有粒粒嘅果仁好好咬口，所以揀了〈芒果紅桑子併夏威夷果仁〉。我亦都鐘意夏威夷果仁，另外亦揀了比利時朱古力，喜愛佢嘅香濃幼滑。值得一提係旺角新世紀廣場呢間嘅〈哈根大師〉係新開架！我做咗第一篇食評啦