平時食開焦糖脆脆，今次買左隻新嘅花生味🥜，味道真係好濃好正，在此召集花生友😍🤘📢📢📢，但重頭戲都唔係係個味道，而係隻雪糕比起其他口味嘅雪糕好似硬好多，啲店員舀幾次舀到手震先舀到個球，佩服啲店員強而有力嘅臂彎可以舀足成日，個個都食左大力菠菜？哈哈。
終於拎到我份邪惡嘅宵夜後，坐低開餐，但窗外係的士站，間鋪仲整咁大個落地玻璃，究竟有咩好睇？不過好就好在唔洗同其他人"面對面" ，啱哂。呢間店話收10點，店員就提我話可以坐到10點，但食雪糕又唔似食包咁可以幾啖吞落肚走人，不過啲店員都無趕過人走，坐多陣食完個雪糕就回家去。
走嗰時仲見到店員忙緊，真係辛苦哂依家啲打工仔，一諗起聽日又要對住份 project，唉，共勉之。
