麥上日光 (Closed)

麥上日光 這個奧地利品烘焙, 創立於1919 年, 有近百年歷史。主力以天然酵母烘焙健康麵包。是次來香港開設全球首間麵包店, 迅間成為麵包迷的新寵兒,我亦相信它絕非浪得虛名。其 奧地利99度55層流心芝士軟歐 。相信令很多人為之著迷, 而每次經過店子還是一氣長長的人龍等候它出爐幸好我不太多芝士. 可免除排隊之苦。反而對其他的健康麵包幾有興趣喜歡南瓜BB $28 的可愛造形, 所以帶它回家。其份量一啲都唔BB , 我將它一分為二作為兩天的早餐 。輕輕地切開麵包可清楚地看到麵包是一層一層, 密度很高, 富彈性。所以絕非一陣風的連鎖店麵包可媲美。而口感尚算鬆軟, 有天然的小麥香, 只嫌南瓜餡小得可憐。以主打健康麵包的店子也有越開越多催勢, 如果唔想好似流心芝士撻咁只是曇花一現, 相信要再下一點苦功。

開張時有試食, 當日係平安夜, 所以冇買回家. 事隔都幾個月, 估唔到人氣旺盛, 有人龍.買五層流心芝士軟包, 才需要排隊, 其他包可以直接買就得. 幸好下午時間都只係排15分鐘.麵包櫃有8款包左右, 全部都幾特別的款式, 價錢大約$20-30.奧地利五層流心芝士軟包$25/個(袋裝)，$90/4個(盒裝)講返個流心包, 排隊入內付款後, 會得到飛仔, 再去取包就可以啦.$25一個已經大大個, 一個人食唔哂會好膩, 所以2個人分享就剛好.隔左一晚食, 起初都怕個包會變硬, 味道一樣甘軟身好味. 切開一睇, 真係有五層, 分別 (包, 流心芝士, 包, 流心芝士,包).個麵包質感超鬆軟, 放隔夜都冇問題. 流心芝士好濃郁好滑. 每啖都好豐富好足料.

咁啱經過 見唔多人排隊就試下呢個五層流心芝士軟包忌廉芝士好好味 真係好邪惡呀！😋😋😋size都幾大 夠兩個人吃其實店裡面還有其他包款賣👉🏻「不用排隊買」等我留番下次試下先

今日天氣麻麻，一放工就衝去排隊買包，到時6點鐘到，已經有條隊，好彩排左10分鐘就買到包！一人最多可以買6個，一個$25！一買到手，急不可待要咬啖先，面包呈三角形，體積有a5 size 咁大，其實都算大，包外面啡啡色，中間白色的面包肉全部俾芝士覆蓋，真係好誇張，芝士面仲有一層白色的粉，唔知係咪都係芝士粉？面包咬落去白色粉沾滿咀角，食起上來有小小麻煩，但係包身好軟，即係無加熱現都超軟，面包充滿空氣感，咬一啖，包身好番回彈，証明麵粉材料好好，芝士味係口中好濃烈，但唔係過份，本人唔太鐘意藍芝士味道，好彩呢個芝士味啖啖的易入口，雖然包好大個，但真係輕易ko 一個，因為真係一食停唔到口，有機會都會再買來食？值得再排隊的！

有次朋友同我講麥上日光個五層芝士流心軟包好好味，搞到我好想買個嚟試下，今日出開嚟尖沙咀就決定嚟買佢返屋企😆5點8嚟到，有條小人龍，好彩唔太多人，排20分鐘終於到我喇😊😊芝士包$25一個，4個就$90，我就買咗4個，同朋友share😄另外聽講個瑞士朱古力包都幾好味，一場嚟到就買埋佢啦😜返到屋企我決定試咗個朱古力包先，切開個包發現並唔係流心狀態，或者係天氣凍嘅關係啦，於是我將佢放入微波爐叮咗30秒，出現返朱古力流心，個包都幾軟熟，朱古力餡都好多，但一試之下就有d失望，我覺得味道麻麻地，朱古力餡係濃郁，但個人認為同個包唔係好夾咁，入面夾住少量果仁，食落口感怪怪地😅😅個包都幾大個，所以最好同人share😂我試咗1/4個後就俾晒男朋友食，佢覺得整體ok,係d果仁令個包扣咗分😅之後我就試埋期待已久嘅芝士包，由於都幾大個，又好多芝士，咬果陣唔係好方便，好易整污糟塊面😂個包好軟熟又好足料，有好多芝士，食落好creamy,酸酸甜甜咁，唔會話好膩，我覺得幾好味👍另外我切咗部份擺落微波爐叮十幾秒，試下熱食，但發現熱食唔好味😐有部份我就放咗係雪櫃雪凍嚟食，感覺有d似食芝士蛋糕，所以凍食都唔錯😀整體嚟講我覺得個

