麥上日光 (Closed)

以為叫日上麥光定日麥出光 ...難怪search黎search去都...... 無記錯係十二月尾去，當時未有太多宣傳，買幾重芝士包都唔使排隊。買左番茄包、吞拿魚包、幾重流心芝士包三個。個幾重流心芝士包質感好鬆軟又有一定韌度，但芝士唔香得個甜字，陣味又好似某樣野，原來係在下至憎嘅yogurt吞拿魚包幾香，似洋蔥多過以芥茉，至於番茄包就係你無野食嘅時候嘅選擇。番茄包同吞拿魚包一樣，到地核似嘅核心至有餡，呢個時候你會夾野落個包度，但一夾就搶哂包味，喂唔夾野個超珍貴嘅餡又喺核心...到2月再訪，好在我唔係買yogurt包，條隊長到呢，仲要未出爐都大把勁人排執左個瑞士朱古力包，再睇下D包縮水到... 當初有折果時仲大件朱古力包內有幾粒味道唔夾嘅nuts 張相係我切左一半，個餡你有眼睇，可唔可以均衡少少呀日上麥光...個朱古力餡好似未放入焗爐嘅朱古力曲奇，甜到駕崩如果你鍾意yogurt撈包又好得閒可以排下，在下就唔去喇

上網見到呢個5層流心芝士包好似好好味咁 出開尖沙咀就諗住去買返個試下一去到 勁多人排緊隊 門口寫住每15分鐘出一次爐 每次15個  之後一排就排左一個鐘  最後買左兩個芝士包  每個25蚊 買4個就90蚊 佢有兩個食法 一個焗嚟食 一個雪凍嚟食 返到屋企即刻焗左個先 焗左15分鐘 勁香  Mi開佢 雖然唔係話太流心 但好香芝士味 咬落到啲芝士bi曬出嚟 佢個包好鬆軟 但原來個芝士係有左cream cheese溝埋  唔係全芝士 所以有啲漏 幾個人一齊食都okay 第二日食埋雪凍果個 有另一番風味 放入雪櫃諗住個包實會好硬 但一咬落去發現個包依然鬆軟 👍👍個芝士好似芝士蛋糕果個口感 加埋個包 好夾 好好味 我個人覺得放入雪櫃果個食法好食d

之前試過放工後先去買包，點知經已售罄！所以襯星期六日中午去買，其實都算過咗一排！但竟然重要排成粒鐘！不過今次總算試到這個衣排大熱的的五層流心芝士軟包其實店內都重有好多款不同種類的包款，例如普通芝士包、紫薯包、朱古力包或紅莓包等等，價錢就由$25-$30不等奧地利五層流心芝士軟包［分數：7/10］老實講，味道算不錯，芝士好幼滑，芝士味幾香又不會過膩，隱若有陣檸檬味，不過芝士主要集中係外邊，食嗰時都幾麻煩，同埋入面芝士不多，切開一看，似是只有兩層，所以未有太大驚喜⋯加上因為睇相見到其他人的流心芝士軟包又大又巨型，再看看實物⋯所以要排咁耐真係不太值得⋯瑞士朱古力包［分數：8.5/10］另外亦多買咗一個無需要排隊嘅瑞士朱古力包，入面真材實料，有超多朱古力，包入面重有少少果仁，幾有口感，鐘意食朱古力嘅朋友不妨試下。始終芝士包吹捧得太勵害，試過之後不禁有啲失望..麥上日光 (尖沙咀)尖沙咀金馬倫道32-34號福橋大廈地下D號舖∼∼∼∼∼∼∼∼∼∼∼∼∼∼∼~~~~~以上消費：$ 55味道：7.5/10環境：7.5/10服務：7/10衛生：7/10抵食：7/10