見到網上好多人熱捧呢個流心芝士包, Vi本身都無排隊買既意欲, 但今日有朋友去開就拓佢買多個比Vi, 呢個包細細個, 但價錢都唔平, 買4個$90~流心芝士包既賣相幾吸引, 見到有好多好多芝士, Vi試左2個食法,分別係室溫同埋叮熱食~先講下叮熱食, 熱左之後個包好林, d芝士多到流出黎, 食落係好好好膩, 包既比例太小, 一咬落去成口都係cream狀既芝士.......Vi唔係太中意呢個口感, 同埋真係太膩~室溫食呢個包會好小小, 但芝士都係太多太creamy,味道太濃, 而且唔係Vi想像中芝士既香味, 只有好肥膩既感覺, 只能說佢唔係Vi杯茶~

在尖沙咀食晚飯前有少許時間，忽然想念吃過一次的五層芝士包便到麥上日光看看人龍情況如何，人龍看似不長便立刻加入戰團。五層芝士包現每日限賣800個，每次出爐十數個，約10分鐘出爐一次，今次10-15分鐘便帶著4個芝士包走($90)，其他麵包也頗吸引，有南瓜BB、蕃茄蕃茄，名字有趣，但用上天然酵母長時間發酵及古法焗製，價錢當然不會大眾化，換來的是更美味和相對健康的出品。買了芝士包帶回家吃，麵包份量不少所以一個人吃真有點太多，切半後剛剛好，芝士從包身兩邊溢出，散發淡淡微酸味道。上次發現回家用 150°C 焗 5分鐘後麵包外脆內軟，芝士帶微熱後香味更濃！五層芝士包非五重芝士包，中間五層分明，有兩層 cream cheese。芝士大量流出注意！麵包翻焗後中心依舊濕潤，口感鬆軟綿綿，配上脆脆的外層超好吃，報導說長時間發酵及獨特烤焗方法有助麵包保持水份，看來不假。芝士加麵包入口軟滑，酸味熱後突出，芝士香搭麵包有點甜味包含其中，柔和天然，吃一整個只會飽不會膩。感覺像在吃一個增幅版半熟芝士撻。

其實我係一個愛包之人，基本上，只要係我平時會經過既地方，我都會留意有冇新奇既麵包賣，尤其當你已經食厭左連鎖店既麵包個陣。今日下午放lunch 順便去買第朝既早餐，出面已經有條人龍，不過其實都係買佢招牌既芝士千層。幸運地，我係冇乜香港人知既時候已經一早試了，所以今日買左牛油果果同沖繩紫薯公主。先講下牛油果果，麵包夾住牛油果醬，麵包面上既黃色曲線有少少似墨西哥包既口味，醬有淡淡的牛油果香，但不算太濃，麵包軟得來又帶點乾，但又唔會好似正式歐式的咁乾同硬。如果牛油果可以多返d ，個醬可以係返個包既中間就更好了！沖繩紫薯公主既紫薯我就唔知係唔係沖繩過黎的，但呢個麵包比起牛油果果既質感煙un ，紫薯溶唔會好似食糖咁，雖然唔係成條紫薯放係中間，但感覺都似係食梗一條冇加工過既紫薯，可能因為佢落既糖唔多，味道比較清淡。

早前在Facebook或不同媒介都經常看到有人分享一間位於尖沙咀的新開麵包店，據説很美味兼每日必備長龍。搜尋之下發覺原來這麵包店大有來頭，是來自奧地利的老字號，馳名於以古法技巧烘焙出低糖低油高纖的全麥麵包，來到香港大部分人反而著眼於它另一名作——五層芝士流心軟包，見到這麼多人讚好當然想買個來一試，但礙於長龍關係還是等熱情冷卻一點後再來吧！直至最近行過，見到好像不用排隊，便進去碰一下運氣。入到店内，即看到一個個整齊地擺放著，膠袋包裝的芝士流心軟包，看起來鬆軟吸引，當然嗱嗱聲買幾個回家試一下。回到家打開膠袋，一股淡淡的芝士及檸檬香即緩緩渗出，麵包上鋪著一層似是混有糖霜及奶粉（只是個人估計）的粉末，看起來就像鋪了一層白雪，蠻吸引的，切開後見到內裏中間兩個夾層塗了兩種不同的忌廉芝士，原來所説的五層係麵包加埋Cream Cheese總共有五層。芝士味不算很濃，帶有微甜的牛奶味，配上超級鬆軟的麵包，質感非常綿滑。軟滑的Cream Cheese跟鬆軟的麵包一層一層梅花間竹的相隔，半溶的忌廉芝士加上幽幽的檸檬香，滑而不膩，每啖都讓味蕾充滿著奶香味，微甜creamy而不膩口，令人回味無窮，不經意已消耗一