身邊有不少朋友吃過這裏的五重芝士流心包後， 都大讚好吃，趁着我還可在平日下午時間去四處逛，就來湊個熱鬧。 雖然是平日下午，但門口排了近二十人，大家都是為了五重流心芝士包而來。由於芝士包製作需要，15分鐘才有幾個出爐，而且每日限量500個，少不免需要排一點時間，可是的確很好吃。 五層流心芝士包看似奇貌不揚，但芝士味的確很濃，中間兩個夾層塗了兩種忌廉芝士，外層又有奶粉，做法特別，而且味道不算甜，但一人獨吃一個是有點漏，兩個人分享就剛剛好。 紫薯包。因為麵包面層灑上紫薯粉，所以比一般的紫薯麵包深色一點，看起來也更漂亮。鬆軟的麵包裡藏著紫薯蓉，有紫薯的香甜味，吃得出是真材實料。 牛油果芝士包。牛油果大多會用來做三文治，變成果蓉再加到麵包之中好像是第一次吃到，牛油果蓉帶點甜味，頗特別，沒想到和芝士也挺夾。 店內還有十多款麵包，款式經常轉換，亦不斷推出新口味，另外還有蛋糕賣，像抹茶千層蛋糕、士多啤梨慕絲杯、特濃朱古力蛋糕等，一次吃不完，有時間會再來試試更多新口味呢！

KsMeow差不多每天都以麵包作早餐，一口充實的麵包，如同為一整天注入無窮動力。使用日本麵粉及天然酵母製作麵包的《麥上日光》款式多達30多款，最Hit當然是每天限定供應的五層流心芝士軟包，店外長期排滿人龍呢！每天中午12時起才限定供應的「奧地利五層流心芝士軟包」麵包外層非常鬆化，內里包著香滑濃厚的軟心芝士，味道微甜不膩口。外層帶脆的「瑞士朱古力包」濃厚可可，不會過甜，亦不會很膩！若想加添食味，可把朱古力包包放於煎Pan上稍烤2分鐘，讓內里的朱古力漿徐徐湧出。感謝欣賞 KsMeow 小分享！

Guschlbauer is the new talk of town because of the signature Austrian cheese bun.I googled this and I can't seem to find anything Austrian about it and the closest thing I got was bread and cheese which is their usual breakfast/mid-morning or mid-afternoon snack with ham which is similar to the Ploughmans sandwich with cheese and not cream cheese as used in this so called Austrian cheese bun.I think this so called Austrian Cheese bun is inspired by the Topfenstrudel which is a cream cheese strud

全港最邪惡嘅芝士軟包😈自家手制麵包經高烘焙，加入優質澳洲及紐西蘭cream cheese。麵包外層灑上芝士粉，而麵包內層就有由兩個國家嘅cream cheese，令到忌廉芝士味更加濃郁👍麵包好軟熟，又帶點濕潤，吾會乾爭爭嫁☺️cream creese帶點甜，又夠滑身，食左成個都吾會膩，仲好想食多個添😝P.s購買完最好盡快食😊同埋新張優惠價完咗啦，原本由＄20至＄25🌚

雖然主角係五層流心芝士軟包 但大家都話係甜芝士 所以興趣不大 而且排隊不是我強項 哈哈 而且一路感興趣的是洛神花星星 果然沒令我失望! 包是軟熟的 就算留過夜都沒有任何改變 餡料也不少 酸酸甜甜 見到餡內有洛神花蕃薯蓉紅棗等 感覺比較健康 而且相當有份量 大約兩隻手掌大 如果一個女生食會超級飽 但這會是我推薦的~

奧地利五層流心芝士包 $25/1 $90/4個咁快就由$20加到$25，買4個比較化算，加上要排咁耐隊，買夠4個同朋友分享吧~原來五層係麵包加埋cream cheese有五層，不過都已經好多芝士餡了，cream cheese 由兩款不同既cream cheese製作而成，芝士味香濃，帶有香甜既牛奶味度，質感非常幼滑。但不至於流心，叫軟心更貼切~而麵包就濕潤鬆軟，不小心就會成左成個，超級邪惡！

聽朋友曾經講，尖沙咀有一間麵飽，很多人排隊，好似味道非常好，她曾經有朋友分享部份給她，令她一試難忘！所以，她特別揾人排了一小時買！真係不好意思！原來舖頭賣完一盆，再需時40分鐘去焗！原來5層流心芝士飽，有兩款既麵飽質感架，一款係飽面比較硬，另一款係超軟熟！加上濃濃的五層芝士，口感一流！尤其係超軟的那個，真係絕配！！！下次一定要去睇驗 其他麵飽