又有機會行過 Guschlbauer Hong Kong 麥上日光估唔到過咗一排，價都加埋，個芝士包仍然有人排隊，不過唔知係唔係weekend，而家好似係15分鐘出爐一次，咁應該排得無咁耐。不過我今次我唔係食芝士包，係食朱古力包。作為朱古力控，呢一個朱古力包係一定要試下。大大一個包，$30蚊，唔算好平，不過咁好食，都值得食嘅。一個包基本上都可以兩個人分嚟食，當然都可以一個人獨享～一切開，就見到有厚厚嘅朱古力夾心，比起個啲空氣包，真係有誠意好多。就咁食，麵包鬆軟，朱古力都係軟嘅，有啲似食緊Royce朱古力嘅質感，而且朱古力既質素都唔錯，幾香朱古力味，而且唔太甜。其實個包我係分咗兩次食，第二次就用微波爐叮咗10秒，原來叮咗10秒仲好食！個包暖暖地不特止，朱古力夾心溶溶地，即刻變咗留心朱古力，簡直係好食到不得了。特別係而家仲凍凍地嘅天氣，食個暖暖地，又溶溶地嘅朱古力包，真係一流！最重要係，只有買芝士包先要排隊，買朱古力包係唔駛排架～～～～所以一定要試，試完再試！

Saw a lot of Instagram posts on the highly recommended Austrian 5-layer cheese bun a while back. Was going to wait till the fad was over before I try it, but this strong sense of craving just keeps bugging me. So went there anyway when I'm on leave.I arrived around 12.09pm, and there was already 8 people in line in front of me. I thought it wouldn't take that long, as the first batch of bun is supposed to be ready by noon, and the second batch by 12.15pm. However, I still waited for almost 30 mi

以為個包新鮮出爐會熱辣辣，點知原來係凍既。以為個包芝士味會好濃，但原來唔係，d芝士餡味道似乳酪多過芝士。。總括黎講個包唔差，但未至於好食到要排30mins 去買。

以為個包新鮮出爐會熱辣辣，點知原來係凍既。以為個包芝士味會好濃，但原來唔係，d芝士餡味道似乳酪多過芝士。。總括黎講個包唔差，但未至於好食到要排30mins 去買。

歲晚提早收爐，見時間尚早便到近期人氣麵包店 - 麥上日光朝聖~想不到未到5點，已經有二十多人在排隊。原來大家都早放呢⋯⋯$90/4件，最多買6件。平時等15分鐘都嫌的我，想不到有這毅力。排了差不多1個鐘，終於到我了~收銀姐姐熟能生巧地問：「幾件？」，非常快手。麵包已一早焗好並入袋，没display那個咁脹卜卜，貌也不太像熱辣辣新鮮出爐。回家把它放在微波爐輕輕加熱約30秒，麵包變回脹卜卜的模樣。芝士半熔溢出，賣相比在店內見到的吸引~一入口，麵包鬆軟，cream cheese味濃郁，芝士愛好者必定大滿足！口味偏甜，正中本人愛好的味道。但吃了一半已經有點膩，又忍不住想把它吃掉 XD$25來說，這個芝士包絕對物有所值，但要排成個鐘就要再想想了⋯⋯XDP.S 叮的時候不要過龍，否則芝士會變酸，就吃不到那個甜味啦~

成日睇網上好多人介紹依間來至奧地利嘅五層流心芝士包~  五層流心講到咁吸引,我見咁岩黎到尖沙咀依頭就去排下啦!明明前面我見都係排左二十幾人 ,但等等下就等左成個鐘. 佢有寫話因為每十五分鐘出十五個芝士包, 所以要等一陣. 我諗住如果好食嘅都唔緊要啦,都預左要排! 留意買其他包係唔使排架, 直接入舖頭買就得~等左成粒鐘, 終於買到 五層流心芝士軟包($25)   !!一攞到手心諗: 等左成個鐘話新鮮出爐, 但個包竟然係凍! 完全唔知點解會係新鮮出爐, 佢一早整定再放係度賣個味都唔會有分別. 你見唔少食評啲人唔趁新鮮出爐食, 拎哂返屋企烘熱就知點解啦佢出面白色果啲粉係奶粉, 無芝士味嘅. 而說好的五層流心芝士呢? 咬開個包入面就發覺係塊包夾左兩層芝士醬. 如果大家以為係熱辣辣流心就真係大錯特錯了! 我估佢用嘅係唔太濃味嘅cream cheese再加忌廉, 個味似芝士味吉士醬多過芝士. 至於話係 '流心' 都似係誇張, 只係佢搽多左啲醬會漏出黎. 總結: 於我而言依個只係一個overpriced嘅芝士味吉士醬包, 排左成個鐘買真係好唔抵, 唔推介!