一 • 廿七 雨最近好像是芝士控的天下：日本芝士蛋糕、芝士曲奇等大行其道。剛巧尖沙咀也開設了一間以奧地利百年麵包作招徠的烘培麵包店，在公司不遠處，就去看看是什麼樣的來頭。同事說早幾天看到一條長長的人龍，為的是店家的招牌產品，軟心芝士包。可是眼看廚櫃內的展示品樣貌一般，當下想一試的慾望便退卻。反之，看到另一產品，是朱古力口味的大麵包，感觀不錯，雖然要$30大元，但對於朱古力依舊存有寄望，即管放下銀兩一試。第二早切下半個麵包，內裡的朱古力似乎因天氣冷的關係變硬了，以微波加熱30秒，流心的朱古力醬立即出現。遠處已嗅到朱古力和麵粉的香氣，麵包是非常有口感，有點靱道，朱古力流心極香，稍甜，但接受得了。$30其實是貨真價實，不負百年老店的名聲。

最近呢個奧地利五層流心芝士軟包都算係熱潮 好多人都爭住去試下😋排左20 分鐘左右，之前$20 一個 宜家要$25一個 咁快加左價😭 食之前 拎埋私伙野影張靚相先😁係幾吸引！作為芝士控既我點都要試下！個包吾熱的，勝在芝士味濃郁，啖啖芝士 正呀！不過略嫌吾夠軟身🤔個包幾大個，就算加左價都值得一試😋

近期各大報章都介紹依度嘅五層芝士包，今日出開尖沙咀，買黎試試，去到已經見到條長龍，排到出曬門口。排左半小時先買到。佢d cream cheese唔係好甜，幾好食，但令人失望嘅係佢d面包唔太好食，面包偏乾，偏硬。 就算d cream cheese幾好食都好，個主角唔得都係冇用，所以依個包都係一般般另外買左個紫薯美人，都係麻麻。都係個包偏乾，偏硬，唔夠軟熟。而個餡就唔錯，唔係好糖，唔似溝左糖，但一大個包得好小餡。總括黎講，依間面包只係一般，名過其實，好食嘅只係佢嘅cream cheese

今日去買哩個好邪惡既流心芝士軟包 每日限賣500個, 可能lunch time既關係今日要排隊都排左20-25分鐘。見到佢外觀其實已經好吸引, 因為我本身係好鐘意食#麵包 仲要係芝士, 個包包出面有d芝士粉咁, 拎上手好軟熟, $20蚊1個, $70蚊4個, 我最終係買左4個, 諗住可以同 屋企人 分享下…食落去好重忌廉芝士味 我自己個人喜好 覺得甜既麵包都好好味 值得一試💁🏻

奧地利五層流心芝士軟包芝士熱果然仍然強勁！芝士撻之後就到呢個芝士包。今次我都排咗30分鐘，如果唔係本身等緊齊人食飯，我應該唔會排。不過都好，起碼佢會話你知幾時出爐，我都係出爐之前30分鐘去排，真係最好預半個鐘去排。恕我傻喇，我初初真係以為5層芝士係真係5層『芝士』，點知係夾埋麵包，姐係，麵包 芝士 麵包 芝士 麵包， 咁5層， 突然好似覺得無咁犀利，或者呢啲就係叫做marketing。不過呢個包係好食嘅，價錢又合理，$20一個，而且都真係好多芝士。其實佢係焗一個大，在切開4份咁賣，唔知如果我同佢講我買4個，你唔切成個賣比我得唔得。哈！ 雖然話係1／4大個，不過都唔細架，我食半個都覺得好夠。嗰啲白色粉係糖霜，作用應該係防止啲芝士會hai都過膠袋，嘥咗啲芝士，同等你食得乾爽啲，但係咬到個度就有啲甜，要咬返無糖霜個啲平衡下。芝士味好濃郁，食落去真係好軟心，啲芝士會洁出嚟，口感滑溜，都真係幾好味。麵包都好好食，好鬆軟，成件事嘅texture 係好啱，唔會話包太韌，同芝士嘅texture 唔夾，果然係天然酵母。以$20，排30分鐘嚟講，真係得閒都可以排下嚟買。呢間舖頭都真係好誇張，嗰日去到幾乎所